ኀበ ሰብእ ዕብራውያን 7
7
ምዕራፍ 7
በእንተ መልከ ጼዴቅ
1 #
ዘፍ. 14፥17-20። ወመልከ ጼዴቅሰ ንጉሠ ሳሌም ካህኑ ለእግዚአብሔር ልዑል ውእቱ ዘመጽአ ወተራከቦ ለአብርሃም አመ ተመይጠ እምኀበ ተቃተሎሙ ለነገሥት ወባረኮሂ። 2ወከፈሎ አብርሃም ዐሥራተ እምኵሉ ቀዳሚ ትርጓሜ ስሙ ንጉሠ ጽድቅ ወእምዝ ንጉሠ ሳሌም ንጉሠ ሰላም ብሂል። 3አልቦ ዘዘከረ ሎቱ አበ ወኢእመ ወአልቦ ጥንት ለመዋዕሊሁ ወኢማኅለቅት ለሕይወቱ በአምሳሊሁ ለወልደ እግዚአብሔር ይነብር ክህነቱ ለዝሉፉ። 4#ዘፍ. 14፥17-20። ትሬእዩኑ ዕበዮ ለዝንቱ ዘወሀቦ አብርሃም ዐሥራተ እምኵሉ ዘይኄይስ ወርእሶሙ ለአበው ውእቱ። 5#ዘዳ. 14፥28-29፤ ዘፍ. 35፥11፤ ዘኍ. 18፥21። ወደቂቀ ሌዊሰ ሶበ ይነሥኡ ክህነተ ቦሙ ሥርዐተ ትእዛዝ እምኦሪት ከመ ይንሥኡ ዐሥራተ እምሕዝብ በከመ ሥርዐተ ሕጎሙ እምላዕለ አኀዊሆሙ እለ ወፅኡ እምሐቌሁ ለአብርሃም። 6#ዘፍ. 12፥3፤ 14፥19-20። ወለዘኢኮነሰ እምዘመዶሙ ወሀቦ አብርሃም ዐሥራተ ወባረኮ ለአብርሃም ዘሎቱ ተስፋ። 7ወይትዐወቅ ባሕቱ ዘእንበለ ካሕድ ከመ ዘየዐቢ ይባርኮ ለዘይንእስ። 8ወበዝየሰ ሰብእ መዋቲ ይነሥእ ዐሥራተ ወበከሃሰ ለሊሁ ይነሥእ ዘሰማዕቱ መጽሐፍ ከመ ሕያው ውእቱ። 9ወተብህለ በእንተ አብርሃም ከመ ወሀቦ ዐሥራተ ወሌዊሰ ዘይነሥእ ዐሥራተ ውእቱኒ ዐሠረ። 10እስመ ዓዲሁ ሀሎ ውስተ ሐቌ አብርሃም አቡሁ አመ ተራከቦ መልከ ጼዴቅ። 11ወእመሰ ይትፌጸም በክህነቶሙ ለሌዋውያን ዘይገብሩ ለሕዝብ በከመ ተሠርዐ ለምንት እንከ ይትፈቀድ ይሠየም ካልእ ካህን ዘከመ መልከ ጼዴቅ ሢመቱ ዳእሙ ዘእምይቤ ከመ ሢመተ አሮን። 12እስመ ሀለዋ ትፍልስ ክህነቶሙ ወእምከመሰ ፈለሰት ክህነቶሙ ትፈልስ ኦሪቶሙ። 13ወዘተብህለሰ በእንቲኣሁ ከመዝ ተወልደ እምካልእ ሕዝብ ዘኢዐቀበ ምሥዋዐ ግሙራ አሐዱሂ እምኔሁ። 14#ዘፍ. 49፥10፤ ኢሳ. 11፥1፤ ሚክ. 5፥1። ወይትዐወቅ ዝንቱ ክሡተ ከመ እምይሁዳ ወፅአ እግዚእነ ሕዝብ ዘኢነገረ በእንቲኣሁ ሙሴ ሢመተ ክህነት። 15ወዓዲ ፈድፋደ ያዔውቅ ዝንቱ እስመ ይቤ ይትነሣእ ካህን በአምሳለ ክህነቱ ለመልከ ጼዴቅ። 16#7፥25-27። ዘኢኮነ በሕገ ሥርዐት ዘሥጋ ወደም አላ በኀይለ ሕይወት ዘኢየኀልቅ። 17#5፥6፤ መዝ. 109፥4። ውእቱ ሰማዕቱ ዘይቤ «አንተ ውእቱ ካህን ከመ ሢመቱ ለመልከ ጼዴቅ።» 18እስመ ኮነ ተዋልጦ፥ በቀዳሚ ሕግ በእንተ ድካማ እስመ አልባቲ ባቍዕ። 19ወኢያስለጠት ወኢምንተኒ ኦሪት ወባሕቱ ቦአ ተስፋ ህየንቴሃ ዘይኄይስ እምኔሃ ወቦቱ ንቀርቦ ለእግዚአብሔር። 20እስመ ኢኮነ ዘእንበለ መሐላ እስመ ቦ እለ ተሠይሙ ዘእንበለ መሐላ። 21#መዝ. 109፥4። ወለዘሰ በመሐላ ሤሞ ይቤሎ «መሐለ እግዚአብሔር ወኢይኔስሕ ከመ አንተ ካህኑ ለዓለም በከመ ሢመቱ ለመልከ ጼዴቅ።» 22#8፥6፤ 12፥24። ወመጠነዝ ተሠይመ ኢየሱስ ውስተ እንተ ትኄይስ ወተዐቢ ሢመት። 23ወለእልክቱሰ ካህናት ብዙኃን እስመ ይስዕሮሙ ሞት ወኢያበውሖሙ ይንበሩ። 24ወውእቱሰ ይነብር ለዓለም እስመ ኢይሰዐር ክህነቱ። 25#ኢሳ. 53፥11፤ ዮሐ. 14፥9። ወይክል አድኅኖቶሙ ለዝሉፉ ለእለ ይቀርቡ ኀበ እግዚአብሔር እንተ መንገሌሁ እስመ ለግሙራ ሕያው ውእቱ ወይተነብል ሎሙ። 26ዘከመዝኬ ሊቀ ካህናት ይደልወነ ጻድቅ ወየዋህ ዘንጹሕ ወርሑቅ እምኵሉ ኀጢአት ወልዑል ውእቱ እምሰማያት። 27#9፥12-26፤ ዘሌ. 16፥6-15፤24። ወአልቦ ግብር ኵሎ አሚረ ከመ ሊቃነ ካህናት እለ ያቄርቡ መሥዋዕተ ቀዲሙ በእንተ ኀጢአቶሙ ወድኅረ በእንተ ሕዝብ ወውእቱሰ ከመዝ ገብረ በምዕር ሦዐ ርእሶ። 28#5፥1-2፤ 5፥9። ኦሪትሰ ሰብአ ትሠይም ሊቀ ካህናት መዋቴ ወቃለ መሐላሁሰ ዘመጽአ እምድኅረ ኦሪት ሤመ ለነ ወልደ ፍጹመ ዘለዓለም።
Nke Ahọpụtara Ugbu A:
ኀበ ሰብእ ዕብራውያን 7: ሐኪግ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
ኀበ ሰብእ ዕብራውያን 7
7
ምዕራፍ 7
በእንተ መልከ ጼዴቅ
1 #
ዘፍ. 14፥17-20። ወመልከ ጼዴቅሰ ንጉሠ ሳሌም ካህኑ ለእግዚአብሔር ልዑል ውእቱ ዘመጽአ ወተራከቦ ለአብርሃም አመ ተመይጠ እምኀበ ተቃተሎሙ ለነገሥት ወባረኮሂ። 2ወከፈሎ አብርሃም ዐሥራተ እምኵሉ ቀዳሚ ትርጓሜ ስሙ ንጉሠ ጽድቅ ወእምዝ ንጉሠ ሳሌም ንጉሠ ሰላም ብሂል። 3አልቦ ዘዘከረ ሎቱ አበ ወኢእመ ወአልቦ ጥንት ለመዋዕሊሁ ወኢማኅለቅት ለሕይወቱ በአምሳሊሁ ለወልደ እግዚአብሔር ይነብር ክህነቱ ለዝሉፉ። 4#ዘፍ. 14፥17-20። ትሬእዩኑ ዕበዮ ለዝንቱ ዘወሀቦ አብርሃም ዐሥራተ እምኵሉ ዘይኄይስ ወርእሶሙ ለአበው ውእቱ። 5#ዘዳ. 14፥28-29፤ ዘፍ. 35፥11፤ ዘኍ. 18፥21። ወደቂቀ ሌዊሰ ሶበ ይነሥኡ ክህነተ ቦሙ ሥርዐተ ትእዛዝ እምኦሪት ከመ ይንሥኡ ዐሥራተ እምሕዝብ በከመ ሥርዐተ ሕጎሙ እምላዕለ አኀዊሆሙ እለ ወፅኡ እምሐቌሁ ለአብርሃም። 6#ዘፍ. 12፥3፤ 14፥19-20። ወለዘኢኮነሰ እምዘመዶሙ ወሀቦ አብርሃም ዐሥራተ ወባረኮ ለአብርሃም ዘሎቱ ተስፋ። 7ወይትዐወቅ ባሕቱ ዘእንበለ ካሕድ ከመ ዘየዐቢ ይባርኮ ለዘይንእስ። 8ወበዝየሰ ሰብእ መዋቲ ይነሥእ ዐሥራተ ወበከሃሰ ለሊሁ ይነሥእ ዘሰማዕቱ መጽሐፍ ከመ ሕያው ውእቱ። 9ወተብህለ በእንተ አብርሃም ከመ ወሀቦ ዐሥራተ ወሌዊሰ ዘይነሥእ ዐሥራተ ውእቱኒ ዐሠረ። 10እስመ ዓዲሁ ሀሎ ውስተ ሐቌ አብርሃም አቡሁ አመ ተራከቦ መልከ ጼዴቅ። 11ወእመሰ ይትፌጸም በክህነቶሙ ለሌዋውያን ዘይገብሩ ለሕዝብ በከመ ተሠርዐ ለምንት እንከ ይትፈቀድ ይሠየም ካልእ ካህን ዘከመ መልከ ጼዴቅ ሢመቱ ዳእሙ ዘእምይቤ ከመ ሢመተ አሮን። 12እስመ ሀለዋ ትፍልስ ክህነቶሙ ወእምከመሰ ፈለሰት ክህነቶሙ ትፈልስ ኦሪቶሙ። 13ወዘተብህለሰ በእንቲኣሁ ከመዝ ተወልደ እምካልእ ሕዝብ ዘኢዐቀበ ምሥዋዐ ግሙራ አሐዱሂ እምኔሁ። 14#ዘፍ. 49፥10፤ ኢሳ. 11፥1፤ ሚክ. 5፥1። ወይትዐወቅ ዝንቱ ክሡተ ከመ እምይሁዳ ወፅአ እግዚእነ ሕዝብ ዘኢነገረ በእንቲኣሁ ሙሴ ሢመተ ክህነት። 15ወዓዲ ፈድፋደ ያዔውቅ ዝንቱ እስመ ይቤ ይትነሣእ ካህን በአምሳለ ክህነቱ ለመልከ ጼዴቅ። 16#7፥25-27። ዘኢኮነ በሕገ ሥርዐት ዘሥጋ ወደም አላ በኀይለ ሕይወት ዘኢየኀልቅ። 17#5፥6፤ መዝ. 109፥4። ውእቱ ሰማዕቱ ዘይቤ «አንተ ውእቱ ካህን ከመ ሢመቱ ለመልከ ጼዴቅ።» 18እስመ ኮነ ተዋልጦ፥ በቀዳሚ ሕግ በእንተ ድካማ እስመ አልባቲ ባቍዕ። 19ወኢያስለጠት ወኢምንተኒ ኦሪት ወባሕቱ ቦአ ተስፋ ህየንቴሃ ዘይኄይስ እምኔሃ ወቦቱ ንቀርቦ ለእግዚአብሔር። 20እስመ ኢኮነ ዘእንበለ መሐላ እስመ ቦ እለ ተሠይሙ ዘእንበለ መሐላ። 21#መዝ. 109፥4። ወለዘሰ በመሐላ ሤሞ ይቤሎ «መሐለ እግዚአብሔር ወኢይኔስሕ ከመ አንተ ካህኑ ለዓለም በከመ ሢመቱ ለመልከ ጼዴቅ።» 22#8፥6፤ 12፥24። ወመጠነዝ ተሠይመ ኢየሱስ ውስተ እንተ ትኄይስ ወተዐቢ ሢመት። 23ወለእልክቱሰ ካህናት ብዙኃን እስመ ይስዕሮሙ ሞት ወኢያበውሖሙ ይንበሩ። 24ወውእቱሰ ይነብር ለዓለም እስመ ኢይሰዐር ክህነቱ። 25#ኢሳ. 53፥11፤ ዮሐ. 14፥9። ወይክል አድኅኖቶሙ ለዝሉፉ ለእለ ይቀርቡ ኀበ እግዚአብሔር እንተ መንገሌሁ እስመ ለግሙራ ሕያው ውእቱ ወይተነብል ሎሙ። 26ዘከመዝኬ ሊቀ ካህናት ይደልወነ ጻድቅ ወየዋህ ዘንጹሕ ወርሑቅ እምኵሉ ኀጢአት ወልዑል ውእቱ እምሰማያት። 27#9፥12-26፤ ዘሌ. 16፥6-15፤24። ወአልቦ ግብር ኵሎ አሚረ ከመ ሊቃነ ካህናት እለ ያቄርቡ መሥዋዕተ ቀዲሙ በእንተ ኀጢአቶሙ ወድኅረ በእንተ ሕዝብ ወውእቱሰ ከመዝ ገብረ በምዕር ሦዐ ርእሶ። 28#5፥1-2፤ 5፥9። ኦሪትሰ ሰብአ ትሠይም ሊቀ ካህናት መዋቴ ወቃለ መሐላሁሰ ዘመጽአ እምድኅረ ኦሪት ሤመ ለነ ወልደ ፍጹመ ዘለዓለም።
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye