Марк 1
1
Пыртысь Иоан
(Мт. 3:1-12; Лк. 3:1-18; Ин. 1:19-28)
1Исус Кристос, Ен Пи йылысь Евангелльӧ пансьӧ, 2кыдзи висьталӧма пророк гижӧдъясын:
– Ыста Ассьым юӧртысьӧс Тэ водзвылын,
сійӧ Тэныд туй дасьтас.
3Овтӧминын кылӧ горзысьлӧн шы:
«Лӧсьӧдӧй туй Господьлы,
веськӧдӧй-шыльӧдӧй ордымъяс Сылы!»
4Локтіс Иоан. Сійӧ пыртіс йӧзӧс овтӧминын да юӧрталіс: «Бергӧдчӧй мыжъяссьыныд да пыртчӧй, медым Ен прӧститас мыжъяснытӧ». 5Иоан дінӧ локтіс уна йӧз Иудея му пасьталаысь да Ерусалим карысь. Йӧзыс висьтасисны асланыс мыжъясысь, и Иоан пыртіс найӧс Йӧрдан юын.
6Иоан новліс верблюд гӧнысь кыӧм паськӧм, коскас вӧнявліс кучик тасма, сёйліс чирк да видзвыв ма. 7Сійӧ юӧртіс: «Ме бӧрын локтӧ меысь вынаджык, ме ог шогмы копыртчыны да разьны Сылысь кӧмкот кӧвсӧ. 8Ме пырті тіянӧс ваӧн, а Сійӧ пыртас тіянӧс Вежа Лолӧн».
Исусӧс пыртӧм да овтӧминын ыштӧдӧм
(Мт. 3:13–4:11; Лк. 3:21-22; 4:1-13)
9Сійӧ лунъясӧ локтіс Назаретысь, галилеяса карысь, Исус. Иоан пыртіс Сійӧс Йӧрдан юын. 10Ваысь петігас Исус аддзис, кыдзи енэжыс воссис да Сы вылӧ гулю моз лэччис Лов. 11Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».
12Дзик пыр Лов нуӧдіс Исусӧс овтӧминӧ. 13Сэні нелямын лун чӧж сӧтана ыштӧдіс Сійӧс. Исус оліс зверъяс пӧвстын, Сылы кесъялісны анделъяс.
Медводдза велӧдчысьяс
(Мт. 4:12-22; Лк. 4:14-15; 5:1-11)
14Иоанлӧн дзескыдінӧ веськалӧм бӧрын Ен Юралӧм йылысь Евангелльӧ висьталігтыр Исус муніс Галилеяӧ. 15Сійӧ юӧртіс: «Воис кад. Енлӧн Юралӧмыс матын. Бергӧдчӧй мыжъяссьыныд да эскӧй Евангелльӧӧ».
16Галилея ты пӧлӧн мунігӧн Исус аддзис Симонӧс да сылысь Ӧндрей воксӧ. Найӧ вӧліны чери кыйысьяс. Кык вок буретш вӧйтасисны ты вылын. 17Исус шуис налы: «Локтӧй Ме бӧрся. Ме вӧча тіянӧс морт кыйысьясӧн». 18Кык вок дзик пыр эновтісны тывъяснысӧ да мунісны Исус бӧрся.
19Исус муныштіс водзӧ да аддзис Зеведей Яковӧс Иоан вокыскӧд. Найӧ пыжын дзоньталісны тывъяс. 20Исус чукӧстіс вокъясӧс. Найӧ колисны пыжас Зеведей батьнысӧ меда йӧзкӧд да мунісны Исус бӧрся.
Пеж лолӧс вӧтлӧм
(Лк. 4:31-37)
21Найӧ воисны Капернаум карӧ. Медводдза шойччан лунӧ Исус пырис синагогаӧ да пондіс велӧдны. 22Йӧзыс шензисны Сылӧн велӧдӧмысь, ӧд Сійӧ велӧдіс ыджыдалысьӧ пуктӧм морт моз, эз Индӧдӧ велӧдысьяс моз.
23Синагогаын вӧлі пеж лолӧн кутӧм морт. Сійӧ горӧдіс: 24«Мый Тэныд колӧ миянсянь, Назаретса Исус? Тэ локтін бырӧдны миянӧс? Тӧда, коді Тэ. Тэ – Енлӧн Вежаыс!» 25Исус ӧлӧдіс пеж лолӧс: «Ланьт! Пет сы пытшкысь». 26Пеж лов песовтіс мортсӧ, лёкысь горӧдіс да петіс сы пытшкысь. 27Став йӧзыс весьӧпӧрисны, ӧта-мӧдныслысь юасисны: «Мый тайӧ? Мыйсяма выль велӧдӧм? Сылысь кывзысьӧны весиг пеж ловъяс». 28Исус йылысь сёрниыс ӧдйӧ паськаліс став Галилея му пасьтала.
Висьысьясӧс бурдӧдӧм
(Мт. 8:14-17; Лк. 4:38-44)
29Синагогаысь петӧм бӧрын Исус локтіс Яковкӧд да Иоанкӧд Симон да Ӧндрей ордӧ. 30Симон гӧтырлӧн мамыс куйліс биа висьӧмӧн. Та йылысь дзик пыр висьталісны Исуслы. 31Исус матыстчис ань дінӧ да киӧдыс босьтӧмӧн чеччӧдіс сійӧс. Биа висьӧмыс дзик пыр эновтіс аньӧс, и сійӧ пондіс кесъявны налы.
32Рытнас, шонді лэччӧм бӧрын, Исус дінӧ вайӧдісны став висьысьсӧ да пеж лолӧн кутӧмасӧ. 33Став карыс чукӧртчис керка ӧдзӧс дорӧ. 34Исус унаӧс бурдӧдіс быдпӧлӧс висьӧмысь да вӧтліс уна пеж лолӧс. Сійӧ эз лэдз пеж ловъяслы сёрнитны, ӧд найӧ тӧдісны, мый Сійӧ – Кристос#1:34 Видзӧд Мт. 1:16..
35Аскинас, югдытӧдзыс на, Исус чеччис да муніс кевмысьны овтӧминӧ. 36Симон да сыкӧд вӧлысьяс мунісны Исус бӧрся. 37Исусӧс аддзӧм бӧрын найӧ шуисны, ставныс пӧ корсьӧны Тэнӧ. 38Исус шуис налы: «Мунамӧй маті сиктъясӧ. Меным тшӧтш сэні колӧ висьтавлыны Бур Юӧрсӧ, ӧд та могысь Ме локті». 39Сійӧ ветлӧдліс Галилея му пасьтала, висьтавліс Бур Юӧр синагогаясын да вӧтлаліс пеж ловъясӧс.
Проказаӧн висьысьӧс бурдӧдӧм
(Мт. 8:1-4; Лк. 5:12-16)
40Исус дінӧ локтіс проказаӧн висьысь да Сы водзӧ пидзӧс вылас сувтӧмӧн шуис: «Кӧсъян кӧ, верман менӧ сӧстӧммӧдны». 41Исуслӧн сьӧлӧмыс нормис. Сійӧ нюжӧдіс кисӧ, инмӧдчыліс висьысь дінӧ да шуис: «Кӧсъя. Сӧстӧммы». 42Висьысьлӧн дойясыс дзик пыр бырисны, сійӧ бурдіс. 43Исус пырысьтӧм-пыр ыстіс сійӧс да чорыда ӧлӧдіс: 44«Та йылысь некодлы эн висьтав. Мун, петкӧдлы асьтӧ поплы, сэсся Мӧисей тшӧктӧм серти аслад сӧстӧммӧмысь вай вись. Тадзи тӧдмаласны тэнад бурдӧм йылысь». 45Мунӧм бӧрас бурдӧм морт пондіс висьтавлыны лоӧмтор йывсьыс. Та вӧсна Исус эз нин вермы восьсӧн пырны карӧ. Сійӧ оліс кар саяс, овтӧминын, и Сы дінӧ быдласянь волісны йӧз.
Nke Ahọpụtara Ugbu A:
Марк 1: КБ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) Institute for Bible Translation, Finland, amp Finnish Bible Society, 2023
Марк 1
1
Пыртысь Иоан
(Мт. 3:1-12; Лк. 3:1-18; Ин. 1:19-28)
1Исус Кристос, Ен Пи йылысь Евангелльӧ пансьӧ, 2кыдзи висьталӧма пророк гижӧдъясын:
– Ыста Ассьым юӧртысьӧс Тэ водзвылын,
сійӧ Тэныд туй дасьтас.
3Овтӧминын кылӧ горзысьлӧн шы:
«Лӧсьӧдӧй туй Господьлы,
веськӧдӧй-шыльӧдӧй ордымъяс Сылы!»
4Локтіс Иоан. Сійӧ пыртіс йӧзӧс овтӧминын да юӧрталіс: «Бергӧдчӧй мыжъяссьыныд да пыртчӧй, медым Ен прӧститас мыжъяснытӧ». 5Иоан дінӧ локтіс уна йӧз Иудея му пасьталаысь да Ерусалим карысь. Йӧзыс висьтасисны асланыс мыжъясысь, и Иоан пыртіс найӧс Йӧрдан юын.
6Иоан новліс верблюд гӧнысь кыӧм паськӧм, коскас вӧнявліс кучик тасма, сёйліс чирк да видзвыв ма. 7Сійӧ юӧртіс: «Ме бӧрын локтӧ меысь вынаджык, ме ог шогмы копыртчыны да разьны Сылысь кӧмкот кӧвсӧ. 8Ме пырті тіянӧс ваӧн, а Сійӧ пыртас тіянӧс Вежа Лолӧн».
Исусӧс пыртӧм да овтӧминын ыштӧдӧм
(Мт. 3:13–4:11; Лк. 3:21-22; 4:1-13)
9Сійӧ лунъясӧ локтіс Назаретысь, галилеяса карысь, Исус. Иоан пыртіс Сійӧс Йӧрдан юын. 10Ваысь петігас Исус аддзис, кыдзи енэжыс воссис да Сы вылӧ гулю моз лэччис Лов. 11Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».
12Дзик пыр Лов нуӧдіс Исусӧс овтӧминӧ. 13Сэні нелямын лун чӧж сӧтана ыштӧдіс Сійӧс. Исус оліс зверъяс пӧвстын, Сылы кесъялісны анделъяс.
Медводдза велӧдчысьяс
(Мт. 4:12-22; Лк. 4:14-15; 5:1-11)
14Иоанлӧн дзескыдінӧ веськалӧм бӧрын Ен Юралӧм йылысь Евангелльӧ висьталігтыр Исус муніс Галилеяӧ. 15Сійӧ юӧртіс: «Воис кад. Енлӧн Юралӧмыс матын. Бергӧдчӧй мыжъяссьыныд да эскӧй Евангелльӧӧ».
16Галилея ты пӧлӧн мунігӧн Исус аддзис Симонӧс да сылысь Ӧндрей воксӧ. Найӧ вӧліны чери кыйысьяс. Кык вок буретш вӧйтасисны ты вылын. 17Исус шуис налы: «Локтӧй Ме бӧрся. Ме вӧча тіянӧс морт кыйысьясӧн». 18Кык вок дзик пыр эновтісны тывъяснысӧ да мунісны Исус бӧрся.
19Исус муныштіс водзӧ да аддзис Зеведей Яковӧс Иоан вокыскӧд. Найӧ пыжын дзоньталісны тывъяс. 20Исус чукӧстіс вокъясӧс. Найӧ колисны пыжас Зеведей батьнысӧ меда йӧзкӧд да мунісны Исус бӧрся.
Пеж лолӧс вӧтлӧм
(Лк. 4:31-37)
21Найӧ воисны Капернаум карӧ. Медводдза шойччан лунӧ Исус пырис синагогаӧ да пондіс велӧдны. 22Йӧзыс шензисны Сылӧн велӧдӧмысь, ӧд Сійӧ велӧдіс ыджыдалысьӧ пуктӧм морт моз, эз Индӧдӧ велӧдысьяс моз.
23Синагогаын вӧлі пеж лолӧн кутӧм морт. Сійӧ горӧдіс: 24«Мый Тэныд колӧ миянсянь, Назаретса Исус? Тэ локтін бырӧдны миянӧс? Тӧда, коді Тэ. Тэ – Енлӧн Вежаыс!» 25Исус ӧлӧдіс пеж лолӧс: «Ланьт! Пет сы пытшкысь». 26Пеж лов песовтіс мортсӧ, лёкысь горӧдіс да петіс сы пытшкысь. 27Став йӧзыс весьӧпӧрисны, ӧта-мӧдныслысь юасисны: «Мый тайӧ? Мыйсяма выль велӧдӧм? Сылысь кывзысьӧны весиг пеж ловъяс». 28Исус йылысь сёрниыс ӧдйӧ паськаліс став Галилея му пасьтала.
Висьысьясӧс бурдӧдӧм
(Мт. 8:14-17; Лк. 4:38-44)
29Синагогаысь петӧм бӧрын Исус локтіс Яковкӧд да Иоанкӧд Симон да Ӧндрей ордӧ. 30Симон гӧтырлӧн мамыс куйліс биа висьӧмӧн. Та йылысь дзик пыр висьталісны Исуслы. 31Исус матыстчис ань дінӧ да киӧдыс босьтӧмӧн чеччӧдіс сійӧс. Биа висьӧмыс дзик пыр эновтіс аньӧс, и сійӧ пондіс кесъявны налы.
32Рытнас, шонді лэччӧм бӧрын, Исус дінӧ вайӧдісны став висьысьсӧ да пеж лолӧн кутӧмасӧ. 33Став карыс чукӧртчис керка ӧдзӧс дорӧ. 34Исус унаӧс бурдӧдіс быдпӧлӧс висьӧмысь да вӧтліс уна пеж лолӧс. Сійӧ эз лэдз пеж ловъяслы сёрнитны, ӧд найӧ тӧдісны, мый Сійӧ – Кристос#1:34 Видзӧд Мт. 1:16..
35Аскинас, югдытӧдзыс на, Исус чеччис да муніс кевмысьны овтӧминӧ. 36Симон да сыкӧд вӧлысьяс мунісны Исус бӧрся. 37Исусӧс аддзӧм бӧрын найӧ шуисны, ставныс пӧ корсьӧны Тэнӧ. 38Исус шуис налы: «Мунамӧй маті сиктъясӧ. Меным тшӧтш сэні колӧ висьтавлыны Бур Юӧрсӧ, ӧд та могысь Ме локті». 39Сійӧ ветлӧдліс Галилея му пасьтала, висьтавліс Бур Юӧр синагогаясын да вӧтлаліс пеж ловъясӧс.
Проказаӧн висьысьӧс бурдӧдӧм
(Мт. 8:1-4; Лк. 5:12-16)
40Исус дінӧ локтіс проказаӧн висьысь да Сы водзӧ пидзӧс вылас сувтӧмӧн шуис: «Кӧсъян кӧ, верман менӧ сӧстӧммӧдны». 41Исуслӧн сьӧлӧмыс нормис. Сійӧ нюжӧдіс кисӧ, инмӧдчыліс висьысь дінӧ да шуис: «Кӧсъя. Сӧстӧммы». 42Висьысьлӧн дойясыс дзик пыр бырисны, сійӧ бурдіс. 43Исус пырысьтӧм-пыр ыстіс сійӧс да чорыда ӧлӧдіс: 44«Та йылысь некодлы эн висьтав. Мун, петкӧдлы асьтӧ поплы, сэсся Мӧисей тшӧктӧм серти аслад сӧстӧммӧмысь вай вись. Тадзи тӧдмаласны тэнад бурдӧм йылысь». 45Мунӧм бӧрас бурдӧм морт пондіс висьтавлыны лоӧмтор йывсьыс. Та вӧсна Исус эз нин вермы восьсӧн пырны карӧ. Сійӧ оліс кар саяс, овтӧминын, и Сы дінӧ быдласянь волісны йӧз.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) Institute for Bible Translation, Finland, amp Finnish Bible Society, 2023