Tit 1
1
Imbíkélie
1Niŋúɛ Póole eŋelí puóli u Támbák, etúmí u Yésus Kilíis. Támbák minfa púsɔm pú kuol kukemen epe umayɔn insumu yi indámb ɛ́ɛ́ páátapan. 2No pipíondinyí ɔtɛ́m pí kusɔ́t kú teniíík ekú Támbákɛ́ɛ utiányípá upúle maák indan kisíósíó á pisikɛl pí teeníík, 3á kisikɛl u mɔɔ́pɔ́k, Támbákɛ́ɛ etukún waasɔ́ wumfá nukál ɛ́ɛ́ ímbékit. 4Tite muɔ́nɔ́ waamɛ u ɔtɛ́m á kuátap kúásɔ́ kú peem: Támbákɛ́ɛ Si ne Yésus Kilíis Osótí wasɔ́ kufá ɔtɛ́m pesé ne kiyeéwe.
Pusúmɔ pú Tite ɛ́ɛ́ Kɛlɛt
5Indi yaákuyapá ɛ́ Kɛlɛ́t, púnyi ɛ́ɛ́ áyakunɔ kupɔkɔ maándá kitikit ondo ɛtɛ́kɛ posíósíó pá kitamb kí Támbák esikí pálíkɛ́ yáaná imɔ́ɔ́kuɔyɔn. 6Sik osíósío mɛ́sikɛnɛn kupá kati kipalalɛ́ɛ, upian akáandɔ́ omoómí, paán pɛ́ɛ́yɛ́ pá kuɔpɛn, peétépí, pɛtiɛlɛ imbɔnd, pɔ́tisɔ́mónɔ́n pɔ́ kɛ́ ɛtɔ́ kulal nɔ pilɔk pí maandá. 7Púmɛ́síkɛ́nɛn ɛ́ɛ́ osíósio u kitamb pá tɛ kipalalɛ́ɛ aná wendesíe mandá má Támbák: utiɛlɛ́ oŋotot, olópilopi, tɛ ipíwúsí, tɛ etulutúlú, utiambá punɛ́m pú kilɔk. 8Umɛ́síkɛ́nɛ́n kukolosi pɛɛnd póloné kuɛyí, wɔɔyɔ epú púnyɛ́ peseé, ɔtɛ́m epíselésí, indɛ́ndɛ́nɛ, upiekenyi á Támbák, upíɛtikɛnɛn. 9Apílúndínán á nukál nú kuátap, núnyɛ́ puandá púmoómí ní iŋónyítónyí. Akáánɛ ukaányípá na pukaaka pú kuónyonyi iŋɔ́nyítónyí i kémuémue woond utíínyi epí penuenesíé wɔ kipínanɔ́ kíɔp.
Pemenyí pikotí pá pisupɔ́
10Ɛɛ táasi nyɛ kɔ́ɔk pɛ́nyɛɛ́ ituɛ́ kulal, pasupúsɔp, pɔyɔnɛ tɛ kiákí tɛ kiákí, panánanɛ sol sol ɛ́ kikɛtɛ́kɛtɛ́ɛ kí Pɛyúútɛn pɛ́mɛɛ́yí pa kilístɛn. 11Énufuúk pɔ́ eŋít. Pépueŋenyi ekúli, ponyonyi pútiányípá puɛsíkɛ́nɛ́n ɛ́ɛ́ pápúta kilɔk kí punɛ́m. 12Omomi kɔ́ɔ́p ɛ́ kikɛtɛ́kɛtɛ́ɛ, eŋémí moonyi wɔɔpɔ́ ɔ́ɔyít ɛ́ɛ́: «Pe Keletuá, pasupúsɔp pe teeníík, pilɔk pí manyam, páapítááka yá embundí yɔ́ɔ́p.» 13Epú wɔɔ́yɔnɛ́ nyɛ kémuémue. Kúukú kalitin pɔ́ ekelú alúndán, ɛ́ɛ́ pápia kuátap kú indɛ́ndɛ́nɛ. 14Pɔ́tiɔŋɔ́n á mulaŋ mu Pɛyúútɛn no pikotí pí pɛɛnd pétúmené kémuémue kélém. 15Puum nyɛ pusukuná épéepí pɛ́nyɛ́ pasukúna. Maná épéepé pátiányípá pasukúná póond péenen kuátap, tɛ puandá pútipá pusukúná; á kiákí ɛ́ɛ́ kumenyi kúɔ́p ni imbítáákítɛ́n síɔp nyɛ sinyúkúsé. 16Pɔ́kɔyɔ ɛ́ɛ́ pémenyen Támbákɛ́ɛ, maná pápísaŋuna wɔ́ kɔ́ɔ́p é melínyélínyé. Pányi pilɔk, pisiliŋanɔ́, pátipá ni imbekí i kuɛl epú punyɛ́ peseé.
Nke Ahọpụtara Ugbu A:
Tit 1: yav
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2026, CABTAL