प्रेरितां चे काम 10
10
पतरस ते कुरनेलियुस
1कैसरिया मां कुरनेलियुस नांवा चा हेक शक्स हुता, जको रोम देश मां इतालियानी नांवा चे सैनिक-दल चा सूबेदार हुता। 2ओ नरीकारा चा भग़त हुता, ते आपणे सारे घराणे समेत नरीकारा कनु ङरता, ते यहूदी गरीब लौका नु बङा दान ङिता, ते लगातार नरीकारा कनु प्राथना करता रेहता। 3ओणे ङिहां चे तीजे पाहरा चे गोढु दर्शन मां साफ ङेखले कि नरीकारा चा हेक स्वर्ग़दूत ओचे गोढु भीतर आती कर किहे पला, “हे कुरनेलियुस।”
4ओणे ओनु ध्यानारीत ङेखले ते ङरती कर केहले, “हे प्रभु, का छै?”
ओणे ओनु केहले, “दुधी प्राथना सुणीती गेली ते दुधे दान नरीकारा चे सामणे याद करले गेले। 5ते हमा कानु याफा मां भेज़ती कर शमौन नु, जको पतरस किहवावे, हकरवाती गे। 6ओ शमौन, चमड़े चा धन्धा करने आले चे घरे मेहमान छै, जाये घर समुन्दरा चे किनारे छै।” 7जिसे बेले ओ स्वर्ग़दूत जेह्णे ओचे लारे बाता करलीया हुतीया चाह्ला गेला, तां कुरनेलियुस चे ङोन सेवका नु, ते हेक जको ओचे गोढु हाजिर रेहता भग़त सिपाहीया नु हकारले, 8ते वानु सारीया बाता बावड़ती कर याफा शहर सनु भेज़ले।
पतरस चा दर्शन
9ङुजे ङिओ जब वे टुरते-टुरते शहरा चे गोढु पुज़ले, तां ङुपाहर हुवणे कनु पेहले पतरस छत्ते उपर प्राथना करने वास्ते चढ़ला। 10ओनु भोक्क लाग़ली ते कहीं खाणे चाहवे ला, पर जिसे बेले वे तियारी करी पलते तां ओ बेसोध हुती गेला, 11ते ओणे ङेखले, कि आसमान खुलती गेला, ते हेक ठां बङी चादरी आलीकर चाहरी कूणा कनु लटकाले हुले, धरती सनु उतरे पले। 12जाये मां धरती चे सब तरह चे चऊं पग़्ग़ा आले ते घिसकणे आली जींये ते आसमाना ची पखीयें हुती। 13ओनु हेक इसड़ी अवाज सुणीली, “हे पतरस, ऊठ, मार ते खा।”
14पर पतरस ने केहले, “ना प्रभु, कङी ना, कांकि मैं कङी कुई अपवित्र जा अशुद्ध चीज कोनी खाली।”
15बल्ति ओनु ङुजी वारी अवाज सुणीली, “जको कोच्छ नरीकारा ने शोद्ध ठहराले, ओनु अशुद्ध ना केह।” 16तीन वारी इसड़े ही हुले, तब तुरन्त ऊं ठां आसमाना उपर चती गेहले गेले।
कुरनेलियुस चे घरा मां पतरस
17जिसे बेले पतरस आपणे मना मां दुविधा मां हुता, कि हा दर्शन जको मैं ङेखला ओ का हो सग़े, तां ङेखा, ऊं इन्सान जानु कुरनेलियुस ने भेज़ले हुते, शमौन चे घरा चा पता करती कर दरवाजे उपर आती भिले रेहले।
18वाणे साङ मारती कर पूछले, “का शमौन जको पतरस किहवावे, इठी मेहमान छै?”
19पतरस तां ओ दर्शना उपर सोचे ही भीलता, कि पवित्र आत्मा ने ओनु केहले, “ङेख, तीन जणे तनु सोते फिरी। 20तां ऊठती कर तले जा, ते वांचे लारे बेझिझक टुरती पड़, कांकि मैं ही वानु भेज़ले।” 21बल्ति पतरस तले उतरती कर वां बन्दा नु केहले, “ङेखा, जानु तम्ही सोते फिरा, ओ मैं ही छै। का वजह छै तम्चे इठे आणे ची?”
22वाणे केहले, “कुरनेलियुस सूबेदार जको धर्मी ते नरीकारा कनु ङरणे आला ते सारी यहूदी जाति मां मनले आले बन्दे छै, ओणे हेक पवित्र स्वर्ग़दूता कनु हा आदेश गेहला, कि तनु आपणे घरे हकारती कर दुधे कनु उपदेश सुणो।” 23बल्ति पतरस ने वानु भीतर हकारती कर रेहणे ची जग़हा ङिली।
ते ङुजे ङिओ, ओ वांचे लारे गेला, ते याफा मां रेहणे आले भावां महु कहीं ओचे लारे टुरती पले। 24ङुजे ङिओ वे केसरिया मां पुज़ले, ते कुरनेलियुस आपणे कुणम्बा ते मित्र प्यारा नु भेले करती वांची इंतजार करे पलता।
25जिसे बेले पतरस भीतर आवे पलता, तां कुरनेलियुस ओचे लारे मिड़ला, ते पग़्ग़ा चे उपर ढेती कर ओनु प्रणाम करले। 26पर पतरस ने ओनु उठाणती कर केहले, “खड़ा हो, मैं वी तां इन्सान ही छै।”
27ते ओचे लारे बाता करता हुला भीतर गेला, ते ब़ोहत सारे लौका नु भेले हुले ङेखती कर ओनु केहले, 28“तम्ही जाणा, कि नेरीया जातिया लारे संगति राखणी या वांचे ओठे जाणे यहूदी वास्ते अधर्म छै, पर नरीकारा ने मनु बावड़ले कि कुई बन्दे नु अपवित्र जा अशुद्ध ना किहे। 29ऐवास्ते मनु जिसे बेले हकारले गेले तां बिना कोच्छ केहले चाह्ला आला। हमा मैं पूछे पला कि मनु किसे कामा वास्ते हकारले गेले?”
30कुरनेलियुस ने केहले, “येही घड़ी, पुरी चार ङिहें हुली, मैं आपणे घरे तीजे पाहरा नु प्राथना करे पलता, तां ङेखा, हेक मर्द चमकणी ओढ़णी घाले हुले, माये सामणे आती भिला रेहला। 31ते किहुं लाग़ला, ‘हे कुरनेलियुस दुधी प्राथना सुणीती गेली ते दुधे दान नरीकारा चे सामणे याद करले गेले। 32ऐवास्ते कानु याफा भेज़ती कर शमौन नु जको पतरस किहवावे, हकार। ओ शमौन, समुन्दरा चे किनारे चमड़े चा धन्धा करने आले चे घरे मेहमान छै।’ 33बल्ति मैं तुरन्त दुधे गोढु ये बन्दी भेज़ली, ते तु भले करले जको आती गेला। हमा अम्ही सारी इठे नरीकारा चे सामणे छिऊं कि जको कहीं नरीकारा ने तनु केहले वा सुणु।”
पतरस चा उपदेश
34बल्ति पतरस ने केहले, “हमा मैं ठानती गेले कि नरीकार काया पक्ष ना करी, 35बल्कि हर जाति मां जको ओकनु ङरे ते धर्मा चे काम करे ऊं ओनु भाते रिहे। 36हाओ छै ओही वचन जानु ओणे ईशु मसीह चे जरिये, जको सब चा प्रभु छै, शान्ति चा सुसमाचार सुणाते हुले इस्राएली लौका नु ङिला हुता।
37“ओ वचन तम्ही जाणा, जको यूहन्ना चे बपतिस्मे चे प्रचार चे बाद गलील महु शुरु हुती कर सारे यहूदिया मां खिंडती गेला। 38नरीकारा ने किसी रीति लारे ईशु नासरी नु पवित्र आत्मा ते सामर्थ लारे अभिषेक करले, ओ भलाई करता, ते सारा नु जको शैताना चे सताले आले हुते, ठीक करता फिरला, कांकि नरीकार ओचे लारे हुता।
39“ते अम्ही वां सारे कामा चे ग़वाह छिऊं, जको ओणे यहूदिया चे देश ते यरुशलेम मां वी करले ते वाणे ओनु क्रूसा उपर लटकाती मारती नाखले। 40पर ईशु नु नरीकारा ने तीजे ङिओ जिवाले, ते प्रकट वी करती ङिले। 41सारा लौका नु ना बल्कि वां ग़वाह नु जानु नरीकारा ने पेहले कनु चुणती गेले हुते, यानि अम्हानु जेह्णे ओचे मरले आला महु जीते हुवणे चे बाद ओचे लारे खाले पिले।
42“ते ओणे अम्हानु आज्ञा ङिली कि लौका मां प्रचार करा ते ग़वाही ङिया, कि हा ओही छै जानु खौद्द नरीकारा ने जीता चा ते मरले आला चा न्यां करने आला ठहराला। 43ओची सारे भविष्यवक्ता ग़वाही ङी कि जको कुई ओचे उपर विश्वास करी, ओनु ओचे नांवा चे जरिये पापा ची माफी मिली।”
नेरीया जातिया उपर पवित्र आत्मा चे उतरने
44पतरस ये बाता किहे ही पलता कि पवित्र आत्मा वचना चे सब सुणने आला उपर उतरती आला। 45ते जितने यहूदी विश्वासी पतरस चे लारे आलते, वे सारे हैरान हुले कि नेरीया जातिया उपर वी पवित्र आत्मा उतरला। 46कांकि वाणे वानु तरह तरह ची ब़ोली ब़ोलते ते नरीकारा ची बढ़ाई करते सुणले ते।
47ऐचे उपर पतरस ने केहले, “का हमा कुई याहनु पाणीया लारे बपतिस्मा गेहणे वास्ते रोक सग़े? कांकि यांणे वी अम्चे आलीकर पवित्र आत्मा गेहला।” 48ते ओणे आज्ञा ङिली कि वानु ईशु मसीह चे नांवा लारे बपतिस्मा ङिला जाओ। बल्ति वाणे ओकनु बिनती करली, कि कोच्छ ङिहें होर अम्चे लारे रेह।
Nke Ahọpụtara Ugbu A:
प्रेरितां चे काम 10: ODR
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
CC BY-NC-ND 4.0
प्रेरितां चे काम 10
10
पतरस ते कुरनेलियुस
1कैसरिया मां कुरनेलियुस नांवा चा हेक शक्स हुता, जको रोम देश मां इतालियानी नांवा चे सैनिक-दल चा सूबेदार हुता। 2ओ नरीकारा चा भग़त हुता, ते आपणे सारे घराणे समेत नरीकारा कनु ङरता, ते यहूदी गरीब लौका नु बङा दान ङिता, ते लगातार नरीकारा कनु प्राथना करता रेहता। 3ओणे ङिहां चे तीजे पाहरा चे गोढु दर्शन मां साफ ङेखले कि नरीकारा चा हेक स्वर्ग़दूत ओचे गोढु भीतर आती कर किहे पला, “हे कुरनेलियुस।”
4ओणे ओनु ध्यानारीत ङेखले ते ङरती कर केहले, “हे प्रभु, का छै?”
ओणे ओनु केहले, “दुधी प्राथना सुणीती गेली ते दुधे दान नरीकारा चे सामणे याद करले गेले। 5ते हमा कानु याफा मां भेज़ती कर शमौन नु, जको पतरस किहवावे, हकरवाती गे। 6ओ शमौन, चमड़े चा धन्धा करने आले चे घरे मेहमान छै, जाये घर समुन्दरा चे किनारे छै।” 7जिसे बेले ओ स्वर्ग़दूत जेह्णे ओचे लारे बाता करलीया हुतीया चाह्ला गेला, तां कुरनेलियुस चे ङोन सेवका नु, ते हेक जको ओचे गोढु हाजिर रेहता भग़त सिपाहीया नु हकारले, 8ते वानु सारीया बाता बावड़ती कर याफा शहर सनु भेज़ले।
पतरस चा दर्शन
9ङुजे ङिओ जब वे टुरते-टुरते शहरा चे गोढु पुज़ले, तां ङुपाहर हुवणे कनु पेहले पतरस छत्ते उपर प्राथना करने वास्ते चढ़ला। 10ओनु भोक्क लाग़ली ते कहीं खाणे चाहवे ला, पर जिसे बेले वे तियारी करी पलते तां ओ बेसोध हुती गेला, 11ते ओणे ङेखले, कि आसमान खुलती गेला, ते हेक ठां बङी चादरी आलीकर चाहरी कूणा कनु लटकाले हुले, धरती सनु उतरे पले। 12जाये मां धरती चे सब तरह चे चऊं पग़्ग़ा आले ते घिसकणे आली जींये ते आसमाना ची पखीयें हुती। 13ओनु हेक इसड़ी अवाज सुणीली, “हे पतरस, ऊठ, मार ते खा।”
14पर पतरस ने केहले, “ना प्रभु, कङी ना, कांकि मैं कङी कुई अपवित्र जा अशुद्ध चीज कोनी खाली।”
15बल्ति ओनु ङुजी वारी अवाज सुणीली, “जको कोच्छ नरीकारा ने शोद्ध ठहराले, ओनु अशुद्ध ना केह।” 16तीन वारी इसड़े ही हुले, तब तुरन्त ऊं ठां आसमाना उपर चती गेहले गेले।
कुरनेलियुस चे घरा मां पतरस
17जिसे बेले पतरस आपणे मना मां दुविधा मां हुता, कि हा दर्शन जको मैं ङेखला ओ का हो सग़े, तां ङेखा, ऊं इन्सान जानु कुरनेलियुस ने भेज़ले हुते, शमौन चे घरा चा पता करती कर दरवाजे उपर आती भिले रेहले।
18वाणे साङ मारती कर पूछले, “का शमौन जको पतरस किहवावे, इठी मेहमान छै?”
19पतरस तां ओ दर्शना उपर सोचे ही भीलता, कि पवित्र आत्मा ने ओनु केहले, “ङेख, तीन जणे तनु सोते फिरी। 20तां ऊठती कर तले जा, ते वांचे लारे बेझिझक टुरती पड़, कांकि मैं ही वानु भेज़ले।” 21बल्ति पतरस तले उतरती कर वां बन्दा नु केहले, “ङेखा, जानु तम्ही सोते फिरा, ओ मैं ही छै। का वजह छै तम्चे इठे आणे ची?”
22वाणे केहले, “कुरनेलियुस सूबेदार जको धर्मी ते नरीकारा कनु ङरणे आला ते सारी यहूदी जाति मां मनले आले बन्दे छै, ओणे हेक पवित्र स्वर्ग़दूता कनु हा आदेश गेहला, कि तनु आपणे घरे हकारती कर दुधे कनु उपदेश सुणो।” 23बल्ति पतरस ने वानु भीतर हकारती कर रेहणे ची जग़हा ङिली।
ते ङुजे ङिओ, ओ वांचे लारे गेला, ते याफा मां रेहणे आले भावां महु कहीं ओचे लारे टुरती पले। 24ङुजे ङिओ वे केसरिया मां पुज़ले, ते कुरनेलियुस आपणे कुणम्बा ते मित्र प्यारा नु भेले करती वांची इंतजार करे पलता।
25जिसे बेले पतरस भीतर आवे पलता, तां कुरनेलियुस ओचे लारे मिड़ला, ते पग़्ग़ा चे उपर ढेती कर ओनु प्रणाम करले। 26पर पतरस ने ओनु उठाणती कर केहले, “खड़ा हो, मैं वी तां इन्सान ही छै।”
27ते ओचे लारे बाता करता हुला भीतर गेला, ते ब़ोहत सारे लौका नु भेले हुले ङेखती कर ओनु केहले, 28“तम्ही जाणा, कि नेरीया जातिया लारे संगति राखणी या वांचे ओठे जाणे यहूदी वास्ते अधर्म छै, पर नरीकारा ने मनु बावड़ले कि कुई बन्दे नु अपवित्र जा अशुद्ध ना किहे। 29ऐवास्ते मनु जिसे बेले हकारले गेले तां बिना कोच्छ केहले चाह्ला आला। हमा मैं पूछे पला कि मनु किसे कामा वास्ते हकारले गेले?”
30कुरनेलियुस ने केहले, “येही घड़ी, पुरी चार ङिहें हुली, मैं आपणे घरे तीजे पाहरा नु प्राथना करे पलता, तां ङेखा, हेक मर्द चमकणी ओढ़णी घाले हुले, माये सामणे आती भिला रेहला। 31ते किहुं लाग़ला, ‘हे कुरनेलियुस दुधी प्राथना सुणीती गेली ते दुधे दान नरीकारा चे सामणे याद करले गेले। 32ऐवास्ते कानु याफा भेज़ती कर शमौन नु जको पतरस किहवावे, हकार। ओ शमौन, समुन्दरा चे किनारे चमड़े चा धन्धा करने आले चे घरे मेहमान छै।’ 33बल्ति मैं तुरन्त दुधे गोढु ये बन्दी भेज़ली, ते तु भले करले जको आती गेला। हमा अम्ही सारी इठे नरीकारा चे सामणे छिऊं कि जको कहीं नरीकारा ने तनु केहले वा सुणु।”
पतरस चा उपदेश
34बल्ति पतरस ने केहले, “हमा मैं ठानती गेले कि नरीकार काया पक्ष ना करी, 35बल्कि हर जाति मां जको ओकनु ङरे ते धर्मा चे काम करे ऊं ओनु भाते रिहे। 36हाओ छै ओही वचन जानु ओणे ईशु मसीह चे जरिये, जको सब चा प्रभु छै, शान्ति चा सुसमाचार सुणाते हुले इस्राएली लौका नु ङिला हुता।
37“ओ वचन तम्ही जाणा, जको यूहन्ना चे बपतिस्मे चे प्रचार चे बाद गलील महु शुरु हुती कर सारे यहूदिया मां खिंडती गेला। 38नरीकारा ने किसी रीति लारे ईशु नासरी नु पवित्र आत्मा ते सामर्थ लारे अभिषेक करले, ओ भलाई करता, ते सारा नु जको शैताना चे सताले आले हुते, ठीक करता फिरला, कांकि नरीकार ओचे लारे हुता।
39“ते अम्ही वां सारे कामा चे ग़वाह छिऊं, जको ओणे यहूदिया चे देश ते यरुशलेम मां वी करले ते वाणे ओनु क्रूसा उपर लटकाती मारती नाखले। 40पर ईशु नु नरीकारा ने तीजे ङिओ जिवाले, ते प्रकट वी करती ङिले। 41सारा लौका नु ना बल्कि वां ग़वाह नु जानु नरीकारा ने पेहले कनु चुणती गेले हुते, यानि अम्हानु जेह्णे ओचे मरले आला महु जीते हुवणे चे बाद ओचे लारे खाले पिले।
42“ते ओणे अम्हानु आज्ञा ङिली कि लौका मां प्रचार करा ते ग़वाही ङिया, कि हा ओही छै जानु खौद्द नरीकारा ने जीता चा ते मरले आला चा न्यां करने आला ठहराला। 43ओची सारे भविष्यवक्ता ग़वाही ङी कि जको कुई ओचे उपर विश्वास करी, ओनु ओचे नांवा चे जरिये पापा ची माफी मिली।”
नेरीया जातिया उपर पवित्र आत्मा चे उतरने
44पतरस ये बाता किहे ही पलता कि पवित्र आत्मा वचना चे सब सुणने आला उपर उतरती आला। 45ते जितने यहूदी विश्वासी पतरस चे लारे आलते, वे सारे हैरान हुले कि नेरीया जातिया उपर वी पवित्र आत्मा उतरला। 46कांकि वाणे वानु तरह तरह ची ब़ोली ब़ोलते ते नरीकारा ची बढ़ाई करते सुणले ते।
47ऐचे उपर पतरस ने केहले, “का हमा कुई याहनु पाणीया लारे बपतिस्मा गेहणे वास्ते रोक सग़े? कांकि यांणे वी अम्चे आलीकर पवित्र आत्मा गेहला।” 48ते ओणे आज्ञा ङिली कि वानु ईशु मसीह चे नांवा लारे बपतिस्मा ङिला जाओ। बल्ति वाणे ओकनु बिनती करली, कि कोच्छ ङिहें होर अम्चे लारे रेह।
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
CC BY-NC-ND 4.0