रोम सहरतोर 5
5
देवुळि सेतेमतोर इताह्कु, बेद्रमता बर्कत दोर्किह्ता
1मावा विस्वसतेनाह्कु, देवुळि माक सेतेमतोर कीता इनजोरे,#3:28 मावा किर्स्तु येसुसामिना मोकतेनाह्कु, माट देवुळता संगे गूनम आतल.#कुलुसितोर 1:20 2माट विस्वस कीताह्कु, येसुसामि माकु देवुळता दया दोर्किह कीसीतोग़,#इपिसुसतोर 2:8,18; 1 पत्रु 3:18 अद दयाते माट इंजेक पिसिह्नल.#1 कुरिंततोर 15:1 ओसो आक्रिते माट देवुळता डीसातुन ऊळसोर, ताना संगे मनदकल इनजोर, इद आसाते बेस-नेह्ना गिर्दा आतल.#12:12; 1 पत्रु 1:6 3वेट आसातेन आयो, मति मावाङ तिपल्कने वने, बेस-नेह्ना गिर्दा आतल.#मत्याल 5:11-12; 2 कुरिंततोर 12:10; याकुब 1:2-3 बह इतेके, बेस्के माट तिपल्कने अरयह्नल, अस्के माट दीरा पोस मनदनदिन कग़यिह्नल.#लूकाल 21:19; 2 पत्रु 1:6 4अद्रम दीरा पोस मतेके, मावा विस्वस बेस मेग़्किह्ता. अस्के देवुळि माक करल कीसीयनद बर्कत, माक दोर्कग़ा इनजोर, माट आसा तासिह्नल.#याकुब 1:12 5मावा इद आसातुन, देवुळि बेस्केन देहो आयग़ा इनजोर, माट पुह्नल.#देवुळताङ पाटाङ 119:116; रोम सहरतोर 9:33; इब्रितोर 6:18-19 बाराह्क इतेके, मावा जीवातगा निंदिस बल्क अरनाह, देवुळि तना जीवातुन वळता,#बळयिर 2:33; 10:45-46; गलातितोर 4:6; 1 तिसलुनितोर 4:8; तीतुस 3:6 वळसि अद माक बेचोन जीवा कीस्ता, इदिन तोहता.
6मुने माट मावा पापमताहि मुर्तिय पिस पग़वल, मति देवुळ तासतद कगोते,#गलातितोर 4:4 माट पापि मन्कलोरेनाह्क, किर्स्तु तना जीवा ईतोग़.#4:24-25; गलातितोर 2:20 7केंजाट, कर्तुळ मन्कनेनाह्क, तना जीवा ईयलाह, बोग़ाय तयर मनदनोग़ा? आंह बेस गूनमतोग़ मन्कनेनाह्क इसि डोललाह, बोग़ो ओर्वोग़ दीरा कीसि तयर आतेक आयनोग़. 8मति माट पापिरल मतल अस्के, देवुळि किर्स्तुन मयेनाह्क डोललाह लोहच मता, अचोन देवुळ माक जीवा कीता ऊळाट!#योहन 3:16; 15:13; रोम सहरतोर 4:24-25; 8:38-39; गलातितोर 2:20; 1 योहन 4:10 9मुने माट पापिरल मन्जाय मति, देवुळि अचोन जीवा कीसि, माक पिसिह कीता. मति इंजेके किर्स्तु मयेनाह्क नेतुर पोहच डोलताह्कु, माट देवुळता मुनेह सेतेमतोरल आतल.#3:25-26 अदिह्क देवुळि निटमे, माक तना मारेंगा सिक्साताहि पिसिह कीयग़ा.#1:18; 1 तिसलुनितोर 1:10 10नना ओसो तेळियिह कीस वेहतह्नन, माट देवुळता कोंटेतोरल मतल अस्केने, मयेनाह्क डोललाह अद तना मग़िन लोहच मता. इद्रमलेह्का माट ताना संगे गूनम आतल.#2 कुरिंततोर 5:18,20; कुलुसितोर 1:21-22; 1 योहन 4:10 इंजेके गूनम आतापया देवुळि, तना मग़ि किर्स्तु जीवात मनाह्कु, माक सिक्साताहि निटमे पिसिह कीयग़ा.#8:34; इब्रितोर 7:25; 1 योहन 2:1 11अचोने आयो मति, मावा येसुसामि किर्स्तु, माक देवुळता संगे गूनम कीसीतोग़.#11:15 अदिनेनाह्क देवुळतुन सीता कीसि, माट बेस-नेह्ना गिर्दा आय्ह्नल.
आदम बार एग़िह कीतोग़, किर्स्तु बार कलियिह कीस्तोग़
12मुनेतोग़ मान्वल आदम पापम कीताह्कु, इद बूमते पापम पुटटा.#पुटमुळि 3:1-7 वेग़े वग़ोग़ मन्कना पापमतेनाह्क हामुर पुटटा. अदिह्के आदमना जालपिलतोर, इतेके सबेटोरु, पापम कीताह्कु डोलिह्तोर.#पुटमुळि 3:19; रोम सहरतोर 6:21-23; 1 कुरिंततोर 15:21-22,56; याकुब 1:15 13देवुळि मोसाना कयदे अडोङ ईयनामुने, पूरा बूममेटोर पापम कींदुरे. मति अस्के मोसानाङ अडोङ लेवाह्कु, बोन्के अडोन देहतनद कसुर दल्गो.#4:14-15 14अस्के वने आदमनग्डाह इतेके, मोसाना वेला एवनाह, लोकुर पापम कींदुर, अदिह्क डोलिंदुर.#1 कुरिंततोर 15:22 बेद्रम देवुळता तोडटाहि पेसतद अडोतुन आदम देहतोग़, ओना लेह्का ओर पोल्लोतुन देहोर.#होशे 6:7 तेला मति ओर तमा कीतद पापमतेनाह्कु डोलिंदुर.
वेग़ आदम इतेके, पेग़्के वावाल किर्स्तुना सीना मतोग़.#1 कुरिंततोर 15:45 15सीना मतेक वने, आदमना कर्मम ओसो देवुळता दर्मम, इव रेंडिना नडुम, वेल्लाय परक मन्ह्ता. इद्रमे वग़ोग़ मन्कल आदम कर्मम कीताह्कु, वेल्लाटोर डोलतोर. मति तान्काय वीळिसि, बेचोनो देवुळता दया, दर्मम आंदु! अद दर्मम बेद इतेके, वग़ोग़े मन्कल येसु किर्स्तुना दयाता मेटे, वेल्लाटोरा पापमता मापि आता.#बळयिर 15:11; 2 कुरिंततोर 5:14; 1 तिमोति 2:5 16आदमना कर्मम ओसो देवुळता दर्मम, इव रेंडिनगा इद ओसो परक दिसिह्ता इतेके, वग़ोना कर्ममतेनाह्कु, सबेटोर देवुळता मुनेह कसुरतोर आतोर. मति देवुळता दर्ममतेनाह्कु, माट वेल्लाङे पापमताङ कबस्क कीसाय मति, देवुळता मुनेह सेतेमतोरल आतल.#8:1-2; 2 कुरिंततोर 9:15 17वग़ोग़ मन्कना कर्ममतेनाह्कु, कतमतोर हामुरता कय इळ्न मन्ह्तोर. मति दुस्रोग़ मन्कल येसु किर्स्तु कीतद कबळतेनाह्कु, माक तान्काय वीळिसि, बर्कत दोर्किह्ता.#पुटमुळि 3:6,19 बह इतेके देवुळता बेरा दयाते, ओसो ताना दर्ममते, बोर सेतेमतोर आतोर, ओर सबेटोर पापमतुन, हामुरतुन गेल्सिसि, अमेसा पिसनुर.#6:14
18इद्रमलेह्का आदमना उंदिय पापम कबळतेनाह्क, सबेटोर कसुरतोर आतोर. अद्रमे किर्स्तुना उंदिय सेतेम कबळतेनाह्कु,#3:25-26 सबेटोर देवुळता मुनेह सेतेमतोर आया पग़यह्तोर;#4:24-25 अहे पूना पिसमुळ दोर्किह कीया पग़यह्तोर.#1 कुरिंततोर 15:22 19वग़ोग़ मन्कल आदम, देवुळ वेहतदिन केंजवाह्कु, वेल्लाटोर लोकुर पापिर आतोर.#11:32 मति दुस्रोग़ मन्कल येसु किर्स्तु इसि, देवुळ वेहतदिन केंजताह्कु,#पिलिपितोर 2:8 देवुळि वेल्लाटोर मन्कलोरिन सेतेमतोर कीस्ता.
20देवुळि लोकुरिह्क अडोङ बाराह्कु ईता इतेके, ओर अडोङ देहचोर, तमा पापम बुदतुन बेस पुनदना इनजोरे.#3:20; गलातितोर 3:19 मति लोकुर बेचोन पापम कीसोर अतोर, अचोने देवुळता दया वीळसोर अता.#6:1; 1 तिमोति 1:13-14 21(बाराह्क इद्रम आता?) सबेटोर मन्कलोरिन, पापम ताकिह कीसोर, हामुरतेके ओसींदु; मति इंजेके देवुळता दया माक ताकिह कीस्ता, मावा किर्स्तु येसुसामिना मेटे, देवुळि माक सेतेमतोर कीस्ता.#योहन 1:17; रोम सहरतोर 6:14,23 माट सेतेमतोरल आताह्कु, माक अमेसाता पिसमुळ दोर्किह्ता.
Nke Ahọpụtara Ugbu A:
रोम सहरतोर 5: माडियाबाय्बल
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2021, Wycliffe Bible Translators, Inc. All rights reserved.