ရဲ 7
7
7
ယွၩအီၪက့ၪဆၧမၪလၧဆၧဒုၪဆၧအၪ့လလၩ့ထံးဘၪ.
1ဆၧမၩအၥၭလၧစဎွၩဒရဲအၧၭ အနံၪ့လံနံၪ့လနံၪ့, လၩခွံၫဘံၪ့လဘံၪ့, လၩခ့ၭစလုၫထၪ့လံနံၩလနံၩနီၪ, 2ယဟိဝၩအလူလၩ့ဘၪ စဇ့ၭခရဲအၫ,- ထီးအထီလၧ ၦဘ့ၫၥလၭဖိၪ အၪ့မၧၫ့လၩ့စၡၫရ့ဇၫ, ဒဲစရံၫဂံၫ့မ လ့ၭ,ဒဲၦၡၩလဖၪလၧယဟိဝၩအဂံၪ့ဖၧၩ့ ဘဲၫၥိၭအမိ 3မၩဆၧလၧအမိဘၪယဟိဝၩအၥၭ,- ဘဲၫၥိၭအမိချဲၩ့ ဆၧလၧၦလုဆၧလဖၪ လၧအအီၪဝ့ၫလၧဆၧၥုၭမုခမျၧး အယဟိဝၩအဂံၪ့ဖၧၩ့ ဒဲမီၪလဖၪတၭ,စံၭ,မွဲယမိဘၪ ဂၪ့ဒီၭဒၪဆၧလၧလၩယဲဘံၪ့လဘံၪ့အဖၧၩ့ ဘဲၫယမၩ ယူၭအၪနံၪ့အၪလၩအၥိၭနီၪဆ့ဧၪ.
4ထီးနီၪလဖၧၫ့ ဆၧၥုၭမုခမျၧးအယဟိဝၩအလူလၩ့ 5ဘၪယၧၩတၭ,စံၭဝ့ၫဒၪ,- ချဲၩ့ဆၧလၧၦခမျၧးလၧထံၫ ၥံၪခးၥံၪအဖၧၩ့ထီးအလူၬ, ဒဲလၧၦလုဆၧလဖၪတၭ, စံၭ,လၧနၥံၪဒုၪဆၧအၪ့ဆၧအီၩ, ဒဲဂၪ့လၧလၩယဲဘံၪ့ လဘံၪ့အဖၧၩ့, ဒဲလၧလၩနွ့ၫဘံၪ့လဘံၪ့အဖၧၩ့,အနံၪ့ နွ့ၫဆံၫအထးဖၧၩ့နီၪ, မွဲနၥံၪဒုၪတၡါဆၧအၪ့ဆၧအီၩ 6လၧယဂးဆ့ဧၪ.- ထီးနၥံၪအၪ့ဆၧဒဲအီၩဆၧတၭ,နၥံၪ အၪ့ဒၪနၥံၪအဆၧ, ဒဲနၥံၪအီၩဒၪနၥံၪအဆၧမွဲအ့ၬဧၪ. 7အနီၪမွဲဆၧချဲၩ့လၧယဟိဝၩကိၭထၪ့ လၧမီၪလၧအခၪ့ ထံၭလဖၪအစူၪဖၧၩ့ ထီးအထီ လၧၦအီၪဝ့ၫလၧယရု စလံၫ့အဖၧၩ့ဒဲလၧဒိၩ့လဖၪ အီၪဝၬဖီၩ့ဝ့ၫတၭ, ဘီၪထၪ့ ယီၫထၪ့ထီးၦအီၪဝ့ၫလၧမုခံၫ့လခီၫ ဒဲလၧဆၧပျၩ့ဖၧၩ့ မွဲအ့ၬဧၪ.
ဆၧလခိၭနၪဘၪဆၧ, ဒုၭအီၪထၪ့ဆၧဆိၬန့အၪ့မၧၫ့ဎီး.
8ယဟိဝၩအလူလၩ့ဘၪစဇ့ၭခရဲအၫတၭ, စံၭဝ့ၫဒၪ, 9ဆၧၥုၭမုခမျၧး အယဟိဝၩချဲၩ့ဝဲၩဆၧဘဲၫယီၩ, စံၭဝ့ၫ, စ့ၩရၫ့ဆၧတီၩ ဒဲဖ့ၪဆၧအခိးအတၩ, ဒဲယၫ့ၥၭဆၧ, ၦလဂၩလၧၦလဂၩဒၪ, ၦလဂၩလၧၦလဂၩဒၪဆံၭ. 10နၥံၪထီးမၩအၧၩ့ၦမုၪမဲၫ ဒဲၦဖိၪဎွ့ၪ, ဒဲၦလခီၫဘၩ့မုး ဖိၪ,ဒဲၦၡၪ့ဖိၪယၬဖိၪလဂ့ၩ. မွဲနၥံၪထီးကိၪ့ဆီၫ့မီၪ့ ဆၧအၧၩ့လဂၩထၫ့ဒၩၦလဂၩဒၪ လၧနၥံၪအၥၭခံဖၧၩ့ 11နးဂၩလဂ့ၩ.- မွဲလါနၫ့တၭယ အဝ့ၫၥံၪခိၭနၪဆၧအ့ၬ. ပိၩ့ထၪ့ဆၧတၭ, ကၠၪဒိၭချိၫ့အၥၭ ပိၩ့ထၪ့ဆၧတၭ, အီၪက့ၪဎၧၫ့အနါဘဲၫၥိၭ အထီးခိၭနၪဆၧလဂ့ၩလီၫ. 12မွဲမၬ,အဝ့ၫၥံၪမၩနီၩ့အၥၭဘဲၫလိးနီၩ့ထုၬအၥိၭ, ဘဲၫ ၥိၭအထီးနါဂၧၫ့ဆၧၥီၪ့ဆၧၥၫ့ လၧယဟိဝၩအၪ့မၧၫ့န့ ဝ့ၫလၧအၥၭမုအဖၧၩ့, လၧမီၪၥံၪလၧဖျိၩ့အစူၪဖၧၩ့လ ဂ့ၩ.မၩအၥၭဘဲၫနီၪတၭ, ဆၧၥၭထၪ့ဖၭဒိၪ လၧအ ဂဲၫထၪ့လၧဆၧၥုၭမုခမျၧးအယဟိဝၩနီၪအီၪဝ့ၫလီၫ. 13ထီးဆၧကိၭထၪ့တၭ, ဆၧမၩအၥၭလၧအဝ့ၫၥံၪခိၭနၪ ဆၧအ့ၬ. ဘဲၫနီၪအၥိၭအဝ့ၫၥံၪ ကိၭထၪ့ဆၧတၭ,ယ ခိၭနၪဆ့အ့ၬး ဆၧၥုၭမုခမျၧးအယဟိဝၩ စံၭဝ့ၫဒၪ. 14ယမၩလၩ့ပြံၩလၩ့ပၩအဝ့ၫၥံၪ ဘဲၫလၧလံၩၥဝံၭအၥိၭ လၧကယဲၦဆၨၩလဖၪအကျၩ, လၧအလၥ့ၪယၫဘၪ အဝ့ၫၥံၪ, ထံၫၥံၪခးၥံၪအီၪယူ လၧအလးခဲၫ့တၭ,ၦလ့ၩ ဆၧထဲၩ့ဆၧလၧအဖၧၩ့အ့ၬ. အဂဲးဘဲၫယီၩထံၫမုၬခး မုၬနီၪအဝ့ၫၥံၪမၩယူယူၭဝ့ၫလီၫ.
Nke Ahọpụtara Ugbu A:
ရဲ 7: pwokyn2
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Pwo Kayin Bible © Bible Society of Myanmar, 1883.