ኀበ ቲቶ 3
3
ምዕራፍ 3
በእንተ ግብረ መምህራን
1 #
ዕብ. 13፥21፤ 1ጴጥ. 2፥13። ዘክሮሙ ለቀደምት ወለመኳንንት ከመ ይትአዘዙ በኵሉ ምግባረ ሠናይ ወይኩኑ ጥቡዓነ ቦቱ። 2#ኤፌ. 4፥31፤ ፊልጵ. 4፥5፤ ማቴ. 5፥5-7። ወኢይትቈጥዑ ወኢይትገዐዙ አላ መሓርያነ ወየዋሃነ ይኩኑ ምስለ ኵሉ ሰብእ። 3#1ቆሮ. 6፥11፤ ኤፌ. 2፥2-4፤ 4፥17-18። እስመ ንሕነሂ ትካት አበድነ ዘእንበለ አእምሮ ወክሕድነ ወስሕትነ ወተቀነይነ ለፍትወት ወለሐውዝ ዘዘ ዚኣሁ ወተለውነ እኩየ ወተቃንኦ ወአሕሠምነ ወጸላእነ ቢጸነ። 4#2፥11። ወአመ አስተርአየ ምሕረቱ ለእግዚአብሔር መፍቀሬ ሰብእ መድኀኒነ። 5#ሮሜ 3፥20፤ ገላ. 2፥16፤ ኤፌ. 2፥8-9፤ 5፥26፤ ዮሐ. 3፥5። አኮ በምግባረ ጽድቅነ ዳእሙ በምሕረቱ አድኀነነ በጥምቀተ ዳግም ልደት ወተሐድሶ በመንፈስ ቅዱስ። 6#ሕዝ. 36፥25፤ ኢዮብ 3፥1። ዘሶጠ ላዕሌነ በብዕሉ በእንተ ኢየሱስ ክርስቶስ መድኀኒነ። 7#ሮሜ 5፥1፤ 8፥17። ከመ ንጽደቅ በጸጋሁ ወንረስ ተስፋ ሕይወት ዘለዓለም። 8እሙን ነገር ወበእንተዝ እፈቅድ አነሂ ታጽንዖሙ ከመ የኀልዩ ተራድኦ በኵሉ ምግባረ ሠናይ እለ ተአመኑ በእግዚአብሔር ዝኬ ሠናይ ዘይበቍዖ ለሰብእ። 9#1ጢሞ. 4፥7። ነገረ ጋዕዝ ወእበድ ዘይፈጥሩ ወመሐደምት ወወክሕ ተገኀሦሙ እስመ ከንቱ ውእቱ ወኢይበቍዕ። 10#2ቆሮ. 13፥2፤ 2ጢሞ. 4፥12። ለመስተካሕድ ብእሲ እምከመ ምዕረ ወካዕበ ገሠጽኮ ወአበየ ኅድጎ። 11ወአምሮ ከመ ዐላዊ ውእቱ ዘከማሁ ያስሕት ወያጌጊ ወይረክብ ኵነኔ።
ማኅተመ መልክእት
12 #
ግብረ ሐዋ. 18፥20፤ 20፥4፤ ኤፌ. 6፥21-22፤ ቈላ. 4፥7-8፤ 1ጢሞ. 4፥12። ወእምከመ ፈነውክዎ ለአርጢሞን ኀቤከ አው ጢኪቆስ ፍጡነ ነዓ ኀቤየ ሀገረ ናቆጵል እስመ አጥባዕኩ እክርም ህየ። 13#ግብረ ሐዋ. 18፥24፤ 1ቆሮ. 16፥12። ለዜማስ ጸሓፌ ሀገር ወለአጵሎስ ጽሑቀ አክብሮሙ ኢይጸነሱ ምንተኒ። 14#ኤፌ. 4፥28፤ ማቴ. 7፥19፤ ቈላ. 1፥10። ወእሊኣነሂ ይትመሀሩ ምግባረ ሠናየ በዘይቀውሙ ውስተ ዘይትፈቀድ ግብር ከመ ኢይኅጥኡ ፍሬ። 15አምኁከ ኵሎሙ እለ ምስሌየ አምኅ ኵሎ ዘያፈቅረነ በሃይማኖት ጸጋሁ የሀሉ ምስለ ኵልክሙ አሜን።
ተፈጸመት መልእክት ኀበ ቲቶ ወተጽሕፈት በሀገረ ናቆጵል ወተፈነወት ምስለ አርጣማ ረድኡ።
ወስብሐት ለእግዚአብሔር አሜን።
Nke Ahọpụtara Ugbu A:
ኀበ ቲቶ 3: ሐኪግ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye