Chiinika 10
10
1Naawen a yaa weeni Moosis ayen, 2<<Kuri kpana a nye damunsa siye a ta peeri a wi naakuuni ate ba a jam jigi yeŋ. 3Ase siyewa a dan peeri, naakuuni meena ale tigsi fi niŋ Tuka Viuku nansuiŋku nɔi. 4Ase kanyi dekki a dan kum, niŋdeerɔma ale yezuimaŋa nyam a yaa le tigsi fi niŋ. 5Ase damuniŋka a dan kumu, diin ŋaai ale bo kori geŋsa la a yaa le nyini a cheŋ. 6Damuniŋka a dan kum saari buye, baai ale bo yeseoku geŋsa la mɛ ale nyini. Damuniŋka kumsaŋa ale ku sak ayen ku magsika ba nyini a cheŋ. 7Ate fi tigsi tigsuŋku la, peeri damunsaŋa, alege si kumsaŋa a chim ku tɔga ale nyinika kumsaŋa.
8<<Kaabteerɔwa Aaron nidoabilisaŋa ale magsi ba peeri damunsaŋa. Kude ale chim ka ŋmarisi kaai ale ka beni a te fi ale fi gaŋsaŋa. 9Ase nama a dan cheŋ ni nye kpaliŋ nidek tɛŋka po ale ni dachiak waai ale a namsi ni la, ni peeri ni damunsaŋa. Naawen ni Wenni ale teeri ni wari a vari ni ni dachaasaŋa nisa po a basi. 10Ate diipo ate ni mariŋ nidek a dɛ Chiik Paalika tigini la, ni yaa peeri damunsaŋa a basi ni juka ale ni suiyɔgni tiiritaŋa zuk ate ku la chim teerika a te ni, ni Wen niŋ. Mi ale Naawen ni Wenni.>>
11Daa pisiyewa danni chiisa siyewa, bena ŋayewa po, chiŋmanni a yaa basi viuku ate Naawen Wanni a boro la. 12Ate Izirali demma a yaa basi Sinai Gɔnni a taam dɛ, a ga dɛ ate ku ga paari diipo ate chiŋmanni a ga bo Paran Gɔnni zuk la. 13Ba yaa jam piilim nyini a cheŋ ase Naawen ale jam weeni Moosis la.
14Juda nidoabilisaŋa tiktiwa a va chaab ale ba tugurik tommu yueŋa ale dɛ niŋ a nyini, ate Amminadab nidoabinni Naason, a nya tommu zuk. 15Zuar nidoabinni Netanel ale jam chim Isaka dɔkku niŋdeerɔ, 16alege ate Yelon nidoabinni Eliab a chim Zebulun dɔkku niŋdeerɔ. 17Ate Livaima yaa kpiti viuku, ate Gerson ale Merari kabini a ji nyini a cheŋ.
18Aruben dɔkku ale jam pai a saŋ ale ba tiktiwa a ta va ba ale ka diila. Ka Sedeur nidoabinni Elizur ale jam dɛ ba niŋ. 19Zurisaddai nidoabinni Selumiel ale jam dɛ Simeyon dɔkku niŋ, 20alege ate Deuel nidoabinni Eliasaf a chim Gad dɔkku niŋdeerɔ. 21Koyat kabini a yaa nyini a ji ŋan weleŋsaŋa. Viuku a jam magsi ka ku ti alege jigi ate ba paari du.
22Ɛfraim dɔkku ale jam pai saŋ ale ba tiktiwa a ta va ba ale ka diila. Ka Ammiyud nidoabinni Elisama ale jam dɛ ba niŋ. 23Pedazur nidoabinni Gamaliil ale jam dɛ Manasa dɔkku niŋ, 24alege ate Abidan nidoabinni Abidan a jam dɛ Benjamin dɔkku niŋ.
25Kpeglimka po ase baai ale jam potim a nya labika zuk la, ka Dan dɔkku ale jam wari ŋaaŋ a nyini ale ba tikti wa a ta va ba mɛ ale ka diila. Ammisaddai nidoabinni Ayiezer ale jam dɛ ba mɛ niŋ. 26Okran nidoabinni Pagiel ale jam a nya Asɛ dɔkku zuk, 27alege ate Enan nidoabinni Ayira a nya Nafitali dɔkku zuk. 28Izirali demma ale jam labi dii a cheŋ la ale la.
29Moosis yaa weeni Areuel nidoabinni Yobab, Midian denɔwa, wa ŋachobwa ayen, <<Ti a yaali ti nyini cheŋ ka juijui ate Naawen a weeni ayen, <M le pai dula a te ni la.> Cheŋ ale ti, tama ale nye fu a magsi, Naawen a puulim ka wamaŋsa ale Izirali demma.>>
30Alege ate wa tulisi ayen, <<Aaya, m kan cheŋŋi. Mi a yaa m ŋman kuli ka m dek tɛŋka ale m nuruma jigi.>>
31Alege Moosis a weeni ayen, <<Jenje kan basi ti. Fi seba kauk kuui ale magsi ti tigsi gɔnni de po la kama, fi a baga a chim tama nina kama. 32Fi a dan cheŋ ale ti, tama ale chari ale fu jamaŋ kaai ate Naawen a te tama la.>>
33Ate ba yaa basi Naawen guuku ale nyini cheŋ daa ŋata meena. Naawen nɔiyeŋka dakanni ale jam dɛ ba niŋ daa ŋatawa meena po a gisi jigi a te ba ayen ba vuusi. 34Naawen chiŋmanni a nyiem le dɛ ba niŋ danni meena po ase ba nin nyini ba cheŋ.
35Diipo meena nɔiyeŋka dakanni a dan ga nyini, Moosis nyiem jam weeni kama ayen, <<M Naawen, yiti zaani, ate fi dachaasaŋa a waaŋ chaab. Fi dachaasaŋa a chali bɛ fi niŋ.>>
36Ase di dan jam zaani, wa nyiem weeni kama ayen, <<Ŋman jam m Naawen Izirali demma baai ale kan ta chiina la jigi.>>
Nke Ahọpụtara Ugbu A:
Chiinika 10: BWU
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation
Chiinika 10
10
1Naawen a yaa weeni Moosis ayen, 2<<Kuri kpana a nye damunsa siye a ta peeri a wi naakuuni ate ba a jam jigi yeŋ. 3Ase siyewa a dan peeri, naakuuni meena ale tigsi fi niŋ Tuka Viuku nansuiŋku nɔi. 4Ase kanyi dekki a dan kum, niŋdeerɔma ale yezuimaŋa nyam a yaa le tigsi fi niŋ. 5Ase damuniŋka a dan kumu, diin ŋaai ale bo kori geŋsa la a yaa le nyini a cheŋ. 6Damuniŋka a dan kum saari buye, baai ale bo yeseoku geŋsa la mɛ ale nyini. Damuniŋka kumsaŋa ale ku sak ayen ku magsika ba nyini a cheŋ. 7Ate fi tigsi tigsuŋku la, peeri damunsaŋa, alege si kumsaŋa a chim ku tɔga ale nyinika kumsaŋa.
8<<Kaabteerɔwa Aaron nidoabilisaŋa ale magsi ba peeri damunsaŋa. Kude ale chim ka ŋmarisi kaai ale ka beni a te fi ale fi gaŋsaŋa. 9Ase nama a dan cheŋ ni nye kpaliŋ nidek tɛŋka po ale ni dachiak waai ale a namsi ni la, ni peeri ni damunsaŋa. Naawen ni Wenni ale teeri ni wari a vari ni ni dachaasaŋa nisa po a basi. 10Ate diipo ate ni mariŋ nidek a dɛ Chiik Paalika tigini la, ni yaa peeri damunsaŋa a basi ni juka ale ni suiyɔgni tiiritaŋa zuk ate ku la chim teerika a te ni, ni Wen niŋ. Mi ale Naawen ni Wenni.>>
11Daa pisiyewa danni chiisa siyewa, bena ŋayewa po, chiŋmanni a yaa basi viuku ate Naawen Wanni a boro la. 12Ate Izirali demma a yaa basi Sinai Gɔnni a taam dɛ, a ga dɛ ate ku ga paari diipo ate chiŋmanni a ga bo Paran Gɔnni zuk la. 13Ba yaa jam piilim nyini a cheŋ ase Naawen ale jam weeni Moosis la.
14Juda nidoabilisaŋa tiktiwa a va chaab ale ba tugurik tommu yueŋa ale dɛ niŋ a nyini, ate Amminadab nidoabinni Naason, a nya tommu zuk. 15Zuar nidoabinni Netanel ale jam chim Isaka dɔkku niŋdeerɔ, 16alege ate Yelon nidoabinni Eliab a chim Zebulun dɔkku niŋdeerɔ. 17Ate Livaima yaa kpiti viuku, ate Gerson ale Merari kabini a ji nyini a cheŋ.
18Aruben dɔkku ale jam pai a saŋ ale ba tiktiwa a ta va ba ale ka diila. Ka Sedeur nidoabinni Elizur ale jam dɛ ba niŋ. 19Zurisaddai nidoabinni Selumiel ale jam dɛ Simeyon dɔkku niŋ, 20alege ate Deuel nidoabinni Eliasaf a chim Gad dɔkku niŋdeerɔ. 21Koyat kabini a yaa nyini a ji ŋan weleŋsaŋa. Viuku a jam magsi ka ku ti alege jigi ate ba paari du.
22Ɛfraim dɔkku ale jam pai saŋ ale ba tiktiwa a ta va ba ale ka diila. Ka Ammiyud nidoabinni Elisama ale jam dɛ ba niŋ. 23Pedazur nidoabinni Gamaliil ale jam dɛ Manasa dɔkku niŋ, 24alege ate Abidan nidoabinni Abidan a jam dɛ Benjamin dɔkku niŋ.
25Kpeglimka po ase baai ale jam potim a nya labika zuk la, ka Dan dɔkku ale jam wari ŋaaŋ a nyini ale ba tikti wa a ta va ba mɛ ale ka diila. Ammisaddai nidoabinni Ayiezer ale jam dɛ ba mɛ niŋ. 26Okran nidoabinni Pagiel ale jam a nya Asɛ dɔkku zuk, 27alege ate Enan nidoabinni Ayira a nya Nafitali dɔkku zuk. 28Izirali demma ale jam labi dii a cheŋ la ale la.
29Moosis yaa weeni Areuel nidoabinni Yobab, Midian denɔwa, wa ŋachobwa ayen, <<Ti a yaali ti nyini cheŋ ka juijui ate Naawen a weeni ayen, <M le pai dula a te ni la.> Cheŋ ale ti, tama ale nye fu a magsi, Naawen a puulim ka wamaŋsa ale Izirali demma.>>
30Alege ate wa tulisi ayen, <<Aaya, m kan cheŋŋi. Mi a yaa m ŋman kuli ka m dek tɛŋka ale m nuruma jigi.>>
31Alege Moosis a weeni ayen, <<Jenje kan basi ti. Fi seba kauk kuui ale magsi ti tigsi gɔnni de po la kama, fi a baga a chim tama nina kama. 32Fi a dan cheŋ ale ti, tama ale chari ale fu jamaŋ kaai ate Naawen a te tama la.>>
33Ate ba yaa basi Naawen guuku ale nyini cheŋ daa ŋata meena. Naawen nɔiyeŋka dakanni ale jam dɛ ba niŋ daa ŋatawa meena po a gisi jigi a te ba ayen ba vuusi. 34Naawen chiŋmanni a nyiem le dɛ ba niŋ danni meena po ase ba nin nyini ba cheŋ.
35Diipo meena nɔiyeŋka dakanni a dan ga nyini, Moosis nyiem jam weeni kama ayen, <<M Naawen, yiti zaani, ate fi dachaasaŋa a waaŋ chaab. Fi dachaasaŋa a chali bɛ fi niŋ.>>
36Ase di dan jam zaani, wa nyiem weeni kama ayen, <<Ŋman jam m Naawen Izirali demma baai ale kan ta chiina la jigi.>>
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation