थरप्या तका का काम हेंद-पेचाण
हेंद-पेचाण
थरप्या तका का काम हव हमच्यार लूका को लिक्यो तको हव हमच्यार का केड़े लिक्यो तको हे। ईंको मुक्य उपदेस ओ हे के ईसू का सरुआत का हंगळा मानबावाळा ने ऊजळी आत्मा की अगुवाई में, ईसू का बारा में हव हमच्यार को, “यरूसलेम अन हंगळा यहूदियाँ का देसाऊँ अन सामरिया में अन आकी धरती पे कस्यान हुणायो।” ओ मसीही लोग-बागाँ का आन्दोलन को लिक्यो तको हे। ज्यो यहुदया लोग-बागाँ का वचमूँ सरुआत व्यो अन हंगळी दनियाँ का लोग-बागाँ को विस्वास वेग्यो, लिकवा वाळो ईं वात को ज्यान राके हे के ईं भणबावाळा आ ज्यान पड़ जावे के मसीही लोगाँ की रोमी दरबार के वाते राजनीती तागत ने ही अन ने ईं मसीही यहूदी धरम ने पूरो करणो हो। प्रेरितो के काम की किताब ने तीन भागा में वाटी जावे हे, जिंमें ईसू मसी का हव हमच्यार को परच्यार किदो ग्यो अन मण्डळ्याँ ने वणईगी ही। 1. ईसू ने मरयाँ केड़े हरग में ग्या केड़े यरूसलेम में मसीही आन्दोलन की सरुआत, 2. पलस्तिन में नरई देसा में हव हमच्यार को परच्यार करणो, 3. भुमद्य सागरऊँ का देसाऊँ रोम तई हव हमच्यार को परच्यार करणो। थरप्या तका का काम में एक खास बात हे के, ऊजळी आत्मा को काम करणो। ऊजळी आत्मा पिन्तेकुस का दन यरूसलेम में भेळा व्या तका हंगळा मनकाँ में आणो, अन अणी किताब लिक्या तको मण्डळ्याँ का मुक्या मनक ने हिकाणो अन वाँने तागत देणी अणी किताब का हंगळा उपदेस में सरुआत का हव हमच्यार के हिकाणो हे अन ईंमें लिकी तकी हंगळा बाताँ अन घटना अन विस्वास्याँ का जीवन में अन मण्डळ्याँ में अणी संदेस की तागत ने परगट करणी हे।
रूप-रेखा
गवई के वाते त्यारी 1:1–26
अ. ईसू की आकरी आग्या 1:1–14
ब. यहूदा को उतरादिकारी 1:15–26
यरूसलेम में गवई 2:1—8:3
यहूदियाँ अन सामरिया में गवई 8:4—12:25
पोलुस की सेवा 13:1—28:31
अ. पेली परच्यार जातरा 13:1—14:28
ब. यरूसलेम में समेलन 15:1–15
स. दूजी परच्यार जातरा 15:16—18:22
द. तीजी परच्यार जातरा 18:23—21:16
इ. यरूसलेम, केसरिया अन रोम में पोलुस ने पकड़णो 21:17—28:31
Nke Ahọpụtara Ugbu A:
थरप्या तका का काम हेंद-पेचाण: एम टी आर
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) 2010-2017, New Life Computer Institute. All rights reserved