2 ቆሮ 13
13
ዉርሲ ዞራኬ ሳሪቲኬ
1ዪዚ ቴ ዪንታ̇̇ክ ሉኬ̇ጌይን ዓና̇ ታ̈ብ ዓይዚ̇ ቶ̈ሄ፤ ዎይ ባዚ ኪን ማ̈ቂ̇ዛ̈ዲ ናምኢ ዎይ ዓይዚ̇ ማርካ̇ባራ። 2ናምኢ ቴ ዪንታ̇ ኦይጫ̇ንዳብ ሉካ̇ር ዪንታ̇̇ባር ዎምባ̇ራ ዪንታ̇ ዎይሊን ዬኢ̇ራ ዪንታ̇̇ብ ሶ̈ሊንዶን፤ ማ ዓት̇ ቴ ጎትዶራ ዓኒፖ̇ ቲ̈ን ናጋራ ኦ̈ኖንብኬ ሜላንባር ዎይ ዬኢ̇ር ሶ̈ላሬ፤ ዓታ̇ር ቴ ዪንታ̇̇ክ ማ̈ቃ̇ ሉካ̇̈ራ ኦ̈ባካር ሚጪ̇ንታ̇ባሴ። 3ዪ̈ዳሬ ኣባቦ ጌይን ታባር ማ̈ቃ̇ር ሶ̈ሊዛ̈ዲ ክርስቶ̈ሳ ማ̈ቂ̇ኖን ዪንቲ̇ ኤራንዳብ ማላ̇ ኮዪኖኮታ̇ ዪንቲ̇ ኢዞ ቤቂ̇ዝዳ። ክርስቶ̈ሲ ዪንታ̇ ጊዳ̇ ቤንቲ̇ዛዲ ዎልቃባሮ ማ̈ቃ̇ርዶኬ ዳ̈ቡርስባር ማ̈ቃ̇ር ጊዳካ̇ዬ። 4ኢ ማስቃ̇ላ ጋልዳ ሶ̈ቲንታ̇ሪ ዓይቂ̇ኖ̈ዲ ኣስፌ̈ኒ ኣይሽ ማኢኖኮታ̇ቦ ዳቡርስባር ማ̈ቂ̇ናካሬ ዓት ጾ̈ሳ̇ ዎልቃ̇ባራ ሼምፓባር ዎ። ኑ̈ናሬ ኣይሽ ማኢኖኮታ̇ቦ ኢባር ዳቡሪዝ ኣሴ፤ ማ̈ቂ̇ናካሬ ዪንታ̇ ማ̈ዳ̇ንዳቦ ኑ̈ኒ ጾ̈ሳ̇̈ ዎልቃባራ ክርስቶ̈ሳባር ዎልኣ ሼምፓባር ዶኢ̈ሬ።
5ዪንቲ̇ ኣማ̇ናባር ሚ̈ጛር ዎን ኤራንዳ̇ቦ ዪንታ̇ ማሊ̇ ቤቂ̇ብቴ፤ ፋ̈ጪ ቤቂ̇ብቴ፤ ዬሱ̈ስ ክርስቶ̈ሲ ዪንታ̇ ጋርታ̇ ዎን ዪንቲ̇ ኤራካያ? ዪፖ̇ ኣቴ̇ጌዪን ዪንቲ̇ ፋታናባር ኬዲ̇ኔ ጌይዛ̈ዳ። 6ኑ̈ኒ ፋታናባር ኬዳካ̇ዮን ዪንቲ̇ ኤሪ̈ሬ ጌዪ ቆፒ̇̈ሬ። 7ኢ̈ታ̇ ባዝ ዪንቲ̇ ኦ̈ካዮ̈ዲፌ̈ኒ ኑ̈ኒ ዪንታ̇̇ብ ጾ̈ሳ̇ ዎሲ̇̈ሬ፤ ኑ ዎ̈ሳ̇ዚንዳ ኑ̈ኒ ሚጚኖ ኣስ ማ̈ቃ̇ር ቤንታካ̇ይ ኣቴ̇ጌይናር ዪንቲ̇ ዎይ ጋላስ ኮሽ̇ ማ̈ቂ̇ኖ ባዝ ኦ̈ምፔ̈ንዶኬ ኑ ሚ̈ጚኖ ኣስ ማ̈ቂ̇ኖን ዪንታ̇ ቤይሳንዳብ ጊዳካ̇ዬ። 8ኑ̈ኒ ኪን ባዛብ ኦ̈ርዶኬ ኪንን ኢጺ̇ዝ ባዝ ኣባካር ኦ̈ባሴ። 9ኑ̈ኒ ዳ̈ቡሪዛን ማ̈ቂ̇ን ዪንቲ̇ ሚ̈ንን ማ̈ቂ̇ኖኮ ኑ̈ና ኡፋይሳ̇̈ሬ፤ ኑ ዎ̈ሳ̇ዝ ዎ̈ሲንዳ ዪንቲ̇ ኣማ̇ናባር ሚ̈ጚኖ ኣስ ማ̈ቃ̇ምፔ̈ኔ። 10ዓና ኪ̈ቲ̇ን ጎት ዎዶራ ቴ ዪንታ̇ብ ጻ̈ፊኖንዳ ቴ ዪንታ̇̇ክ ዬ̈ራ ጎዳ ታ̈ብ ኢሚ̇ኖ ሲልጣ̈ኒን ቴ ዪንታ̇ ጋልዳ ቤይሳካዮ̈ዲፌ̈ን ጋ̈ር ጻ̈ፊኔ። ጎዳ ሲልጣ̈ና ታ̈ብ ኢሚ̇ኖዲ ዪንታ̇ ሺ ሚ̈ንምፔ̈ንዶኬ ዪንታ̇ ላ̈ላ̇ምፔ̈ን ጊዳካ̇ዬ።
11ዪዚ ቴ ኢሺንታ̇ን! ሳሮ ዶኢብቴ̇! ዪንታ̇ ኣማ̇ኒንባር ሚ̈ጚብቴ! ቴ ዞሪን ኤኪ̇ብቴ፤ ዎልዎልኣ ፔቲ̇ ቆፊ ዪንታ̇̇ብ ዶኦጋ̈ቤ፤ ሳሪቲባር ዶኢብቴ ካንኬ ሳሪቲ ጾ̈ሳ̇̇̈ዲ ዪንታ̇̇ባር ማ̈ቂ̇̈̃ሬ።
12ኮሽ̇ ቡ̈ዳባር ዎል ዎልኣ ዬርቃ̇ር ሳሪብቴ̇፤
13ኣማ̇ኒኖ ኣሳን ዎይ ዪንታ̇ ሳሮ ጌይሬ፤
14ጎዳ ዬሱ̈ስ ክርስቶ̈ሳ ኮሺ̇ቲ፣ ጾ̈ሳ̇ ካን፣ ጌ̈ሻ̇ ኣያ̇ና ጋልዳፖ̇ ቤንቲ̇ዝ ፔቲ̇ቲ ዪንቲ̇ ዎይንባር ማ̈ቆ̇ጋ̈ቤ።
Nke Ahọpụtara Ugbu A:
2 ቆሮ 13: ኦጫ̈ቃማ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye