लूका 20
20
ईसुऊँ यहूदी लोग-बागाँ को एक सवाल
(मत्ती 21:23–27; मरकुस 11:27–33)
1एक दन अस्यो व्यो के, जद्याँ ईसू मन्दर में लोग-बागाँ की भीड़ ने उपदेस देरिया हा अन हव हमच्यार हुणारियो हा। तो वटे मुक्य याजक, मूसा का नेमा ने हिकाबावाळा अन दाना यहूदी नेता आन ऊबा वेग्या। 2अन केबा लागा के, “माँने बता के, थूँ ईं काम किंकी आग्याऊँ करे हे अन वो कूण हे? जणी थने ओ अदिकार दिदो हे?”
3ईसू वाँने जबाव दिदो के, “मूँ भी थाँकाऊँ एक बात पूँछू हूँ, मने बतावो। 4यहुन्ना को बतिस्मो हरग का आड़ीऊँ हो कन मनकाँ का आड़ीऊँ हो?”
5जद्याँ वीं एक-दूजाऊँ बच्यार करन केबा लागा के, “यद्याँ आपाँ केवाँ के, ‘हरग का आड़ीऊँ हे’, ‘तो वो केई, पसे थाँ वींपे विस्वास का ने किदो?’ 6अन यद्याँ आपाँ केवाँ के, ‘मनकाँ का आड़ीऊँ हे।’ तो हाराई लोग-बाग आपणे भाटा मारी। काँके वीं हाँची में जाणे हे के, यहुन्नो परमेसर का आड़ीऊँ बोलबावाळो हो।” 7ईं वाते वणा जबाव दिदो, “माँ ने जाणा हाँ के, वो किंका आड़ीऊँ हो।”
8ईसू वाँने क्यो, “तो मूँ भी थाँने ने बतावूँ के, मूँ ईं काम किंकी आग्याऊँ करूँ हूँ।”
अंगूरा का बाग की केणी
(मत्ती 21:33–46; मरकुस 12:1–12)
9 #
यसा 5:1
तद्याँ ईसू लोग-बागाऊँ या केणी केबा लागा के, “कणी मनक आपणी जमीं पे अंगूरा को एक बाग लगायो अन दूजाँ ने हिजारे दे दिदो अन घणा दनाँ का वाते परदेस परोग्यो। 10जद्याँ हाँक की टेम अई, तो वणी मनक हिंजारिया का नके एक नोकर ने खन्दायो के, वो बाग का फळा को भाग वींने दी देवे पण, वणा हिंजारिया वींने कुट्यो अन खाली हातई पाछो खन्दा दिदो। 11पसे वणी एक दूजाँ नोकर ने खन्दायो अन वणा वींने भी कूटन वींको अपमान करन खाली हातई पाछो खन्दा दिदो। 12पसे वणी तीजा नोकर ने खन्दायो अन वणा वींने भी मार-कूटन अदमरियो करन खन्दा दिदो हो। 13तद्याँ बाग का मालिक क्यो, अबे मूँ कई करूँ? मूँ मारा लाड़ला बेटा ने खन्दाऊँ। वे सके के, वी वींको मान करी।” 14जद्याँ हिंजारिया वींने देक्यो, तो एक-दूजाऊँ बात करबा लागो के, यो तो अणी बाग का मालिक को छोरो हे। आवो, आपाँ ईंने मार नाका। तो ओ अंगूरा को बाग आपणो वे जाई। 15अन वणा वींने बागऊँ बारणे काड़न वींने मार नाक्यो, तो बतावो अबे बाग को मालिक वणा हिंजारिया का हाते कई करी? 16कई वो आन वणा हिंजारिया ने खतम करी अन बाग दूजाँ ने हूँप देई।
यो हूँणन वणा क्यो, “परमेसर अस्यान कदी ने करे हे।”
17 #
भज 118:22
ईसू वाँका आड़ी देकन क्यो, “पसे ओ कई लिक्यो तको हे के, ‘जणी भाटा ने राज-मिस्तरियाँ बेकार बतायो, वोईस खुणा को खास भाटो वेग्यो’? 18ज्यो कुई ईं भाटा पे पेड़ी, वो वखर जई अन जिंपे वो पड़ी वो वींने पीस देई।”
19वी दाण मूसा का नेमा ने हिकाबावाळा अन मुक्य याजकाँ वींने पकड़णो छारिया, काँके वीं हमजग्या हा के, वणी माकाँ उपरेईस या केणी की हे। पण, वीं लोग-बागऊँ दरपग्या हा।
हाँसल देबा का बारामें सवाल
(मत्ती 22:15–22; मरकुस 12:13–17)
20वी हाराई वींने पकड़बा की ताक में रेवा लाग्या के, वो कई गलती करे, ईं वाते वणा वींका वाते भेदू खन्दाया। वणा खरा वेबा का नाटक रच्यो, ताँके वींने बाताँ में फसान राजपाल अन अदिकारियाँ का हाताँ में हूँप दे। 21वणा भेदू ईसुऊँ ओ पूँछ्यो के, “ओ गरुजी, माँ जाणा हाँ के, थाँ हव केवो हो अन हिकावो भी हो अन किंको भेद-भाव भी ने करो हो। पण, थाँ तो परमेसर को गेलो हाँचऊँ बतावो हो। 22तो कई माँने राजा केसर ने हाँसल देणो छावे के ने देणो छावे?”
23ईसू वाँकी चाल ने हमजग्या अन वाँने क्यो, 24“मने एक मोर बतावो? अन ईंपे किंकी मूरती अन नाम हे?”
वणा क्यो, “राजा केसर की।”
25ईंपे ईसू वाँने क्यो, “तो ज्यो राजा केसर को हे, वो केसर ने दो अन ज्यो परमेसर को हे, वो परमेसर ने दो।”
26वी लोग-बागाँ का हामे ईं बात ने पकड़ ने सक्या, पण वाँका अणी जवाबऊँ वीं अचम्बा में पड़ग्या।
मरयाँ तका कस्यान जीवे हे?
(मत्ती 22:23–33; मरकुस 12:18–27)
27 #
थर 23:8
पसे कुई सदुकी ईसू का नके आया अन अणा सदुकी मनकाँ को केणो हे के, मरयाँ तका को पाछो जी उटणो ने वेवे हे। 28#वे.वि 25:5वणा ईसुऊँ पूँछ्यो, “ओ गरुजी, मूसे तो माकाँ वाते ओ लिक्यो हे के, यद्याँ किंको भई आपणी लुगई का हाते रेतो तको बनाई आस-ओलाद मर जावे। तो वींको भई वींकी लुगईऊँ ब्याव करले अन आपणाँ भई का वाते आस-ओलाद पेदा करे। 29एक दाण अस्यो वे के, हात भई हा, पेलो भई ब्याव करन बनाई आस-ओलाद मरग्यो। 30पसे दूजे अन ईंका केड़े तीजे भई भी वणी लुगईऊँ ब्याव किदो। 31अणी तरिया हातई वणीऊँ एक का केड़े एक ब्याव किदो अन बनाई आस-ओलाद मरग्या हा। 32हाराई केड़े वा लुगई भी मरगी। 33ईं तरिया वी पाच्छा जीवता वेबा का केड़े वा लुगई किंकी लुगई बणी, काँके वाँ हातई भायाँ की लुगई बण चुकी ही।”
34तद्याँ ईसू वणाऊँ क्यो, “अणी जुग में ब्याव वेवे हे। 35पण, वी मनक वणी जुग में परवेस करन मरिया तकाऊँ जीवता वेबा का काबिल हे, वीं ब्याव ने करी। 36वी पाच्छा कदी भी ने मरी, काँके वी हरग-दुताँ का जस्यान वेगा अन वीं पाच्छा जीबावाळा की ओलाद वेबाऊँ परमेसर की ओलाद भी ठेरी। 37#निर 3:6पण, या बात हे के, मरिया तका पाच्छा जी उटे हे, तो मूसे भी बळता तका रूँकड़ा की केणी बतई ही के, ‘वो परबू ने अबराम का परमेसर अन इसाक का परमेसर अन याकूब का परमेसर केवे हे।’ 38परमेसर तो मरिया तका को परमेसर ने हे पण, जीवता को परमेसर हे, काँके वींका हाराई मनक जीं वींका हे, वीं जीवता हे।”
39तद्याँ यो हूँणन नेमा ने हिकाबावाळा मेंऊँ कतरा जणा ओ क्यो के, “ओ गरू, थाँ हाँची बात केवो हो।” 40अन ईंका केड़े वणा की ईसुऊँ कई ओरी पूछबा की हिम्मत ने वी।
मसी किंको लाड़लो बेटो हे?
(मत्ती 22:41–46; मरकुस 12:35–37)
41पसे ईसू वाँकाऊँ क्यो, “थाँ मसी ने दाऊद को वंस काँ केवो हो? 42#भज 110:1काँके दाऊद खुद भजन की किताब में केवे हे के,
“परबू परमेसर, मारा परबूऊँ क्यो,
मारा जीमणा पाल्डे बेट।
43जद्याँ तईं मूँ थाँरा दसमणा ने थाँरा पगाँ का रेटे ने कर दूँ।”
44“ईं तरियाँ दाऊद तो मसी ने ‘परबू’ केवे हे, तो पसे वो वींकी ओलाद कस्यान वे सके?”
ईसू को आपणाँ चेला ने हेंचेत करणो
(मत्ती 23:1–36; मरकुस 12:38–40)
45जद्याँ हाराई मनक हुणरिया हा, तो ईसू आपणाँ चेलाऊँ क्यो, 46“मूसा का नेमा ने हिकाबावाळाऊँ हूँस्यार रेवो, ज्याँने लाम्बा-लाम्बा कुरता पेरणा घणा हव लागे हे अन ज्याँने बजाराँ में नमस्कार अन मोटी-मोटी सबा में ऊँचा-ऊँचा आसन अन जीमणा में ऊँची जगाँ पे बेटणो घणो हव लागे हे। 47वाँ लुगई जिंको धणी सान्त वेग्यो, वाँको धन कोसबो छावे हे। वीं दिकाबा का वाते मोटी परातना करे। वाँ मनकाँ ने घणी कल्ड़ी सजा मेली।”
Nke Ahọpụtara Ugbu A:
लूका 20: एम टी आर
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) 2010-2017, New Life Computer Institute. All rights reserved
लूका 20
20
ईसुऊँ यहूदी लोग-बागाँ को एक सवाल
(मत्ती 21:23–27; मरकुस 11:27–33)
1एक दन अस्यो व्यो के, जद्याँ ईसू मन्दर में लोग-बागाँ की भीड़ ने उपदेस देरिया हा अन हव हमच्यार हुणारियो हा। तो वटे मुक्य याजक, मूसा का नेमा ने हिकाबावाळा अन दाना यहूदी नेता आन ऊबा वेग्या। 2अन केबा लागा के, “माँने बता के, थूँ ईं काम किंकी आग्याऊँ करे हे अन वो कूण हे? जणी थने ओ अदिकार दिदो हे?”
3ईसू वाँने जबाव दिदो के, “मूँ भी थाँकाऊँ एक बात पूँछू हूँ, मने बतावो। 4यहुन्ना को बतिस्मो हरग का आड़ीऊँ हो कन मनकाँ का आड़ीऊँ हो?”
5जद्याँ वीं एक-दूजाऊँ बच्यार करन केबा लागा के, “यद्याँ आपाँ केवाँ के, ‘हरग का आड़ीऊँ हे’, ‘तो वो केई, पसे थाँ वींपे विस्वास का ने किदो?’ 6अन यद्याँ आपाँ केवाँ के, ‘मनकाँ का आड़ीऊँ हे।’ तो हाराई लोग-बाग आपणे भाटा मारी। काँके वीं हाँची में जाणे हे के, यहुन्नो परमेसर का आड़ीऊँ बोलबावाळो हो।” 7ईं वाते वणा जबाव दिदो, “माँ ने जाणा हाँ के, वो किंका आड़ीऊँ हो।”
8ईसू वाँने क्यो, “तो मूँ भी थाँने ने बतावूँ के, मूँ ईं काम किंकी आग्याऊँ करूँ हूँ।”
अंगूरा का बाग की केणी
(मत्ती 21:33–46; मरकुस 12:1–12)
9 #
यसा 5:1
तद्याँ ईसू लोग-बागाऊँ या केणी केबा लागा के, “कणी मनक आपणी जमीं पे अंगूरा को एक बाग लगायो अन दूजाँ ने हिजारे दे दिदो अन घणा दनाँ का वाते परदेस परोग्यो। 10जद्याँ हाँक की टेम अई, तो वणी मनक हिंजारिया का नके एक नोकर ने खन्दायो के, वो बाग का फळा को भाग वींने दी देवे पण, वणा हिंजारिया वींने कुट्यो अन खाली हातई पाछो खन्दा दिदो। 11पसे वणी एक दूजाँ नोकर ने खन्दायो अन वणा वींने भी कूटन वींको अपमान करन खाली हातई पाछो खन्दा दिदो। 12पसे वणी तीजा नोकर ने खन्दायो अन वणा वींने भी मार-कूटन अदमरियो करन खन्दा दिदो हो। 13तद्याँ बाग का मालिक क्यो, अबे मूँ कई करूँ? मूँ मारा लाड़ला बेटा ने खन्दाऊँ। वे सके के, वी वींको मान करी।” 14जद्याँ हिंजारिया वींने देक्यो, तो एक-दूजाऊँ बात करबा लागो के, यो तो अणी बाग का मालिक को छोरो हे। आवो, आपाँ ईंने मार नाका। तो ओ अंगूरा को बाग आपणो वे जाई। 15अन वणा वींने बागऊँ बारणे काड़न वींने मार नाक्यो, तो बतावो अबे बाग को मालिक वणा हिंजारिया का हाते कई करी? 16कई वो आन वणा हिंजारिया ने खतम करी अन बाग दूजाँ ने हूँप देई।
यो हूँणन वणा क्यो, “परमेसर अस्यान कदी ने करे हे।”
17 #
भज 118:22
ईसू वाँका आड़ी देकन क्यो, “पसे ओ कई लिक्यो तको हे के, ‘जणी भाटा ने राज-मिस्तरियाँ बेकार बतायो, वोईस खुणा को खास भाटो वेग्यो’? 18ज्यो कुई ईं भाटा पे पेड़ी, वो वखर जई अन जिंपे वो पड़ी वो वींने पीस देई।”
19वी दाण मूसा का नेमा ने हिकाबावाळा अन मुक्य याजकाँ वींने पकड़णो छारिया, काँके वीं हमजग्या हा के, वणी माकाँ उपरेईस या केणी की हे। पण, वीं लोग-बागऊँ दरपग्या हा।
हाँसल देबा का बारामें सवाल
(मत्ती 22:15–22; मरकुस 12:13–17)
20वी हाराई वींने पकड़बा की ताक में रेवा लाग्या के, वो कई गलती करे, ईं वाते वणा वींका वाते भेदू खन्दाया। वणा खरा वेबा का नाटक रच्यो, ताँके वींने बाताँ में फसान राजपाल अन अदिकारियाँ का हाताँ में हूँप दे। 21वणा भेदू ईसुऊँ ओ पूँछ्यो के, “ओ गरुजी, माँ जाणा हाँ के, थाँ हव केवो हो अन हिकावो भी हो अन किंको भेद-भाव भी ने करो हो। पण, थाँ तो परमेसर को गेलो हाँचऊँ बतावो हो। 22तो कई माँने राजा केसर ने हाँसल देणो छावे के ने देणो छावे?”
23ईसू वाँकी चाल ने हमजग्या अन वाँने क्यो, 24“मने एक मोर बतावो? अन ईंपे किंकी मूरती अन नाम हे?”
वणा क्यो, “राजा केसर की।”
25ईंपे ईसू वाँने क्यो, “तो ज्यो राजा केसर को हे, वो केसर ने दो अन ज्यो परमेसर को हे, वो परमेसर ने दो।”
26वी लोग-बागाँ का हामे ईं बात ने पकड़ ने सक्या, पण वाँका अणी जवाबऊँ वीं अचम्बा में पड़ग्या।
मरयाँ तका कस्यान जीवे हे?
(मत्ती 22:23–33; मरकुस 12:18–27)
27 #
थर 23:8
पसे कुई सदुकी ईसू का नके आया अन अणा सदुकी मनकाँ को केणो हे के, मरयाँ तका को पाछो जी उटणो ने वेवे हे। 28#वे.वि 25:5वणा ईसुऊँ पूँछ्यो, “ओ गरुजी, मूसे तो माकाँ वाते ओ लिक्यो हे के, यद्याँ किंको भई आपणी लुगई का हाते रेतो तको बनाई आस-ओलाद मर जावे। तो वींको भई वींकी लुगईऊँ ब्याव करले अन आपणाँ भई का वाते आस-ओलाद पेदा करे। 29एक दाण अस्यो वे के, हात भई हा, पेलो भई ब्याव करन बनाई आस-ओलाद मरग्यो। 30पसे दूजे अन ईंका केड़े तीजे भई भी वणी लुगईऊँ ब्याव किदो। 31अणी तरिया हातई वणीऊँ एक का केड़े एक ब्याव किदो अन बनाई आस-ओलाद मरग्या हा। 32हाराई केड़े वा लुगई भी मरगी। 33ईं तरिया वी पाच्छा जीवता वेबा का केड़े वा लुगई किंकी लुगई बणी, काँके वाँ हातई भायाँ की लुगई बण चुकी ही।”
34तद्याँ ईसू वणाऊँ क्यो, “अणी जुग में ब्याव वेवे हे। 35पण, वी मनक वणी जुग में परवेस करन मरिया तकाऊँ जीवता वेबा का काबिल हे, वीं ब्याव ने करी। 36वी पाच्छा कदी भी ने मरी, काँके वी हरग-दुताँ का जस्यान वेगा अन वीं पाच्छा जीबावाळा की ओलाद वेबाऊँ परमेसर की ओलाद भी ठेरी। 37#निर 3:6पण, या बात हे के, मरिया तका पाच्छा जी उटे हे, तो मूसे भी बळता तका रूँकड़ा की केणी बतई ही के, ‘वो परबू ने अबराम का परमेसर अन इसाक का परमेसर अन याकूब का परमेसर केवे हे।’ 38परमेसर तो मरिया तका को परमेसर ने हे पण, जीवता को परमेसर हे, काँके वींका हाराई मनक जीं वींका हे, वीं जीवता हे।”
39तद्याँ यो हूँणन नेमा ने हिकाबावाळा मेंऊँ कतरा जणा ओ क्यो के, “ओ गरू, थाँ हाँची बात केवो हो।” 40अन ईंका केड़े वणा की ईसुऊँ कई ओरी पूछबा की हिम्मत ने वी।
मसी किंको लाड़लो बेटो हे?
(मत्ती 22:41–46; मरकुस 12:35–37)
41पसे ईसू वाँकाऊँ क्यो, “थाँ मसी ने दाऊद को वंस काँ केवो हो? 42#भज 110:1काँके दाऊद खुद भजन की किताब में केवे हे के,
“परबू परमेसर, मारा परबूऊँ क्यो,
मारा जीमणा पाल्डे बेट।
43जद्याँ तईं मूँ थाँरा दसमणा ने थाँरा पगाँ का रेटे ने कर दूँ।”
44“ईं तरियाँ दाऊद तो मसी ने ‘परबू’ केवे हे, तो पसे वो वींकी ओलाद कस्यान वे सके?”
ईसू को आपणाँ चेला ने हेंचेत करणो
(मत्ती 23:1–36; मरकुस 12:38–40)
45जद्याँ हाराई मनक हुणरिया हा, तो ईसू आपणाँ चेलाऊँ क्यो, 46“मूसा का नेमा ने हिकाबावाळाऊँ हूँस्यार रेवो, ज्याँने लाम्बा-लाम्बा कुरता पेरणा घणा हव लागे हे अन ज्याँने बजाराँ में नमस्कार अन मोटी-मोटी सबा में ऊँचा-ऊँचा आसन अन जीमणा में ऊँची जगाँ पे बेटणो घणो हव लागे हे। 47वाँ लुगई जिंको धणी सान्त वेग्यो, वाँको धन कोसबो छावे हे। वीं दिकाबा का वाते मोटी परातना करे। वाँ मनकाँ ने घणी कल्ड़ी सजा मेली।”
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) 2010-2017, New Life Computer Institute. All rights reserved