Матвей 5
5
Керӧсвыв велӧдӧм 5-7
Кодъяс шудаӧсь?
(Лк. 6:20-23)
1Уна йӧзӧс аддзӧм бӧрын Исус кайис керӧсӧ да пуксис. Сы дінӧ матыстчисны велӧдчысьясыс.
2Исус пондіс велӧдны:
3«Шудаӧсь ловныслы корысьяс,
ӧд налӧн эм Енэжвыв Юралӧм.
4Шудаӧсь шогсьысьяс,
ӧд найӧс шогсьыс пальӧдасны.
5Шудаӧсь рамъяс,
ӧд налы вуджас кӧсйысьӧм муыс.
6Шудаӧсь веськыдлуннас пӧткӧдчыны кӧсйысьяс,
ӧд найӧс пӧткӧдасны.
7Шудаӧсь бур сьӧлӧмаяс,
ӧд налы бур сьӧлӧмсянь вӧчасны.
8Шудаӧсь сӧстӧм сьӧлӧмаяс,
ӧд найӧ Енмӧс аддзасны.
9Шудаӧсь йӧзӧс бурӧдысьяс,
ӧд найӧс Енлӧн ныв-пиӧн шуасны.
10Шудаӧсь веськыдлун вӧсна вӧтлӧмаяс,
ӧд налӧн эм Енэжвыв Юралӧм.
11Ті шудаӧсь, Ме вӧсна кӧ тіянӧс лёкӧдӧны, вӧтлӧны да быд ногыс омӧльтӧны-суклялӧны. 12Долыда нимкодясьӧй, ӧд ыджыд тырдон виччысьӧ тіянӧс енэжас. Тадзи войдӧр тшӧтш вӧтлісны пророкъясӧс».
Ті – солыс да югыдыс
(Мк. 9:50; Лк. 11:33; 14:34-35)
13«Ті – муюгыдыслы солыс. Но воштас кӧ солыс ассьыс вынсӧ, кыдзи сійӧс бӧр соланас вӧчан? Сэки сійӧ нинӧм вылӧ оз шогмы, сійӧс сӧмын койыштӧны ветлысьяс кок улӧ.
14Ті – йӧзыслы югыдыс. Керӧсын сулалысь кар оз вермы саявны. 15Ӧзтӧм битӧ оз пуктыны доз улӧ, сійӧс пуктӧны бикок вылӧ. Сэки керкаын югыдыс быдлаті югзьӧдӧ. 16Тадзи мед югдӧдас тіян югыдныд, медым йӧзыс аддзасны тіянлысь бур вӧчӧмнытӧ да ошкасны енэжвыв Батьнытӧ».
Индӧд йылысь
(Лк. 16:17)
17«Ті чайтанныд, Ме локті бырӧдны пророк гижӧдъяс да Индӧдсӧ? Энӧ мӧвпалӧй тадзи. Ме эг бырӧдны лок, а локті олӧмӧ пӧртны. 18Веськыда висьтала тіянлы: енэжыс да муыс быртӧдз, ставыс збыльмытӧдз весиг ӧти шыпас, ӧти чуттор оз вош Индӧдысь. 19Коді торкас Ен тшӧктӧмъясысь весиг ӧти ичӧттор да велӧдас тадзи вӧчны мукӧдӧс, Енэжвыв Юраланінын сійӧс медічӧтӧ пуктасны. Коді олас тшӧктӧмъясыс серти да велӧдас тадзи овны мукӧдӧс, Енэжвыв Юраланінын сійӧс ыджыд мортӧ пуктасны. 20Висьтала тіянлы: тіян веськыдлунныд кӧ оз ло Индӧдӧ велӧдысьяслӧн да фарисейяслӧн веськыдлун дорысь бурджык, Енэжвыв Юраланінӧ онӧ пырӧй».
Лӧгалӧм да бурасьӧм
(Лк. 12:57-59)
21«Ті кывлінныд, важ йӧзлы вӧлі шуӧма: ”Эн ви”, и нӧшта шуӧма: ”Виысьӧс мыждасны”. 22Ме шуа тіянлы: коді лӧгалӧ вокыс вылӧ нинӧм абусьыс, сійӧс мыждасны. Коді вокыслы шуас: ”Тэ бӧб”, сійӧс вылыс ёрд мыждас. Коді воксӧ шуас йӧйӧн, сійӧ ад биӧ веськалас.
23Сетантортӧ вайигад кӧ висьпуктанін дорын тӧд вылад усьӧ, мый вокыд лӧгалӧ тэ вылӧ, 24сэки коль висьпуктанін дорӧ сетантортӧ. Мун, водзджык бурась вокыдкӧд, сэсся лок да вай сетантортӧ.
25Тэнӧ мыжалыськӧд бурась ӧдйӧджык, ёрдӧ вотӧдзыд на. Он кӧ вӧч тадзи, сійӧ сетас тэнӧ ёрдысьлы, ёрдысь сетас тэнӧ шыпурталы, сэсся тэнӧ йӧртасны дзескыдінӧ. 26Веськыда висьтала тэныд: бӧръя сьӧмтӧ сеттӧдз он пет сэтысь».
Гозъякост олӧм пежалӧм
(Мт. 18:8-9; 19:9; Мк. 10:11-12; Лк. 16:18)
27«Ті кывлінныд, важ йӧзлы вӧлі шуӧма: ”Гозъякост олӧм эн пежав!” 28Ме шуа тіянлы: ань вылӧ ыштӧмӧн видзӧдысь сьӧлӧмас гозъякост олӧм пежаліс нин.
29Веськыд синмыд кӧ ыштӧдӧ тэнӧ, перйы сійӧс да шыбит. Бурджык син пӧвтӧ воштыны вир-яйтӧ дзоньнас адӧ шыбитӧм дорысь. 30Веськыд киыд кӧ ыштӧдӧ тэнӧ, керышт сійӧс да шыбит. Бурджык ки пӧвтӧ воштыны вир-яйтӧ дзоньнас адӧ шыбитӧм дорысь.
31Нӧшта шуӧма: ”Гӧтырсӧ эновтысь мед сетас сылы торйӧдчан гижӧд”. 32Ме шуа тіянлы: верӧсыс кӧ эновтӧ гӧтырсӧ, а гӧтырыс оз кырсав, сійӧ сетӧ помка гӧтырыслы пежавны гозъякост олӧм. Юксьӧм аньӧс гӧтырӧ босьтысь тшӧтш пежалӧ».
Кыв сетӧм
33«Ті кывлінныд, важ йӧзлы вӧлі шуӧма: ”Кыв сетӧмтӧ эн торк! Господь водзын кӧ кыв сетін, кут сійӧс!” 34Шуа тіянлы: кыв сеттӧг ов! Эн сет кывтӧ енэж водзын – сійӧ Енлӧн пукаланіныс. 35Эн сет кывтӧ му водзын – сійӧ Енлӧн кок улыс. Эн сет кывтӧ Ерусалим кар водзын – сійӧ ыджыд Ӧксылӧн кар. 36Аслад юрӧн эн кӧсйысь, ӧд тэ весиг ӧти юрси сі он вермы пӧртны еджыдӧ либӧ сьӧдӧ. 37Тіян ”да”-ныд мед лоӧ сӧмын ”да”, тіян ”ог”-ныд мед лоӧ сӧмын ”ог”, а содтӧд кывъясыс – омӧльсяньыс».
Водзӧс мынтӧм
(Лк. 6:29-30)
38«Ті кывлінныд, вӧлі шуӧма: ”Синмысь син, пиньысь пинь”. 39Ме шуа тіянлы: тэныд лёксӧ вӧчысьлы паныд эн сувт. Веськыд банад кӧ кучкасны, лӧсьӧд шуйгасӧ. 40Зільӧ кӧ кодкӧ ёрд пыр дӧрӧмтӧ босьтны, сет сылы тшӧтш вылыс паськӧмтӧ. 41Тшӧктӧ кӧ кодкӧ мунны сыкӧд ӧти верст, мун сыкӧд кыкӧс. 42Тэнсьыд корысьлы сет, водзӧсӧн босьтысьӧс эн вӧтлы».
Муслун йылысь
(Лк. 6:27-36)
43«Ті кывлінныд, вӧлі шуӧма: ”Радейт матыссатӧ да мустӧмт тэнӧ мустӧмтысьӧс”. 44Ме шуа тіянлы: радейтӧй тіянӧс мустӧмтысьясӧс, бурсиӧй тіянӧс ёрысьясӧс, бурсӧ вӧчӧй тіянӧс дзескӧдысьяслы, кевмысьӧй тіянӧс ӧтдортысьяс да вӧтлысьяс вӧсна. 45Сэки лоанныд енэжвыв Батьныдлы ныв-пиӧн. Сійӧ тшӧктӧ шондіыслы ӧтмоза шонтыны лёк да бур йӧзӧс, сетӧ зэрсӧ веськыда да лёкнога олысьяслы. 46Радейтанныд кӧ тіянӧс радейтысьясӧс, мыйысь удждонсӧ виччысянныд? Оз ӧмӧй тадзи вӧчны тшӧтш вот перйысьяс? 47Ті кӧ чолӧмаланныд-сибӧданныд сӧмын вокъяснытӧ, ті ӧмӧй бурджыка вӧчанныд? Оз ӧмӧй тадзи вӧчны тшӧтш ентӧдтӧмъяс? 48Лоӧй енэжвыв Батьныд моз тырвыйӧ бурӧсь».
Nke Ahọpụtara Ugbu A:
Матвей 5: КБ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) Institute for Bible Translation, Finland, amp Finnish Bible Society, 2023
Матвей 5
5
Керӧсвыв велӧдӧм 5-7
Кодъяс шудаӧсь?
(Лк. 6:20-23)
1Уна йӧзӧс аддзӧм бӧрын Исус кайис керӧсӧ да пуксис. Сы дінӧ матыстчисны велӧдчысьясыс.
2Исус пондіс велӧдны:
3«Шудаӧсь ловныслы корысьяс,
ӧд налӧн эм Енэжвыв Юралӧм.
4Шудаӧсь шогсьысьяс,
ӧд найӧс шогсьыс пальӧдасны.
5Шудаӧсь рамъяс,
ӧд налы вуджас кӧсйысьӧм муыс.
6Шудаӧсь веськыдлуннас пӧткӧдчыны кӧсйысьяс,
ӧд найӧс пӧткӧдасны.
7Шудаӧсь бур сьӧлӧмаяс,
ӧд налы бур сьӧлӧмсянь вӧчасны.
8Шудаӧсь сӧстӧм сьӧлӧмаяс,
ӧд найӧ Енмӧс аддзасны.
9Шудаӧсь йӧзӧс бурӧдысьяс,
ӧд найӧс Енлӧн ныв-пиӧн шуасны.
10Шудаӧсь веськыдлун вӧсна вӧтлӧмаяс,
ӧд налӧн эм Енэжвыв Юралӧм.
11Ті шудаӧсь, Ме вӧсна кӧ тіянӧс лёкӧдӧны, вӧтлӧны да быд ногыс омӧльтӧны-суклялӧны. 12Долыда нимкодясьӧй, ӧд ыджыд тырдон виччысьӧ тіянӧс енэжас. Тадзи войдӧр тшӧтш вӧтлісны пророкъясӧс».
Ті – солыс да югыдыс
(Мк. 9:50; Лк. 11:33; 14:34-35)
13«Ті – муюгыдыслы солыс. Но воштас кӧ солыс ассьыс вынсӧ, кыдзи сійӧс бӧр соланас вӧчан? Сэки сійӧ нинӧм вылӧ оз шогмы, сійӧс сӧмын койыштӧны ветлысьяс кок улӧ.
14Ті – йӧзыслы югыдыс. Керӧсын сулалысь кар оз вермы саявны. 15Ӧзтӧм битӧ оз пуктыны доз улӧ, сійӧс пуктӧны бикок вылӧ. Сэки керкаын югыдыс быдлаті югзьӧдӧ. 16Тадзи мед югдӧдас тіян югыдныд, медым йӧзыс аддзасны тіянлысь бур вӧчӧмнытӧ да ошкасны енэжвыв Батьнытӧ».
Индӧд йылысь
(Лк. 16:17)
17«Ті чайтанныд, Ме локті бырӧдны пророк гижӧдъяс да Индӧдсӧ? Энӧ мӧвпалӧй тадзи. Ме эг бырӧдны лок, а локті олӧмӧ пӧртны. 18Веськыда висьтала тіянлы: енэжыс да муыс быртӧдз, ставыс збыльмытӧдз весиг ӧти шыпас, ӧти чуттор оз вош Индӧдысь. 19Коді торкас Ен тшӧктӧмъясысь весиг ӧти ичӧттор да велӧдас тадзи вӧчны мукӧдӧс, Енэжвыв Юраланінын сійӧс медічӧтӧ пуктасны. Коді олас тшӧктӧмъясыс серти да велӧдас тадзи овны мукӧдӧс, Енэжвыв Юраланінын сійӧс ыджыд мортӧ пуктасны. 20Висьтала тіянлы: тіян веськыдлунныд кӧ оз ло Индӧдӧ велӧдысьяслӧн да фарисейяслӧн веськыдлун дорысь бурджык, Енэжвыв Юраланінӧ онӧ пырӧй».
Лӧгалӧм да бурасьӧм
(Лк. 12:57-59)
21«Ті кывлінныд, важ йӧзлы вӧлі шуӧма: ”Эн ви”, и нӧшта шуӧма: ”Виысьӧс мыждасны”. 22Ме шуа тіянлы: коді лӧгалӧ вокыс вылӧ нинӧм абусьыс, сійӧс мыждасны. Коді вокыслы шуас: ”Тэ бӧб”, сійӧс вылыс ёрд мыждас. Коді воксӧ шуас йӧйӧн, сійӧ ад биӧ веськалас.
23Сетантортӧ вайигад кӧ висьпуктанін дорын тӧд вылад усьӧ, мый вокыд лӧгалӧ тэ вылӧ, 24сэки коль висьпуктанін дорӧ сетантортӧ. Мун, водзджык бурась вокыдкӧд, сэсся лок да вай сетантортӧ.
25Тэнӧ мыжалыськӧд бурась ӧдйӧджык, ёрдӧ вотӧдзыд на. Он кӧ вӧч тадзи, сійӧ сетас тэнӧ ёрдысьлы, ёрдысь сетас тэнӧ шыпурталы, сэсся тэнӧ йӧртасны дзескыдінӧ. 26Веськыда висьтала тэныд: бӧръя сьӧмтӧ сеттӧдз он пет сэтысь».
Гозъякост олӧм пежалӧм
(Мт. 18:8-9; 19:9; Мк. 10:11-12; Лк. 16:18)
27«Ті кывлінныд, важ йӧзлы вӧлі шуӧма: ”Гозъякост олӧм эн пежав!” 28Ме шуа тіянлы: ань вылӧ ыштӧмӧн видзӧдысь сьӧлӧмас гозъякост олӧм пежаліс нин.
29Веськыд синмыд кӧ ыштӧдӧ тэнӧ, перйы сійӧс да шыбит. Бурджык син пӧвтӧ воштыны вир-яйтӧ дзоньнас адӧ шыбитӧм дорысь. 30Веськыд киыд кӧ ыштӧдӧ тэнӧ, керышт сійӧс да шыбит. Бурджык ки пӧвтӧ воштыны вир-яйтӧ дзоньнас адӧ шыбитӧм дорысь.
31Нӧшта шуӧма: ”Гӧтырсӧ эновтысь мед сетас сылы торйӧдчан гижӧд”. 32Ме шуа тіянлы: верӧсыс кӧ эновтӧ гӧтырсӧ, а гӧтырыс оз кырсав, сійӧ сетӧ помка гӧтырыслы пежавны гозъякост олӧм. Юксьӧм аньӧс гӧтырӧ босьтысь тшӧтш пежалӧ».
Кыв сетӧм
33«Ті кывлінныд, важ йӧзлы вӧлі шуӧма: ”Кыв сетӧмтӧ эн торк! Господь водзын кӧ кыв сетін, кут сійӧс!” 34Шуа тіянлы: кыв сеттӧг ов! Эн сет кывтӧ енэж водзын – сійӧ Енлӧн пукаланіныс. 35Эн сет кывтӧ му водзын – сійӧ Енлӧн кок улыс. Эн сет кывтӧ Ерусалим кар водзын – сійӧ ыджыд Ӧксылӧн кар. 36Аслад юрӧн эн кӧсйысь, ӧд тэ весиг ӧти юрси сі он вермы пӧртны еджыдӧ либӧ сьӧдӧ. 37Тіян ”да”-ныд мед лоӧ сӧмын ”да”, тіян ”ог”-ныд мед лоӧ сӧмын ”ог”, а содтӧд кывъясыс – омӧльсяньыс».
Водзӧс мынтӧм
(Лк. 6:29-30)
38«Ті кывлінныд, вӧлі шуӧма: ”Синмысь син, пиньысь пинь”. 39Ме шуа тіянлы: тэныд лёксӧ вӧчысьлы паныд эн сувт. Веськыд банад кӧ кучкасны, лӧсьӧд шуйгасӧ. 40Зільӧ кӧ кодкӧ ёрд пыр дӧрӧмтӧ босьтны, сет сылы тшӧтш вылыс паськӧмтӧ. 41Тшӧктӧ кӧ кодкӧ мунны сыкӧд ӧти верст, мун сыкӧд кыкӧс. 42Тэнсьыд корысьлы сет, водзӧсӧн босьтысьӧс эн вӧтлы».
Муслун йылысь
(Лк. 6:27-36)
43«Ті кывлінныд, вӧлі шуӧма: ”Радейт матыссатӧ да мустӧмт тэнӧ мустӧмтысьӧс”. 44Ме шуа тіянлы: радейтӧй тіянӧс мустӧмтысьясӧс, бурсиӧй тіянӧс ёрысьясӧс, бурсӧ вӧчӧй тіянӧс дзескӧдысьяслы, кевмысьӧй тіянӧс ӧтдортысьяс да вӧтлысьяс вӧсна. 45Сэки лоанныд енэжвыв Батьныдлы ныв-пиӧн. Сійӧ тшӧктӧ шондіыслы ӧтмоза шонтыны лёк да бур йӧзӧс, сетӧ зэрсӧ веськыда да лёкнога олысьяслы. 46Радейтанныд кӧ тіянӧс радейтысьясӧс, мыйысь удждонсӧ виччысянныд? Оз ӧмӧй тадзи вӧчны тшӧтш вот перйысьяс? 47Ті кӧ чолӧмаланныд-сибӧданныд сӧмын вокъяснытӧ, ті ӧмӧй бурджыка вӧчанныд? Оз ӧмӧй тадзи вӧчны тшӧтш ентӧдтӧмъяс? 48Лоӧй енэжвыв Батьныд моз тырвыйӧ бурӧсь».
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) Institute for Bible Translation, Finland, amp Finnish Bible Society, 2023