Rom-noba 2
2
A Naaŋmen Sɛrɛɛdiibu Yɛlɛ
1 #
Mat 7:2; Gyn 8:7 Azuiŋ, neɛ na zaa fo naŋ waa, fo ba taa gaafera zaa na tere, ka fõõ wa dire fo taaba sɛrɛɛ. Bonso, ka fõõ wa dire fo tɔsoba sɛrɛɛ a yeli ka o lee la, fo meŋɛ meŋ lee la, bonso, fõõ a sɛredire meŋ erɛ la a yɛlɛ na ne a zu. 2Yɛ maŋ yeli la, “Te baŋ ka Naaŋmen sɛrɛɛdiibu kyaare ne banaŋ naŋ erɛ a yɛlɛ ama tu la a yelmeŋɛ sori.” 3Neɛ na zaa fo naŋ waa, fo teɛre ka ka fõõ wa di banaŋ naŋ erɛ a yɛlɛ ama sɛrɛɛ, kyɛ ka fo meŋɛ meŋ erɛ a, fo na toɔ̃ zo yi la Naaŋmen sɛrɛɛdiibu poɔ be? 4#2 Pit 3:15 Bee a Naaŋmen nimimaaroŋ kpoŋ ane O meŋɛ bantaabo ne O kannyiri la ka yɛ ba de ka a waa bonzaa? Yɛ ba baŋ ka Naaŋmen nimimaaroŋ bebe la ka ka yɛ leɛ yɛ eebo be? 5Kyɛ a yɛ sukyie naŋ dare, ka yɛ zagre ka yɛ leɛ yɛ eebo zuiŋ, yɛ nara binne la yɛmenne supuriyaaraa a kyɛllɛ ne a supuriyaaraa bebiri, a daare na Naaŋmen mennoŋ sɛrɛɛdiibu naŋ na wa. 6#Mat 16:27; 2 Kor 5:10; Gyn 5:29 Bonso, Naaŋmen na yɔɔ la neɛzaa seŋ o meŋɛ yel-erre naŋ waa lɛ: 7banaŋ zaa naŋ taa kannyiri a tonɔ tonsonne a boɔrɔ puubu, gyeremɛ ane eŋɛ naŋ koŋ baŋ kpi, Naaŋmen na ko ba la nyɔvore naŋ ba taa baaroo; 8#2 Tɛs 1:8 kyɛ banaŋ naŋ boɔrɔ bamenne yɛlɛ, a ba sagra a yelmeŋɛ kyɛ erɛ potuyɛlɛ na nyɛ la supuriyaaraa ane sutoloŋ. 9#Rom 1:16; 3:9 Dɔgɛɛ ane posãã-kpoŋ na pɔge la neɛ na zaa naŋ erɛ yelfaare, a Gyuumine na la a dɛndɛŋ noba, kyɛ ka a Girik noba meŋ pãã tu. 10Kyɛ neɛzaa naŋ tonɔ tonsonne na nyɛ la puubu, emmo ane emmaaroŋ, a Gyuumine na la a dɛndɛŋ deme, kyɛ ka a Girik noba meŋ pãã tu. 11#Tom 10:34; 1 Pit 1:17 Bonso, Naaŋmen ba erɛ nɔmboore.
12Banaŋ zaa naŋ da ba taa a bege kyɛ e yelbebe, ba na wɛ la kyɛ ka a ba e a bege zuiŋ, kyɛ banaŋ naŋ da taa a bege kyɛ e yelbebe, ba na di la ba sɛrɛɛ ne a bege. 13#Mat 7:21; 1 Gyn 3:7 Bonso, a ba e a banaŋ naŋ wono a bege la waa nemmenne Naaŋmen zie, kyɛ banaŋ naŋ tuuro bonna a bege naŋ wullo la na e nemmenne. 14#Tom 10:35 Ka a Nemboore-yobo naŋ ba taa a bege wa erɛ yɛlɛ ne ba yɛŋ a seŋ lɛ a bege naŋ wullo, aneazaa ka ba ba taa a bege, a ba yɛŋ teɛrɛ da e la bege a ko bamenne. 15#Rom 1:32 Ba wulee la ka bonna a bege naŋ wullo sɛge eŋ la ba sukyie poɔ ka bamenne teɛroŋ meŋ dire a danseɛ; a ba teɛrɛ naŋ ba are ziyeni na di la ba sɛrɛɛ a ko ba saanaa saŋ kaŋ, ka saŋ kaŋ meŋ ka o yeli ka ba erɛ la velaa. 16A seŋ lɛ N naŋ moɔlɔ a Ŋmen-yelnoore, a bebiri na daare, Naaŋmen na tu la Yeezu Kirista zie kyɛ di nensaalba zaa sukyie poɔ yelsɔglɔ sɛrɛɛ.
A Gyuumine Ane A Bege Yɛlɛ
17Kyɛ ka fõõ pãã boɔlɔ fo meŋɛ Gyuu neɛ, a dɛlle a bege kyɛ erɛ pɔloo fo ne Naaŋmen naŋ e taa noba, 18kyɛ baŋ O poboɔbo, a baŋ bon naŋ e velaa kaa-iruu, fo naŋ nyɛ wuluu yi a bege poɔ zuiŋ, 19#Mat 15:14 ka fõõ sereŋ baŋ velaa ka fo waa la a zɔnne guuro, a e kyaane ko a banaŋ naŋ be lige poɔ, 20a leɛrɛ dambolo ba tuluu poɔ, a waa bibiiri wulwullo, a taa bammo ane yelmeŋɛ zaa a bege poɔ, 21#Yiel 50:16-21; Mat 23:3-4 fõõ naŋ pãã wullo fo taaba, fo koŋ wuli fo meŋɛ be? Fo naŋ moɔlɔ ka ba ta zuuro, fo na zuuro la be? 22Fõõ naŋ yeli ka ba ta tonɔ moɔrɔ toma, fo na tonɔ la moɔrɔ toma be? Fõõ naŋ kyiiri tebɛ, fo maŋ faara la ŋmenderi boma be? 23Fõõ naŋ erɛ pɔloo ne a bege, fo na zagra la ka fo eŋ Naaŋmen ne fo naŋ ba tuuro a bege wuluu be? 24#Aza 52:5; Ezɛk 36:20 Bonso, ba da sɛgɛɛ la, “Ba to la Naaŋmen zone a Nemboore-yobo poɔ yɛ zuiŋ.”
25 #
Gyɛ 4:4; 9:25-26 Dɛgre iruu sereŋ na taa la tɛgɛ, ka fõõ wa tuuro a bege wuluu; kyɛ ka fõõ ba wa tuuro a bege wuluu, fo dɛgre iruu waa seŋ ŋa neɛ dɛgre ba naŋ ba iri. 26Azuiŋ, ka banaŋ ba naŋ ba iri ba dɛgre wa erɛ seŋ lɛ a bege naŋ wullo, a ba dɛgre ba-iruu koŋ leɛ waa seŋ ŋa neɛ dɛgre ba naŋ iri be? 27Lɛ la ka banaŋ ba naŋ ba iri ba dɛgre kyɛ ka ba tuuro a bege na de saanaa dɔgle yɛ banaŋ ba naŋ da sɛge a bege ane a dɛgre iruu tere kyɛ ka yɛ ba tuuro a bege wuluu. 28#Gyn 8:39 Bonso, neɛ endaa naane maŋ wuli ka o waa la Gyuu neɛ, bee ka dɛgre iruu naŋ waa meŋɛ waa endaa dɛgre iruu. 29#Begɛ 30:6; Kol 2:11 Kyɛ neɛ naŋ waa Gyuu neɛ meŋɛ la neɛ naŋ waa kaŋ o sukyiri poɔ, ka dɛgre iruu naŋ e serɛ be o soba sukyiri poɔ. A e la seɛ poɔ yeli, a ba e nimiri yelnyɛraa. A soba ŋa tɔ ba nyɛrɛ puubu yire o taaba zie, kyɛ Naaŋmen zie la ka o puubu maŋ yi.
Nke Ahọpụtara Ugbu A:
Rom-noba 2: DGA
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Dagaare First Bible © The Bible Society of Ghana, 2025.