ኀበ ሰብእ ዕብራውያን 4
4
ምዕራፍ 4
በእንተ ሰንበት
1ንፍራህ እንከ እምእለ ሰምዑ ወኢንኅድግ ትእዛዞ ከመ ንባእ ውስተ ዕረፍቱ ወለእመ ቦ እንጋ ዘይትረከብ እምኔክሙ ውስተ ስሒት ዘልማድ ወይጸንዕ ኢይምሰሎ ዘየኀድግዎ ከመ ይባእ ውስተ ዕረፍቱ። 2እስመ ስሙዓን ንሕነ ከመ ሰምዑ እልክቱ ወባሕቱ ለእልክቱሰ ኢበቍዖሙ ቃል ዘሰምዑ እስመ ኢተቶስሐ ልቦሙ በሃይማኖት ምስለ እለ ሰምዑ። 3#3፥11፤ መዝ. 94፥11። ንበውእ ንሕነሰ ውስተ ዕረፍቱ እስመ አመነ ወእፎ እንከ ይቤ «በከመ መሐልኩ በመዓትየ ከመ ኢይበውኡ ውስተ ዕረፍትየ» ወናሁ ዝንቱ ውእቱ ምግባሩ ለእግዚአብሔር ዘእምፍጥረተ ዓለም ዘኮነ። 4#ዘፍ. 2፥2። በከመ ይቤ በእንተ ሰንበት ወአዕረፈ እግዚአብሔር በዕለተ ሰንበት እምኵሉ ግብሩ። 5#መዝ. 94፥11። ወካዕበ ይቤ «ኢይበውኡ ውስተ ዕረፍትየ።» 6እስመ ቦ ሰብእ እለ ቦሙ ፍኖት ከመ ይባኡ ህየ ወቀደምትሰ ሰሚዖሙ ኢቦኡ እስመ ክሕዱ። 7#መዝ. 94፥7-8፤ 3፥7። ወእንበይነ መኑ ይብል ከማሁ ካልአ ዕለተ እምድኅረ ጕንዱይ መዋዕል በከመ ተጽሕፈ ዘቀዳሚ እስመ ይቤ ዳዊት «ዮም ለእመ ሰማዕክሙ ቃሎ ኢታጽንዑ ልበክሙ።» 8#ዘዳ. 31፥7፤ ኢያ. 22፥4። ሶበሰ ሎሙ አዕረፎሙ ኢያሱ እምኢይቤ በእንተ ካልእ እምድኅረ እማንቱ መዋዕል። 9ተዐውቀኬ ከመ ሀሎ ዕረፍት ኀበ ይበውኡ ሕዝበ እግዚአብሔር ቀዋሚ ዘይነብር። 10#ራእ. 14፥13። እስመ ዘቦአ ውስተ ዕረፍት ናሁኬ አዕረፈ ውእቱ እምኵሉ ግብሩ በከመ አዕረፈ እግዚአብሔር እምኵሉ ግብሩ። 11ናስተፋጥን እንከ ከመ ንባእ ውስተ ዕረፍቱ ከመ ኢንደቅ ከማሆሙ ለእሙንቱ እለ ዐለዉ። 12#ኤር. 32፥29፤ ራእ. 1፥16፤ መዝ. 149፥6። እስመ ሕያው ቃለ እግዚአብሔር ወጽኑዕ ወይበልኅ እምኵሉ ሰይፍ ዘክልኤ አፉሁ ወይፈልጥ ነፍሰ እመንፈስ#ቦ ዘይቤ «እምነፍስት» ወይሌሊ ሥርወ እመሌሊት ወየኀሥሥ ኅሊና ወፍትወተ ወምክረ ልብ። 13#ምሳ. 15፥3፤ ኤር. 16፥17። ወአልቦ ዘተፈጥረ ዘኢኮነ ክሡተ በቅድሜሁ ወኵሉ ክሡት ወስጡሕ በቅድመ አዕይንቲሁ ወሎቱ ናወሥእ በእንተ ኵሉ ዘገበርነ።
በእንተ ሊቀ ካህናት ሰማያዊ
14 #
3፥1፤ 6፥20፤ 10፥21-23። ወብነ ሊቀ ካህናት ዐቢይ ኢየሱስ ክርስቶስ ወልደ እግዚአብሔር ዘተለዐለ እምሰማያት ናጽንዕ እንከ አሚነ ቦቱ። 15#5፥2፤ 2፥17-18፤ 7፥26። እስመ ኢኮነ ሊቀ ካህናቲነ ዘኢይክል ሐሚመ ለድካምነ ዳእሙ ምኩር በኵሉ አምሳሊነ ዘእንበለ ኀጢአት ባሕቲታ። 16#ዘፀ. 25፥22፤ መዝ. 32፥5-6። ንቅረብ እንከ በሞገስ ኀበ መንበረ ጸጋሁ ከመ ንንሣእ ሣህሎ ወንርከብ ጸጋሁ ይኩነነ ረድኤተ ለጊዜ ምንዳቤነ።
Nke Ahọpụtara Ugbu A:
ኀበ ሰብእ ዕብራውያን 4: ሐኪግ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye