ኀበ ሰብአ ኤፌሶን 4
4
ምዕራፍ 4
በእንተ ጽዋዔ ምእመናን
1አስተብቍዐክሙ አነ ሙቁሕ በክርስቶስ ከመ ትሑሩ በዘይደልዋ ለጽዋዔክሙ ዘተጸዋዕክሙ። 2#ገላ. 3፥12። እንዘ ታቴሕቱ ርእሰክሙ በኵሉ የውሀት ወትትዔገሡ ወኦሆ ትብሉ ለቢጽክሙ ወትጽሕቁ ለተፋቅሮ ወተኀብሩ። 3#1ቆሮ. 12፥13። ወትትዐቀቡ በአሐዱ መንፈስ ወበማዕሠረ ሰላም። 4#ሮሜ 12፥5። ከመ ትኩኑ አሐደ ሥጋ ወአሐደ መንፈሰ በከመ ተጸዋዕክሙ ለአሐዱ ተስፋክሙ። 5#ዘዳ. 6፥4፤ 1ቆሮ. 8፥4-6። አሐዱ እግዚአብሔር ወአሐቲ ሃይማኖት ወአሐቲ ጥምቀት። 6#ሚል. 2፥10፤ 1ቆሮ. 12፥6። ወአሐዱ እግዚአብሔር አብ ለኵሉ ዘላዕለ ኵሉ ወእምኔሁ ኵሉ ወውእቱ ውስተ ኵሉ። 7#ሮሜ 12፥3፤ 1ቆሮ. 12፥13። ወለለ አሐዱ እምኔነ ተውህበ ጸጋሁ በመስፈርተ ሀብቱ ለክርስቶስ። 8#መዝ. 67፥19፤ ቈላ. 2፥15፤ ግብረ ሐዋ. 2፥33። እስመ ይቤ «ዐረገ ውስተ አርያም ፄዊወከ ፄዋ ወወሀብከ ጸጋከ ለዕጓለ እመሕያው።» 9#ዮሐ. 3፥13። ወምንትኑ እንከ ዕርገቱ ሶበ ኢወረደ መትሕተ ምድር። 10#ግብረ ሐዋ. 2፥23። ዘወረደሂ ውእቱ ወዘዐርገሂ ውእቱ ወዘሀሎ መልዕልተ ሰማያት ከመ ይፈጽም ኵሎ። 11#ግብረ ሐዋ. 21፥8-9፤ 1ቆሮ. 12፥28። ወውእቱ ወሀበ ጸጋ ወከፈለ ወረሰየ እምሰብአ ዚኣሁ ሐዋርያተ ወእምኔሆሙ ነቢያተ ወመምህራነ ወእምኔሆሙ ኖሎተ ወእምኔሆሙ ሊቃውንተ። 12#1ጴጥ. 2፥5። በዘይጸንዑ ቅዱሳን ለግብረ መልእክቱ ወለሕንጻ ሥጋሁ ለክርስቶስ። 13#3፥19። እስከ ንከውን ኵልነ አሐደ በሃይማኖት ወበአእምሮቱ ለወልደ እግዚአብሔር ወንኩን ከመ ዘአሐዱ ብእሲ ፍጹም ብጹሐ አምጣን በዐቅመ ፍጻሜሁ ለክርስቶስ። 14ከመ ኢንኩን እንከ ደቂቀ ዘይተነትን ወይትሐወስ ምስለ ኵሉ ነፋስ ኀበ ትምይንተ ትምህርተ ዕጓለ እመሕያው እለ ይትመነገኑ በጕሕልቶሙ ከመ ያስሕቱ። 15#1፥22፤ 5፥23፤ ቈላ. 1፥18። አላ ንጽደቅ እንከ በተፋቅሮ ወንብዛኅ በኵሉ ዘብነ በክርስቶስ ዘውእቱ ርእስ። 16#2፥19። ዘቦቱ የኀድር ኵሉ ሥጋ ወይትዋደድ በኵሉ ሥርው በበ መስፈርተ ሀብቱ ዘይትወሀብ ለለ አሐዱ መሌሊት እምነ መለያልይ በዘይልህቅ ሥጋ ወይትፌጸም ከመ ይትፈጸም ሕንጻሁ በተፋቅሮ።
ተፈልጦ እምአሕዛብ
17 #
ሮሜ 1፥21። ዘንተ እብል ወአሰምዕ ለእግዚአብሔር በእንቲኣክሙ ከመ ኢትሑሩ እንከ ከመ አሕዛብ እለ የሐውሩ በኅሊና ልቦሙ። 18#2፥12። ወጽሉም ኅሊናሆሙ ወነኪራን እምሕይወተ እግዚአብሔር በእበዶሙ ወበጽላሌ ልቦሙ። 19እለ ቅቡጻን ተስፋሆሙ ወመጠዉ ርእሶሙ ለሕርትምና ወለርኵስ ወለምርዓት። 20ወአንትሙሰ አኮ ከማሁ ዘተመሀርክምዎ ለክርስቶስ። 21#1፥13። ወእመሰ አማን ትሰምዕዎ ወትትሜሀሩ በኀቤሁ ጽድቀ እስመ ጽድቅ በኢየሱስ ክርስቶስ ውእቱ። 22#ሮሜ 6፥7፤ 8፥13፤ ቈላ. 3፥9። አእትቱ እምላዕሌክሙ ግዕዘክሙ ዘትካት እብል በእንተ ብሉይ ብእሲ ዘይማስን በፍትወተ ስሒት። 23#ሮሜ 12፥2። ሐድሱ መንፈሰ ልብክሙ። 24ወልበስዎ ለሐዲስ ብእሲ ዘሐደሶ እግዚአብሔር በጽድቅ ወበርትዕ ወበንጽሕ። 25ወበእንተዝ ኅድግዋ ለሐሰት ወተናገሩ ጽድቀ ኵልክሙ ምስለ ቢጽክሙ እስመ አሐዱ አባል ንሕነ። 26#መዝ. 4፥4፤ ያዕ. 1፥19-20። ተምዑ ወኢተአብሱ ወዘእንበለ ይዕርብ ፀሐይ አቍርሩ መዓተክሙ። 27ወኢተሀብዎ ፍኖተ ለሰይጣን። 28#1ተሰ. 4፥11። ዘይሰርቅኒ ኢይስርቅ እንከ ለይትግበር ወይጻሙ እንከ በእደዊሁ ለሠናይ በዘይረድኦ ለነዳይ። 29#5፥4፤ ቈላ. 3፥16-17፤ 4፥6። ወኵሉ ነገር ሕሡም ኢይፃእ እምአፉክሙ ዘእንበለ ሠናይ በዘይትሐነጽ ትካዝክሙ ከመ ይርከቡ ሞገሰ እለ ይሰምዑክሙ። 30#1፥13፤ ኢሳ. 63፥10። ወኢታምዕዕዎ ለመንፈስ ቅዱስ ዘቦቱ ዐተቡክሙ አመ ድኅንክሙ። 31ኵሎ መሪረ ወመዓተ ወቍጥዓ ወመርገመ ወመንሱተ ወፅርፈተ አእትቱ እምላዕሌክሙ ምስለ ኵሉ እኩይ። 32#ቈላ. 3፥13። ወኩኑ መሓርያነ ቢጽክሙ ወተጻገዉ በበይናቲክሙ በከመ ጸገወክሙ እግዚአብሔር በክርስቶስ።
Nke Ahọpụtara Ugbu A:
ኀበ ሰብአ ኤፌሶን 4: ሐኪግ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye