Ап. уджъяс 16
16
Тимофей мунӧ Павелкӧд
1Павел воис Дервияӧдз, а сэтысянь муніс Листраӧ. Сэні оліс Тимофей нима велӧдчысь. Мамыс сылӧн вӧлі иудей, эскысь ань, батьыс вӧлі грек. 2Листраын да Иконияын вокъяс бура сёрнитісны Тимофей йылысь. 3Павел шуис босьтны Тимофейӧс аскӧдыс да вундыштіс сійӧс сэтчӧс иудейяс понда, ӧд найӧ тӧдісны, мый Тимофейлӧн батьыс грек. 4Каръясӧ ветлігӧн найӧ висьтавлісны эскысьяслы апостолъяслысь да юрнуӧдысьяслысь Ерусалимын шуӧм тшӧктӧмъяссӧ, медым эскысьяс олісны на серти. 5Вичкояс ёнмисны эскӧмас, эскысьяслӧн лыдыс лунысь-лун содіс.
6Асияын Вежа Лов эз сет налы висьтавны Енлысь кывсӧ, та вӧсна найӧ мунісны Фригия да Галат муяс пыр 7Мисияӧ. Сэтысь найӧ кӧсйисны мунны Вифинияӧ, но Вежа Лов эз лэдз. 8Сэки Мисия пыр найӧ мунісны Троадаӧ. 9Войнас Павел аддзылас Енсянь петкӧдчылӧм: македонияса морт сулалӧ сы водзын да корӧ, лок пӧ Македонияӧ да отсав миянлы. 10Тайӧ петкӧдчылӧм бӧрас ми дзик пыр шуим мунны сэтчӧ. Ми гӧгӧрвоим, мый Господь корӧ миянӧс висьтавны сэні Бур Юӧр.
Лидиялӧн эскӧм
11Троадаысь ми кывтім веськыда Самофракияӧ, мӧд луннас – Неапольӧ, 12сэсянь мунім Филипӧ. Македониялӧн сэтчӧс юкӧнын тайӧ медводдза кар, сэтчӧ коркӧ овмӧдчылӧмаӧсь Римысь локтысьяс. Сэні ми вӧлім кымынкӧ лун. 13Шойччан лунӧ ми петім кар саяс да лэччим ю дорӧ, буретш сэтчӧ чукӧртчывлісны кевмысьны. Ми пуксим сэтчӧ локтысь аньяс дорӧ да пондім сёрнитны накӧд. 14Сэні вӧлі Фиатираысь пурпур дӧраӧн#16:14 Татшӧм пемыдгӧрд рӧма дона паськӧмсӧ новлісны сӧмын ӧксыяс да озыр йӧз. вузасьысь Лидия нима ань, сійӧ оліс Енсьыс полӧмӧн. Господь восьтіс сылысь сьӧлӧмсӧ сибӧдны Павеллысь кывъяссӧ, 15да сійӧ став гортсаыскӧд пыртчис. Сэсся шуис миянлы: «Ті кӧ лыддянныд менӧ Господьлы эскысьӧн, пырӧй менам керкаӧ да олӧй ме ордын». Сійӧ корӧмӧн корис миянӧс ас дорас.
Павел да Сила дзескыдінынӧсь
16Ӧтчыд кевмысьны муніганым паныдасис миянлы ӧти кесйӧг ань, код пытшкын вӧлі тунасян лов. Туналӧмнас сійӧ уна сьӧм вайис аслас ыджыдъяслы. 17Тайӧ аньыс вӧтчис Павел да миян бӧрся, сійӧ горзӧмӧн шуаліс: «Тайӧ йӧзыс Медвылысса Енлӧн кесйӧгъяс. Найӧ юӧртӧны миянлы, кыдзи мездмынысӧ». 18Тадзи сійӧ вӧчис уна лун чӧж. Павел скӧрмис таысь, сэсся ань дінӧ бергӧдчӧмӧн шуис тунасян ловлы: «Тшӧкта тэныд Исус Кристос нимӧн, пет сы пытшкысь». И сійӧ дзик пыр петіс. 19Кесйӧг аньлӧн ыджыдъяс аддзисны, мый воштісны озырмӧдчанторнысӧ, сэки босьтісны Павелӧс да Силаӧс да нуӧдісны йӧзаинӧ юралысьяс водзӧ. 20Вайӧдісны юралысьяс дінӧ да пондісны мыжавны: «Тайӧ иудей йӧзыс шызьӧдӧны карнымӧс, 21велӧдӧны йӧзсӧ овны мӧд ног. Но миянлы, римса войтырлы, оз позь на ног овнысӧ». 22Сэки йӧзыс накӧд тшӧтш сувтісны Павеллы да Силалы паныд. Юралысьяс тшӧктісны найӧс беддявны. Сэки нетшыштісны на вылысь паськӧмнысӧ да 23бура дыр кучкалӧм бӧрын шыбитісны найӧс дзескыдінӧ. Видзысьлы тшӧктісны, мед синсӧ оз лэдзлы на вылысь. 24Сійӧ тойыштіс найӧс медпыдіас да топӧдіс кокъяснысӧ тшемилӧ костӧ.
25Войшӧрнас Павел да Сила сьылісны да кевмысисны Енлы. Мукӧд пукалысьяс кывзісны найӧс. 26Виччысьтӧг муыс пондіс ёна вӧрны, дзескыдінлӧн подулыс вӧрзис, ӧдзӧсъяс воссисны, пукалысьяслӧн ки-коксьыныс кӧртӧдъяс разьсисны. 27Пуксьӧдӧмаясӧс видзысьыс садьмис да аддзис, мый ӧдзӧсъяс восьсаӧсь. Сэки перйис шыпуртсӧ да кӧсйис вины асьсӧ, чайтіс, мый пышйӧмаӧсь ставныс. 28Павел горӧдіс: «Нинӧм эн вӧч аскӧдыд! Ми ставным танӧсь».
29Видзысь корис би, котӧрӧн пырис Павел да Сила дінӧ да тіралӧмӧн уськӧдчис на водзӧ. 30Сэсся петкӧдіс найӧс ортсӧ да шуис: «Бур йӧзӧй, мый меным вӧчны, мед мездмыны?» 31Найӧ воча шуисны: «Эскы Господь Исус Кристослы, сэки мездман тэ да став тэнад гортсаыд». 32Вокъяс висьталісны сылы да сылӧн гортсаыслы Господьлысь кывсӧ. 33Сійӧ жӧ войнас видзысь петкӧдіс вокъясӧс дзескыдінысь, мыськаліс налысь дойяссӧ, сэсся гортсаыскӧд дзик пыр пыртчис. 34Та бӧрын вайӧдіс найӧс гортас да лӧсьӧдіс налы пызан. Аслас гортсакӧд сійӧ долыда нимкодясис, мый эскис Енлы.
35Асывнас юралысьяс мӧдӧдісны отсасьысьяснысӧ висьтавны, мед лэдзасны пуксьӧдӧмаясӧс дзескыдінысь. 36Видзысь висьталіс та йылысь Павеллы: «Юралысьяс тшӧктісны лэдзны тіянӧс. Верманныд петны да мунны лӧня». 37Павел шуис юралысьяслӧн отсасьысьяслы: «Миянӧс, римса йӧзӧс, найӧ мыждытӧг став йӧз водзас нӧйтісны да шыбитісны дзескыдінӧ, а ӧні кӧсйӧны гусьӧн лэдзны! Огӧ петӧй. Мед асьныс локтасны да петкӧдасны миянӧс татысь». 38Мӧдӧдӧмаяс висьталісны Павеллысь кывъяссӧ юралысьяслы. Юралысьяс повзисны, кор кылісны, мый найӧ римсаяс. 39Сэсся локтісны да корисны налысь прӧща, а дзескыдінысь петкӧдігӧн корисны найӧс эновтны карнысӧ.
40Дзескыдінысь петӧм бӧрын Павел да Сила мунісны Лидия ордӧ, сэні аддзысисны вокъяскӧд. Найӧс ышӧдӧм бӧрын мунісны карсьыс.
Nke Ahọpụtara Ugbu A:
Ап. уджъяс 16: КБ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) Institute for Bible Translation, Finland, amp Finnish Bible Society, 2023
Ап. уджъяс 16
16
Тимофей мунӧ Павелкӧд
1Павел воис Дервияӧдз, а сэтысянь муніс Листраӧ. Сэні оліс Тимофей нима велӧдчысь. Мамыс сылӧн вӧлі иудей, эскысь ань, батьыс вӧлі грек. 2Листраын да Иконияын вокъяс бура сёрнитісны Тимофей йылысь. 3Павел шуис босьтны Тимофейӧс аскӧдыс да вундыштіс сійӧс сэтчӧс иудейяс понда, ӧд найӧ тӧдісны, мый Тимофейлӧн батьыс грек. 4Каръясӧ ветлігӧн найӧ висьтавлісны эскысьяслы апостолъяслысь да юрнуӧдысьяслысь Ерусалимын шуӧм тшӧктӧмъяссӧ, медым эскысьяс олісны на серти. 5Вичкояс ёнмисны эскӧмас, эскысьяслӧн лыдыс лунысь-лун содіс.
6Асияын Вежа Лов эз сет налы висьтавны Енлысь кывсӧ, та вӧсна найӧ мунісны Фригия да Галат муяс пыр 7Мисияӧ. Сэтысь найӧ кӧсйисны мунны Вифинияӧ, но Вежа Лов эз лэдз. 8Сэки Мисия пыр найӧ мунісны Троадаӧ. 9Войнас Павел аддзылас Енсянь петкӧдчылӧм: македонияса морт сулалӧ сы водзын да корӧ, лок пӧ Македонияӧ да отсав миянлы. 10Тайӧ петкӧдчылӧм бӧрас ми дзик пыр шуим мунны сэтчӧ. Ми гӧгӧрвоим, мый Господь корӧ миянӧс висьтавны сэні Бур Юӧр.
Лидиялӧн эскӧм
11Троадаысь ми кывтім веськыда Самофракияӧ, мӧд луннас – Неапольӧ, 12сэсянь мунім Филипӧ. Македониялӧн сэтчӧс юкӧнын тайӧ медводдза кар, сэтчӧ коркӧ овмӧдчылӧмаӧсь Римысь локтысьяс. Сэні ми вӧлім кымынкӧ лун. 13Шойччан лунӧ ми петім кар саяс да лэччим ю дорӧ, буретш сэтчӧ чукӧртчывлісны кевмысьны. Ми пуксим сэтчӧ локтысь аньяс дорӧ да пондім сёрнитны накӧд. 14Сэні вӧлі Фиатираысь пурпур дӧраӧн#16:14 Татшӧм пемыдгӧрд рӧма дона паськӧмсӧ новлісны сӧмын ӧксыяс да озыр йӧз. вузасьысь Лидия нима ань, сійӧ оліс Енсьыс полӧмӧн. Господь восьтіс сылысь сьӧлӧмсӧ сибӧдны Павеллысь кывъяссӧ, 15да сійӧ став гортсаыскӧд пыртчис. Сэсся шуис миянлы: «Ті кӧ лыддянныд менӧ Господьлы эскысьӧн, пырӧй менам керкаӧ да олӧй ме ордын». Сійӧ корӧмӧн корис миянӧс ас дорас.
Павел да Сила дзескыдінынӧсь
16Ӧтчыд кевмысьны муніганым паныдасис миянлы ӧти кесйӧг ань, код пытшкын вӧлі тунасян лов. Туналӧмнас сійӧ уна сьӧм вайис аслас ыджыдъяслы. 17Тайӧ аньыс вӧтчис Павел да миян бӧрся, сійӧ горзӧмӧн шуаліс: «Тайӧ йӧзыс Медвылысса Енлӧн кесйӧгъяс. Найӧ юӧртӧны миянлы, кыдзи мездмынысӧ». 18Тадзи сійӧ вӧчис уна лун чӧж. Павел скӧрмис таысь, сэсся ань дінӧ бергӧдчӧмӧн шуис тунасян ловлы: «Тшӧкта тэныд Исус Кристос нимӧн, пет сы пытшкысь». И сійӧ дзик пыр петіс. 19Кесйӧг аньлӧн ыджыдъяс аддзисны, мый воштісны озырмӧдчанторнысӧ, сэки босьтісны Павелӧс да Силаӧс да нуӧдісны йӧзаинӧ юралысьяс водзӧ. 20Вайӧдісны юралысьяс дінӧ да пондісны мыжавны: «Тайӧ иудей йӧзыс шызьӧдӧны карнымӧс, 21велӧдӧны йӧзсӧ овны мӧд ног. Но миянлы, римса войтырлы, оз позь на ног овнысӧ». 22Сэки йӧзыс накӧд тшӧтш сувтісны Павеллы да Силалы паныд. Юралысьяс тшӧктісны найӧс беддявны. Сэки нетшыштісны на вылысь паськӧмнысӧ да 23бура дыр кучкалӧм бӧрын шыбитісны найӧс дзескыдінӧ. Видзысьлы тшӧктісны, мед синсӧ оз лэдзлы на вылысь. 24Сійӧ тойыштіс найӧс медпыдіас да топӧдіс кокъяснысӧ тшемилӧ костӧ.
25Войшӧрнас Павел да Сила сьылісны да кевмысисны Енлы. Мукӧд пукалысьяс кывзісны найӧс. 26Виччысьтӧг муыс пондіс ёна вӧрны, дзескыдінлӧн подулыс вӧрзис, ӧдзӧсъяс воссисны, пукалысьяслӧн ки-коксьыныс кӧртӧдъяс разьсисны. 27Пуксьӧдӧмаясӧс видзысьыс садьмис да аддзис, мый ӧдзӧсъяс восьсаӧсь. Сэки перйис шыпуртсӧ да кӧсйис вины асьсӧ, чайтіс, мый пышйӧмаӧсь ставныс. 28Павел горӧдіс: «Нинӧм эн вӧч аскӧдыд! Ми ставным танӧсь».
29Видзысь корис би, котӧрӧн пырис Павел да Сила дінӧ да тіралӧмӧн уськӧдчис на водзӧ. 30Сэсся петкӧдіс найӧс ортсӧ да шуис: «Бур йӧзӧй, мый меным вӧчны, мед мездмыны?» 31Найӧ воча шуисны: «Эскы Господь Исус Кристослы, сэки мездман тэ да став тэнад гортсаыд». 32Вокъяс висьталісны сылы да сылӧн гортсаыслы Господьлысь кывсӧ. 33Сійӧ жӧ войнас видзысь петкӧдіс вокъясӧс дзескыдінысь, мыськаліс налысь дойяссӧ, сэсся гортсаыскӧд дзик пыр пыртчис. 34Та бӧрын вайӧдіс найӧс гортас да лӧсьӧдіс налы пызан. Аслас гортсакӧд сійӧ долыда нимкодясис, мый эскис Енлы.
35Асывнас юралысьяс мӧдӧдісны отсасьысьяснысӧ висьтавны, мед лэдзасны пуксьӧдӧмаясӧс дзескыдінысь. 36Видзысь висьталіс та йылысь Павеллы: «Юралысьяс тшӧктісны лэдзны тіянӧс. Верманныд петны да мунны лӧня». 37Павел шуис юралысьяслӧн отсасьысьяслы: «Миянӧс, римса йӧзӧс, найӧ мыждытӧг став йӧз водзас нӧйтісны да шыбитісны дзескыдінӧ, а ӧні кӧсйӧны гусьӧн лэдзны! Огӧ петӧй. Мед асьныс локтасны да петкӧдасны миянӧс татысь». 38Мӧдӧдӧмаяс висьталісны Павеллысь кывъяссӧ юралысьяслы. Юралысьяс повзисны, кор кылісны, мый найӧ римсаяс. 39Сэсся локтісны да корисны налысь прӧща, а дзескыдінысь петкӧдігӧн корисны найӧс эновтны карнысӧ.
40Дзескыдінысь петӧм бӧрын Павел да Сила мунісны Лидия ордӧ, сэні аддзысисны вокъяскӧд. Найӧс ышӧдӧм бӧрын мунісны карсьыс.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) Institute for Bible Translation, Finland, amp Finnish Bible Society, 2023