Chiinika 8
8
1Naawen a jam weeni Moosis ayen, 2<<Biisi ale Aaron a weeni wa ayen, <Ase fi dan pai zeuŋta tiyopɔiwa a zaani, ti a magsi ti a nya ka zeuŋku jazaanimu niŋka meena.> >>
3Aaron yaa nye dila. Wa yaa pai zeuŋtaŋa a zaani ate ti tuk niŋ geŋ jazaanimu zuk, ase Naawen ale weeni Moosis diila. 4Ba le jam nye zeuŋ jazaanimu diila ale nna. Ka ligmɔniŋ ate ba jam pai kuri nye, a nyini kinni a ta jueli ku puutaŋa. Zeuŋ jazaanimu ba jam nye ka dii dek ate Naawen a jam pai sak Moosis la.
5Naawen a jam weeni Moosis ayen, 6<<Yeeri Livaima a ta nyini Izirali dem mbala po a gomsi ba ate ba nala. 7Ate ba nye cheri la, nye nna. Misi nya buui ale basi ate nuru a nye cheri la a basi ba nyiŋsaŋa. Basi ate ba chiiri ba nyiŋsaŋa meena zuisaŋa abe ba sugri ba gattaŋa, ate dila ale basi ate ba nala. 8Basi ate ba yik lalik paalik ale ka ŋandiinta tiirimu ale zom naliŋ a dam kpaam du. Abe fi ŋman yik lalik paalik a nye buye a magsi biem tiirim. 9Ta Livaima a jam Tuka Viuku nansuiŋku niŋka a tigsi Izirali naakuuni meena. 10Fi magsi fi ta Livaima a jam ka Naawen niŋ, ate Izirali demma a pai ba nisaŋa a vi ba zuk. 11Aaron yaa ta Livaima a jam Naawen niŋ ase zak sakka tiirim la a nyini Izirali demma jigi, ate dila ale basi ate ba gomsi a magsi a tom Naawen tuimaŋa.
12<<Livaima ale pai ba nisaŋa a vi lalisaŋa zuk la ŋaaŋnyiŋ, yaa pai kanyi wa ale magsi biem tiirim la a te Naawen abe m kala mɛ a magsi juka tiirimu. A nye biem duisi basika a te Livaima. 13Basi ate Livaima a zaani Aaron ale wa nidoabilisaŋa niŋ a pai ba ase zak sakka tiirim la a te Naawen. 14Suiku de po fi ale gaari Livaima ka ba tɔga a ta nyini Izirali dem mbala po ate ba chim mi nuruba.
15<<Ase fi le nye ate Livaima a nye cheri, ale pai ba a te ase zak sakka tiirim la ŋaaŋnyiŋ, ba a magsi ba jam a tom ba tuimaŋa ka Tuka Viuku po. 16Bala ale Izirali demma baai ale ba pai badek meena a te mi la. Mi a pai ba ase ka m dek nuruba la ate ba tagri za ba le dɛ niŋ a biak baai la naŋkula po, Izirali nipooma ale dɛ niŋ a biak nidoabili sii la. 17Jaduok meena ate ba dɛ niŋ biak Izirali po la, ka nurubiik yaase duŋ ka mi ale soa. Ase m daam le ko ba le dɛ niŋka a biak baai Ejipiti po la, mi jam gaari ba a te ka m dek. 18Mi abe pai Livaima ate ba tagri za ka Izirali demma ale dɛ niŋ a biak nidoabili sii la meena naŋkula po. 19Izirali demma meena po, mi pai Livaima ase ka tiirim la a te Aaron ale wa nidoabilisaŋa ayen ba a tom Tuka Viuku po a te Izirali demma abe ba nye biem duisi basika ate nyiŋtuila a kan yik Izirali demma ase ba nin cheŋ moata Wen yenni.>>
20Moosis ale Aaron ale Izirali naakuuni meena a jam nye ale Livaima ka dii dek ate Naawen a jam weeni Moosis la. 21Livaima a jam nye badek ka cheri ale sugri ba gattaŋa. Aaron a jam pai ba ase ka zak sakka tiirim la a te Naawen ale nye biem duisi basika a te ba ayen ba nala. 22Kula ŋaaŋnyiŋ, Livaima a yaa jam ba tom ba tuimaŋa Tuka Viuku po, ka Aaron ale wa nidoabilisaŋa ale jam a nya ba zuk ate ba a tom. Ba jam a nye ale Livaima ase ka Naawen ale jam weeni Moosis diila.
23Naawen a jam weeni Moosis ayen, 24<<Kude a cheŋ ka Livaima jigi. Nidoama ale paari bena pisiye ale ŋanu yaase ba gaam di la, a jam maa tom tuimaŋa Tuka Viuku po, 25alege baai a dan paari bena pisinu, ku a fɛ kama ate ba basi ba le a tom veruveruk la abe ba kuli a ga vuusi, ba kan ŋman tom tuini. 26Ba diem baga a maari ba suataŋa kama ate ba a tom ba tuimaŋa Tuka Viuku po, alege badek ku a fɛ ate ba kan ŋman tom tuini. Kude ale magsi ni nye ate Livaima a seba ba tuimaŋa ale ka diila>>.
Nke Ahọpụtara Ugbu A:
Chiinika 8: BWU
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation
Chiinika 8
8
1Naawen a jam weeni Moosis ayen, 2<<Biisi ale Aaron a weeni wa ayen, <Ase fi dan pai zeuŋta tiyopɔiwa a zaani, ti a magsi ti a nya ka zeuŋku jazaanimu niŋka meena.> >>
3Aaron yaa nye dila. Wa yaa pai zeuŋtaŋa a zaani ate ti tuk niŋ geŋ jazaanimu zuk, ase Naawen ale weeni Moosis diila. 4Ba le jam nye zeuŋ jazaanimu diila ale nna. Ka ligmɔniŋ ate ba jam pai kuri nye, a nyini kinni a ta jueli ku puutaŋa. Zeuŋ jazaanimu ba jam nye ka dii dek ate Naawen a jam pai sak Moosis la.
5Naawen a jam weeni Moosis ayen, 6<<Yeeri Livaima a ta nyini Izirali dem mbala po a gomsi ba ate ba nala. 7Ate ba nye cheri la, nye nna. Misi nya buui ale basi ate nuru a nye cheri la a basi ba nyiŋsaŋa. Basi ate ba chiiri ba nyiŋsaŋa meena zuisaŋa abe ba sugri ba gattaŋa, ate dila ale basi ate ba nala. 8Basi ate ba yik lalik paalik ale ka ŋandiinta tiirimu ale zom naliŋ a dam kpaam du. Abe fi ŋman yik lalik paalik a nye buye a magsi biem tiirim. 9Ta Livaima a jam Tuka Viuku nansuiŋku niŋka a tigsi Izirali naakuuni meena. 10Fi magsi fi ta Livaima a jam ka Naawen niŋ, ate Izirali demma a pai ba nisaŋa a vi ba zuk. 11Aaron yaa ta Livaima a jam Naawen niŋ ase zak sakka tiirim la a nyini Izirali demma jigi, ate dila ale basi ate ba gomsi a magsi a tom Naawen tuimaŋa.
12<<Livaima ale pai ba nisaŋa a vi lalisaŋa zuk la ŋaaŋnyiŋ, yaa pai kanyi wa ale magsi biem tiirim la a te Naawen abe m kala mɛ a magsi juka tiirimu. A nye biem duisi basika a te Livaima. 13Basi ate Livaima a zaani Aaron ale wa nidoabilisaŋa niŋ a pai ba ase zak sakka tiirim la a te Naawen. 14Suiku de po fi ale gaari Livaima ka ba tɔga a ta nyini Izirali dem mbala po ate ba chim mi nuruba.
15<<Ase fi le nye ate Livaima a nye cheri, ale pai ba a te ase zak sakka tiirim la ŋaaŋnyiŋ, ba a magsi ba jam a tom ba tuimaŋa ka Tuka Viuku po. 16Bala ale Izirali demma baai ale ba pai badek meena a te mi la. Mi a pai ba ase ka m dek nuruba la ate ba tagri za ba le dɛ niŋ a biak baai la naŋkula po, Izirali nipooma ale dɛ niŋ a biak nidoabili sii la. 17Jaduok meena ate ba dɛ niŋ biak Izirali po la, ka nurubiik yaase duŋ ka mi ale soa. Ase m daam le ko ba le dɛ niŋka a biak baai Ejipiti po la, mi jam gaari ba a te ka m dek. 18Mi abe pai Livaima ate ba tagri za ka Izirali demma ale dɛ niŋ a biak nidoabili sii la meena naŋkula po. 19Izirali demma meena po, mi pai Livaima ase ka tiirim la a te Aaron ale wa nidoabilisaŋa ayen ba a tom Tuka Viuku po a te Izirali demma abe ba nye biem duisi basika ate nyiŋtuila a kan yik Izirali demma ase ba nin cheŋ moata Wen yenni.>>
20Moosis ale Aaron ale Izirali naakuuni meena a jam nye ale Livaima ka dii dek ate Naawen a jam weeni Moosis la. 21Livaima a jam nye badek ka cheri ale sugri ba gattaŋa. Aaron a jam pai ba ase ka zak sakka tiirim la a te Naawen ale nye biem duisi basika a te ba ayen ba nala. 22Kula ŋaaŋnyiŋ, Livaima a yaa jam ba tom ba tuimaŋa Tuka Viuku po, ka Aaron ale wa nidoabilisaŋa ale jam a nya ba zuk ate ba a tom. Ba jam a nye ale Livaima ase ka Naawen ale jam weeni Moosis diila.
23Naawen a jam weeni Moosis ayen, 24<<Kude a cheŋ ka Livaima jigi. Nidoama ale paari bena pisiye ale ŋanu yaase ba gaam di la, a jam maa tom tuimaŋa Tuka Viuku po, 25alege baai a dan paari bena pisinu, ku a fɛ kama ate ba basi ba le a tom veruveruk la abe ba kuli a ga vuusi, ba kan ŋman tom tuini. 26Ba diem baga a maari ba suataŋa kama ate ba a tom ba tuimaŋa Tuka Viuku po, alege badek ku a fɛ ate ba kan ŋman tom tuini. Kude ale magsi ni nye ate Livaima a seba ba tuimaŋa ale ka diila>>.
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation