ኀበ ሰብአ ቆሮንቶስ 2 9
9
ምዕራፍ 9
በእንተ መልእክተ ቅዱሳን
1 #
8፥19። ወበእንተሰ መልእክተ ቅዱሳን ብዙኅ ብየ ዘእጽሕፍ ለክሙ። 2እስመ አእመርኩ ከመ ትጽሕቁ አንትሙ ወበእንተዝ ንእድኩክሙ በኀበ ሰብአ መቄዶንያ ወእቤሎሙ እስመ ሰብአ አካይያ አስተዳለዉ እምቀዳሚ ዓም ወናሁ አጽሐቆሙ ተቃሕዎተ ዚኣክሙ ለብዙኃን ሰብእ። 3#8፥24። ወፈነውናሆሙ ለአኀው ከመ ኢይኩነነ ሐሰተ በኀቤሆሙ ዘንእድናክሙ በዝንቱ ወከመ ይርከቡክሙ ድልዋኒክሙ በከመ ንቤሎሙ። 4ወእመቦ ከመ መጽኡ ምስሌየ ሰብአ መቄዶንያ ወረከቡክሙ ዘእንበለ ታስተዳልዉ ንትኀፈር ንሕነኒ ወለክሙኒ ከመ ኢይበሉክሙ አስተትክሙ። 5አስተበቍዐክሙ አኀዊነ ግብረ ረስይዎ ወአስተዳልዉ ውእተ በረከተክሙ ወሥርዑ ዘነገርኩክሙ እንተ ባቲ ድልዋን አንትሙ ወከመዝ ረስይዎ ከመ ዘበረከት ወአኮ ከመ ዘበትዕግልት። 6#ምሳ. 11፥24፤ 19፥17። ወዘሰ ጠዊዖ ይዘርዖ ለዝንቱ ከማሁ ይጠውዖ ሎቱኒ ማእረሩ ወዘሰ በበረከት ይዘርዕ በበረከት የአርር። 7#ሮሜ 12፥8። ወኵሉ በከመ አደሞ ልቡ ይግበር እስመ ኢኮነ በአገብሮ ዳእሙ በፍሥሓ ለየሀቡ እስመ ከማሁ ያፈቅር እግዚአብሔር። 8ወይክል እግዚአብሔር አፈድፍዶ ለክሙ ኵሎ በረከቶ ከመ ያብዝኅ ለዝሉፉ ወታተርፍዎ ለኵሉ ወታፈደፍዱ በገቢረ ሠናይ። 9#መዝ. 114፥9። በከመ ይቤ መጽሐፍ «ዘረወ ወወሀበ ለነዳይ ወጽድቁኒ ይነብር ለዓለም።» 10#ኢሳ. 55፥10፤ ሆሴ. 10፥12። ወውእቱ ይሁብ ዘርዐ ለዘራዒ ወእክለ ለሲሳይ ወያሠምር ወያበዝኅ ለክሙ ማእረረ ጽድቅክሙ። 11#1፥11፤ 4፥15። ከመ ትብዐሉ በኵሉ ትፍሥሕት እንተ ትገብር ለክሙ አኰቴተ እግዚአብሔር በእንተ ብዙኃን። 12#8፥14። እስመ ዛቲ መልእክተ ዝንቱ ግብር አኮ ለዝንቱ ባሕቲቱ ዘታሰልጥ እስመ ትፌጽም ሎሙ ተጽናሶሙ ለቅዱሳን ዓዲ ታፈደፍድ አኰቴተ እግዚአብሔር በላዕለ ቅዱሳን። 13ወየአኵትዎ ለእግዚአብሔር በመከራሃ ለዛቲ ሃይማኖትክሙ እስመ ተአዘዝክሙ ለመልእክተ ክርስቶስ ወኀበርክሙ ተፈሢሐክሙ ወአስተዋፃእክሙ ኵልክሙ። 14ወእሙንቱኒ ይጼልዩ በእንቲኣክሙ ወይፈትዉ ይርአዩክሙ በእንተ ጸጋ እግዚአብሔር ዘላዕሌክሙ። 15እኩት እግዚአብሔር በእንተ ጸጋሁ እንተ ኢትተረጐም ወትመጽእ አመ ኢተሐዘብዋ።
Nke Ahọpụtara Ugbu A:
ኀበ ሰብአ ቆሮንቶስ 2 9: ሐኪግ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
ኀበ ሰብአ ቆሮንቶስ 2 9
9
ምዕራፍ 9
በእንተ መልእክተ ቅዱሳን
1 #
8፥19። ወበእንተሰ መልእክተ ቅዱሳን ብዙኅ ብየ ዘእጽሕፍ ለክሙ። 2እስመ አእመርኩ ከመ ትጽሕቁ አንትሙ ወበእንተዝ ንእድኩክሙ በኀበ ሰብአ መቄዶንያ ወእቤሎሙ እስመ ሰብአ አካይያ አስተዳለዉ እምቀዳሚ ዓም ወናሁ አጽሐቆሙ ተቃሕዎተ ዚኣክሙ ለብዙኃን ሰብእ። 3#8፥24። ወፈነውናሆሙ ለአኀው ከመ ኢይኩነነ ሐሰተ በኀቤሆሙ ዘንእድናክሙ በዝንቱ ወከመ ይርከቡክሙ ድልዋኒክሙ በከመ ንቤሎሙ። 4ወእመቦ ከመ መጽኡ ምስሌየ ሰብአ መቄዶንያ ወረከቡክሙ ዘእንበለ ታስተዳልዉ ንትኀፈር ንሕነኒ ወለክሙኒ ከመ ኢይበሉክሙ አስተትክሙ። 5አስተበቍዐክሙ አኀዊነ ግብረ ረስይዎ ወአስተዳልዉ ውእተ በረከተክሙ ወሥርዑ ዘነገርኩክሙ እንተ ባቲ ድልዋን አንትሙ ወከመዝ ረስይዎ ከመ ዘበረከት ወአኮ ከመ ዘበትዕግልት። 6#ምሳ. 11፥24፤ 19፥17። ወዘሰ ጠዊዖ ይዘርዖ ለዝንቱ ከማሁ ይጠውዖ ሎቱኒ ማእረሩ ወዘሰ በበረከት ይዘርዕ በበረከት የአርር። 7#ሮሜ 12፥8። ወኵሉ በከመ አደሞ ልቡ ይግበር እስመ ኢኮነ በአገብሮ ዳእሙ በፍሥሓ ለየሀቡ እስመ ከማሁ ያፈቅር እግዚአብሔር። 8ወይክል እግዚአብሔር አፈድፍዶ ለክሙ ኵሎ በረከቶ ከመ ያብዝኅ ለዝሉፉ ወታተርፍዎ ለኵሉ ወታፈደፍዱ በገቢረ ሠናይ። 9#መዝ. 114፥9። በከመ ይቤ መጽሐፍ «ዘረወ ወወሀበ ለነዳይ ወጽድቁኒ ይነብር ለዓለም።» 10#ኢሳ. 55፥10፤ ሆሴ. 10፥12። ወውእቱ ይሁብ ዘርዐ ለዘራዒ ወእክለ ለሲሳይ ወያሠምር ወያበዝኅ ለክሙ ማእረረ ጽድቅክሙ። 11#1፥11፤ 4፥15። ከመ ትብዐሉ በኵሉ ትፍሥሕት እንተ ትገብር ለክሙ አኰቴተ እግዚአብሔር በእንተ ብዙኃን። 12#8፥14። እስመ ዛቲ መልእክተ ዝንቱ ግብር አኮ ለዝንቱ ባሕቲቱ ዘታሰልጥ እስመ ትፌጽም ሎሙ ተጽናሶሙ ለቅዱሳን ዓዲ ታፈደፍድ አኰቴተ እግዚአብሔር በላዕለ ቅዱሳን። 13ወየአኵትዎ ለእግዚአብሔር በመከራሃ ለዛቲ ሃይማኖትክሙ እስመ ተአዘዝክሙ ለመልእክተ ክርስቶስ ወኀበርክሙ ተፈሢሐክሙ ወአስተዋፃእክሙ ኵልክሙ። 14ወእሙንቱኒ ይጼልዩ በእንቲኣክሙ ወይፈትዉ ይርአዩክሙ በእንተ ጸጋ እግዚአብሔር ዘላዕሌክሙ። 15እኩት እግዚአብሔር በእንተ ጸጋሁ እንተ ኢትተረጐም ወትመጽእ አመ ኢተሐዘብዋ።
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye