ꠁꠘ꠆ꠎꠤꠟ ১: ꠝꠕꠤ 28:12-15

ꠔꠦꠃ ꠛꠠ ꠁꠝꠣꠝ ꠀꠞ ꠝꠥꠞꠛ꠆ꠛꠤ ꠅꠇꠟ ꠄꠇꠈꠣꠘꠅ ꠖꠟꠣ ꠅꠁꠀ ꠙꠞꠣꠝꠤꠡ ꠇꠞꠟꠣ, ꠅꠃ ꠙꠣꠞꠣꠖꠣꠞ ꠍꠤꠙꠣꠁ ꠅꠇꠟꠞꠦ ꠛꠃꠔ ꠐꠦꠇꠣ ꠖꠤꠛꠣꠞ ꠟꠣꠉꠤ। ꠔꠣꠞꠣ ꠍꠤꠙꠣꠁ ꠅꠇꠟꠞꠦ ꠇꠁꠟꠣ, “ꠔꠥꠝꠞꠣ ꠇꠁꠅ, ‘ꠀꠝꠞꠣ ꠎꠦꠛꠟꠣ ꠊꠥꠝꠅ ꠀꠍꠟꠣꠝ, ꠅꠃ ꠡꠝꠄ ꠡꠣꠉꠞꠤꠖ ꠅꠇꠟꠦ ꠀꠁꠀ ꠔꠣꠘ ꠟꠣꠡ ꠌꠥꠞꠤ ꠇꠞꠤ ꠘꠤꠍꠂꠘꠉꠤ।’ ꠁꠈꠣꠘ ꠎꠥꠖꠤ ꠖꠦꠡꠞ ꠙꠞꠗꠣꠘ ꠢꠣꠇꠤꠝ ꠍꠣꠛꠦ ꠢꠥꠘꠤꠟꠣꠁꠘ, ꠔꠦ ꠀꠝꠞꠣ ꠔꠣꠘꠞꠦ ꠛꠥꠎ ꠖꠤꠝꠥ, ꠔꠣꠘ ꠀꠔ ꠕꠣꠇꠤ ꠔꠥꠝꠞꠣꠞꠦ ꠛꠣꠌꠣꠁꠝꠥ।” ꠔꠦꠃ ꠙꠣꠞꠣꠖꠣꠞ ꠅꠇꠟꠦ ꠅꠃ ꠐꠦꠇꠣ ꠘꠤꠟꠣ, ꠀꠞ ꠔꠣꠞꠣꠞꠦ ꠎꠦꠟꠣ ꠢꠤꠇꠣꠁꠟ ꠅꠁꠍꠤꠟ, ꠅꠟꠣ ꠇꠁꠟꠣ। ꠅꠈꠘ ꠙꠞ꠆ꠎꠘ꠆ꠔ ꠁ ꠝꠤꠍꠣ ꠇꠕꠣ ꠁꠢꠥꠖꠤ ꠡꠝꠣꠎꠅ ꠞꠐꠣꠁꠟ ꠀꠍꠦ।