मत्ती 15
15
आग्लाबड़ा की रीत मानबा को सुवाल
(मरकुस 7:1–13)
1यरूसलेम का एकात फरीसी अर यहूदी धरम सखाबाळा ईसु क सांकड्अ आया अर उन्अ बुज्या, 2“थारा चेला आपणा आग्लाबड़ा का रुवाज क्युं कोन्अ मान्अ? वे रोटी खाबा सुं पेली हाथ क्युं कोन्अ धोव्अ?” 3ईसु खियो, “खुदका रुवाज की बजेसुं थे परमेसर का रुवाज न्अ क्युं तोड़ो छो? 4क्युं क परमेसर तो खियो छो, ‘तु खुदका माई-बाप को आदरमान कर अर ज्योबी खुदका माई-बाप को नरादर करअ, उन्अ जरूर मार देणी चायजे।’ 5पण थे खेवो छो क ज्यो कोई बी खुदकी माई-बाप न्अ खेव्अ क, ‘थान्अ म्हासुं ज्यो फायदो हो सक्अ छो वो म परमेसर क चढ़ा दियो।’ 6अस्यान वान्अ खुदका माई-बाप को आदर करबा की जुरत कोन्अ। अस्यान थे खुदका रूवाज की बजेसुं परमेसर का खिया न्अ उंगालो छो। 7ढोंग करबाळाओ, थांका बारा मं यसायाह कतरी चोखी भविष्यवाणी कर्यो छो; क 8‘ये लोगबाग होठा सुंई म्हारो आदर करअ छ पण यांका मन मंसुं सदाई आंतरअ रेव्अ छ 9ये बनाकाम ई म्हारी ढोका सलामी करअ छ क्युं क ये मनखा का बणायेड़ा नियमा न्अ अस्यान सखाव्अ छ जाण्अ वे धरम का निम छ।’”
चोखा बरा को मतबल
(मरकुस 7:14–23)
10ईसु जळा न्अ सांकड्अ बलार खियो, “सुणो अर समझो क 11मनखा का मुण्ढा म्अ ज्योबी जाव्अ छ वो उन्अ सूगलो कोन्अ करअ, पण उंका मुण्ढा का नखळ्या सबद उन्अ सूगलो करअ छ।” 12ज्दया ईसु का चेला सांकड्अ आर खिया, “थन्अ तोल छ कांई क फरीसी थारी बाता को घणो बरो मान्या छ?” 13ईसु खियो, “वे सबळा रूंखड़ा ज्यांन्अ म्हारो सरगहाळो बाप कोन्अ लगायो, उपाड़या जाव्अला। 14#लूक 6:39वान्अ छोडो वे तो आन्धा का आन्धा नेता छ। आन्धो आन्धा न्अ गेल्लो बतावलो तो दोनी खाढ़ा मं जा पड़्अला।” 15ज्दया पतरस वान्अ खियो, “म्हान्अ सुगलाई का कस्सा को मतबल समझा।” 16ईसु खियो, “थे हालताणी बी कोन समझ्या कांई? 17थे कोन्अ जाणो कांई क ज्योबी मनखा का मुण्ढा मं जाव्अ छ वो वांका पेट मं जाव्अ छ अर फेर गुं बणर नखळ जाव्अ छ? 18#मत्ती 12:34पण ज्यो मनखा का मुण्ढा मंसुं बारअ आव्अ छ, वो उंका मन मंसुं नखळ्अ छ। योई उन्अ सूगलो करअ छ। 19क्युं क बरा-बच्यार, चोरी, झूंट, दूसरा की बराई, हत्या, व्यभिचार, झूंटमाट की गुवाई जसी सबळी बराया मन मं सुंई नखळ्अ छ। 20येई छ ज्यांसुं कोई सूगलो बण्अ छ। बना हाथ धोया खाबा सुं कोई मनख सूगलो कोन्अ होव्अ।”
कनानी बेरबानी को बस्वास
(मरकुस 7:24–30)
21फेर ईसु उं ठार न्अ छोड़र सूर अर सैदा की ओड़ी चलग्यो। 22उण्डअ एक कनानी बेरबानी आई अर बळाब्अ लागी, “हे परबु, दाऊद का बेटा, म्हारअ उपरअ दीया कर। म्हारी छोरी मं दुष्टात्मा घुसमेली छ।” 23ईसु उन्अ कांई बी कोन्अ खियो। उंका चेला सांकड्अ आर उसुं बिनती करबा लाग्या क, “उंकी बात मानर उन्अ बद्या कर। क्युं क वा आपण्अ पाछ्अ बळातिई आरी छ।” 24ईसु खियो, “मन्अ बस इजरायल की गुमेड़ी लळ्डया बेई खन्दायो गियो छु।” 25ज्दया वा बेरबानी ईसु क साम्अ लळर अरदास करी क, “हे परबु, म्हारी सायता कर!” 26तो ईसु खियो, “बाळका की रोटी लेर गण्डकड़ा न्अ पटकबो चोखो कोन्अ।” 27वा बोली, “हां परबु! फेरबी गण्डकड़ा मालिक की खाबाकी चोक्या प सुं बखरया बुरया न्अ खा लेव्अ छ।” 28ई बात प ईसु उन्अ खियो, “थारो बस्वास घणो बड़ो छ। ज्यो तु छाव्अ छ वो पूरो होव्अ।” अर झटदाणी उंकी छोरी नीका होगी।
ईसु को घणा रोगला न्अ नीका करबो
29फेर ईसु उण्डअ सुं चलग्यो अर गलील की झील की तीर प पुच्यो। वो एक डुंगरी प चढ़ग्यो अर बेठग्यो। 30जळा की जळा उंक्अ सांकड्अ आबा लागगी। वे लंगड़ा-लुल्या, आन्धा, गुंगा-बरया अर दूसरा घणा रोगला न्अ खुदकी लार लेर आया छा। वे वान्अ ईसु का पगा मं पटक दिया अर ईसु वान्अ नीका कर दियो। 31वा जळा देखी क गुंगा बोलरया छ, लंगड़ा-लुल्या चालर्या छ, बरया सुणरया छ अर आन्धा देखर्या छ। वे घणा अचम्बा मं पड़गा अर इजरायल का परमेसर की महमा करबा लागगा।
च्यार हजार मनखा न्अ रोटी खुवाबो
(मरकुस 8:1–10)
32ईसु खुदका चेला न्अ सांकड्अ बलार खियो, “मन्अ ई जळा क उपरअ तरस आर्यो छ क्युं क ये मनख तीन दन सुं म्हारी लारां छ अर या कन्अ खाबा बेई कांई बी कोन्अ। म यान्अ भूखाई कोन्अ खन्दाबो चाऊ क्युं क हो सक्अ छ क वे गेल्ला मेई चक्करार पड़जाव्अ।”
33ज्दया उंका चेला खिया, “अतरी सारी जळा बेई अस्या उजाड़ मं अतरो खाणो में कढ्अ सुं लेर आवां?” 34ज्दया ईसु वान्अ बुज्यो, “थां कन्अ कतरी रोठ्या छ?” वे खिया, “सात रोठ्या अर चनसीक छोटी मछ्या।” 35ईसु जळा न्अ जमी प बेठबा बेई खियो 36अर फेर वां सात रोठ्या अर मछ्या न्अ लेर वो परमेसर को धन्यवाद कर्यो अर वान्अ तोड़र चेला न्अ देबा लागग्यो। फेर उंका चेला वान्अ आग्अ मनखा मं बांट दिया। 37सबळा खार धापग्या। फेर उंका चेला बच्या टुकड़ा सुं सात टोकर्या भरया। 38लुगाया अर बाळका न्अ छोड़र उण्डअ च्यार हजार मोट्यार रोठ्या खाया छा। 39जळा न्अ बद्या कर ईसु नावड़ा मं आग्यो अर मगदन नगर ओड़ी चलग्यो।
Nke Ahọpụtara Ugbu A:
मत्ती 15: डि एच डि
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) 2010-2017, New Life Computer Institute. All rights reserved