थरप्या तका का काम 19
19
इपिसुस नगर में पोलुस
1जद्याँ अपुलोस कुरिन्तुस नगर में हो, तो पोलुस मईने का इलाकाऊँ वेतो तको इपिसुस में आयो। वटे वणी थोड़ाक चेला ने देक्याँ 2अन वाँने पूँछ्यो, “कई थाँ विस्वास किदो वीं दाण पुवितर आत्माने पई?”
वाँकाणी क्यो, “माँ तो पुवितर आत्मा की बात ने हुणीस कोयने।”
3वणी वाँने पूँछ्यो, “पच्छे थाँ कस्यो बतिस्मो लिदो?”
वाँकाणी क्यो, “यहुन्ना को बतिस्मो लिदो”।
4 #
मत्ती 3:11; मर 1:4,7,8; लूका 3:4,16; यहु 1:26,27 पोलुस वाँकाऊँ क्यो, “जणी पापाऊँ मन फरायो हे वाँका वाते यहुन्ना को बतिस्मो हे अन वणी लोगाँ ने क्यो के, जो माराऊँ केड़े आबावाळो हे, वो ईसू मसी हे, जिंपे थाँ विस्वास करजो” 5ओ हुणन वाँकाणी परबू ईसू मसी का नाम में बतिस्मो लिदो। 6जद्याँ पोलुस वणापे हात राक्यो, तो पुवितर आत्मा वाँके डिले आयो, अन वीं तरे-तरे की बोली ने अन परमेसर का आड़ीऊँ बोलबा लागा। 7ईं हाराई लगे-भगे बारा हा।
8वो वटे यहूदियाँ का परातना घर में जान तीन मिना तईं बना दरप्या बचन बोलतो रियो, अन परमेसर का राज का बारा में बात-बच्यार करन लोगाँ ने हमजातो रियो। 9पण जद्याँ थोड़ाक लोग नसेड़ा वेन वींकी बात पे विस्वास ने किदो अन लोगाँ का हामे परमेसर का गेला का बारा में भलो-बुरो केबा लागा। तो पोलुस वाँने छोड़ दिदा अन चेला ने लारे ले लिदा अन पछे हर-दन तुरनुस नाम की पाटसाला में बात-बच्यार करतो रियो। 10दो वर तईं अस्यानीस वेतो रियो, अन अस्यान आसिया में रेबावाळा हंगळा यहूदी अन युनानी लोगाँ परबू का बचन हुण लिदा हा।
इस्किवा का छोरा
11परमेसर पोलुस का हाताऊँ अचम्बावाळा काम करवाता हा, 12अटा तईं के रुमाल अन हस्ताड़ा पोलुस के अड़ान, माँदा मनकाँ के अड़ाता तो वीं हव वे जाता अन हुगली आत्मा भी वाँका मूँ निकळ जाती ही। 13पण थोड़ाक यहूदी जाणकार, जो हरेक जगाँ जान हुगली आत्माने निकाळता हा, वीं भी ईंका वाते परबू ईसू को नाम लेता हा अन केता हा के “जणी ईसू को परच्यार पोलुस करे हे, वींका नामऊँ हुकम दूँ हूँ”। 14इस्किवा नाम का एक यहूदी मुक्या याजक के हात छोरा हा, जीं भी अस्यानीस करता हा,
15पण हुगली आत्मा वाँने क्यो, “ईसू ने तो माँ जाणा अन पोलुस ने भी ओळका हाँ, पण थाँ कूण हो?”
16अन जणी में हुगली आत्मा ही, वो वाँका पे जपट्यो अन वाँने हरा दिदा। वे नागा-पागा अन लोया-जाळ वेन वीं घरऊँ भागग्या। 17आ बात इपिसुस में रेबावाळा हंगळा यहूदी अन युनानी जाणग्या, अन दरपबा लागा। परबू ईसू का नाम की बड़ई करबा लागग्या। 18जणा विस्वास किदो हो, वीं वटे आन जीं जीं हूँगला काम वे करता हा वाँने हंगळा के हामे मान लिदा। 19झाड़-फूक करबावाळा हंगळा जणा आपणाँ पोत्या-पानड़ा लाया अन हंगळा के हामे बाळ नाक्या। वणा पोत्या-पानड़ा का रिप्या जोड़्याग्या तो पचा हजार चाँदी का सिक्का#19:19 एक चाँदी का सिक्का को मोल गाम में रेबावाळा एक दानक्याँ की एक दन की दानकी ही। के जतरा व्या। 20ईं तरियऊँ परबू का बचन सामरतऊँ हरेक जगाँ बड़वा लागी।
इपिसुस में दंगो
21ईं बाताँ व्या केड़े पोलुस आपणी आत्मा में होच्यो के मकिदुनिया अन अखाया वेन यरूसलेम जाऊँ, अन क्यो “वटे जान मने रोम में भी जाणो पड़ी।” 22ईं वाते वणी आपणी मदत करबावाळा मूँ, तिमुतियुस अन अरास्तुस ने मकिदुनिया खन्दाया अन खुद थोड़ाक दन आसिया में रियो।
23वीं टेम इपिसुस में परबू का गेला का बारा में घणो हुल्लड़ मच्यो। 24दिमेत्रियुस नाम को एक होनार चाँदीऊँ, अरतिमिस देवी को मन्दर बणातो हो अन वींका कामाँऊँ कारिगराँ ने हेलो नफो मलतो हो, 25वणी अस्यी चिजाँ वणाबावाळा कारिगराँ ने भेळा किदा अन क्यो, “हो लोगाँ, थाँ जाणो हो के, आपाँने ओ काम करवाऊँ नरई रिप्या-कोड़ी मले हे। 26थाँ देक्यो अन हुण्यो भी हे के, बेस इपिसुस मेंईस ने, पण हंगळा आसिया का लोगाँ ने पोलुस ओ केन भोळाया हे के, जीं हाताऊँ घड्या तका देवताँ हे, वींमें परमेसर ने हे। 27ईंऊँ बेस या एक बातईस की दरप कोयने हे के, आपणो काम धन्धो बदनाम वेई, पण ओ भी के, आपणी पुवितर देवी अरतिमिस का मन्दर ने भी नेजोगो मान्यो जाई अन ईं मोटी देवी की मेमा भी खतम वे जाई, जिंने हंगळा आसिया अन दनियाँ का लोग पूजे हे।”
28ओ हुणन हंगळा रीस में आग्या अन हाका करन केबा लागा, “इपिसियों की देवी अरतिमिस मोटी हे।” 29अन हंगळा नगर में हाका-भार वेगी, अन लोगाँ मकिदुनिया का गयुस अन अरिस्तखुस जो पोलुस का हण्डाळ्याँ हा, वाँने पकड़ लिदा, अन हंगळा एक हाते मेदान में आग्या अन भेळा वेग्या। 30जदी पोलुस लोगाँ का नके जाणो छायो तो चेला वींने जाबा ने दिदो। 31वीं इलाका का थोड़ाक आसिया हाकिमा भी जो पोलुस का हण्डाळ्याँ हा, वणा पोलुस के संदेसो खन्दायो के, वो मेदान में जान कई आपत माते ने ले। 32वटे सबा में नरई मनक हाका-हूक कररिया हा, अन थोड़ा कई केरिया हा, दूजाँ ओरी कई केरिया हा, काँके वामूँ घणा तो ओ ने जाणता के वीं वटे कणी वाते भेळा व्या हा। 33तद्याँ थोड़ाक यहूदी मनक सिकन्दर ने ऊबो करन आगे खन्दायो। अन वो लोगाँ ने छाना करबा वाते हाताऊँ हानी किदी अन बात-बच्यार करणो छारियो हो। 34पण जदी मनकाँ ने नंगे पड़गी के ओ यहूदी हे तो वीं हंगळा एक हाते दो घण्टा तईं हाका करता रिया “इपिसियों की देवी अरतिमिस मोटी हे”।
35तद्याँ नगर के बाबू, लोगाँ ने छाना करन क्यो “हो इपिसुस का लोगाँ, हंगळा मनक जाणे हे के, इपिसुस मोटी देवी अरतिमिस का मन्दर को रुकाळ्यो हे अन वींकी मूरत हरगऊँ अई हे। 36अणा बाताँ ने कुई नट ने सके, ईं वाते थाँ छाना-माना रो अन कस्यी भी बात पे बात-बच्यार मत करो। 37थाँ अणा मनकाँ ने पकड़न लाया, अणा ने तो मन्दर ने लुट्यो अन ने ही देवी माँ को अपमान किदो हे। 38यद्याँ दिमेत्रियुस अन वींका हण्डाळ्याँ कारिगराँ हाते लड़ई-जगड़ो किदो वे तो, न्याव-गादी के हामे जावो, हाकम वटे हे वाँको न्याव वटे वेई। 39पण थाँकामूँ किंने ओरुँ कई केणो अन पूँछणो वे तो वीं बात को हमजोतो न्याव सबा में किदो जाई। 40काँके आज जो कई व्यो हे, वींऊँ आपीं हंगळा पे दोस लाग सके हे अन जो हुल्लड़ किदो हे, ईंऊँ बंचबा वाते आपाँ नके कुई बायनो कोयने हे।” 41ओ केन वणा वीं सबा ने खतम किदी।
Nke Ahọpụtara Ugbu A:
थरप्या तका का काम 19: एम टी आर
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) 2010-2017, New Life Computer Institute. All rights reserved
थरप्या तका का काम 19
19
इपिसुस नगर में पोलुस
1जद्याँ अपुलोस कुरिन्तुस नगर में हो, तो पोलुस मईने का इलाकाऊँ वेतो तको इपिसुस में आयो। वटे वणी थोड़ाक चेला ने देक्याँ 2अन वाँने पूँछ्यो, “कई थाँ विस्वास किदो वीं दाण पुवितर आत्माने पई?”
वाँकाणी क्यो, “माँ तो पुवितर आत्मा की बात ने हुणीस कोयने।”
3वणी वाँने पूँछ्यो, “पच्छे थाँ कस्यो बतिस्मो लिदो?”
वाँकाणी क्यो, “यहुन्ना को बतिस्मो लिदो”।
4 #
मत्ती 3:11; मर 1:4,7,8; लूका 3:4,16; यहु 1:26,27 पोलुस वाँकाऊँ क्यो, “जणी पापाऊँ मन फरायो हे वाँका वाते यहुन्ना को बतिस्मो हे अन वणी लोगाँ ने क्यो के, जो माराऊँ केड़े आबावाळो हे, वो ईसू मसी हे, जिंपे थाँ विस्वास करजो” 5ओ हुणन वाँकाणी परबू ईसू मसी का नाम में बतिस्मो लिदो। 6जद्याँ पोलुस वणापे हात राक्यो, तो पुवितर आत्मा वाँके डिले आयो, अन वीं तरे-तरे की बोली ने अन परमेसर का आड़ीऊँ बोलबा लागा। 7ईं हाराई लगे-भगे बारा हा।
8वो वटे यहूदियाँ का परातना घर में जान तीन मिना तईं बना दरप्या बचन बोलतो रियो, अन परमेसर का राज का बारा में बात-बच्यार करन लोगाँ ने हमजातो रियो। 9पण जद्याँ थोड़ाक लोग नसेड़ा वेन वींकी बात पे विस्वास ने किदो अन लोगाँ का हामे परमेसर का गेला का बारा में भलो-बुरो केबा लागा। तो पोलुस वाँने छोड़ दिदा अन चेला ने लारे ले लिदा अन पछे हर-दन तुरनुस नाम की पाटसाला में बात-बच्यार करतो रियो। 10दो वर तईं अस्यानीस वेतो रियो, अन अस्यान आसिया में रेबावाळा हंगळा यहूदी अन युनानी लोगाँ परबू का बचन हुण लिदा हा।
इस्किवा का छोरा
11परमेसर पोलुस का हाताऊँ अचम्बावाळा काम करवाता हा, 12अटा तईं के रुमाल अन हस्ताड़ा पोलुस के अड़ान, माँदा मनकाँ के अड़ाता तो वीं हव वे जाता अन हुगली आत्मा भी वाँका मूँ निकळ जाती ही। 13पण थोड़ाक यहूदी जाणकार, जो हरेक जगाँ जान हुगली आत्माने निकाळता हा, वीं भी ईंका वाते परबू ईसू को नाम लेता हा अन केता हा के “जणी ईसू को परच्यार पोलुस करे हे, वींका नामऊँ हुकम दूँ हूँ”। 14इस्किवा नाम का एक यहूदी मुक्या याजक के हात छोरा हा, जीं भी अस्यानीस करता हा,
15पण हुगली आत्मा वाँने क्यो, “ईसू ने तो माँ जाणा अन पोलुस ने भी ओळका हाँ, पण थाँ कूण हो?”
16अन जणी में हुगली आत्मा ही, वो वाँका पे जपट्यो अन वाँने हरा दिदा। वे नागा-पागा अन लोया-जाळ वेन वीं घरऊँ भागग्या। 17आ बात इपिसुस में रेबावाळा हंगळा यहूदी अन युनानी जाणग्या, अन दरपबा लागा। परबू ईसू का नाम की बड़ई करबा लागग्या। 18जणा विस्वास किदो हो, वीं वटे आन जीं जीं हूँगला काम वे करता हा वाँने हंगळा के हामे मान लिदा। 19झाड़-फूक करबावाळा हंगळा जणा आपणाँ पोत्या-पानड़ा लाया अन हंगळा के हामे बाळ नाक्या। वणा पोत्या-पानड़ा का रिप्या जोड़्याग्या तो पचा हजार चाँदी का सिक्का#19:19 एक चाँदी का सिक्का को मोल गाम में रेबावाळा एक दानक्याँ की एक दन की दानकी ही। के जतरा व्या। 20ईं तरियऊँ परबू का बचन सामरतऊँ हरेक जगाँ बड़वा लागी।
इपिसुस में दंगो
21ईं बाताँ व्या केड़े पोलुस आपणी आत्मा में होच्यो के मकिदुनिया अन अखाया वेन यरूसलेम जाऊँ, अन क्यो “वटे जान मने रोम में भी जाणो पड़ी।” 22ईं वाते वणी आपणी मदत करबावाळा मूँ, तिमुतियुस अन अरास्तुस ने मकिदुनिया खन्दाया अन खुद थोड़ाक दन आसिया में रियो।
23वीं टेम इपिसुस में परबू का गेला का बारा में घणो हुल्लड़ मच्यो। 24दिमेत्रियुस नाम को एक होनार चाँदीऊँ, अरतिमिस देवी को मन्दर बणातो हो अन वींका कामाँऊँ कारिगराँ ने हेलो नफो मलतो हो, 25वणी अस्यी चिजाँ वणाबावाळा कारिगराँ ने भेळा किदा अन क्यो, “हो लोगाँ, थाँ जाणो हो के, आपाँने ओ काम करवाऊँ नरई रिप्या-कोड़ी मले हे। 26थाँ देक्यो अन हुण्यो भी हे के, बेस इपिसुस मेंईस ने, पण हंगळा आसिया का लोगाँ ने पोलुस ओ केन भोळाया हे के, जीं हाताऊँ घड्या तका देवताँ हे, वींमें परमेसर ने हे। 27ईंऊँ बेस या एक बातईस की दरप कोयने हे के, आपणो काम धन्धो बदनाम वेई, पण ओ भी के, आपणी पुवितर देवी अरतिमिस का मन्दर ने भी नेजोगो मान्यो जाई अन ईं मोटी देवी की मेमा भी खतम वे जाई, जिंने हंगळा आसिया अन दनियाँ का लोग पूजे हे।”
28ओ हुणन हंगळा रीस में आग्या अन हाका करन केबा लागा, “इपिसियों की देवी अरतिमिस मोटी हे।” 29अन हंगळा नगर में हाका-भार वेगी, अन लोगाँ मकिदुनिया का गयुस अन अरिस्तखुस जो पोलुस का हण्डाळ्याँ हा, वाँने पकड़ लिदा, अन हंगळा एक हाते मेदान में आग्या अन भेळा वेग्या। 30जदी पोलुस लोगाँ का नके जाणो छायो तो चेला वींने जाबा ने दिदो। 31वीं इलाका का थोड़ाक आसिया हाकिमा भी जो पोलुस का हण्डाळ्याँ हा, वणा पोलुस के संदेसो खन्दायो के, वो मेदान में जान कई आपत माते ने ले। 32वटे सबा में नरई मनक हाका-हूक कररिया हा, अन थोड़ा कई केरिया हा, दूजाँ ओरी कई केरिया हा, काँके वामूँ घणा तो ओ ने जाणता के वीं वटे कणी वाते भेळा व्या हा। 33तद्याँ थोड़ाक यहूदी मनक सिकन्दर ने ऊबो करन आगे खन्दायो। अन वो लोगाँ ने छाना करबा वाते हाताऊँ हानी किदी अन बात-बच्यार करणो छारियो हो। 34पण जदी मनकाँ ने नंगे पड़गी के ओ यहूदी हे तो वीं हंगळा एक हाते दो घण्टा तईं हाका करता रिया “इपिसियों की देवी अरतिमिस मोटी हे”।
35तद्याँ नगर के बाबू, लोगाँ ने छाना करन क्यो “हो इपिसुस का लोगाँ, हंगळा मनक जाणे हे के, इपिसुस मोटी देवी अरतिमिस का मन्दर को रुकाळ्यो हे अन वींकी मूरत हरगऊँ अई हे। 36अणा बाताँ ने कुई नट ने सके, ईं वाते थाँ छाना-माना रो अन कस्यी भी बात पे बात-बच्यार मत करो। 37थाँ अणा मनकाँ ने पकड़न लाया, अणा ने तो मन्दर ने लुट्यो अन ने ही देवी माँ को अपमान किदो हे। 38यद्याँ दिमेत्रियुस अन वींका हण्डाळ्याँ कारिगराँ हाते लड़ई-जगड़ो किदो वे तो, न्याव-गादी के हामे जावो, हाकम वटे हे वाँको न्याव वटे वेई। 39पण थाँकामूँ किंने ओरुँ कई केणो अन पूँछणो वे तो वीं बात को हमजोतो न्याव सबा में किदो जाई। 40काँके आज जो कई व्यो हे, वींऊँ आपीं हंगळा पे दोस लाग सके हे अन जो हुल्लड़ किदो हे, ईंऊँ बंचबा वाते आपाँ नके कुई बायनो कोयने हे।” 41ओ केन वणा वीं सबा ने खतम किदी।
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) 2010-2017, New Life Computer Institute. All rights reserved