Матвей 18
18
Коді ыджыдджык?
(Мк. 9:33-37; Лк. 9:46-48)
1Сэки локтісны Исус дінӧ велӧдчысьясыс да юалісны Сылысь: «Коді Енэжвыв Юраланінас ыджыдджыкыс?» 2Исус корис кагаӧс, сувтӧдіс на шӧрӧ 3да шуис: «Веськыда висьтала тіянлы: онӧ кӧ вежсьӧй да лоӧй челядь кодьӧсь, Енэжвыв Юраланінӧ онӧ пырӧй. 4Тайӧ кага кодьӧ асьсӧ пуктысь лоас Енэжвыв Юраланінын ыджыдджык. 5Коді Менам ним вӧсна сибӧдӧ ӧти татшӧм кагаӧс, сійӧ сибӧдӧ Менӧ».
Ыштӧдӧмъяс
(Мт. 5:29-30; Мк. 9:42-48; Лк. 17:1-2)
6«Коді ыштӧдас тайӧ ичӧтъясысь ӧтикӧс, Меным эскысьӧс, сылы бурджык лоӧ, сьыліас кӧ ыджыд изки ӧшӧдасны да вӧйтасны джуджыд саридзӧ. 7Курыд шог муюгыдыслы ыштӧдӧмъясысь! Ыштӧдӧмъяслы колӧ локнысӧ, но курыд шог сійӧ мортыслы, код пыр локтӧны ыштӧдӧмъясыс!
8Ки-кокыд кӧ ыштӧдӧ тэнӧ, керышт да шыбит сійӧс. Бурджык пырны помтӧм олӧмӧ ки пӧлаӧн либӧ кок пӧлаӧн куслытӧм биӧ тэнӧ киа-кокаӧн шыбитӧм дорысь. 9Синмыд кӧ ыштӧдӧ тэнӧ, перйы да шыбит сійӧс. Бурджык пырны помтӧм олӧмӧ син пӧлаӧн ад биӧ тэнӧ синмаӧн шыбитӧм дорысь».
Вошлӧм ыж йылысь велӧданвисьт
(Лк. 15:3-7)
10«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь. 11Морт Пи локтіс корсьны да мездыны вошӧмаясӧс.
12Мый ті шуанныд? Мортлӧн кӧ сё ыжсьыс ӧти вошас, оз-ӧ сійӧ коль ӧкмысдас ӧкмыссӧ керӧсӧ да мун корсьны вошӧмасӧ? 13Веськыда висьтала тіянлы: аддзас кӧ сійӧс, ёнджыка кутас нимкодясьны ӧти вӧснаыс вошлытӧм ӧкмысдас ӧкмысыс дорысь. 14Тадзи енэжвыв Батьныд оз кӧсйы, медым тайӧ ичӧтъясысь весигтӧ ӧти вошис».
Мыж вӧчысь вок
15«Вокыд кӧ мыж вӧчас тэныд паныд, мун да ас кежаныд янӧд сійӧс. Кывзас кӧ тэнӧ, сійӧ тэныд вокӧн кольӧ. 16Оз кӧ кывзы тэнӧ, босьт аскӧдыд ӧти-кык мортӧс, ӧд ”ставсӧ колӧ подулавны кык либӧ куим мортлӧн висьталӧмӧн”. 17Оз кӧ сійӧ кывзы найӧс, висьтав вичко водзын. Весиг кӧ найӧс оз кывзы, лыддьы сійӧс ентӧдтӧмӧн, вот перйысьяс лыдӧ пукты. 18Веськыда висьтала тіянлы: мый кӧрталанныд му вылын, сійӧ кӧрталӧма лоӧ енэжын. Мый разянныд му вылын, сійӧ разьӧма лоӧ енэжын.
19Веськыда висьтала тіянлы: тіян пиысь кӧ кыкӧн ӧтвыв корасны мыйкӧ, енэжвыв Батьӧй сетас налы. 20Ӧд кӧні кыкӧн-куимӧн чукӧртчасны Менам нимӧн, сэні Ме на шӧрын лоа».
Чорыд сьӧлӧма кесйӧг
(Лк. 17:3-4)
21Сэки Петыр матыстчис Исус дінӧ да юаліс: «Господьӧй, меным кӧ вокӧй лёк вӧчӧ, кымынысь колӧ сійӧс прӧститнысӧ? Сизимысь-ӧ?»
22Исус вочавидзис: «Оз сизимысь, а сизимдас пӧв сизимысь!
23Енэжвыв Юралӧмыс татшӧм. Ӧксы шуис артавны аслас кесйӧгъяслысь уджйӧзсӧ. 24Арталігас вайӧдісны ӧксы водзӧ кесйӧгӧс, кодлӧн уджйӧзыс вӧлі дас сюрс талант#18:24 талант – 6000 динар. 25Мынтынысӧ сійӧ эз вермы. Сэки ӧксы тшӧктіс вузавны тайӧ кесйӧгсӧ, сылысь гӧтырсӧ, ныв-писӧ да овмӧссӧ, медым тадзи бергӧдны уджйӧзсӧ. 26Кесйӧг уськӧдчис ӧксы водзӧ да корис: ”Ыджыдӧй, ло бур сьӧлӧма! Ме ставсӧ тэныд мынта”. 27Ӧксылӧн сьӧлӧмыс небзис. Сійӧ шуис лэдзны кесйӧгсӧ да вунӧдны сылысь уджйӧзсӧ.
28Ывлаӧ петӧм бӧрын кесйӧг аддзис уджъёртсӧ. Ёртыс вӧлі уджйӧза сылы сё динар#18:28 динар – лунтырся удждон. ”Мынты уджйӧзтӧ”, – ёртсӧ джагӧдӧмӧн шуаліс кесйӧг. 29Ёртыс пидзӧс вылас уськӧдчӧмӧн корис: ”Ло бур сьӧлӧма! Ставсӧ мынта”. 30Мӧдыс эз кӧсйы виччысьнысӧ да йӧртіс ёртсӧ дзескыдінӧ уджйӧзсӧ мынтытӧдзыс.
31Тайӧс аддзылӧмысь мукӧд кесйӧгыс шогӧ усисны. Найӧ мунісны ӧксы дінӧ да висьталісны сылы ставсӧ. 32Ӧксы корис ас дінас сійӧ кесйӧгсӧ да шуис: ”Лёк морт тэ вӧлӧмыд! Тэнад корӧм серти ме вунӧді тэнсьыд став уджйӧзтӧ. 33Эз ӧмӧй ков тэныд ме моз лоны бур сьӧлӧмаӧн?” 34Скӧрмӧм ӧксы чорыда мыждіс кесйӧгсӧ да йӧртіс сійӧс дзескыдінӧ уджйӧзсӧ дзоньнас вештытӧдзыс.
35Тадзи Менам енэжвыв Бать вӧчас тіянлы, онӧ кӧ сьӧлӧмсяньныд прӧститӧй вокнытӧ».
Nke Ahọpụtara Ugbu A:
Матвей 18: КБ
Mee ka ọ bụrụ isi
Kesaa
Mapịa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) Institute for Bible Translation, Finland, amp Finnish Bible Society, 2023
Матвей 18
18
Коді ыджыдджык?
(Мк. 9:33-37; Лк. 9:46-48)
1Сэки локтісны Исус дінӧ велӧдчысьясыс да юалісны Сылысь: «Коді Енэжвыв Юраланінас ыджыдджыкыс?» 2Исус корис кагаӧс, сувтӧдіс на шӧрӧ 3да шуис: «Веськыда висьтала тіянлы: онӧ кӧ вежсьӧй да лоӧй челядь кодьӧсь, Енэжвыв Юраланінӧ онӧ пырӧй. 4Тайӧ кага кодьӧ асьсӧ пуктысь лоас Енэжвыв Юраланінын ыджыдджык. 5Коді Менам ним вӧсна сибӧдӧ ӧти татшӧм кагаӧс, сійӧ сибӧдӧ Менӧ».
Ыштӧдӧмъяс
(Мт. 5:29-30; Мк. 9:42-48; Лк. 17:1-2)
6«Коді ыштӧдас тайӧ ичӧтъясысь ӧтикӧс, Меным эскысьӧс, сылы бурджык лоӧ, сьыліас кӧ ыджыд изки ӧшӧдасны да вӧйтасны джуджыд саридзӧ. 7Курыд шог муюгыдыслы ыштӧдӧмъясысь! Ыштӧдӧмъяслы колӧ локнысӧ, но курыд шог сійӧ мортыслы, код пыр локтӧны ыштӧдӧмъясыс!
8Ки-кокыд кӧ ыштӧдӧ тэнӧ, керышт да шыбит сійӧс. Бурджык пырны помтӧм олӧмӧ ки пӧлаӧн либӧ кок пӧлаӧн куслытӧм биӧ тэнӧ киа-кокаӧн шыбитӧм дорысь. 9Синмыд кӧ ыштӧдӧ тэнӧ, перйы да шыбит сійӧс. Бурджык пырны помтӧм олӧмӧ син пӧлаӧн ад биӧ тэнӧ синмаӧн шыбитӧм дорысь».
Вошлӧм ыж йылысь велӧданвисьт
(Лк. 15:3-7)
10«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь. 11Морт Пи локтіс корсьны да мездыны вошӧмаясӧс.
12Мый ті шуанныд? Мортлӧн кӧ сё ыжсьыс ӧти вошас, оз-ӧ сійӧ коль ӧкмысдас ӧкмыссӧ керӧсӧ да мун корсьны вошӧмасӧ? 13Веськыда висьтала тіянлы: аддзас кӧ сійӧс, ёнджыка кутас нимкодясьны ӧти вӧснаыс вошлытӧм ӧкмысдас ӧкмысыс дорысь. 14Тадзи енэжвыв Батьныд оз кӧсйы, медым тайӧ ичӧтъясысь весигтӧ ӧти вошис».
Мыж вӧчысь вок
15«Вокыд кӧ мыж вӧчас тэныд паныд, мун да ас кежаныд янӧд сійӧс. Кывзас кӧ тэнӧ, сійӧ тэныд вокӧн кольӧ. 16Оз кӧ кывзы тэнӧ, босьт аскӧдыд ӧти-кык мортӧс, ӧд ”ставсӧ колӧ подулавны кык либӧ куим мортлӧн висьталӧмӧн”. 17Оз кӧ сійӧ кывзы найӧс, висьтав вичко водзын. Весиг кӧ найӧс оз кывзы, лыддьы сійӧс ентӧдтӧмӧн, вот перйысьяс лыдӧ пукты. 18Веськыда висьтала тіянлы: мый кӧрталанныд му вылын, сійӧ кӧрталӧма лоӧ енэжын. Мый разянныд му вылын, сійӧ разьӧма лоӧ енэжын.
19Веськыда висьтала тіянлы: тіян пиысь кӧ кыкӧн ӧтвыв корасны мыйкӧ, енэжвыв Батьӧй сетас налы. 20Ӧд кӧні кыкӧн-куимӧн чукӧртчасны Менам нимӧн, сэні Ме на шӧрын лоа».
Чорыд сьӧлӧма кесйӧг
(Лк. 17:3-4)
21Сэки Петыр матыстчис Исус дінӧ да юаліс: «Господьӧй, меным кӧ вокӧй лёк вӧчӧ, кымынысь колӧ сійӧс прӧститнысӧ? Сизимысь-ӧ?»
22Исус вочавидзис: «Оз сизимысь, а сизимдас пӧв сизимысь!
23Енэжвыв Юралӧмыс татшӧм. Ӧксы шуис артавны аслас кесйӧгъяслысь уджйӧзсӧ. 24Арталігас вайӧдісны ӧксы водзӧ кесйӧгӧс, кодлӧн уджйӧзыс вӧлі дас сюрс талант#18:24 талант – 6000 динар. 25Мынтынысӧ сійӧ эз вермы. Сэки ӧксы тшӧктіс вузавны тайӧ кесйӧгсӧ, сылысь гӧтырсӧ, ныв-писӧ да овмӧссӧ, медым тадзи бергӧдны уджйӧзсӧ. 26Кесйӧг уськӧдчис ӧксы водзӧ да корис: ”Ыджыдӧй, ло бур сьӧлӧма! Ме ставсӧ тэныд мынта”. 27Ӧксылӧн сьӧлӧмыс небзис. Сійӧ шуис лэдзны кесйӧгсӧ да вунӧдны сылысь уджйӧзсӧ.
28Ывлаӧ петӧм бӧрын кесйӧг аддзис уджъёртсӧ. Ёртыс вӧлі уджйӧза сылы сё динар#18:28 динар – лунтырся удждон. ”Мынты уджйӧзтӧ”, – ёртсӧ джагӧдӧмӧн шуаліс кесйӧг. 29Ёртыс пидзӧс вылас уськӧдчӧмӧн корис: ”Ло бур сьӧлӧма! Ставсӧ мынта”. 30Мӧдыс эз кӧсйы виччысьнысӧ да йӧртіс ёртсӧ дзескыдінӧ уджйӧзсӧ мынтытӧдзыс.
31Тайӧс аддзылӧмысь мукӧд кесйӧгыс шогӧ усисны. Найӧ мунісны ӧксы дінӧ да висьталісны сылы ставсӧ. 32Ӧксы корис ас дінас сійӧ кесйӧгсӧ да шуис: ”Лёк морт тэ вӧлӧмыд! Тэнад корӧм серти ме вунӧді тэнсьыд став уджйӧзтӧ. 33Эз ӧмӧй ков тэныд ме моз лоны бур сьӧлӧмаӧн?” 34Скӧрмӧм ӧксы чорыда мыждіс кесйӧгсӧ да йӧртіс сійӧс дзескыдінӧ уджйӧзсӧ дзоньнас вештытӧдзыс.
35Тадзи Менам енэжвыв Бать вӧчас тіянлы, онӧ кӧ сьӧлӧмсяньныд прӧститӧй вокнытӧ».
Nke Ahọpụtara Ugbu A:
:
Mee ka ọ bụrụ isi
Kesaa
Mapịa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) Institute for Bible Translation, Finland, amp Finnish Bible Society, 2023