ኤፍ ጌላ
ጌላ
ጳውሎ̈ሲ ኤፍሶ̈ና ካታማ ጋርታ ዎ ኣሳንቦ ጻ̈ፊኖ ኪ̈ቲንዳ ዎይ ባዛፖ ቲ̈ን ሶ̈ላዚንዳ “ጾ̈ሳ̇ ቆፋ̈ ኣፋኬ ሳ̈ዳ̇ ዎ ኮቺንታ̇ን ዎይ ዎልኣ ፔታ̇ን ሺ̈ቃሪ ክርስቶ̈ሳ ሲልጣ̈ና ጻና ማ̈ቂ̇ዝ ኬል̇ ዬሌጌይንዶ ፎቲንቲ̇̈̈ሬ” (1፡10) ጋ̈ዝ ቆፊን ጋልዳ። ዪኒ̇ ጋልዳ ጉጃ̇ሪ ዬሱ̈ስ ክርስቶ̈ሳ ጎይባር ኣሳ ዜር ዎይ ዎልኣ ፔታ̇ን ማ̈ቃ̇ሪ ዓና̇ ጴች ቆፊን ኦ̈ሳ ጋልዳ ፌ̈ሻ̇ምፔ̈ን ጾ̈ሳ̇ ዎርዣ ቆፊሳንዳ̇ቦ።
ጳውሎ̈ሲ ዓና̇ ኪ̈ቲን ጋልዳ ፔቲቲ ጎይ ሶ̈ሊ ዣማ̇ሪኖ ቆፊን ዳልጊሲሙታ̇ዶሪ ጾ̈ሳ̇ ባ̈ባ̈ዲ ዎርዣ ዎዛርፌ̈ን ማራ̇ጺኖኮ፥ ኢ ናኣ ዬሱ̈ስ ክርስቶ̈ሲ ኢንታ ናጋሪን ኢንታ̇ብ ኣቶ̇ ጌዪንቲ̇ን ኢንቲ̇ ናጻ ማ̈ቂኔኮ ማ ጾ̈ሳ̇ኮ ጴች ታስፋ ቃ̈ላ ጌ̈ሻ̇ ኣያ̇ና ጎይባራ ዎዛርፌ̈ን ኤሪንቲ̇ኔፌ̈ንኮ ቤዪሳ̈ሬ። ማ ናምኢ ኪፊሊን ጋርታ ጳውሎ̈ሲ ኢ ኪ̈ቲን ናባ̇ቢዛን ዎል ማ̈ቃ̇ሪ ኢንታ ሼምፒ̇ንዳ ዬሱ̈ሳባር ዎ ፔቲ̇ቲንዳ ኪን ፔቲ̇ቲ ማ̈ቃ̇ምፔ̈ን ዎዛርፌ̈ን ዶኣንዳብ ኮሺ̇̈ርኮ ኢንታ ቆፊሲ̈ሬ።
ኣሳን ክርስቶ̈ሳባር ኢንታ̇ብ ዎዛርፌ̈ን ፔቲቲ ዎኮ ዱማ ዱማ ማይጺስ ሶ̈ላባራ ሶ̈ሊኔ፤ ዎ̈ሳ ኬ̈ንዳ ፔቲ̇ ጋል̇ፌን ማ̈ቂ̇ን ክርስቶ̈ሲ ጋሊ̇ምቦ ቆሜ̇። ኣማ̇ኒዝ ኣሳን ኬፌ̈ን ማ̈ቂ̇̇̇ን ክርስቶ̈ሲ ኢንታ̇ቦ ኬ̈ን ሚ̈ንር ኤ̈ዝ ዋ̈ና̇ ሹቻ̇̈ዳ፤ ኣማ̇ኒዝ ኣሳን ማጪ̇ንዲፌ̈ን ማ̈ቂ̇ን ክርስቶ̈ሲ ኣስናዲፌ̈ኔ፤ ዓና̇ ማጻ̈ፊን ጻ̈ፊኖ̈ዲ ክርስቶ̈ሳ ጎይባራ ቤንቲ̇ኖን ጾ̈ሳ̇ ኮሺ̇ቲንባዝ ጋርታ̇ ዎ ባዛን ዎይ ኮሺንቻ̇ር ቤይሲ̈ሬ፤ ማ ኢ ዎይ ባዛን ቤይሳዚንዳ ክርስቶ̈ሳ ካንንባራ፣ ኢ ኑ ጊሻ̇ብ ኤኪ̇ኖ ሜቲንባራ፣ ኑ ናጋሪን ኑ̈ብ ኣቶ ጌዪኖንባራ ማ ጾ̈ሳ̇ ካንንባርኬ ኢ ሳሪቲን ጎይባራ።
ማጻፊን ጋርታ ዎ ቆፋን
ጌላ 1፡1-2
ክርስቶ̈ሳኬ ዎ̈ሳ ኬ̈ንዲክ 1፡3-3፡21
ክርስቶ̈ሳ ጎይባራ ኦራ ሼምፓ 4፤1-6፤20
ዉርሲ 6፡21-24
Nke Ahọpụtara Ugbu A:
ኤፍ ጌላ: ኦጫ̈ቃማ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye