लूका 15
15
गुमेड़ी लल्डी
(मत्ती 18:12–14)
1 #
लूक 5:29,30 एक बर चुंगी लेबाळा अर पापी ईसुनै सुणबा ताँई भेळा होया। 2जणा फरिसी अर सास्तरानै सीखाबाळा आपसरी म बड़बड़ाबा लाग्या, “ओ तो पाप्याऊँ मिलै अर बाकै सागै खावै।” 3जणा ईसु बानै एक मिसाल दिनी:
4“मानल्यो थारै मऊँ कोईसा क कनै सो लल्ड्या हीं अर बामैऊँ एक गुमज्या जणा थे काँई करस्यो? के बा निन्याणमनै उजाड़ म छोडर जद ताँई बा गुमेड़ी लल्डी कोनी मिल ज्यावै बिनै कोनी ढुंढस्यो? 5अर जद बा गुमेड़ी लल्डी लाध जावै जणा थे बिनै राजी होर थारा कांधा प चढार थारै घरा ल्याओ हो। 6अर घरा आबा क पाछै थारा आसपड़ोस अर थारा भाईलानै बुलार बाकै सागै लल्डी मिलबा की खुसी मनाओ हो।
7“म थानै बोलुँ हूँ अंय्यांई पापऊँ तौबा करबाळा पापी की खुसी ईस्बर नगरी म ओर बी घणी होसी। जत्तो की बा निन्याणमै धरम्या क बदलै कोनी होवै जानै मन फेरबा की जुर्तई कोनी।
गुमेड़ो चाँदी को सीक्को
8“नहिस तो अंय्यां सोचो एक लूगाई ह अर बिकन दस चाँदी का सीक्का हीं जिमैऊँ एक गुमज्या, जणा बा जद ताँई बो सीक्को मिल नइ जा घरनै झाड़ती भारती अर दिओ लेर बिनै सूल टोती कोनी रेह्वै के? 9अर जद बा बि सीक्कानै ढुंढले। जणा पाछै बा राजी होर आपकी भाईल्या अर आसपड़ोसनै बुलार बानै बोलै ह, ‘मेरो गुमेड़ो सीक्को पाछो मिलगो।’ 10म थारूँ बोलुँ हूँ ठिक अंय्यांई जद कोई पापी पापऊँ तौबा करै ह, जणा परमेसर का ईस्बर नगरी दुता क सामै खुसी मनाई जावै ह।”
खाऊ-उडाऊ बेटो
11इकै पाछै ईसु बोल्यो, “कोई मिनख हो बिकै दो छोरा हा। 12छोटक्यो छोरो हो जखो आपका बापऊँ आपकी पाँती माँग ली जणा बो बाप आपकी सगळी जायजाद दोन्यु बेटा म बाट दि।
13“थोड़ाई दिन बित्या जणा बो छोटक्यो छोरो आपकी पाँती को सगळो धन भेळो कर दूर दिसावर चलेगो। अर बठै बि धननै उदफेली म उडा दिओ। 14अर जद बो सगळो धन बिलै लगा दिओ, जणा बा दिना म बि देस म घणो जोरको काळ पड़्यो। अर बिकै तो खाबा का लाला पड़गा। 15जणा बो बि देस का एक मिनख क मजुरी करबा गयो। अर बो बिनै आपका खेत म सूल्डा चराबा को काम दिओ। 16बो आ सोचर की कमऊँ कम बठै पेट भरबा ताँई मटर का छिलकाई मिलज्यासी। जिनै सूल्डा खाया करीं हीं, पण कोई बिनै एक छिलकोई कोनी दिओ। 17जद बो आपका आपा म आयो तो बड़बड़ाबा लाग्यो, ‘मेरा बाप क कनै कत्ताई मजुर ह जखा धापर खावीं हीं बिकै पाछै बी बाकन बच ज्यावै ह। अर म अठै बास्यो मरूँ हूँ। 18जणा इब म मेरा बापूजी क कनै जास्युं। अर बाऊँ खेस्युं बापूजी म परमेसर क अर थारै खिलाप पाप कर्यो हूँ। 19मेरा करम अंय्यां का कोनी की इब म थारो बेटो खुवाऊँ। इब थारूँ हात जो'ड़र अरदास ह की थे मनै थारो मजुर समजर राखल्यो।’ 20आ ध्यार बो आपका बाप कनै चाल पड़्यो, अर बो जद घराऊँ क्युंक दूर हो जणा बिका बाप की निगा बिपै पड़ी, आपका छोरानै देखर बिको हेज पावस्यायो अर बो भागर बिनै आपकी छातीऊँ लगार बिका माखा लिआ। 21जणा पाछै बो छोरो आपका बापऊँ बोल्यो, ‘बापूजी म परमेसर अर थारै खिलाप बोळा पाप कर्यो हूँ, जणा इब म, इ जोगो कोनी की थे मनै बेटो खेओ।’ 22पण बिको बाप आपका दासानै बोल्यो, ‘जाओ अर तावळासा बडियाऊँ बडिया गाबो ल्यार मेरा छोरानै पिराओ इका हाता म मुन्दड़ी अर पगा म जुती पिराओ। 23अर मोटो तगड़ो ज्यानबर काटो अर बिनै आपा सगळा मिलर खास्यां अर खुसी मणास्यां। 24क्युं क मेरो छोरो जखो म्हारै कानि को मर्या समान हो, बो पाछो जीयायो ओ गुमगो हो, जखो इब लाध्यो ह।’ अर बे सगळा मिलर खुसी मनाबा लाग्या। 25अर बि टेम बिको बडोड़ो बेटो जखो खेतऊँ घरा आर्यो हो अर जंय्यांई बो घरा क कनै पुग्यो जणा बिकै काना म नाचबा-गाबा को रोळो पड़्यो। 26जणा बो एक दासनै बुलार बुज्यो, ‘ओ काँई होर्यो ह?’ 27दास बिऊँ बोल्यो, ‘तेरो भाईड़ो पाछो घरा आगो ह। अर तेरो बाप बिकै राजी-खुसी आबा की बजेऊँ एक मोटो तगड़ो ज्यानबर कटायो ह।’ 28अत्ती सुणताई बो लाल-तातो होगो अर मरोड़ कर मांयनैई कोनी गयो, जणा बिको बाप हो जखो बारनै आर बिनै मनाबा लाग्यो। 29बो आपका बापऊँ बोल्यो, ‘म बरसाऊँ थारी सेवा एक दास की जंय्यां करतो आर्यो हूँ, अर थारो अंय्यां को कोई हुकम कोनी जखो म कोनी मान्यो हो, इकै बावजुद बी थे मनै कदैई एक टाट को बच्योई कोनी दिओ की म बिनै मेरा भाईला क सागै मिलर खाऊँ। 30पण तेरो ओ बेटो जखो तेरी धन-दोलतनै रांडबाजी म उडा दि, बो आयो जणा मोटो-ताजा ज्यानबर कटवा दिओ।’ 31जणा बो बाप बोल्यो, ‘बेटा तू सदाई मेरै सागै हो अर जोक्यु मेरो ह बो सक्यु तेरोई तो ह। 32पण इब आपानै राजी होणो अर खुसी मनाबो चाए। क्युं क ओ तेरो भाईड़ो जखो आपणै कानि को मर्यो समान हो पाछो जीयायो ओ गुमगो हो इब लाध्यायो।’”
Nke Ahọpụtara Ugbu A:
लूका 15: एस डब्लु वी
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) 2010-2017, New Life Computer Institute. All rights reserved
लूका 15
15
गुमेड़ी लल्डी
(मत्ती 18:12–14)
1 #
लूक 5:29,30 एक बर चुंगी लेबाळा अर पापी ईसुनै सुणबा ताँई भेळा होया। 2जणा फरिसी अर सास्तरानै सीखाबाळा आपसरी म बड़बड़ाबा लाग्या, “ओ तो पाप्याऊँ मिलै अर बाकै सागै खावै।” 3जणा ईसु बानै एक मिसाल दिनी:
4“मानल्यो थारै मऊँ कोईसा क कनै सो लल्ड्या हीं अर बामैऊँ एक गुमज्या जणा थे काँई करस्यो? के बा निन्याणमनै उजाड़ म छोडर जद ताँई बा गुमेड़ी लल्डी कोनी मिल ज्यावै बिनै कोनी ढुंढस्यो? 5अर जद बा गुमेड़ी लल्डी लाध जावै जणा थे बिनै राजी होर थारा कांधा प चढार थारै घरा ल्याओ हो। 6अर घरा आबा क पाछै थारा आसपड़ोस अर थारा भाईलानै बुलार बाकै सागै लल्डी मिलबा की खुसी मनाओ हो।
7“म थानै बोलुँ हूँ अंय्यांई पापऊँ तौबा करबाळा पापी की खुसी ईस्बर नगरी म ओर बी घणी होसी। जत्तो की बा निन्याणमै धरम्या क बदलै कोनी होवै जानै मन फेरबा की जुर्तई कोनी।
गुमेड़ो चाँदी को सीक्को
8“नहिस तो अंय्यां सोचो एक लूगाई ह अर बिकन दस चाँदी का सीक्का हीं जिमैऊँ एक गुमज्या, जणा बा जद ताँई बो सीक्को मिल नइ जा घरनै झाड़ती भारती अर दिओ लेर बिनै सूल टोती कोनी रेह्वै के? 9अर जद बा बि सीक्कानै ढुंढले। जणा पाछै बा राजी होर आपकी भाईल्या अर आसपड़ोसनै बुलार बानै बोलै ह, ‘मेरो गुमेड़ो सीक्को पाछो मिलगो।’ 10म थारूँ बोलुँ हूँ ठिक अंय्यांई जद कोई पापी पापऊँ तौबा करै ह, जणा परमेसर का ईस्बर नगरी दुता क सामै खुसी मनाई जावै ह।”
खाऊ-उडाऊ बेटो
11इकै पाछै ईसु बोल्यो, “कोई मिनख हो बिकै दो छोरा हा। 12छोटक्यो छोरो हो जखो आपका बापऊँ आपकी पाँती माँग ली जणा बो बाप आपकी सगळी जायजाद दोन्यु बेटा म बाट दि।
13“थोड़ाई दिन बित्या जणा बो छोटक्यो छोरो आपकी पाँती को सगळो धन भेळो कर दूर दिसावर चलेगो। अर बठै बि धननै उदफेली म उडा दिओ। 14अर जद बो सगळो धन बिलै लगा दिओ, जणा बा दिना म बि देस म घणो जोरको काळ पड़्यो। अर बिकै तो खाबा का लाला पड़गा। 15जणा बो बि देस का एक मिनख क मजुरी करबा गयो। अर बो बिनै आपका खेत म सूल्डा चराबा को काम दिओ। 16बो आ सोचर की कमऊँ कम बठै पेट भरबा ताँई मटर का छिलकाई मिलज्यासी। जिनै सूल्डा खाया करीं हीं, पण कोई बिनै एक छिलकोई कोनी दिओ। 17जद बो आपका आपा म आयो तो बड़बड़ाबा लाग्यो, ‘मेरा बाप क कनै कत्ताई मजुर ह जखा धापर खावीं हीं बिकै पाछै बी बाकन बच ज्यावै ह। अर म अठै बास्यो मरूँ हूँ। 18जणा इब म मेरा बापूजी क कनै जास्युं। अर बाऊँ खेस्युं बापूजी म परमेसर क अर थारै खिलाप पाप कर्यो हूँ। 19मेरा करम अंय्यां का कोनी की इब म थारो बेटो खुवाऊँ। इब थारूँ हात जो'ड़र अरदास ह की थे मनै थारो मजुर समजर राखल्यो।’ 20आ ध्यार बो आपका बाप कनै चाल पड़्यो, अर बो जद घराऊँ क्युंक दूर हो जणा बिका बाप की निगा बिपै पड़ी, आपका छोरानै देखर बिको हेज पावस्यायो अर बो भागर बिनै आपकी छातीऊँ लगार बिका माखा लिआ। 21जणा पाछै बो छोरो आपका बापऊँ बोल्यो, ‘बापूजी म परमेसर अर थारै खिलाप बोळा पाप कर्यो हूँ, जणा इब म, इ जोगो कोनी की थे मनै बेटो खेओ।’ 22पण बिको बाप आपका दासानै बोल्यो, ‘जाओ अर तावळासा बडियाऊँ बडिया गाबो ल्यार मेरा छोरानै पिराओ इका हाता म मुन्दड़ी अर पगा म जुती पिराओ। 23अर मोटो तगड़ो ज्यानबर काटो अर बिनै आपा सगळा मिलर खास्यां अर खुसी मणास्यां। 24क्युं क मेरो छोरो जखो म्हारै कानि को मर्या समान हो, बो पाछो जीयायो ओ गुमगो हो, जखो इब लाध्यो ह।’ अर बे सगळा मिलर खुसी मनाबा लाग्या। 25अर बि टेम बिको बडोड़ो बेटो जखो खेतऊँ घरा आर्यो हो अर जंय्यांई बो घरा क कनै पुग्यो जणा बिकै काना म नाचबा-गाबा को रोळो पड़्यो। 26जणा बो एक दासनै बुलार बुज्यो, ‘ओ काँई होर्यो ह?’ 27दास बिऊँ बोल्यो, ‘तेरो भाईड़ो पाछो घरा आगो ह। अर तेरो बाप बिकै राजी-खुसी आबा की बजेऊँ एक मोटो तगड़ो ज्यानबर कटायो ह।’ 28अत्ती सुणताई बो लाल-तातो होगो अर मरोड़ कर मांयनैई कोनी गयो, जणा बिको बाप हो जखो बारनै आर बिनै मनाबा लाग्यो। 29बो आपका बापऊँ बोल्यो, ‘म बरसाऊँ थारी सेवा एक दास की जंय्यां करतो आर्यो हूँ, अर थारो अंय्यां को कोई हुकम कोनी जखो म कोनी मान्यो हो, इकै बावजुद बी थे मनै कदैई एक टाट को बच्योई कोनी दिओ की म बिनै मेरा भाईला क सागै मिलर खाऊँ। 30पण तेरो ओ बेटो जखो तेरी धन-दोलतनै रांडबाजी म उडा दि, बो आयो जणा मोटो-ताजा ज्यानबर कटवा दिओ।’ 31जणा बो बाप बोल्यो, ‘बेटा तू सदाई मेरै सागै हो अर जोक्यु मेरो ह बो सक्यु तेरोई तो ह। 32पण इब आपानै राजी होणो अर खुसी मनाबो चाए। क्युं क ओ तेरो भाईड़ो जखो आपणै कानि को मर्यो समान हो पाछो जीयायो ओ गुमगो हो इब लाध्यायो।’”
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
(c) 2010-2017, New Life Computer Institute. All rights reserved