Mateo 4
4
O Jesus zumado
Mk 1.12-13; Lk 4.1-13
1Ondaka o Duo e Devleko inllarda e Jesuse po pusto te sai zumavel le o llavolo.#Ebr 2.18; 4.15.
2Kote achilo saranda llive ta saranda racha, ta bokhailo. 3Ondaka o llavolo avilo pasa le, ta phenda leke:
Te san chachimaia o Chavo e Devleko, phen gale barrenge te cherdon marrno.
4A o Jesus phenda leke:#Dt 8.3.
Ando Pisipe phenel gia: Na samo e marnetar ka zivil o manus, o manus zivil i katar suako alav kai likel katar e Devleko mui.
5Ondaka o llavolo inllarda le ando santo foro katar o Jerusalem ta thoda le upral po than mai vazdino katar o cher e Devleko, 6ta phenda leke:#Sal 91.11-12.
Te san chachimaia o Chavo e Devleko, chude tut tele, soke ando Pisipe phenel gia:
O Del ka bichalel pe suechonen te arakhen tut,
ta ka vazden tut pe vastenchar
te na eskombal cho porrno pe ni iek barr.
7A o Jesus phenda leke:#Dt 6.16.
Ta i ando Pisipe phenel gia: Na thov ando zumadipe e Gazda kai si cho Del.
8Mapalal o llavolo inllarda le pe iek burdo but baro, ta sikada leke sa e phuvia e suetoke ta lengo baripe, 9ta phenda leke:
Me ka dav tut sa gala ezgode, te dea changa ta te blagosia man.
10A o Jesus phenda leke:#Dt 6.13.
Llatar llavolo, soke ando Pisipe phenel gia: Blagosisar e Gazda kai si cho Del, ta radisar samo leke.
11Ondaka o llavolo mukla le, ta avile e suechura te pomozin le.
E Jesuseko rado llal angle
Mk 1.14-15; Lk 4.14-15
12Kana o Jesus asunda kai phangle e Juane, irisailo ande Galilea.#Mt 14.3; Mk 6.17; Lk 3.19-20. 13Ta ni achilo ando Nazaret, vou llelo ando Kafarnaum, kote beslo ande iek foro kai saia pasa e mora, ande phuv katar o Zabulon ta katar o Neftali.#Jn 2.12. 14Gala ezgode nakhle te sai cherdol so phendaia o profeta o Isaias kana phenda:
15E phuv katar o Zabulon, ta e phuv katar o Neftali,
o drom kai llal kai e mora
pe o goia rig katar o Jordan
ande Galilea, kote kai zivin e llene kai inai judiura.
16O foro kai besela ando truniariko,#Is 9.1-2.
dikhla iek baro villelo,
gola kai besena ando truniariko merimako,
o villelo sikadilo lenge.
17Sar kotar o Jesus thoda te phenel:#Mt 3.2.
Irin tumen katar tumare bilache droma, soke e charoina e Devleki si pase.
O Jesus ikharel staren macharia
Mk 1.16-20; Lk 5.1-11
18O Jesus phirela pasa e mora katar e Galilea ta dikhla duie phlalen, e Simono, kai ikharena le Pedro ta e Andrese. Von sea macharia ta chudena e mreza ande mora. 19Ta o Jesus phenda lenge:
Aven pala ma ta ka cherav tumen macharia manusenge.
20Ondaka von mukle isto kote pe mreze, ta lleletar lea.
21O Jesus llelo mai angle ta dikhla duie phlalen ios, e Santiago ta e Juane chave e Zebedeoke, von sea pe dadea ande iek llimia ta lacharena pe mreze ta o Jesus ikharda i len, 22Ta isto kote kana ikharda len, mukle e llimia ta i pe dade ta lleletar lea.
O Jesus sikavel e sueto
Lk 6.17-19
23O Jesus llala ande sa e phuv katar e Galilea, ta sikavela ande khanllira e judionenge, ta dela orba katar e lachi viasta, katar e charoina, ta i sastarela e manusen katar sa lengo nasualipe ta i katar sa lenge dukha kai saia len ando foro.#Mt 9.35; Mk 1.39. 24Ta lleli leki viasta ande sa e phuv katar e Siria, ta anena lete sa golen kai sea nasuale o kai dukhala len vareso, ta i golen kai sea e llavolura ande lende, ta i gola kai perena bengendar, ta i golen kai nasti phirena, ta o Jesus sastarela len.
25Pala le llala but sueto katar e Galilea, katar e Dekapolis, katar o Jerusalem, katar e Judea, ta i katar o goia rig katar o Jordan.
Nke Ahọpụtara Ugbu A:
Mateo 4: BACHRO
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Biblia ande chib Romani © Sociedad Bíblica Chilena, 2018.
Mateo 4
4
O Jesus zumado
Mk 1.12-13; Lk 4.1-13
1Ondaka o Duo e Devleko inllarda e Jesuse po pusto te sai zumavel le o llavolo.#Ebr 2.18; 4.15.
2Kote achilo saranda llive ta saranda racha, ta bokhailo. 3Ondaka o llavolo avilo pasa le, ta phenda leke:
Te san chachimaia o Chavo e Devleko, phen gale barrenge te cherdon marrno.
4A o Jesus phenda leke:#Dt 8.3.
Ando Pisipe phenel gia: Na samo e marnetar ka zivil o manus, o manus zivil i katar suako alav kai likel katar e Devleko mui.
5Ondaka o llavolo inllarda le ando santo foro katar o Jerusalem ta thoda le upral po than mai vazdino katar o cher e Devleko, 6ta phenda leke:#Sal 91.11-12.
Te san chachimaia o Chavo e Devleko, chude tut tele, soke ando Pisipe phenel gia:
O Del ka bichalel pe suechonen te arakhen tut,
ta ka vazden tut pe vastenchar
te na eskombal cho porrno pe ni iek barr.
7A o Jesus phenda leke:#Dt 6.16.
Ta i ando Pisipe phenel gia: Na thov ando zumadipe e Gazda kai si cho Del.
8Mapalal o llavolo inllarda le pe iek burdo but baro, ta sikada leke sa e phuvia e suetoke ta lengo baripe, 9ta phenda leke:
Me ka dav tut sa gala ezgode, te dea changa ta te blagosia man.
10A o Jesus phenda leke:#Dt 6.13.
Llatar llavolo, soke ando Pisipe phenel gia: Blagosisar e Gazda kai si cho Del, ta radisar samo leke.
11Ondaka o llavolo mukla le, ta avile e suechura te pomozin le.
E Jesuseko rado llal angle
Mk 1.14-15; Lk 4.14-15
12Kana o Jesus asunda kai phangle e Juane, irisailo ande Galilea.#Mt 14.3; Mk 6.17; Lk 3.19-20. 13Ta ni achilo ando Nazaret, vou llelo ando Kafarnaum, kote beslo ande iek foro kai saia pasa e mora, ande phuv katar o Zabulon ta katar o Neftali.#Jn 2.12. 14Gala ezgode nakhle te sai cherdol so phendaia o profeta o Isaias kana phenda:
15E phuv katar o Zabulon, ta e phuv katar o Neftali,
o drom kai llal kai e mora
pe o goia rig katar o Jordan
ande Galilea, kote kai zivin e llene kai inai judiura.
16O foro kai besela ando truniariko,#Is 9.1-2.
dikhla iek baro villelo,
gola kai besena ando truniariko merimako,
o villelo sikadilo lenge.
17Sar kotar o Jesus thoda te phenel:#Mt 3.2.
Irin tumen katar tumare bilache droma, soke e charoina e Devleki si pase.
O Jesus ikharel staren macharia
Mk 1.16-20; Lk 5.1-11
18O Jesus phirela pasa e mora katar e Galilea ta dikhla duie phlalen, e Simono, kai ikharena le Pedro ta e Andrese. Von sea macharia ta chudena e mreza ande mora. 19Ta o Jesus phenda lenge:
Aven pala ma ta ka cherav tumen macharia manusenge.
20Ondaka von mukle isto kote pe mreze, ta lleletar lea.
21O Jesus llelo mai angle ta dikhla duie phlalen ios, e Santiago ta e Juane chave e Zebedeoke, von sea pe dadea ande iek llimia ta lacharena pe mreze ta o Jesus ikharda i len, 22Ta isto kote kana ikharda len, mukle e llimia ta i pe dade ta lleletar lea.
O Jesus sikavel e sueto
Lk 6.17-19
23O Jesus llala ande sa e phuv katar e Galilea, ta sikavela ande khanllira e judionenge, ta dela orba katar e lachi viasta, katar e charoina, ta i sastarela e manusen katar sa lengo nasualipe ta i katar sa lenge dukha kai saia len ando foro.#Mt 9.35; Mk 1.39. 24Ta lleli leki viasta ande sa e phuv katar e Siria, ta anena lete sa golen kai sea nasuale o kai dukhala len vareso, ta i golen kai sea e llavolura ande lende, ta i gola kai perena bengendar, ta i golen kai nasti phirena, ta o Jesus sastarela len.
25Pala le llala but sueto katar e Galilea, katar e Dekapolis, katar o Jerusalem, katar e Judea, ta i katar o goia rig katar o Jordan.
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Biblia ande chib Romani © Sociedad Bíblica Chilena, 2018.