Chiinika 1
1
1Naawen a jam biisi ale Moosis Tuka Viuku po, Sinai Gɔnni po, chiisa siyewa piilimka danni bena ŋayewa po ate Izirali demma a basi Ejipiti tɛŋka la. Wa weeni ayen, 2<<Chiini Izirali naakuuni yezuima meena ale ba dɔkdem, a ŋmarisi nuru meena wanyi wanyi yue. 3Fi ale Aaron a chiini ba a ta va ba labika ale ka diila, nidoama meena ale bo Izirali a paari bena pisiye yaase ba gaam dila la, baai ale baga a tɔŋ tugurik la. 4Nidoa wanyi a nyini dɔk meena abe wa chim yeri nyɔnɔ a maari fu.
5<<Nidoa baai ale ba maari ni la yueŋa ale nna. A nyini Aruben dɔkku ba jam lueri ka Sedeur nidoabinni Elizur. 6A nyini Simeyon dɔkku ba jam lueri ka Zurisaddai nidoabinni Selumiel. 7A nyini Juda dɔkku ba jam lueri ka Amminadab nidoabinni Nayson. 8A nyini Isaka dɔkku ba jam lueri ka Zuar nidoabinni Netanel. 9A nyini Zebulun dɔkku ba jam lueri ka Yelon nidoabinni Eliab. 10A nyini Josefi kabini ba le jam lueri baai la ale nna Ɛfraim dɔkku ba jam lueri ka Ammiyud nidoabinni Elisama. A nyini Manasa dɔkku ba jam lueri ka Pedazur nidoabinni Gamaliil. 11A nyini Benjamin dɔkku ba jam lueri ka Gideoni nidoabinni Abidan. 12A nyini Dan dɔkku ba jam lueri ka Ammisaddai nidoabinni Ayiezer. 13A nyini Asɛ dɔkku ba jam lueri ka Okran nidoabinni Pagiel. 14A nyini Gad dɔkku ba jam lueri ka Deuel nidoabinni Eliasaf. 15A nyini Nafitali dɔkku ba jam lueri ka Enan nidoabinni Ayira.>>
16Nidoama de ate ba jam lueri a ta nyini naakuuni po, ase niŋdeerɔba la a ta nyini ba ŋiaka buuni po. Bala jam le Izirali yezuima nyama.
17Moosis ale Aaron yaa jam ta nidoama de baai yueŋa ate ba wi la, 18a ga wi naakuuni meena jigi yeŋ chiisa siyewa po ka piilimka danni. Nuruma a jam sak ba ŋiaka buuni ale ka diila kama a ta va ba yezuimaŋa ale ba dɔkdemma ale ka diila, ate ba ŋmarisi nidoa baai ale paari bena pisiye yaase ba gaam dila la yueŋa wanyi wanyi, 19ase Naawen ale jam weeni Moosis diila. Wa jam chiini ba ka Sinai Gɔnni po.
20A nyini Aruben Izirali bikpagni ŋaaŋbisaŋa po, nidoama meena baai ale paari bena pisiye yaase ba gaam di a baga a tɔŋ tugurik la, ba jam ŋmarisi ka ba yueŋa wanyi wanyi a ta va ba yezuimaŋa ale ba dɔkdemma ale ka diila. 21Aruben dɔkku demma a jam paari ka nuruba tusa pisinaansi ale ŋayuebi ale kobsinu (46,500).
22A nyini Simeyon ŋaaŋbisaŋa po, nidoama meena baai ale paari bena pisiye yaase ba gaam di a baga a tɔŋ tugurik la, ba jam ŋmarisi ba yueŋa kama wanyi wanyi a ta va ba yezuimaŋa ale ba dɔkdemma ale jam ka diila. 23Simeyon dɔkdemma jam ka tusa pisinu ale neok ale kobsita (59,300).
24A nyini Gad ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale jam ka diila. 25Gad dɔkdemma jam ka tusa pisinaansi ale ŋanu ale kobsiyuebi ale pisinu (46,650).
26A nyini Juda ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale jam ka diila. 27Juda dɔkdemma jam ka tusa pisiyopɔi ale ŋanaansi ale kobsiyuebi (74,600).
28A nyini Isaka ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale ka diila. 29Isaka dɔkdemma a jam ka tusa pisinu ale ŋanaansi ale kobsinaansi (54,400).
30A nyini Zebulun ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale ka diila. 31Zebulun dɔkdemma jam ka tusa pisinu ale ŋayopɔi ale kobsinaansi (57,400).
32A nyini Josefi nidoabilisaŋa kabini, ka Ɛfraim ŋaaŋbisaŋa, nidoama meena ale jam paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale ka diila. 33Ɛfraim dɔkdemma jam paari ka tusa pisinaansi ale kobsinu (40,500).
34A nyini Manasa ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale ka diila. 35Manasa dɔkdemma a jam ka tusa pisita ale ŋaye ale kobsiye (32,200).
36A nyini Benjamin ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale ka diila. 37Benjamin dɔkdemma jam ka tusa pisita ale ŋanu ale kobsinaansi (35,400).
38A nyini Dan ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale jam ka diila. 39Dan dɔkdemma jam ka tusa pisiyuebi ale ŋaye ale kobsiyopɔi (62,700).
40A nyini Asɛ ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale jam ka diila. 41Asɛ dɔkdemma jam ka tusa pisinaansi ale dinyi ale kobsinu (41,500).
42A nyini Nafitali ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale jam ka diila. 43Nafitali dɔkdemma jam ka tusa pisinu ale ŋata ale kobsinaansi (53,400).
44Moosis ale Aaron ale Izirali niŋdeerɔba pi ale bayewa ba wanyi meena a jam za ka wa dɔkdemma naŋkula po bala ale jam chiini nidoama. 45Izirali demma baai ale paari bena pisiye yaase ba gaam dila a baga a tɔŋ tugurik la, ba jam chiini ba kama a ta va ba dɔkdemma ale ka diila. 46Ba meena a jam gum chaab a paari ka tusa kobsiyuebi ale ŋata ale kobsinu ale pisinu (603,550).
47Livai dɔkku demma ba an jam chiini ba a gum mbala po. 48Naawen a jam weeni Moosis kama ayen, 49<<Ku a fɛ ate fi kan chiini Livai dɔkku demma yaase fi pai ba a gum Izirali dem mbala po. 50Alege lueri Livaima ate bala a nya viuku ate Naawen Wanni a bo ku po la ale ku ŋan baai meena ale bo ku po la. Bala ale ba ji viuku ale ku ŋantaŋa meena, ba ale ba a nya ku zuk abe ba kali moata ku. 51Diipo meena ate ku a magsi ba cheŋ jigi yoŋ la, Livaima ale ba kpiti viuku, diipo ale a magsi ba ti viuku la, ka Livaima ale ba ti ku. Nuru yoŋ a dan cheŋ moata ku be ko wa. 52Izirali demma a ti ba viitaŋa a ta va ba labika ale ka diila, waai meena ale wa boka jigi ale ba tikti. 53Livaima a magsi ba ti ba viitaŋa a gilim viuku ate Naawen Wanni a boro la ate dila abe basi ate kaasuŋ a kan jam Izirali naakuuni po. Livaima ale a magsi ba nya viuku ate Naawen Wanni a boro la zuk.>>
54Izirali demma a jam nye ka dii meena dek ate Naawen a jam weeni Moosis la.
Nke Ahọpụtara Ugbu A:
Chiinika 1: BWU
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation