ኀበ ጢሞቴዎስ 1 3
3
ምዕራፍ 3
በእንተ ሥርዐተ ሢመተ ጵጵስና
1 #
ግብረ ሐዋ. 20፥28። እሙን ነገር ዘይፈቅድ ይሠየም ጳጳሰ ሠናየ ግብረ ፈተወ። 2#ዘሌ. 21፥17። ወባሕቱ ርቱዕ ይሠየም ጳጳሰ ዘኢያደሉ ለገጽ ዘአልቦ ምክንያት ዘአሐተ ብእሲተ አውሰበ ብእሲ ንቁህ ወጠቢብ ወመፍቀሬ ነግድ ዘአንጽሐ ርእሶ መምህር ወመግሥጽ። 3#ዘሌ. 10፥8፤ ቲቶ 1፥7። ዘኢያበዝኅ ሰትየ ወይን ወዘኢያፈጥን እዴሁ ለዘቢጥ ባቍዕ ዘኢይትገዐዝ ዘኢያፈቅር ንዋየ። 4#ዘዳ. 24፥15። ዘሠናይ ሥርዐተ ቤቱ ዘቦ ውሉድ ዘይትኤአዙ በኵሉ ንጽሕ። 5ወዘሰ ኢይክል ሠሪዐ ቤቱ እፎኑ ያስተሐምም ቤተ እግዚአብሔር። 6ወኢይኩን ዘእምሐዲስ ተክል ከመ ኢይትዐበይ ወኢይጸአል ወኢይደቅ ውስተ መሥገርተ ሰይጣን። 7#5፥10፤ 1ቆሮ. 5፥12-13። ወዓዲ ርቱዕ ዘሰብእ አፍኣ ይንእድዎ ከመ ኢይደቅ ውስተ ጽእለት ወመሥገርተ ሰይጣን።
በእንተ ሥርዐተ ሢመተ ዲቁና
8 #
ፊል. 1፤ ግብረ ሐዋ. 6፥3። ወዲያቆናትኒ ከማሁ ንጹሓን ወእስትርኩባን እለ አሐዱ ቃሎሙ እለ ኢያበዝኁ ሰትየ ወይን እለ ኢያፈቅሩ ረባሐ ከንቶ። 9እለ የዐቅቡ ምክረ ሃይማኖቶሙ በልብ ንጹሕ። 10ወሎሙኒ ይቅድሙ አመክሮቶሙ ወእምዝ ይትለአኩ እምከመ ኅሩያን እሙንቱ። 11#ቲቶ 2፥3። ወአንስትኒ ከማሁ እለ አንጽሓ ርእሶን እለ ተምህራ ሥርዐተ እለ ኢያስተዳጕጻ ጠባባት ወርቱዓት ወምእመናት በኵሉ ይትለኣካ። 12ወብእሲኒ ዘአሐተ ብእሲተ አውሰበ ዘቦ ውሉድ ዘሠናይ ግዕዘ ቤቱ። 13#ማቴ. 25፥21፤ 1ዮሐ. 3፥21። ወእለሰ ሠናየ ይትለአኩ እንተ ተዐቢ ሢመተ ይግበሩ ሎሙ ወብዙኅ ሞገስ በሃይማኖተ ኢየሱስ ክርስቶስ። 14ወዘኒ ዘእጽሕፍ ለከ እትአመን ከመ እበጽሐከ ፍጡነ። 15ወእመሰ ጐንደይኩ ከመ ታእምር ዘከመ ትሠርዕ ቤተ ክርስቲያኑ ለእግዚአብሔር ሕያው ዐምዳ ወድዳ ለጽድቅ አማን ዐቢይ እስመ ምክሩ ለዝንቱ ጽድቅ። 16#ሚክ. 5፥2፤ ዮሐ. 1፥14። ዝኬ ዘአስተርአየ በሥጋ ሰብእ ወጸድቀ በመንፈስ ወአስተርአዮሙ ለመላእክት ወሰበክዎ ውስተ አሕዛብ ወተአመነ ውስተ ዓለም ወዐርገ በስብሐት።
Nke Ahọpụtara Ugbu A:
ኀበ ጢሞቴዎስ 1 3: ሐኪግ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye