ራእዩ ለዮሐንስ 2
2
ምዕራፍ 2
1 #
1፥13-16። ወጸሐፍ ሎቱ ለመልአከ ቤተ ክርስቲያን ዘኤፌሶን ከመዝ ይቤለከ አኃዜ ኵሉ ዘያጸንዕ ሰብዐተ ከዋክብተ በየማኑ ወዘየሐውር በማእከለ ሰብዑ መኃትው ዘወርቅ። 2#1ዮሐ. 4፥2-3። ርኢኩ ግብረከ ወጻማከ ወትዕግሥተከ ወከመ ኢትክል ጸዊሮቶሙ ለእኩያን እለ ይብሉ ርእሶሙ ሐዋርያተ ወኢኮኑ ወረከብካሆሙ ከመ ሐሰዉ። 3#ገላ. 6፥9። ወተዐገሥከ ወጾርከ በእንተ ስምየ ወኢተቈጣዕከ። 4#3፥3-9። ወባሕቱ ቦ ዘአሐይሰከ እስመ ኀደገ አፍቅሮተከ ዘቀዲሙ። 5ወተዘከር በበይነ ምንት ወደቀ ነስሕ እንከ ወእመ አኮሰ እመጽእ ወአድለቀልቃ ለማኅቶትከ እምነ መካና እመ ኢነሳሕከ ወከመ ቀዲሙ ግብረከ እመ ኢገበርከ። 6ወዝንቱሰ ብከ እስመ ትጸልእ ምግባሮሙ ለኒቆላውያን በከመ አነ እጸልእ። 7#22፥2፤ ዘፍ. 2፥9። ዘቦ እዝን ሰሚዐ ለይስማዕ ምንተ ይቤ መንፈስ ቅዱስ ለአብያተ ክርስቲያናት ወለዘሞአሰ እሁቦ ይብላዕ እምውስተ ዕፀ ሕይወት ዘሀሎ ውስተ ገነቱ ለአምላኪየ። 8ወጸሐፍ ሎቱ ለመልአከ ቤተ ክርስቲያን ዘሴሜርኔስ ከመዝ ይቤ ዘውእቱ ቀዳማዊ ወውእቱ ደኃራዊ ዘሞተ ወሐይወ። 9#3፥9፤ ያዕ. 2፥5፤ 2ቆሮ. 11፥14-15። አአምር ሕማመከ ወኀጣይአከ ወባሕቱ ብዑል አንተ ወፅርፈቶሙ ለእለ ይብሉ አይሁድ ንሕነ ወኢኮኑ አላ ማኅበሩ ለሰይጣን እሙንቱ። 10#ማቴ. 10፥28፤ 2ጢሞ. 4፥8። ኢትፍራህ ምንተኒ በእንተ ዘሀለወከ ትሕምም እስመ ናሁ ሰይጣን ይወዲ እምኔክሙ ውስተ ሞቅሕ ከመ ትትዐቀፉ ወተሐሙ ዐሡረ መዋዕለ ወኩን መሃይምነ እስከ ለሞት ወእሁበከ አክሊለ ሕይወት፤ 11#20፥14። ዘቦ እዝን ሰሚዐ ለይስማዕ ምንተ ይቤ መንፈስ ቅዱስ ለአብያተ ክርስቲያናት ወዘሰ ሞአ ኢይመውት ዳግመ ሞተ። 12#1፥16። ወጸሐፍ ሎቱ ለመልአከ ቤተ ክርስቲያን ዘጴርጋሞን ከመዝ ይቤ ዘቦ ሰይፍ በሊኅ ዘክልኤ አፉሁ። 13አአምር ኀበ ታነብር እዴከ መንበሩ ለሰይጣን ወታጸንዕ ስምየ ወኢክሕድከ ሃይማኖትየ ወበመዋዕል ዘቀተልዎ በኀቤክሙ ለጻድቅየ መሃይምን በኀበ ይነብር ሰይጣን። 14#ዘኍ. 31፥16፤ ይሁዳ 11። ወባሕቱ ቦ ዘአሐይሰከ እስመ ሀለዉ ዝየ እለ ያጸንዑ ትምህርቶ ለበለዓም መምህሩ ለባላቅ ወይወድዩ ዕቅፍተ ቅድሜሆሙ ለደቂቀ እስራኤል ከመ ይብልዑ ዝቡሐ ለአማልክት ወይዘምዉ። 15ወእሉኒ ሀለዉ ኀቤከ እለ ያጸንዑ ትምህርቶሙ ለኒቆላውያን። 16#1፥16። ወይእዜኒ ነስሕ ወእመ አኮሰ እመጽእ ወእጸብኦሙ ፍጡነ በሰይፈ አፉየ። 17#3፥12። ዘቦ እዝን ሰሚዐ ለይስማዕ ምንተ ይቤ መንፈስ ቅዱስ ለአብያተ ክርስቲያናት ለዘሞአ እሁቦ መና ዘኅቡእ ወእሁቦ መጽሐፈ ብርሃን ወውስተ ውእቱ መጽሐፍ ጽሑፍ ስም ሐዲስ ዘአልቦ ዘየአምሮ ዘእንበለ ዘነሥኦ። 18ወጸሐፍ ሎቱ ለመልአከ ቤተ ክርስቲያን ዘትያጥሮን ከመዝ ይቤ ወልደ እግዚአብሔር ዘአዕይንቲሁ ከመ ነደ እሳት ወእገሪሁ ከመ ርስነ ብርተ ሊባኖስ። 19አአምር ግብረከ ወተፋቅሮተከ ወሃይማኖተከ ወመልእክተከ ወትዕግሥተከ ወግብርከኒ ደኃሪት ትበዝኅ እምነ ቀዳሚት። 20#1ነገ. 16፥31። ወባሕቱ ቦ ዘአሐይሰከ እስመ አርመምከ ላቲ ለኤልዛቤል ብእሲት እንተ ትብል ርእሳ ነቢይት ወኢኮነት ወትሜህር በዘታስሕቶሙ ወታዜምዎሙ ለአግብርትየ ከመ ይብልዑ ዝቡሐ ለአማልክት። 21ወወሀብክዋ መዋዕለ በዘትኔስሕ ወአበየት ነስሖ እምነ ዝሙታ። 22ወናሁ አገብኣ ውስተ ዘቀዳሚ ምስካባ ወለእለ ዘመዉ ምስሌሃ ውስተ ዐቢይ ሥቃይ እመ ኢነስሐት እምነ ምግባራ። 23#መዝ. 7፥9፤ ኤር. 17፥10። ወእቀትል ደቂቃ በሞት ወየአምሩ ኵሉ አብያተ ክርስቲያናት ከመ አነ ውእቱ ዘእፈትን ልበ ወኵልያተ ወእፈድየክሙ ለለአሐዱ አሐዱ እምኔክሙ በከመ ምግባሪክሙ። 24ወለክሙኒ እብል ለእለ ተረፍክሙ ውስተ ትያጥሮን ወለእለ አልብክሙ ዝንቱ ትምህርት ለእለ ኢታአምርዋ ለጕሕሉተ ሰይጣን ዘይብል ኢይወዲ#ቦ ዘይቤ «እወዲ» ላዕሌክሙ ክልኤ ክበደ። 25ወባሕቱ ዘብክሙ አጽንዑ እስከ አመ እሣሀል። 26ወለዘሞአ ወዐቀበ ግብርየ ለዝሉፉ እሁቦ ሥልጣነ ላዕለ አሕዛብ። 27#12፥5። ወይርዕዮሙ በበትረ ኀጺን ወከመ ንዋየ ለብሓ ይቀጠቅጦሙ። 28#መዝ. 2፥8። በከመ አነ ነሣእኩ እምኀበ አቡየ ወእሁቦ ኮከበ ጽባሕ። 29#3፥6። ዘቦ እዝን ሰሚዐ ለይስማዕ ምንተ ይቤ መንፈስ ቅዱስ ለአብያተ ክርስቲያናት።
Nke Ahọpụtara Ugbu A:
ራእዩ ለዮሐንስ 2: ሐኪግ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye