Малакий 4

1Сійӧ луныс воас ыпъялысь би моз,

идзасӧс моз сотас вылӧ кыпӧдчысьясӧс,

сотас лёк вӧчысьясӧс,

– висьталӧ Господь Саваоф, –

оз коль наысь весиг вуж ни ув.

2А тіянлы, Меысь полысьяслы,

петас веськыдлуныслӧн шонді,

и сылӧн югӧр улын ті бурданныд.

Ті петанныд да понданныд чеччавны

видз вылӧ лэдзӧм куканьяс моз.

3Менам индӧм лунӧ

ті понданныд талявны лёк вӧчысьясӧс,

бус чирӧдз ниртанныд найӧс кок уланыд,

– висьталӧ Господь Саваоф.

Илля пророк йылысь кӧсйысьӧм

4Энӧ вунӧдӧй Менам Мӧисей кесйӧглысь Индӧдсӧ,

мый Ме сеті сылы Хорив керӧсын,

энӧ вунӧдӧй тшӧктӧмъяссӧ,

мый Ме сеті став Израиль войтырлы.

5Господьлӧн ыджыд да повзьӧдана луныс вотӧдз

Ме ыста тіян дінӧ Илля пророкӧс.

6Сійӧ бергӧдас батьяслысь сьӧлӧмсӧ пиянлань,

пиянлысь сьӧлӧмсӧ – батьяслань,

медым локтігӧн Ме эг ёр да эг бырӧд мусӧ.

Nke Ahọpụtara Ugbu A:

Малакий 4: КБ

Mee ka ọ bụrụ isi

Kesaa

Mapịa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye

Amaokwu Akwụkwọ Nsọ Ndị Ama Ama siteré na
Малакий 4