Kaabka 6
6
1Naawen yaa weeni Moosis ayen, 2<<Waai dan nye kaasi a ka wensie ale Naawen ale paasi waai ale pai jaab te wa ayen wa a nya yaase wa zu yaase wa vari wa, 3yaase wa nya ŋan baai ale bei ale velim ayen wa an nya ba yaase wa pɛ venta pɛka yaase wa nye biem buui meena ate nuruba a nye la, 4wa dan miŋ ate chivie yik wa, wa ta jabuui ate wa zu la, yaase wa vari la, yaase ba pai te wa ayen wa a nya, yaase jabuui ale bei ate wa nya la, 5yaase wa dii ate wa pɛ venta pɛka la. Wa le pai ŋan baai a ŋmaa te ba nyɔnɔwa la, wa dan poori bunu wa gum ase dila bunyi la du. Wa nye nna wa dai dii dai ate wa a te nyemagsika tiirimu la. 6Namsika nyiŋ wa ta padiak ase nyemagsika tiirim la a jam te kaabteerɔwa ate wa pai te Naawen. Ka chim padiak kaai ale kan ta jomi ale chim tuilum jaab la. 7Suiku de po Tuka Viuku kaabteerɔwa yaa le nye biem duisi basika Naawen jigi ate wa, wieŋa de di dii ate wa nye kaasi ate chivie ta wa la, ate wa nya vɔŋteka.>>
8Naawen yaa weeni Moosis ayen, 9<<Te Aaron ale wa nidoabilisaŋa sinsaŋŋa de. <Sinsaŋŋa ale nna a magsi meena juka tiirim. Juka tiirimu a magsi bu wari ka juka kuŋkuŋku daanika zuk yokku meena a ga paari saluik. Abe bolimu a kasim a dɛ dakanni zuk. 10Kaabteerɔwa a jo wa garuk tii ale nala la. Wa jo kurik geli dii mɛ ale nala. Wa yeeri juka tiirimu tintuemu a dueni kuŋkuŋku gauŋ. 11Wa yeeri garuk tii ale nala la, abe wa jo garuk yonta a yaa ta tintuemu a nyini cheŋ peelim a kpiiri basi juijui ale nala la. 12Bolimu ale bo kuŋkuŋku zuk la a kasim a dɛ, bu kan kpi. Saluik meena kaabteerɔwa a pai daata a vi du a yaa pai juka tiirimu a vi du a ju suiyɔgni tiirimu kpapalaŋa di zuk. 13Bolimu a magsi bu kasim a dɛ kama, bu kan maa kpi.
14<< <Sinsaŋŋa de ale magsi chaab ale ŋandiinta tiirimu. Aaron nidoabilisaŋa ale magsi ba ta jam te nyɔnɔwa juka kuŋkuŋku niŋ. 15Ba wanyi a nye zom naliŋka nisa nɔi ale kpaam ale zauŋ kuŋku ale bo tiirim ŋandiintaŋa po la a ju te Naawen ate ku sak ayen ka wa ni soa. Ka tiirim buui nyum ale masa a te Naawen. 16Aaron ale wa nidoabilisaŋa a dɛ ŋandiin tii ale tali la meena. Ba dɛ ŋandiin tii ate dabinta a karo la juijui ale welema la. Ba dɛ Tuka Viuku dabiaka po. 17Ba kan nyo dabinta du ba basi ate bolim wuluk a nak. M te ba kama ase bolim tiirim charuk la. Ka tuilum ŋandiinta ase biem tiirim ale nyemagsika tiirim la. 18Aaron nidoabilisaŋa meena a baga a dɛ kama. Tiiritaŋa ate ba ta jam te Naawen la, wa charuk a boro kama ale wa buuni meena a cheŋ. Nuru waai ale a tiri bu la a gaari kama.> >>
19Naawen a weeni Moosis mɛ ayen, 20<<Tiirim buui ale magsi ayen Aaron ale wa nidoabilisaŋa a ta jam te Naawen dai dii dai ate ba kpiiri kpaam ba zuk a lueri ba la ale nna: Zom naliŋ chin nɔi ase ŋandiinta tiirim buui ale magsi ni kasim a te la. Zommu geli saluik, bu geli mɛ junɔi. 21Gomsi bu ale kpaam taasi tanlaŋ po a dam nalimnyiini a yaa gebi gebi a te Naawen ate nyummu a masa a te wa. 22Kaabteerɔ waai ate Naawen lueri ayen wa tuesi Aaron wa nidoabilisaŋa po la ale wa pai te. Ka Naawen daa meena charuk a magsi ba ju meena a te wa. 23Kaabteerɔ ŋandiinta tiirim meena ba ju ba kan dɛ.>>
24Naawen yaa weeni Moosis ayen, 25<<Weeni Aaron ale wa nidoabilisaŋa ayen, <Sinsaŋŋa ale nna a magsi biem tiirim. Biem tiirim duŋka ba magsi ba tɔgri ka ka juijui ate ba a tɔgri juka tiirimu duŋka la. Bu ŋmasi ta tuilum kama. 26Kaabteerɔ waai ale a nye juka la a dɛ. Wa dɛ jigi dii ale ta tuilum ale bo Tuka Viuku dabiaka po la. 27Nuru waai ale a tiri bu la a gaari kama. Ziimu gela abe dan lo garukku nyiŋ ba sugri jigi dii ale ta tuilum. 28Yak samɔniŋ kaai ate ba a dik lammu la ba mobi ka. Alege ba dan dik kutuk mɔnuŋ samɔniŋ po, ba kogsi a sugri ale nyiam. 29Nidoa waai ale a nyini kaabteerɔwa dɔkdemma po la a baga a dɛ kama. Bu ŋmasi ta tuilum kama. 30Alege biem tiirim buui ate ba ta ziimu a jo Tuka Viuku po ayen ba nye biem duisi basika jigi dii ale ta tuilum la, ku a fɛ ate ba kan dɛ. Ku a fɛ ate ba ju.
Nke Ahọpụtara Ugbu A:
Kaabka 6: BWU
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation
Kaabka 6
6
1Naawen yaa weeni Moosis ayen, 2<<Waai dan nye kaasi a ka wensie ale Naawen ale paasi waai ale pai jaab te wa ayen wa a nya yaase wa zu yaase wa vari wa, 3yaase wa nya ŋan baai ale bei ale velim ayen wa an nya ba yaase wa pɛ venta pɛka yaase wa nye biem buui meena ate nuruba a nye la, 4wa dan miŋ ate chivie yik wa, wa ta jabuui ate wa zu la, yaase wa vari la, yaase ba pai te wa ayen wa a nya, yaase jabuui ale bei ate wa nya la, 5yaase wa dii ate wa pɛ venta pɛka la. Wa le pai ŋan baai a ŋmaa te ba nyɔnɔwa la, wa dan poori bunu wa gum ase dila bunyi la du. Wa nye nna wa dai dii dai ate wa a te nyemagsika tiirimu la. 6Namsika nyiŋ wa ta padiak ase nyemagsika tiirim la a jam te kaabteerɔwa ate wa pai te Naawen. Ka chim padiak kaai ale kan ta jomi ale chim tuilum jaab la. 7Suiku de po Tuka Viuku kaabteerɔwa yaa le nye biem duisi basika Naawen jigi ate wa, wieŋa de di dii ate wa nye kaasi ate chivie ta wa la, ate wa nya vɔŋteka.>>
8Naawen yaa weeni Moosis ayen, 9<<Te Aaron ale wa nidoabilisaŋa sinsaŋŋa de. <Sinsaŋŋa ale nna a magsi meena juka tiirim. Juka tiirimu a magsi bu wari ka juka kuŋkuŋku daanika zuk yokku meena a ga paari saluik. Abe bolimu a kasim a dɛ dakanni zuk. 10Kaabteerɔwa a jo wa garuk tii ale nala la. Wa jo kurik geli dii mɛ ale nala. Wa yeeri juka tiirimu tintuemu a dueni kuŋkuŋku gauŋ. 11Wa yeeri garuk tii ale nala la, abe wa jo garuk yonta a yaa ta tintuemu a nyini cheŋ peelim a kpiiri basi juijui ale nala la. 12Bolimu ale bo kuŋkuŋku zuk la a kasim a dɛ, bu kan kpi. Saluik meena kaabteerɔwa a pai daata a vi du a yaa pai juka tiirimu a vi du a ju suiyɔgni tiirimu kpapalaŋa di zuk. 13Bolimu a magsi bu kasim a dɛ kama, bu kan maa kpi.
14<< <Sinsaŋŋa de ale magsi chaab ale ŋandiinta tiirimu. Aaron nidoabilisaŋa ale magsi ba ta jam te nyɔnɔwa juka kuŋkuŋku niŋ. 15Ba wanyi a nye zom naliŋka nisa nɔi ale kpaam ale zauŋ kuŋku ale bo tiirim ŋandiintaŋa po la a ju te Naawen ate ku sak ayen ka wa ni soa. Ka tiirim buui nyum ale masa a te Naawen. 16Aaron ale wa nidoabilisaŋa a dɛ ŋandiin tii ale tali la meena. Ba dɛ ŋandiin tii ate dabinta a karo la juijui ale welema la. Ba dɛ Tuka Viuku dabiaka po. 17Ba kan nyo dabinta du ba basi ate bolim wuluk a nak. M te ba kama ase bolim tiirim charuk la. Ka tuilum ŋandiinta ase biem tiirim ale nyemagsika tiirim la. 18Aaron nidoabilisaŋa meena a baga a dɛ kama. Tiiritaŋa ate ba ta jam te Naawen la, wa charuk a boro kama ale wa buuni meena a cheŋ. Nuru waai ale a tiri bu la a gaari kama.> >>
19Naawen a weeni Moosis mɛ ayen, 20<<Tiirim buui ale magsi ayen Aaron ale wa nidoabilisaŋa a ta jam te Naawen dai dii dai ate ba kpiiri kpaam ba zuk a lueri ba la ale nna: Zom naliŋ chin nɔi ase ŋandiinta tiirim buui ale magsi ni kasim a te la. Zommu geli saluik, bu geli mɛ junɔi. 21Gomsi bu ale kpaam taasi tanlaŋ po a dam nalimnyiini a yaa gebi gebi a te Naawen ate nyummu a masa a te wa. 22Kaabteerɔ waai ate Naawen lueri ayen wa tuesi Aaron wa nidoabilisaŋa po la ale wa pai te. Ka Naawen daa meena charuk a magsi ba ju meena a te wa. 23Kaabteerɔ ŋandiinta tiirim meena ba ju ba kan dɛ.>>
24Naawen yaa weeni Moosis ayen, 25<<Weeni Aaron ale wa nidoabilisaŋa ayen, <Sinsaŋŋa ale nna a magsi biem tiirim. Biem tiirim duŋka ba magsi ba tɔgri ka ka juijui ate ba a tɔgri juka tiirimu duŋka la. Bu ŋmasi ta tuilum kama. 26Kaabteerɔ waai ale a nye juka la a dɛ. Wa dɛ jigi dii ale ta tuilum ale bo Tuka Viuku dabiaka po la. 27Nuru waai ale a tiri bu la a gaari kama. Ziimu gela abe dan lo garukku nyiŋ ba sugri jigi dii ale ta tuilum. 28Yak samɔniŋ kaai ate ba a dik lammu la ba mobi ka. Alege ba dan dik kutuk mɔnuŋ samɔniŋ po, ba kogsi a sugri ale nyiam. 29Nidoa waai ale a nyini kaabteerɔwa dɔkdemma po la a baga a dɛ kama. Bu ŋmasi ta tuilum kama. 30Alege biem tiirim buui ate ba ta ziimu a jo Tuka Viuku po ayen ba nye biem duisi basika jigi dii ale ta tuilum la, ku a fɛ ate ba kan dɛ. Ku a fɛ ate ba ju.
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation