ኀበ ሰብአ ተሰሎንቄ 1 1
1
ምዕራፍ 1
1 #
ግብረ ሐዋ. 17፥1፤ 2ተሰ. 1፥1። እምጳውሎስ ወስልዋኖስ ወጢሞቴዎስ ለቤተ ክርስቲያን ዘተሰሎንቄ ምእመናን በእግዚአብሔር አቡነ ወእግዚእነ ኢየሱስ ክርስቶስ ሰላም ለክሙ ወጸጋ እግዚአብሔር አቡነ ወእግዚእነ ኢየሱስ ክርስቶስ። 2ነአኵቶ ለእግዚአብሔር ዘልፈ በእንቲአክሙ ወንዜከረክሙ ወትረ በጸሎትነ። 3#ዮሐ. 6፥29፤ 1ቆሮ. 13፥13። ወንዜከር በቅድመ እግዚአብሔር አቡነ ግብረ ሃይማኖትክሙ ወጽንዐ ፍቅርክሙ ወትዕግሥተ ተስፋክሙ በእግዚእነ ኢየሱስ ክርስቶስ። 4#ቈላ. 3፥12። ወነአምር አኀዊነ ፍቁራን ዘከመ ኀረየክሙ እግዚአብሔር። 5#1ቆሮ. 2፥5። እስመ ኢኮነ ትምህርትነ ኀቤክሙ በነገር ባሕቲቱ ዓዲ በኀይልኒ ወበመንፈስ ቅዱስ ወበስኢል ምእመን ወአንትሙሂ ተአምሩ ዘከመ ኮነ በኀቤክሙ በእንቲኣክሙ። 6#1ቆሮ. 4፥16። ወናሁ ኪያነ ተመሰልክሙ ወተወከፍክሙ ቃለ እግዚአብሔር በብዙኅ ሕማም ምስለ ፍሥሓ በመንፈስ ቅዱስ። 7#4፥1። ወኮንክምዎሙ አርኣያ ለእለ አምኑ ኵሎሙ እለ በመቄዶንያ ወአካይያ። 8እስመ እምኀቤክሙ ተምህሩ ቃለ እግዚእነ ወሰምዑ ወአኮ በመቄዶንያ ወአካይያ ባሕቲቱ ዓዲ በኵሉ በሐውርት ተሰምዐት ሃይማኖትክሙ በእግዚአብሔር ወኢንፈቅድ ንሕነ ምንተኒ ንንግር በእንቲኣክሙ። 9#1ቆሮ. 12፥2። ለሊሆሙ የአምሩ ዘከመ ቦእነ ኀቤክሙ ወዘከመ ተመየጥክሙ ኀበ እግዚአብሔር እምአምልኮ ጣዖት ከመ ትትቀነዩ ለአምላክ ሕያው ወጻድቅ። 10#ግብረ ሐዋ. 1፥11፤ ፊልጵ. 3፥20፤ ቲቶ 2፥13። እንዘ ትሴፈውዎ ለወልዱ እምሰማያት ዘተንሥአ እሙታን ኢየሱስ ክርስቶስ ወውእቱ ያድኅነነ እመንሱት ዘይመጽእ።
Nke Ahọpụtara Ugbu A:
ኀበ ሰብአ ተሰሎንቄ 1 1: ሐኪግ
Mee ka ọ bụrụ isi
Kesaa
Mapịa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye