बळयिर 22
22
पोलु तना साक्सि वेहतह्तोग़
(9:1-22; 26:9-18)
1पोलु इद्रम वेहतोग़, “मावोरिर, पेदल्कनिर! नावा साक्सितुन मीवा मुनेह नना इंजेक वेहतह्नन, इदिन केंजाटु.” 2इनजोर तमाये इब्रि पोल्लोते पोलु वळ्ह्कतस्के,#21:40 लोकुर पूराय मेर्क्ने आतोर.
3अस्के पोलु वेहता बोटटोग़, “नना यहुदि मन्कनन, किलिकिया पटटा तरसुस सहरते पुटटोनन,#21:39 मति इदे येरुसलेम सहरतगान बेर्सतन. इगा गमलियेल गूरुनगा मन्जि कग़यतन.#5:34 मावाङ तादोर-बाबोराङ अडोङ-उतुर्कना उंद पोल्लो वने तपवा, ओग़ नाक काग़्हतोग़. इंजेके मीट सबेटोरिर कीयना लेह्का, नना वने देवुळतुन माळलाह पका जिदतोनन मतन.#21:20; 26:5; रोम सहरतोर 10:2; गलातितोर 1:13-14; पिलिपितोर 3:5-6 4अदिह्क येसुसामिना अग़दे ताकवालोर आस्क-कोय्तोरिन दोहच, जेलतगा वाटिंदन. ओरिन हव्कनाह तिपल कीसोर मतन.#8:3; 22:19-20; 26:9-11; पिलिपितोर 3:6 5नना इद्रम कींदन इनजोर, मोदुल पेर्माल ओसो तग्वाङ केवालोर मीवा मुनेह साक्सि मन्ह्तोर. वेरग्डाहे नना दमिस्क सहरतोर, मावोर यहुदिरिह्क रासतद सीटि ताल्ह्किस, अगा दायलाह पेसिस मतन. अगा येसुना अग़दे अतोर यहुदिरिह्क सिक्सा ईयलाहि, ओरिन दोहचि येरुसलेम ततलाह अनजोर मतन.#गलातितोर 1:13-14
6“अनेक अनेके नेक निच मता, अस्के नना दमिस्क सहरता एरे एव्स मतन. अचोटेन दोम्ह्क्नेन कोंडाङ नाह्क पग़वाह, पोग़ोटाहि नावा सर्ने बेरा उंद वेह्च अरता. 7अस्के नना नेल अरतन, नेल अरतस्के ‘ए सोलु, ए सोलु, नाक बाराह्क तिपल कीया बोटटिन?’ इनजोर इतद आल्का केंजतन. 8केंजतस्के ‘निमा बोनिन आंदिन, सामि?’ इनजोर इतन. अस्के ‘निमा बोन तिपल कीयलाह आतिन, ओग़ नासरेत नाटेनोग़ येसुनन आंदन,’ इतोग़. 9नावा तोळतोर सिरप वेह्चतुन ऊळतोर, मति नावा संगे वळ्ह्कतद पोल्लो ओरिह्क तेळियो. 10पया नना ‘बाताल कीकन सामि?’ इन्जि ताल्ह्कतन. अस्के ओग़ नाक, ‘इंजेके तेदिस दमिस्क सहरते अन, देवुळि नीक बेद सेवातेनाह्क निल्पिह कीता, अव सबे कबस्कना कबुर नीक अगा दोर्कग़ा,’ इनजोर इतोग़. 11पका वेह्च आस मताह्कु, नना तोवोन आस मतन. पया नावा तोळतोर नावा कयदुन पोसि, दमिस्क सहरतगा ओतोर.
12“अद सहरतगा ओर्वोग़ अनन्याल पेदिरतोग़ मन्कल मतोग़. ओग़ मोसानाङ अडोने ताकसोर, देवुळतुन बेस मोळ्कवाल मन्कल मतोग़. दमिस्क सहरतोर सबेटोर यहुदिर ओन्क पका कदर ईंदुर. 13ओग़ नयगा वास निचि ‘सोलु तमो, निमा तोव्म,’ इनजोर इतोग़. ओग़ अह इताहे, नना तोव्स ओन ऊळतन. 14अस्के ओग़ नाक इद्रम इतोग़, ‘मावाङ तादोर-बाबोरा देवुळता विचर बाताल मन्ह्ता, अद नीक एर्का आयना, ताना सेतेमतोग़ मग़िन ऊळना,#1 कुरिंततोर 9:1 ओसो ओग़े मग़ना तोडटे वेहतनद पोल्लो नीक केंजलाह दोर्कना, इदिनेनाह्के देवुळ नीक आचता. 15इतेके निमा अनेटस्के ऊळतद, केंजतद पोल्लोता, वेल्लाटोर लोकुरिह्क देवुळतेनाह्क साक्सि ईकिन.#23:11 16इंजेके निमा आल्सेम केमा. अले तेदिसि, येसुना पेदिरते एग़ मीयना रिवज कीम; ओना पेदिर पोस केयिस, पार्तना कीम. अस्के ओग़ नीवा पापमतुन नोग़यनोग़,’#2:38; 1 कुरिंततोर 6:11; इपिसुसतोर 5:26; इब्रितोर 10:22 इनजोर इतोग़. (अस्के नना येसुना पेदिरते एग़ मीतन.)
17“पया नना येरुसलेम सहरतगा मल्सि,#9:26; 26:20मंदिरतगापार्तना कीसोर मतन, अस्के देवुळ तोहतद लेकातुन ऊळतन. 18अद लेकाते येसु नावा मुनेह निचि, ‘अले आल्सेम केवा, चट्पिट येरुसलेमताहि पेसिस अन. ऊळा, निमा नावा लोप्पा बेद साक्सि ईय्ह्निन अदिन वेर यहुदिर नमोर आयनुर,’ इतोग़. 19अस्के नना इतन, ‘केंजनुर बहे सामि, बाराह्क इतेके नना यहुदिराङ वेल्लाङे पार्तनाताङ लोह्कनगा अन्जि, नीक विस्वस कीतोरिन, जेलतगा वाटिस नल्हता वेहन्दन.#8:3; 22:4 20ओसो नीवा लोप्पा साक्सि ईतोग़ु, इस्तिपनिन लोकुर बंडाङ उकिस हव्किह्पा, नना वने ओरा तोळ आसि, ओन हव्कवालोराङ जगाना राका कीसोर मतन इनजोर, वेर यहुदिर बेस पुतोर,’#7:58—8:1; 26:10 इतन. 21मति येसु इतोग़, ‘आयो, यहुदि आयवोरिन नावा पोल्लोतुन वेहतलाह नना नीक जेक-जेक लोहतह्नन,#9:15; 13:46; 15:14; रोम सहरतोर 1:5; 11:13; 15:16; गलातितोर 1:16; 2:7; इपिसुसतोर 3:1,8; 1 तिमोति 2:7; 2 तिमोति 4:17 इग्डाहि अन!’#रोम सहरतोर 15:18-19 इतोग़.”
22इद पोल्लो एवनाह लोकुर ओनाङ केंजतोर. मति यहुदि आयवोरा पोल्लो इताह्कु, “इद्रमतोग़ मन्कल जीवाते मनमाकेग़, वेन हव्काट!”#21:36; 25:24 इनजोर पका केयतोर.#22:22 यहुदिर बेद्रम मोळ्किह्तोर, अद्रम दुस्राङ जातिनोर वने, देवुळता मुनेह निचि मोळ्कना इनजोर, यहुदिरिह्क विचर वावो. अदिह्क वेर यहुदिर पोलु इतद पोल्लोतुह्क पका ओङ आतोर. 23पका केयसोर तमा केग़्स मतव जगान तेंडिस अग़्सिसींदुर, ओसो दुरातुन पोग़ोन तूळ्हन्दुर. 24इदिन ऊळिस, लळयमुडा मुक्याल पोलुन सीपय्कना किलेता लोप्पा तता वेहतोग़. वेहचि “वेन जूताते पका नल्हचि ताल्ह्काटु, बाराह्क लोकुर इद्रम ओना अडम केयिह्तोर,” इनजोर उकुम ईतोग़. 25पया सीपय्क ओन जूताते नल्हतलाह दोहच मतोर, अस्के पोलु तना एरे निच मतोग़ दरोगान इतोग़, “साय्ब, नना रोमि मन्कनन आंदन, नावा नेयमता पय्सल आयवा, इद्रम जूताते नल्हतनद बेसेया?” इतोग़.#16:37
26इदिन केंजिसि, ओग़ दरोगाल सीपय्कना मुक्यानगा अन्जि, “निमा बह कीयलाहि आय्ह्निन? वेग़ इतेक रोमि मन्कल आंदोग़,” इतोग़.
27पया सीपय्कना मुक्याल पोलुनगा वासि, “बह निमा रोमि मन्कनिन रा?” इनजोर इतस्के, “इंगो साय्ब” इनजोर पोलु इतोग़.
28इतस्के सीपय्कना मुक्याल इतोग़, “नना रोमि मन्कल आयलाह, वेल्लाङे कोताङ ईतन,” इतोग़. इतस्के पोलु इतोग़, “मति नना इतेके पुटटग्डाहि रोमि मन्कनन आंदन,” इनजोर इतोग़.
29इदिन केंजिसि, ओन ताल्ह्कवालोर सीपय्क, चट्ने जूतान नेल विळ्सिसीतोर, पया पोलुन इटोर. ओर्वोग़ रोमि मन्कन नना दोहता वेहतन#21:33 इनजोर, सीपय्कना मुक्याल रेयतोग़.#16:38
पोलु पंच उदतोर लोकुरिन वेहतह्तोग़
30पया इमा दिया यहुदिर पोलुन बाराह्क कसुर ओपतोर इनजोर, निटम पुनदलाह,#23:28 सीपय्कना मुक्याल पेर्मालोरिन, यहुदिराङ तग्वाङ केवालोरिन, जमा आयलाह कबुर लोहतोग़. ओर जमा आतस्के, पोलुन तचि पंचता मुनेह निल्पिह कीतोग़.
Nke Ahọpụtara Ugbu A:
बळयिर 22: माडियाबाय्बल
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2021, Wycliffe Bible Translators, Inc. All rights reserved.