Марк 5
5
Пеж ловъясӧс вӧтлӧм
(Мт. 8:28-34; Лк. 8:26-39)
1Найӧ вуджисны ты мӧдлапӧлӧ, Гадара муӧ, 2да чеччисны пыжсьыс. Дзик пыр Исуслы воча петіс шойнаысь пеж лолӧн кутӧм морт. 3Сійӧ оліс шойгу кыртаын, сійӧс сьӧкыд вӧлі кӧртавны весиг чепъясӧн. 4Унаысь дорлісны сылысь ки-коксӧ, но сійӧ орйӧдлывліс чепсӧ да жугӧдліс дорӧмсӧ. Некод сійӧс лӧньӧдны эз вермы. 5Лун и вой сійӧ дугдывтӧг горзіс шойгу кыртаын да керӧсъясын, дойдаліс асьсӧ изйӧн. 6Сійӧ ылісянь аддзис Исусӧс, котӧрӧн локтіс, копыртчис Сы водзӧ 7да лёкгоршӧн горӧдіс: «Мый Тэныд месянь колӧ, Исус, Медвылысса Енлӧн Пи? Енмӧн кора, эн пес менӧ!» 8Тадзи шуаліс, ӧд Исус тшӧктіс пеж ловлы петны морт пытшкысь. 9Исус юаліс сылысь: «Мый тэнад нимыд?» Сійӧ вочавидзис: «Легион менам нимӧй, ми ӧд унаӧнӧсь». 10Сійӧ ёна корис Исусӧс, мед эз вӧтлы найӧс тайӧ муысь.
11Сэні керӧс бокын йирсис ыджыд порсь чукӧр. 12Пеж ловъяс корисны Исусӧс: «Лэдз миянӧс пырны порсьяс пытшкӧ». 13Исус лэдзис. Пеж ловъяс петісны морт пытшкысь да пырисны порсьяс пытшкӧ. А порсьяс кыр йывсянь уськӧдчисны тыӧ да пӧдісны. Порсьыс вӧлі кык сюрс гӧгӧр.
14Порсь видзысьяс пышйисны сэтысь, котӧрӧн мунісны карӧ да орчча сиктъясӧ висьтавны аддзывлӧмтор йывсьыс. Йӧзыс петісны видзӧдлыны, мый лоӧма. 15Найӧ локтісны Исус дінӧ да аддзисны коркӧя пеж лолӧн кутӧм мортӧс, код пытшкысь петіс дзонь легион. Сійӧ вӧлі ас вежӧрас, пукаліс сэні паськӧма. Йӧзыс ёна повзисны. 16Аддзылысьяс висьталісны локтӧмаяслы, мый лоис пеж лолӧн кутӧм морткӧд да порсь чукӧркӧд. 17Йӧзыс пондісны корны Исусӧс мунны налӧн муысь.
18Кор Исус пуксис пыжӧ, пеж лолысь мездмӧм морт вӧзйысис мунны Сыкӧд. 19Исус эз лэдз, а шуис: «Мун гортад да висьтав гортсаыдлы, мый вӧчис тэныд Господь, кутшӧм бур сьӧлӧма Сійӧ вӧлі тэ дінӧ». 20Сійӧ муніс да Даскар му пасьтала пондіс висьтавлыны, мый сылы вӧчис Исус. Став йӧзыс шензисны.
Нывкаӧс ловзьӧдӧм да аньӧс бурдӧдӧм
(Мт. 9:18-26; Лк. 8:40-56)
21Исус бӧр вуджис пыжӧн ты мӧдлапӧлӧ. Сы дінӧ чукӧртчис уна йӧз. Кор Сійӧ вӧлі вадорас, 22локтіс Яир нима морт, синагогаса юралысь. Исусӧс аддзӧм бӧрын Яир уськӧдчис Сы водзӧ 23да ёна корис: «Менам нылӧй куланвыйын. Лок, пуктыв сы вылӧ китӧ, мед бурдас да ловйӧн коляс». 24Исус муніс юралыськӧд. Уна йӧз вӧтчис Исус бӧрся да дзескӧдіс Сійӧс.
25Йӧз чукӧрын вӧлі ань, коді дас кык во чӧж висьӧма вир мунӧмӧн 26да уна сьӧкыд нуӧма бурдӧдысьяссянь. Сійӧ видзӧма ставсӧ, мый сылӧн вӧлӧма, но отсӧг пыдди сылы нӧшта на лёкджык лоӧма. 27Ань водзынджык нин кывлӧма Исус йылысь. Йӧз пӧвсттіыс сійӧ матыстчис Исус дінӧ мышсяньыс да инмӧдчыліс Сылы паськӧмас. 28Ань мӧвпаліс: «Сӧмын инмӧдчыла кӧ паськӧмас, бурда». 29Вир мунӧмыс пырысьтӧм-пыр дугдіс, сійӧ ас пытшкас кыліс бурдӧмсӧ.
30Исус дзик пыр казяліс, мый Сы пытшкысь петіс вын. Сійӧ бергӧдчис йӧз чукӧрлань да юаліс: «Коді инмӧдчыліс Менам паськӧмӧ?» 31Велӧдчысьясыс шуисны: «Тэ аддзан, кыдзи йӧзыс дзескӧдӧны Тэнӧ, и юасян, коді инмӧдчыліс Тэ дінӧ». 32Исус видзӧдліс гӧгӧрбок, медым аддзыны инмӧдчылысьӧс. 33Ань гӧгӧрвоис, мый сыкӧд лои. Повзьӧмысла дзӧригтыр сійӧ матыстчис да уськӧдчис Исус водзӧ, ставсӧ висьталіс веськыда. 34Исус шуис аньлы: «Нылӧй, эскӧмыд мездіс тэнӧ. Мун повтӧг да ло дзоньвидза, тэ мынін висьӧмсьыд».
35Исуслӧн сёрнитігӧн синагогаса юралысьлӧн гортсяньыс локтісны йӧз да шуисны: «Нылыд куліс, эн мудзтӧд Велӧдысьсӧ». 36Исус кыліс тайӧс да шуис синагогаса юралысьлы: «Эн пов, сӧмын эскы». 37Сэсся Исус босьтіс Аскӧдыс Петырӧс, Яковӧс да сылысь Иоан воксӧ, мукӧдсӧ эз лэдз локнысӧ. 38Юралысь керкаӧ воӧм мысти Исус аддзис, мый шызьӧм йӧзыс лыддьӧдлӧмӧн бӧрдӧны. 39Исус пырис керкаӧ да шуис налы: «Мыйла шызьӧмныд? Мыйла бӧрданныд? Нывкаыс эз кув, сійӧ узьӧ». 40Исус вылын пондісны серавны. Сійӧ вӧтліс керкаысь ставнысӧ, босьтіс Аскӧдыс сӧмын нывкалысь бать-мамсӧ да Сыкӧд локтысьясӧс да пырис нывка дінӧ. 41Сійӧ босьтіс нывкаӧс киӧдыс да шуис: «Талита куми». Тайӧ лоӧ: «Нылӧй, тэныд шуа: чеччы». 42Нывка дзик пыр чеччис да пондіс ветлӧдлыны; сылы вӧлі дас кык арӧс. Аддзылысьяс ёна чуймисны. 43Исус чорыда ӧлӧдіс найӧс та йылысь мукӧдлы висьтавлӧмысь, а нывкаӧс Сійӧ тшӧктіс вердны.
Nke Ahọpụtara Ugbu A:
Марк 5: КБ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) Institute for Bible Translation, Finland, amp Finnish Bible Society, 2023
Марк 5
5
Пеж ловъясӧс вӧтлӧм
(Мт. 8:28-34; Лк. 8:26-39)
1Найӧ вуджисны ты мӧдлапӧлӧ, Гадара муӧ, 2да чеччисны пыжсьыс. Дзик пыр Исуслы воча петіс шойнаысь пеж лолӧн кутӧм морт. 3Сійӧ оліс шойгу кыртаын, сійӧс сьӧкыд вӧлі кӧртавны весиг чепъясӧн. 4Унаысь дорлісны сылысь ки-коксӧ, но сійӧ орйӧдлывліс чепсӧ да жугӧдліс дорӧмсӧ. Некод сійӧс лӧньӧдны эз вермы. 5Лун и вой сійӧ дугдывтӧг горзіс шойгу кыртаын да керӧсъясын, дойдаліс асьсӧ изйӧн. 6Сійӧ ылісянь аддзис Исусӧс, котӧрӧн локтіс, копыртчис Сы водзӧ 7да лёкгоршӧн горӧдіс: «Мый Тэныд месянь колӧ, Исус, Медвылысса Енлӧн Пи? Енмӧн кора, эн пес менӧ!» 8Тадзи шуаліс, ӧд Исус тшӧктіс пеж ловлы петны морт пытшкысь. 9Исус юаліс сылысь: «Мый тэнад нимыд?» Сійӧ вочавидзис: «Легион менам нимӧй, ми ӧд унаӧнӧсь». 10Сійӧ ёна корис Исусӧс, мед эз вӧтлы найӧс тайӧ муысь.
11Сэні керӧс бокын йирсис ыджыд порсь чукӧр. 12Пеж ловъяс корисны Исусӧс: «Лэдз миянӧс пырны порсьяс пытшкӧ». 13Исус лэдзис. Пеж ловъяс петісны морт пытшкысь да пырисны порсьяс пытшкӧ. А порсьяс кыр йывсянь уськӧдчисны тыӧ да пӧдісны. Порсьыс вӧлі кык сюрс гӧгӧр.
14Порсь видзысьяс пышйисны сэтысь, котӧрӧн мунісны карӧ да орчча сиктъясӧ висьтавны аддзывлӧмтор йывсьыс. Йӧзыс петісны видзӧдлыны, мый лоӧма. 15Найӧ локтісны Исус дінӧ да аддзисны коркӧя пеж лолӧн кутӧм мортӧс, код пытшкысь петіс дзонь легион. Сійӧ вӧлі ас вежӧрас, пукаліс сэні паськӧма. Йӧзыс ёна повзисны. 16Аддзылысьяс висьталісны локтӧмаяслы, мый лоис пеж лолӧн кутӧм морткӧд да порсь чукӧркӧд. 17Йӧзыс пондісны корны Исусӧс мунны налӧн муысь.
18Кор Исус пуксис пыжӧ, пеж лолысь мездмӧм морт вӧзйысис мунны Сыкӧд. 19Исус эз лэдз, а шуис: «Мун гортад да висьтав гортсаыдлы, мый вӧчис тэныд Господь, кутшӧм бур сьӧлӧма Сійӧ вӧлі тэ дінӧ». 20Сійӧ муніс да Даскар му пасьтала пондіс висьтавлыны, мый сылы вӧчис Исус. Став йӧзыс шензисны.
Нывкаӧс ловзьӧдӧм да аньӧс бурдӧдӧм
(Мт. 9:18-26; Лк. 8:40-56)
21Исус бӧр вуджис пыжӧн ты мӧдлапӧлӧ. Сы дінӧ чукӧртчис уна йӧз. Кор Сійӧ вӧлі вадорас, 22локтіс Яир нима морт, синагогаса юралысь. Исусӧс аддзӧм бӧрын Яир уськӧдчис Сы водзӧ 23да ёна корис: «Менам нылӧй куланвыйын. Лок, пуктыв сы вылӧ китӧ, мед бурдас да ловйӧн коляс». 24Исус муніс юралыськӧд. Уна йӧз вӧтчис Исус бӧрся да дзескӧдіс Сійӧс.
25Йӧз чукӧрын вӧлі ань, коді дас кык во чӧж висьӧма вир мунӧмӧн 26да уна сьӧкыд нуӧма бурдӧдысьяссянь. Сійӧ видзӧма ставсӧ, мый сылӧн вӧлӧма, но отсӧг пыдди сылы нӧшта на лёкджык лоӧма. 27Ань водзынджык нин кывлӧма Исус йылысь. Йӧз пӧвсттіыс сійӧ матыстчис Исус дінӧ мышсяньыс да инмӧдчыліс Сылы паськӧмас. 28Ань мӧвпаліс: «Сӧмын инмӧдчыла кӧ паськӧмас, бурда». 29Вир мунӧмыс пырысьтӧм-пыр дугдіс, сійӧ ас пытшкас кыліс бурдӧмсӧ.
30Исус дзик пыр казяліс, мый Сы пытшкысь петіс вын. Сійӧ бергӧдчис йӧз чукӧрлань да юаліс: «Коді инмӧдчыліс Менам паськӧмӧ?» 31Велӧдчысьясыс шуисны: «Тэ аддзан, кыдзи йӧзыс дзескӧдӧны Тэнӧ, и юасян, коді инмӧдчыліс Тэ дінӧ». 32Исус видзӧдліс гӧгӧрбок, медым аддзыны инмӧдчылысьӧс. 33Ань гӧгӧрвоис, мый сыкӧд лои. Повзьӧмысла дзӧригтыр сійӧ матыстчис да уськӧдчис Исус водзӧ, ставсӧ висьталіс веськыда. 34Исус шуис аньлы: «Нылӧй, эскӧмыд мездіс тэнӧ. Мун повтӧг да ло дзоньвидза, тэ мынін висьӧмсьыд».
35Исуслӧн сёрнитігӧн синагогаса юралысьлӧн гортсяньыс локтісны йӧз да шуисны: «Нылыд куліс, эн мудзтӧд Велӧдысьсӧ». 36Исус кыліс тайӧс да шуис синагогаса юралысьлы: «Эн пов, сӧмын эскы». 37Сэсся Исус босьтіс Аскӧдыс Петырӧс, Яковӧс да сылысь Иоан воксӧ, мукӧдсӧ эз лэдз локнысӧ. 38Юралысь керкаӧ воӧм мысти Исус аддзис, мый шызьӧм йӧзыс лыддьӧдлӧмӧн бӧрдӧны. 39Исус пырис керкаӧ да шуис налы: «Мыйла шызьӧмныд? Мыйла бӧрданныд? Нывкаыс эз кув, сійӧ узьӧ». 40Исус вылын пондісны серавны. Сійӧ вӧтліс керкаысь ставнысӧ, босьтіс Аскӧдыс сӧмын нывкалысь бать-мамсӧ да Сыкӧд локтысьясӧс да пырис нывка дінӧ. 41Сійӧ босьтіс нывкаӧс киӧдыс да шуис: «Талита куми». Тайӧ лоӧ: «Нылӧй, тэныд шуа: чеччы». 42Нывка дзик пыр чеччис да пондіс ветлӧдлыны; сылы вӧлі дас кык арӧс. Аддзылысьяс ёна чуймисны. 43Исус чорыда ӧлӧдіс найӧс та йылысь мукӧдлы висьтавлӧмысь, а нывкаӧс Сійӧ тшӧктіс вердны.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) Institute for Bible Translation, Finland, amp Finnish Bible Society, 2023