Матвей 27
27
Исусӧс сетӧны Пилат киӧ
(Мк. 15:1; Лк. 23:1-2; Ин. 18:28-32)
1Асывводзнас чукӧртчисны став аркирейыс юрнуӧдысьяскӧд. Найӧ сёрнитчисны да воисны ӧти кывйӧ: вины Исусӧс. 2Исусӧс кӧрталӧмӧн нуӧдісны юралысь Понтий Пилат дінӧ да сетісны сылы.
Иудалӧн кулӧм
(Ап.удж. 1:18-19)
3Исусӧс мыждӧм йылысь тӧдмалӧм бӧрын Иуда, Сійӧс вузалысь, гӧгӧрвоис ассьыс мыжсӧ. Сэки бӧр нуис комын эзысь сьӧмсӧ аркирейяслы да юрнуӧдысьяслы 4да шуис налы: «Ме мыж вӧчи, мыжтӧм мортӧс вузалі». Найӧ вочавидзисны: «Миянлы нӧ мый? Ачыд ӧд тӧдін». 5Иуда шыбитіс сьӧмсӧ крамас, сэсся петіс сэтысь, муніс да джагӧдчис.
6Аркирейяс сьӧмсӧ чукӧртӧм бӧрын шуисны: «Оз позь тайӧ сьӧмсӧ пуктыны крамса сьӧм видзанінӧ, сійӧ вирлӧн дон». 7Сёрнитчӧм бӧрын найӧ ньӧбисны гырнич вӧчысьлысь мусӧ, шуисны вӧчны сэтчӧ йӧз муысь воӧмаяслы шойна. 8Та вӧсна тайӧ муыслы пуктісны ”Вир му” ним, тадзи ӧнӧдз на нимтӧны. 9Тадзи иніс Еремей пророклӧн шуӧмыс:
– Босьтісны найӧ комын эзысь сьӧмсӧ,
Израиль войтырӧн тайӧ Мортыс вӧсна шуӧм донсӧ,
10да ньӧбисны сы вылӧ гырнич вӧчысьлысь мусӧ.
Тадзи шуис меным Господь.
Исусӧс мыждӧм
(Мк. 15:2-15; Лк. 23:3-5,13-25; Ин. 18:33–19:16)
11Исусӧс вайӧдісны юралысь водзӧ. Юралысь юаліс: «Тэ-ӧ иудейяслӧн Ӧксыыс?» Исус вочавидзис: «Тэ шуан». 12Аркирейяс да юрнуӧдысьяс мыжалісны Исусӧс, но Сійӧ чӧв оліс. 13Пилат сэки шуис Сылы: «Тэ ӧмӧй он кыв, кымынӧн висьталӧны Тэныд паныд?» 14Исус весиг вочакыв эз шу. Юралысьӧс тайӧ ёна шензьӧдіс.
15Быд во Ыджыд лунӧ йӧз корӧм серти юралысь лэдзліс дзескыдінысь ӧти мортӧс. 16Сэки дзескыдінын пукаліс ставлы тӧдса Варавва нима морт. 17Чукӧртчӧм йӧзлысь Пилат юаліс: «Кодӧс кӧсъянныд, мед ме лэдза, Варавваӧс али Исусӧс, кодӧс шуӧны Кристосӧн?» 18Пилат тӧдіс, мый Исусӧс сетісны сы киӧ вежалӧмныс понда.
19Сэки Пилатлӧн гӧтырыс мӧдӧдіс мыжданінӧ висьтавны верӧсыслы: «Тайӧ веськыда олысьыслы лёксӧ эн вӧч. Тавой вӧтын ме ёна шогси Сы понда». 20Аркирейяс да юрнуӧдысьяс ыззьӧдісны йӧзсӧ, мед корасны лэдзны Варавваӧс, а Исусӧс вины. 21Пилат юаліс: «Кодӧс на пиысь шуанныд лэдзны?» «Варавваӧс», – вочавидзисны сылы. 22Пилат юаліс: «Мый шуанныд вӧчны Исускӧд, кодӧс Кристосӧн шуӧны?» Ставныс горӧдісны: «Тувъявны!» 23«Мый лёксӧ Сійӧ вӧчис?» – юаліс Пилат. Йӧзыс гораджыка на горзісны: «Тувъявны Сійӧс!»
24Пилат аддзис: йӧзыс оз лӧньны, мӧдарӧ, ёнджыка на шызьӧны. Сэки налӧн син водзын Пилат мыськис кисӧ да шуис: «Ме абу мыжа тайӧ веськыда олысь мортсӧ виӧмысь. Видзӧдӧй асьныд». 25Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс». 26Сэки Пилат лэдзис Варавваӧс, а Исусӧс нӧйтӧм бӧрын сетіс тувъявны.
Исусӧс тувъялӧм
(Мк. 15:16-32; Лк. 23:26-43; Ин. 19:2-3,17-27)
27Шыпуртаяс нуӧдісны Исусӧс юралысьлӧн керкаӧ, сэтчӧ вайӧдісны тышкайӧзӧс. 28Сэсся пӧрччӧдісны Исусӧс да пасьтӧдісны Сійӧс гӧрд кышанӧ, 29юрас пуктісны лежнӧгысь кыӧм юркытш, веськыд киас сетісны бедь. Сэсся пидзӧс выланыс Сы водзӧ сувтӧмӧн шуалісны сералігтырйи: «Мед олас иудейяслӧн Ӧксы!» 30Сьӧлалісны Сійӧс да кучкалісны юрас беддьӧн. 31Сералӧм-лёкӧдӧм бӧрын найӧ босьтісны Исус вылысь гӧрд кышансӧ да бӧр пасьтӧдісны Сійӧс Аслас паськӧмӧ, сэсся нуӧдісны тувъявны.
32Карсьыс петіганыс налы вочаасис киринеяса Симон, сылы тшӧктісны нуны Исуслысь крестсӧ. 33Сэсся воисны Голгопа керӧсӧ, нимыслӧн вежӧртасыс лоӧ ”Юр лы”. 34Сэні Исуслы сетісны юны сӧп сора вина, но видлӧм бӧрас Сійӧ эз кут юны.
35Исусӧс тувъялысьяс пудъясьӧмӧн юкисны Сылысь паськӧмсӧ. 36Сэсся пуксисны видзны Сійӧс. 37Юр весьтас ӧшӧдісны мыжалан пасйӧд: «Тайӧ – Исус, иудейяслӧн Ӧксы». 38Сыкӧд орччӧн тувъялісны кык лёк вӧчысьӧс: ӧтисӧ веськыдладорас, мӧдсӧ шуйгаладорас.
39Сэті мунысьяс лёкысь видзӧдӧмӧн омӧльтісны Исусӧс: 40«Крам жугӧдысь да куим лунӧн сійӧс лэптысь, мезды Асьтӧ! Тэ кӧ Ен Пи, лэччы крест вывсьыд». 41Сійӧс лёкӧдісны тшӧтш аркирейяс, Индӧдӧ велӧдысьяс, юрнуӧдысьяс да фарисейяс: 42«Мукӧдӧс мездіс, а Асьсӧ мездыны оз вермы! Сійӧ кӧ Израильлӧн Ӧксы, мед лэччас крест вывсьыс, сэки эскам Сылы! 43Сійӧ Ен вылӧ лачаӧн оліс. Мед Енмыс мездас ӧні, дона кӧ Сылы. Шуліс ӧд, Ме пӧ Ен Пи». 44Тадзи тшӧтш лёкӧдісны Исусӧс орччӧн тувъялӧм лёк вӧчысьяс.
Исуслӧн кулӧм
(Мк. 15:33-41; Лк. 23:44-49; Ин. 19:28-30)
45Луншӧр кадӧ пемдіс став му пасьталаыс, пемыдыс сулаліс куим часӧдз. 46Куим час гӧгӧрын Исус ыджыд шыӧн горӧдіс: «Эли, Эли, лама сабактани?» Тайӧ лоӧ: «Енмӧй, Енмӧй, мыйла Тэ эновтін Менӧ?» 47Сэні сулалысьясысь кодсюрӧ шуисны, Илляӧс пӧ корӧ. 48На пиысь ӧти дзик пыр котӧртіс, босьтіс губка#27:48 Тайӧ вӧлі саридз пыдӧсын быдмӧг сяма олысь, мый косьтылісны да вӧдитчылісны коланаинӧ. да кӧтӧдіс вина уксусӧн, сэсся бедь помӧ сатшкӧмӧн мыччис сійӧс Исуслы. 49Мукӧдыс шуисны: «Энлы! Видзӧдлам, локтас оз Илля мездыны Сійӧс». 50Исус ыджыд шыӧн горӧдӧм бӧрын лэдзис ловсӧ.
51Сэки крамын ӧшалысь дӧраыс вывсяньыс улӧдзыс кык пельӧ косяссис. Муыс вӧрзьывліс, из керӧсъяс потісны. 52Шойгу кыртаяс воссялісны, уна вежа войтырлӧн шойыс ловзис, 53да найӧ петісны дзебанінъясысь. Исуслӧн ловзьӧм бӧрын найӧ пырисны вежа карӧ, унаӧн аддзылісны найӧс.
54Му вӧрӧмысь да став лоӧмторсӧ аддзӧмысь Исусӧс видзысьяс да налӧн веськӧдлысьыс ёна повзисны да шуисны: «Тайӧ Мортыс збыльысь Ен Пи вӧлӧма».
55Сэні вӧлі уна ань, кодъяс ылісянь видзӧдісны. Найӧ Галилеясянь ветлӧдлісны Исускӧд да кесъялісны Сылы. 56На пӧвстын вӧліны Магдала Марья, Яковлӧн да Иосейлӧн Марья мамныс да Зеведей пиянлӧн мамныс.
Исусӧс дзебӧм
(Мк. 15:42-47; Лк. 23:50-56; Ин. 19:38-42)
57Рытнас Аримафея карысь воис Ӧсип нима озыр морт, Исуслӧн велӧдчысь. 58Сійӧ муніс Пилат дінӧ да корис Исуслысь шойсӧ. Пилат тшӧктіс сетны. 59Ӧсип босьтіс шойсӧ, гартыштіс сӧстӧм шабді дӧраӧ 60да пуктіс изкыртаӧ кералӧм выль дзебанінӧ. Пыранінас путкыльтіс ыджыд из, сэсся муніс. 61Дзебанінлы воча пукаліс Магдала Марья мӧд Марьякӧд.
Дзебанін видзӧм
62Мӧд луннас, шойччан лунӧ, аркирейяс фарисейяскӧд локтісны Пилат дінӧ 63да шуисны: «Ыджыдӧй, миянлы тӧд выланым уси, мый эсійӧ пӧръясьысьыс ловъя дырйиыс на шуліс, куим лун мысти пӧ ловзя. 64Тшӧкты видзны дзебанінсӧ куим лун чӧж. Велӧдчысьясыс вермасны локны войнас да гусявны шойсӧ, сэсся шуны йӧзыслы, Сійӧ пӧ ловзьӧма. Тайӧ бӧръя пӧръялӧмыс лоас воддзасьыс на лёкджык». 65Пилат шуис: «Босьтӧй видзысьясӧс да видзӧй, колӧкӧ». 66Найӧ мунісны, пасйисны пыранін изсӧ печатьӧн да тшӧктісны шыпуртаяслы видзны.
Nke Ahọpụtara Ugbu A:
Матвей 27: КБ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) Institute for Bible Translation, Finland, amp Finnish Bible Society, 2023
Матвей 27
27
Исусӧс сетӧны Пилат киӧ
(Мк. 15:1; Лк. 23:1-2; Ин. 18:28-32)
1Асывводзнас чукӧртчисны став аркирейыс юрнуӧдысьяскӧд. Найӧ сёрнитчисны да воисны ӧти кывйӧ: вины Исусӧс. 2Исусӧс кӧрталӧмӧн нуӧдісны юралысь Понтий Пилат дінӧ да сетісны сылы.
Иудалӧн кулӧм
(Ап.удж. 1:18-19)
3Исусӧс мыждӧм йылысь тӧдмалӧм бӧрын Иуда, Сійӧс вузалысь, гӧгӧрвоис ассьыс мыжсӧ. Сэки бӧр нуис комын эзысь сьӧмсӧ аркирейяслы да юрнуӧдысьяслы 4да шуис налы: «Ме мыж вӧчи, мыжтӧм мортӧс вузалі». Найӧ вочавидзисны: «Миянлы нӧ мый? Ачыд ӧд тӧдін». 5Иуда шыбитіс сьӧмсӧ крамас, сэсся петіс сэтысь, муніс да джагӧдчис.
6Аркирейяс сьӧмсӧ чукӧртӧм бӧрын шуисны: «Оз позь тайӧ сьӧмсӧ пуктыны крамса сьӧм видзанінӧ, сійӧ вирлӧн дон». 7Сёрнитчӧм бӧрын найӧ ньӧбисны гырнич вӧчысьлысь мусӧ, шуисны вӧчны сэтчӧ йӧз муысь воӧмаяслы шойна. 8Та вӧсна тайӧ муыслы пуктісны ”Вир му” ним, тадзи ӧнӧдз на нимтӧны. 9Тадзи иніс Еремей пророклӧн шуӧмыс:
– Босьтісны найӧ комын эзысь сьӧмсӧ,
Израиль войтырӧн тайӧ Мортыс вӧсна шуӧм донсӧ,
10да ньӧбисны сы вылӧ гырнич вӧчысьлысь мусӧ.
Тадзи шуис меным Господь.
Исусӧс мыждӧм
(Мк. 15:2-15; Лк. 23:3-5,13-25; Ин. 18:33–19:16)
11Исусӧс вайӧдісны юралысь водзӧ. Юралысь юаліс: «Тэ-ӧ иудейяслӧн Ӧксыыс?» Исус вочавидзис: «Тэ шуан». 12Аркирейяс да юрнуӧдысьяс мыжалісны Исусӧс, но Сійӧ чӧв оліс. 13Пилат сэки шуис Сылы: «Тэ ӧмӧй он кыв, кымынӧн висьталӧны Тэныд паныд?» 14Исус весиг вочакыв эз шу. Юралысьӧс тайӧ ёна шензьӧдіс.
15Быд во Ыджыд лунӧ йӧз корӧм серти юралысь лэдзліс дзескыдінысь ӧти мортӧс. 16Сэки дзескыдінын пукаліс ставлы тӧдса Варавва нима морт. 17Чукӧртчӧм йӧзлысь Пилат юаліс: «Кодӧс кӧсъянныд, мед ме лэдза, Варавваӧс али Исусӧс, кодӧс шуӧны Кристосӧн?» 18Пилат тӧдіс, мый Исусӧс сетісны сы киӧ вежалӧмныс понда.
19Сэки Пилатлӧн гӧтырыс мӧдӧдіс мыжданінӧ висьтавны верӧсыслы: «Тайӧ веськыда олысьыслы лёксӧ эн вӧч. Тавой вӧтын ме ёна шогси Сы понда». 20Аркирейяс да юрнуӧдысьяс ыззьӧдісны йӧзсӧ, мед корасны лэдзны Варавваӧс, а Исусӧс вины. 21Пилат юаліс: «Кодӧс на пиысь шуанныд лэдзны?» «Варавваӧс», – вочавидзисны сылы. 22Пилат юаліс: «Мый шуанныд вӧчны Исускӧд, кодӧс Кристосӧн шуӧны?» Ставныс горӧдісны: «Тувъявны!» 23«Мый лёксӧ Сійӧ вӧчис?» – юаліс Пилат. Йӧзыс гораджыка на горзісны: «Тувъявны Сійӧс!»
24Пилат аддзис: йӧзыс оз лӧньны, мӧдарӧ, ёнджыка на шызьӧны. Сэки налӧн син водзын Пилат мыськис кисӧ да шуис: «Ме абу мыжа тайӧ веськыда олысь мортсӧ виӧмысь. Видзӧдӧй асьныд». 25Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс». 26Сэки Пилат лэдзис Варавваӧс, а Исусӧс нӧйтӧм бӧрын сетіс тувъявны.
Исусӧс тувъялӧм
(Мк. 15:16-32; Лк. 23:26-43; Ин. 19:2-3,17-27)
27Шыпуртаяс нуӧдісны Исусӧс юралысьлӧн керкаӧ, сэтчӧ вайӧдісны тышкайӧзӧс. 28Сэсся пӧрччӧдісны Исусӧс да пасьтӧдісны Сійӧс гӧрд кышанӧ, 29юрас пуктісны лежнӧгысь кыӧм юркытш, веськыд киас сетісны бедь. Сэсся пидзӧс выланыс Сы водзӧ сувтӧмӧн шуалісны сералігтырйи: «Мед олас иудейяслӧн Ӧксы!» 30Сьӧлалісны Сійӧс да кучкалісны юрас беддьӧн. 31Сералӧм-лёкӧдӧм бӧрын найӧ босьтісны Исус вылысь гӧрд кышансӧ да бӧр пасьтӧдісны Сійӧс Аслас паськӧмӧ, сэсся нуӧдісны тувъявны.
32Карсьыс петіганыс налы вочаасис киринеяса Симон, сылы тшӧктісны нуны Исуслысь крестсӧ. 33Сэсся воисны Голгопа керӧсӧ, нимыслӧн вежӧртасыс лоӧ ”Юр лы”. 34Сэні Исуслы сетісны юны сӧп сора вина, но видлӧм бӧрас Сійӧ эз кут юны.
35Исусӧс тувъялысьяс пудъясьӧмӧн юкисны Сылысь паськӧмсӧ. 36Сэсся пуксисны видзны Сійӧс. 37Юр весьтас ӧшӧдісны мыжалан пасйӧд: «Тайӧ – Исус, иудейяслӧн Ӧксы». 38Сыкӧд орччӧн тувъялісны кык лёк вӧчысьӧс: ӧтисӧ веськыдладорас, мӧдсӧ шуйгаладорас.
39Сэті мунысьяс лёкысь видзӧдӧмӧн омӧльтісны Исусӧс: 40«Крам жугӧдысь да куим лунӧн сійӧс лэптысь, мезды Асьтӧ! Тэ кӧ Ен Пи, лэччы крест вывсьыд». 41Сійӧс лёкӧдісны тшӧтш аркирейяс, Индӧдӧ велӧдысьяс, юрнуӧдысьяс да фарисейяс: 42«Мукӧдӧс мездіс, а Асьсӧ мездыны оз вермы! Сійӧ кӧ Израильлӧн Ӧксы, мед лэччас крест вывсьыс, сэки эскам Сылы! 43Сійӧ Ен вылӧ лачаӧн оліс. Мед Енмыс мездас ӧні, дона кӧ Сылы. Шуліс ӧд, Ме пӧ Ен Пи». 44Тадзи тшӧтш лёкӧдісны Исусӧс орччӧн тувъялӧм лёк вӧчысьяс.
Исуслӧн кулӧм
(Мк. 15:33-41; Лк. 23:44-49; Ин. 19:28-30)
45Луншӧр кадӧ пемдіс став му пасьталаыс, пемыдыс сулаліс куим часӧдз. 46Куим час гӧгӧрын Исус ыджыд шыӧн горӧдіс: «Эли, Эли, лама сабактани?» Тайӧ лоӧ: «Енмӧй, Енмӧй, мыйла Тэ эновтін Менӧ?» 47Сэні сулалысьясысь кодсюрӧ шуисны, Илляӧс пӧ корӧ. 48На пиысь ӧти дзик пыр котӧртіс, босьтіс губка#27:48 Тайӧ вӧлі саридз пыдӧсын быдмӧг сяма олысь, мый косьтылісны да вӧдитчылісны коланаинӧ. да кӧтӧдіс вина уксусӧн, сэсся бедь помӧ сатшкӧмӧн мыччис сійӧс Исуслы. 49Мукӧдыс шуисны: «Энлы! Видзӧдлам, локтас оз Илля мездыны Сійӧс». 50Исус ыджыд шыӧн горӧдӧм бӧрын лэдзис ловсӧ.
51Сэки крамын ӧшалысь дӧраыс вывсяньыс улӧдзыс кык пельӧ косяссис. Муыс вӧрзьывліс, из керӧсъяс потісны. 52Шойгу кыртаяс воссялісны, уна вежа войтырлӧн шойыс ловзис, 53да найӧ петісны дзебанінъясысь. Исуслӧн ловзьӧм бӧрын найӧ пырисны вежа карӧ, унаӧн аддзылісны найӧс.
54Му вӧрӧмысь да став лоӧмторсӧ аддзӧмысь Исусӧс видзысьяс да налӧн веськӧдлысьыс ёна повзисны да шуисны: «Тайӧ Мортыс збыльысь Ен Пи вӧлӧма».
55Сэні вӧлі уна ань, кодъяс ылісянь видзӧдісны. Найӧ Галилеясянь ветлӧдлісны Исускӧд да кесъялісны Сылы. 56На пӧвстын вӧліны Магдала Марья, Яковлӧн да Иосейлӧн Марья мамныс да Зеведей пиянлӧн мамныс.
Исусӧс дзебӧм
(Мк. 15:42-47; Лк. 23:50-56; Ин. 19:38-42)
57Рытнас Аримафея карысь воис Ӧсип нима озыр морт, Исуслӧн велӧдчысь. 58Сійӧ муніс Пилат дінӧ да корис Исуслысь шойсӧ. Пилат тшӧктіс сетны. 59Ӧсип босьтіс шойсӧ, гартыштіс сӧстӧм шабді дӧраӧ 60да пуктіс изкыртаӧ кералӧм выль дзебанінӧ. Пыранінас путкыльтіс ыджыд из, сэсся муніс. 61Дзебанінлы воча пукаліс Магдала Марья мӧд Марьякӧд.
Дзебанін видзӧм
62Мӧд луннас, шойччан лунӧ, аркирейяс фарисейяскӧд локтісны Пилат дінӧ 63да шуисны: «Ыджыдӧй, миянлы тӧд выланым уси, мый эсійӧ пӧръясьысьыс ловъя дырйиыс на шуліс, куим лун мысти пӧ ловзя. 64Тшӧкты видзны дзебанінсӧ куим лун чӧж. Велӧдчысьясыс вермасны локны войнас да гусявны шойсӧ, сэсся шуны йӧзыслы, Сійӧ пӧ ловзьӧма. Тайӧ бӧръя пӧръялӧмыс лоас воддзасьыс на лёкджык». 65Пилат шуис: «Босьтӧй видзысьясӧс да видзӧй, колӧкӧ». 66Найӧ мунісны, пасйисны пыранін изсӧ печатьӧн да тшӧктісны шыпуртаяслы видзны.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) Institute for Bible Translation, Finland, amp Finnish Bible Society, 2023