Chiinika 4
4
1Naawen a jam weeni Moosis ale Aaron ayen, 2<<Livaima tomini po chiini Koyat dɔkku yezuimaŋa ale ba dɔkdemma. 3Chiini nidoama meena a nyini bena pisita a ta ga paari bena pisinu baai ale jam ba tom tuima Tuka Viuku po la.
4<<Koyat dɔkku ale ba a tom dii Tuka Viuku po la ale nna. Ba a nya ŋan baai ale ŋmasi ta tuilum la zuk. 5Ase ba daa cheŋ, Aaron ale wa nidoabilisaŋa ale ba jo a lati likka garuk panni ate di siŋ a lik dakanni ate Naawen Wanni a bo di po la. 6Ba yaa le pai gbaŋ maŋsa a pali di a lati garuk pali sobluk a vi dila zuk a pai daata a su du.
7<<Mi niŋ boroboroku jazaanimu zuk ni pati garuk pali sobluk a pai chin tanlaŋsa ale beerisa ale china ale leŋsa a magsi nyuka tiirita la, ate daa meena boroboroku a bo ku zuk. 8Kude zuk ba le pati ka garuk pali ŋmiŋmiruk du, dila mɛ zuk ba le pati ka gbaŋ maŋsa du, a pai ku daataŋa a su du.
9<<Ba le pai ka garuk pali sobluk a lik zeuŋ jazaanimu ale magsi bolim tɔtika la ale ku zeuŋtaŋa ale boomsa ŋangebinta ale ŋantaŋlaŋsa ale kpaamu leŋsaŋa meena. 10Ba yaa le lik ku ale ku ŋantaŋa meena ale gbaŋ maŋsa a yaa pai ku a zaani da tii ate ba yik a ji la zuk.
11<<Ligmɔniŋ kuŋkuŋku zuk ba le pati ka garuk pali sobluk du. Dila mɛ zuk ba pai gbaŋ maŋsa a pati du, a pai daata a su du.
12<<Ba ale pai ku ŋantaŋa meena ate ba ta a tom Wen yenni tuimaŋa la, a pai garuk pali sobluk a pɔbi, a pai gbaŋ maŋsa a lik ku a zaani da tii a te ba yik a ji la zuk.
13<<Ba ale vaari buntuemmu a ta nyini kutuk mɔnuŋ kuŋkuŋku zuk abe ba pati gattiak ŋmiŋmiruk ku zuk. 14Ba yaa ale pai ku ŋantaŋa ate ba ta a tom la a zaani kuŋkuŋku zuk, a gum chaab ale ŋan baai ate ba ta a moak bolimu la ale duisuk nyina ale saabuluk ale chin ŋaai ate ba ta a misi la. Ku zuk ba le pati gbaŋ maŋsa du, a pai daata a su du.
15<<Aaron ale wa nidoabilisaŋa ale jam lik tuilum ŋantaŋa meena Wen yenni po, a ga nueri la ŋaaŋnyiŋ, diipo ate tigsuŋku a gomsi ba cheŋ la, Koyat kabini ale ba jam a ji. Alege ku a fɛ ate ba kan tiri tuilum ŋantaŋa, ba dan tiri ba, ba le kpi. Koyat kabini ale ba ji tuilum ŋantaŋa baai ale bo Tuka Viuku po la.
16<<Aaron nidoabinni Eleaza kaabteerɔwa ale wa a nya kpaamu ate ba ta a tɔti bolimu la ale ŋan baai nyum ale masa la ale ŋandiinta tiirimu ate ba kasim a nye la ale naam bobika kpaamu zuk. Wa ale wa a nya viuku meena zuk ale jaab meena ale bo ku po, la ale ku tuilum ŋantaŋa zuk.>>
17Naawen a jam weeni Moosis ale Aaron ayen, 18<<Seba a chak ayen Naawen a kan gebi Koyat dɔkku yezuimaŋa a ta nyini Livaima po a basi. 19Kude ale magsi fi nye a te Koyat kabini ate ba kan kpi, ba nin cheŋ moata tuilum ŋantaŋa, Aaron ale wa nidoabilisaŋa a jo a nya nuru meena zuk ate wa a tom wa tuini. 20Alege Koyat kabini ku a fɛ ate ba kan jo ayen ba nya tuilum ŋantaŋa ale magadek mɛ la, ba dan nye dila ba le kpi.>>
21Naawen a jam weeni Moosis ayen, 22<<Chiini Gerson dɔkku demma ale ba yezuimaŋa ale ka diila. 23Chiini nidoama meena a nyini bena pisita a ta ga paari bena pisinu baai ale jam ba tom tuima Tuka Viuku po la.
24<<Tuini de ale Gerson kabini yezuimaŋa ale nye ase ba le a tom ale jibta diila. 25Ba ale ba a ji viuku garuk palaŋa, ku ŋan pilintaŋa ale gbaŋ maŋsa ale lik peelim ale garuk palaŋa ale a yik tuka viuku nansuiŋku nɔi la, 26garuk palaŋa ale bo dabiaka po a gilim viuk ale kuŋkuŋku la, garuk panni ale a yik nansuiŋku nɔi la, miisaŋa ale ŋan baai meena ate ba ta a tom ku tuima la. Gerson kabini ale ba tom dii ale magsi ba pai ŋantaŋa de a tom la. 27Ba tuini meena, ka ŋanta jika yaase ka tuin yoŋ ate baa tom, ku a magsika Aaron ale wa nidoabilisaŋa a nya ate ba tom. Fi a magsi ka fi te ba tom ba ale magsi ba tom diila ase ba tuima la. 28Tuini de ale Gerson kabini yezuimaŋa a tom Tuka Viuku po la. Ba tuimaŋa ka kaabteerɔwa Aaron nidoabinni Itamar ale a nya ba zuk.
29<<Chiini Merari kabini yezuimaŋa ale ba dɔkdemma. 30Chiini nidoama meena a nyini bena pisita a ta ga paari bena pisinu, baai ale jam ba tom tuima Tuka Viuku po la. 31Ba tuini ale nna ase ba le a tom tuka viuku po la. Ba ale ba ji viuku zaŋŋa ale chibsaŋa ale zaŋ gela ale kuta golaŋa, 32ale ku zaŋ gelaŋa ale gilim dabiaka la ale kuta golaŋa ale viuku kpaasaŋa ale miisaŋa ale ba ŋantaŋa baai meena ate ba ta a tom ku tuima la. Te nuru meena tuin dii dek chekki ate wa ale tom la. 33Tuini de ate Merari yezuimaŋa ale tom ase ba ale bo Tuka Viuku po la, ka kaabteerɔwa Aaron nidoabinni Itamar ale jam a nya ba ate ba a tom.>>
34Moosis ale Aaron ale tigsuŋku niŋdeerɔma a yaa jam chiini Koyat yezuimaŋa ale ba dɔkdemma meena. 35Nidoama meena a nyini bena pisita a ta ga paari bena pisinu baai ale jam ba tom tuimaŋa Tuka Viuku po la, 36ate ba jam chiini ba yezuimaŋa la jam ka tusa ŋaye ale kobsiyopɔi ale pisinu (2,750). 37Bade meena ale jam gum chaab a nyini Koyat yezuimaŋa a jam a tom Tuka Viuku po la. Moosis ale Aaron a jam chiini ba ase ka Naawen ale jam weeni Moosis diila.
38Gerson kabini ba jam chiini ba yezuimaŋa ale ba dɔkdemma kama. 39Nidoama meena a nyini bena pisita a ta ga paari bena pisinu, baai ale jam ba tom tuimaŋa Tuka Viuku po, 40ate ba chiini ba yezuimaŋa ale ba dɔkdemma la, jam ka tusa ŋaye ale kobsa pisiyuebi ale pisita (2,630). 41Bade ma nɔi ale jam ka dii a nyini Gerson yezuimaŋa a jam ba tom Tuka Viuku po la. Moosis ale Aaron a jam chiini ba a magsi chaab ale ka Naawen ale jam weeni diila.
42Merari kabini ba jam chiini ba yezuimaŋa ale ba dɔkdemma ale ka diila kama. 43Nidoama meena a nyini bena pisita a cheŋ bena pisinu, baai ale jam ba tom Tuka Viuku tuimaŋa, 44ate ba jam chiini ba yezuimaŋa la jam ka tusa ŋata ale kobsiye (3,200). 45Merari kabini nɔi ale jam ka diila ale la. Moosis ale Aaron a jam chiini ba ase ka Naawen ale jam weeni Moosis diila.
46Dila Moosis ale Aaron ale Izirali niŋdeerɔma a jam chiini Livaima ale ba yezuimaŋa ale ba dɔkdemma meena. 47Nidoama meena a nyini bena pisita a ga paari bena pisinu, baai ale jam ba tom abe ba a ji Tuka Viuku la, 48jam ka tusa naaniŋ ale kobsinu ale pinaanuŋ (8,580). 49Ase Naawen ale jam weeni Moosis diila, waai meena a jam nya tuini kama ate ba weeni wa, wa le wa a tom diila. Ba jam chiini ba kama ase Naawen ale jam weeni Moosis diila.
Nke Ahọpụtara Ugbu A:
Chiinika 4: BWU
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation
Chiinika 4
4
1Naawen a jam weeni Moosis ale Aaron ayen, 2<<Livaima tomini po chiini Koyat dɔkku yezuimaŋa ale ba dɔkdemma. 3Chiini nidoama meena a nyini bena pisita a ta ga paari bena pisinu baai ale jam ba tom tuima Tuka Viuku po la.
4<<Koyat dɔkku ale ba a tom dii Tuka Viuku po la ale nna. Ba a nya ŋan baai ale ŋmasi ta tuilum la zuk. 5Ase ba daa cheŋ, Aaron ale wa nidoabilisaŋa ale ba jo a lati likka garuk panni ate di siŋ a lik dakanni ate Naawen Wanni a bo di po la. 6Ba yaa le pai gbaŋ maŋsa a pali di a lati garuk pali sobluk a vi dila zuk a pai daata a su du.
7<<Mi niŋ boroboroku jazaanimu zuk ni pati garuk pali sobluk a pai chin tanlaŋsa ale beerisa ale china ale leŋsa a magsi nyuka tiirita la, ate daa meena boroboroku a bo ku zuk. 8Kude zuk ba le pati ka garuk pali ŋmiŋmiruk du, dila mɛ zuk ba le pati ka gbaŋ maŋsa du, a pai ku daataŋa a su du.
9<<Ba le pai ka garuk pali sobluk a lik zeuŋ jazaanimu ale magsi bolim tɔtika la ale ku zeuŋtaŋa ale boomsa ŋangebinta ale ŋantaŋlaŋsa ale kpaamu leŋsaŋa meena. 10Ba yaa le lik ku ale ku ŋantaŋa meena ale gbaŋ maŋsa a yaa pai ku a zaani da tii ate ba yik a ji la zuk.
11<<Ligmɔniŋ kuŋkuŋku zuk ba le pati ka garuk pali sobluk du. Dila mɛ zuk ba pai gbaŋ maŋsa a pati du, a pai daata a su du.
12<<Ba ale pai ku ŋantaŋa meena ate ba ta a tom Wen yenni tuimaŋa la, a pai garuk pali sobluk a pɔbi, a pai gbaŋ maŋsa a lik ku a zaani da tii a te ba yik a ji la zuk.
13<<Ba ale vaari buntuemmu a ta nyini kutuk mɔnuŋ kuŋkuŋku zuk abe ba pati gattiak ŋmiŋmiruk ku zuk. 14Ba yaa ale pai ku ŋantaŋa ate ba ta a tom la a zaani kuŋkuŋku zuk, a gum chaab ale ŋan baai ate ba ta a moak bolimu la ale duisuk nyina ale saabuluk ale chin ŋaai ate ba ta a misi la. Ku zuk ba le pati gbaŋ maŋsa du, a pai daata a su du.
15<<Aaron ale wa nidoabilisaŋa ale jam lik tuilum ŋantaŋa meena Wen yenni po, a ga nueri la ŋaaŋnyiŋ, diipo ate tigsuŋku a gomsi ba cheŋ la, Koyat kabini ale ba jam a ji. Alege ku a fɛ ate ba kan tiri tuilum ŋantaŋa, ba dan tiri ba, ba le kpi. Koyat kabini ale ba ji tuilum ŋantaŋa baai ale bo Tuka Viuku po la.
16<<Aaron nidoabinni Eleaza kaabteerɔwa ale wa a nya kpaamu ate ba ta a tɔti bolimu la ale ŋan baai nyum ale masa la ale ŋandiinta tiirimu ate ba kasim a nye la ale naam bobika kpaamu zuk. Wa ale wa a nya viuku meena zuk ale jaab meena ale bo ku po, la ale ku tuilum ŋantaŋa zuk.>>
17Naawen a jam weeni Moosis ale Aaron ayen, 18<<Seba a chak ayen Naawen a kan gebi Koyat dɔkku yezuimaŋa a ta nyini Livaima po a basi. 19Kude ale magsi fi nye a te Koyat kabini ate ba kan kpi, ba nin cheŋ moata tuilum ŋantaŋa, Aaron ale wa nidoabilisaŋa a jo a nya nuru meena zuk ate wa a tom wa tuini. 20Alege Koyat kabini ku a fɛ ate ba kan jo ayen ba nya tuilum ŋantaŋa ale magadek mɛ la, ba dan nye dila ba le kpi.>>
21Naawen a jam weeni Moosis ayen, 22<<Chiini Gerson dɔkku demma ale ba yezuimaŋa ale ka diila. 23Chiini nidoama meena a nyini bena pisita a ta ga paari bena pisinu baai ale jam ba tom tuima Tuka Viuku po la.
24<<Tuini de ale Gerson kabini yezuimaŋa ale nye ase ba le a tom ale jibta diila. 25Ba ale ba a ji viuku garuk palaŋa, ku ŋan pilintaŋa ale gbaŋ maŋsa ale lik peelim ale garuk palaŋa ale a yik tuka viuku nansuiŋku nɔi la, 26garuk palaŋa ale bo dabiaka po a gilim viuk ale kuŋkuŋku la, garuk panni ale a yik nansuiŋku nɔi la, miisaŋa ale ŋan baai meena ate ba ta a tom ku tuima la. Gerson kabini ale ba tom dii ale magsi ba pai ŋantaŋa de a tom la. 27Ba tuini meena, ka ŋanta jika yaase ka tuin yoŋ ate baa tom, ku a magsika Aaron ale wa nidoabilisaŋa a nya ate ba tom. Fi a magsi ka fi te ba tom ba ale magsi ba tom diila ase ba tuima la. 28Tuini de ale Gerson kabini yezuimaŋa a tom Tuka Viuku po la. Ba tuimaŋa ka kaabteerɔwa Aaron nidoabinni Itamar ale a nya ba zuk.
29<<Chiini Merari kabini yezuimaŋa ale ba dɔkdemma. 30Chiini nidoama meena a nyini bena pisita a ta ga paari bena pisinu, baai ale jam ba tom tuima Tuka Viuku po la. 31Ba tuini ale nna ase ba le a tom tuka viuku po la. Ba ale ba ji viuku zaŋŋa ale chibsaŋa ale zaŋ gela ale kuta golaŋa, 32ale ku zaŋ gelaŋa ale gilim dabiaka la ale kuta golaŋa ale viuku kpaasaŋa ale miisaŋa ale ba ŋantaŋa baai meena ate ba ta a tom ku tuima la. Te nuru meena tuin dii dek chekki ate wa ale tom la. 33Tuini de ate Merari yezuimaŋa ale tom ase ba ale bo Tuka Viuku po la, ka kaabteerɔwa Aaron nidoabinni Itamar ale jam a nya ba ate ba a tom.>>
34Moosis ale Aaron ale tigsuŋku niŋdeerɔma a yaa jam chiini Koyat yezuimaŋa ale ba dɔkdemma meena. 35Nidoama meena a nyini bena pisita a ta ga paari bena pisinu baai ale jam ba tom tuimaŋa Tuka Viuku po la, 36ate ba jam chiini ba yezuimaŋa la jam ka tusa ŋaye ale kobsiyopɔi ale pisinu (2,750). 37Bade meena ale jam gum chaab a nyini Koyat yezuimaŋa a jam a tom Tuka Viuku po la. Moosis ale Aaron a jam chiini ba ase ka Naawen ale jam weeni Moosis diila.
38Gerson kabini ba jam chiini ba yezuimaŋa ale ba dɔkdemma kama. 39Nidoama meena a nyini bena pisita a ta ga paari bena pisinu, baai ale jam ba tom tuimaŋa Tuka Viuku po, 40ate ba chiini ba yezuimaŋa ale ba dɔkdemma la, jam ka tusa ŋaye ale kobsa pisiyuebi ale pisita (2,630). 41Bade ma nɔi ale jam ka dii a nyini Gerson yezuimaŋa a jam ba tom Tuka Viuku po la. Moosis ale Aaron a jam chiini ba a magsi chaab ale ka Naawen ale jam weeni diila.
42Merari kabini ba jam chiini ba yezuimaŋa ale ba dɔkdemma ale ka diila kama. 43Nidoama meena a nyini bena pisita a cheŋ bena pisinu, baai ale jam ba tom Tuka Viuku tuimaŋa, 44ate ba jam chiini ba yezuimaŋa la jam ka tusa ŋata ale kobsiye (3,200). 45Merari kabini nɔi ale jam ka diila ale la. Moosis ale Aaron a jam chiini ba ase ka Naawen ale jam weeni Moosis diila.
46Dila Moosis ale Aaron ale Izirali niŋdeerɔma a jam chiini Livaima ale ba yezuimaŋa ale ba dɔkdemma meena. 47Nidoama meena a nyini bena pisita a ga paari bena pisinu, baai ale jam ba tom abe ba a ji Tuka Viuku la, 48jam ka tusa naaniŋ ale kobsinu ale pinaanuŋ (8,580). 49Ase Naawen ale jam weeni Moosis diila, waai meena a jam nya tuini kama ate ba weeni wa, wa le wa a tom diila. Ba jam chiini ba kama ase Naawen ale jam weeni Moosis diila.
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation