Keriben 22
22
XXII
O Bišudujto Šero
1Manuša, phrala, dada, šunen mro mangipen, so akāna kerav tumenge!
2He kana šunde, kaj vakerel lentsa andri biboldengri čhib, ačle inke buter te vakeren, he phend’as,
3Me som čāčes biboldo, ūlo andro Tarzos andri Kilika. Me bāril’om andr’adava foros paš o Gamalielos, he somas sikl’ārdo lāčes pal o dadengro Bāro Lav, he somas savore jileha mre Devleha, har tumen savore adad’ives.
4Māravas, našavavas, phandavas e muršen h’e ǧuvlen, he davas len andro stariben.
5Har o Učo Rašaj čačārel vaš mande, he savore Najphureder, havonendar me l’il’om l’ila ko phrala, he gēlom andro Damaskos te liǧav phandlen andri Jeruzalema odolen, have ehas odoj, ta te len i phāgi.
6Avl’as, kaj har phiravas, he har somas paš o Damaskos auka jepaš‐d’ives, najekvar avl’as bāro pārñipen pašal mande kathar o uprūno devel.
7He pēl’om pri phuv, he šund’om vika, havi mange phend’as, Savlu! Savlu! soske man māres?
8He me phend’om pāle, Ko sal tu, Raja? He phend’as mange, Me som o Nazaretsko Ježišis, so māres.
9He jon, have ehas mantsa čāčes dikle, he daranas pes, a na šunde i vika, so vakerelas mantsa.
10He me phend’om, So kerava, Raja? He o Raj phend’as mange, Ušt’i, ǧa andro Damaskos, he odoj phenena tuke savoro, so kereha!
11He kana našt’i dikhavas, odoleske kaj ehas but pārno, o manuša, have ehas mantsa, ligede man e vasteha, he avl’om andro Damaskos.
12He o Ananiāšis, devleskro manuš, so ikerelas o Bāro Lav, he ehas prinǧārdo har lāčo manuš maškar savore bibolde, have odoj bešenas,
13Jov avl’as ke mande, he terd’il’as, he phend’as mange, Phrala, Savlu! dikh! He najekvar dikl’om pre leste.
14He phend’as, O Devel amāre dadengro l’il’as tut avri, ta te ǧānes so jov kamel, he te dikhes oda čāče Manušes, he te šunes i vika leskre mostar.
15Tu aveha leskro jakhengro vaš savore manuša, te phenes so dikl’al he šund’al.
16Ak‐akanak, Soske ačhes? Ušt’i! Jav boldo! Mor tre bilāči būt’i avri e pāñeha! Vaker e Rajeskro Nav!
17He kana avl’om pāle andri Jeruzalema, har mangavas andri kangeri, pēl’om andro sūno.
18Dikl’om les, he phend’as mange, ǧa sik avri e Jeruzalematar! O manuša na pat’ana, so tu pal mande vakereha.
19He phend’om, Raja, tumen ǧānen, kaj me davas e manušen andro stariben, he kaj māravas andri sako biboldengri kangeri adalen, have tuke pat’anas.
20He kana o jakhengro, o Stefanos, denas peskro rat až’andro meriben, me terd’ovavas paše, he kamavas kaj jov te merel, he ikeravas o uribena vaš odolende, have les našade.
21He phend’as mange, G’a avri! Me bičhavav tut dur adatar ko gāǧe.
22He jon šunde adava leskro lav, he dine viki, he phende, Trād adale manušes avri a phuvatar! Nāne lāčes t’avel ǧido.
23He har denas viki, he čhivrdenas peskro uriben pestar, he čhivrdenas čik andri balval,
24O šereskro vičind’as, kaj te les liǧal andro rajkāno kher, he vičind’as te les māren, auka kaj te ǧānen o čāčipen, soske o manuša denas viki auka but mamuj leste.
25He har les phandenas e šelentsa, o Pavlos phend’as e šelengreske, havo ehas paše, Ehi muklo te māres jekhe Rimanos, kana leskro bilāčipen inke nāne sikado?
26Kana o šelengro odova šund’as, gēl’as, he phend’as e šereskreske, De trat’ so keres! Adava manuš ehi Rimanos.
27Pales avl’as o šereskro, he phend’as leske, Phen mange, sal tu Rimanos? He jov phend’as, Jō, som.
28H’o šereskro phend’as pāle, Me diñom but love, kaj t’avav Rimanos. He o Pavlos phend’as, Me ūl’om Rimanos.
29Pales najekvar odola, have kamenas te les šunen, gēle avri lestar, he o šereskro korkoro daralas, kana ǧānelas, kaj o Pavlos, havones phandl’as, ehi Rimanos.
30Pales, tajsa, kamelas te ǧānel čāčes, soske o bibolde vakerenas mamuj leste. L’il’as lestar o šele, he vičind’as e Najučeder Rašajen, he savore lengre manušen te pes sikaven, liged’as e Pavlos tēle, he thod’as les angal lende.
Nke Ahọpụtara Ugbu A:
Keriben 22: MOR1936
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
First published by the British and Foreign Bible Society in 1936.
Keriben 22
22
XXII
O Bišudujto Šero
1Manuša, phrala, dada, šunen mro mangipen, so akāna kerav tumenge!
2He kana šunde, kaj vakerel lentsa andri biboldengri čhib, ačle inke buter te vakeren, he phend’as,
3Me som čāčes biboldo, ūlo andro Tarzos andri Kilika. Me bāril’om andr’adava foros paš o Gamalielos, he somas sikl’ārdo lāčes pal o dadengro Bāro Lav, he somas savore jileha mre Devleha, har tumen savore adad’ives.
4Māravas, našavavas, phandavas e muršen h’e ǧuvlen, he davas len andro stariben.
5Har o Učo Rašaj čačārel vaš mande, he savore Najphureder, havonendar me l’il’om l’ila ko phrala, he gēlom andro Damaskos te liǧav phandlen andri Jeruzalema odolen, have ehas odoj, ta te len i phāgi.
6Avl’as, kaj har phiravas, he har somas paš o Damaskos auka jepaš‐d’ives, najekvar avl’as bāro pārñipen pašal mande kathar o uprūno devel.
7He pēl’om pri phuv, he šund’om vika, havi mange phend’as, Savlu! Savlu! soske man māres?
8He me phend’om pāle, Ko sal tu, Raja? He phend’as mange, Me som o Nazaretsko Ježišis, so māres.
9He jon, have ehas mantsa čāčes dikle, he daranas pes, a na šunde i vika, so vakerelas mantsa.
10He me phend’om, So kerava, Raja? He o Raj phend’as mange, Ušt’i, ǧa andro Damaskos, he odoj phenena tuke savoro, so kereha!
11He kana našt’i dikhavas, odoleske kaj ehas but pārno, o manuša, have ehas mantsa, ligede man e vasteha, he avl’om andro Damaskos.
12He o Ananiāšis, devleskro manuš, so ikerelas o Bāro Lav, he ehas prinǧārdo har lāčo manuš maškar savore bibolde, have odoj bešenas,
13Jov avl’as ke mande, he terd’il’as, he phend’as mange, Phrala, Savlu! dikh! He najekvar dikl’om pre leste.
14He phend’as, O Devel amāre dadengro l’il’as tut avri, ta te ǧānes so jov kamel, he te dikhes oda čāče Manušes, he te šunes i vika leskre mostar.
15Tu aveha leskro jakhengro vaš savore manuša, te phenes so dikl’al he šund’al.
16Ak‐akanak, Soske ačhes? Ušt’i! Jav boldo! Mor tre bilāči būt’i avri e pāñeha! Vaker e Rajeskro Nav!
17He kana avl’om pāle andri Jeruzalema, har mangavas andri kangeri, pēl’om andro sūno.
18Dikl’om les, he phend’as mange, ǧa sik avri e Jeruzalematar! O manuša na pat’ana, so tu pal mande vakereha.
19He phend’om, Raja, tumen ǧānen, kaj me davas e manušen andro stariben, he kaj māravas andri sako biboldengri kangeri adalen, have tuke pat’anas.
20He kana o jakhengro, o Stefanos, denas peskro rat až’andro meriben, me terd’ovavas paše, he kamavas kaj jov te merel, he ikeravas o uribena vaš odolende, have les našade.
21He phend’as mange, G’a avri! Me bičhavav tut dur adatar ko gāǧe.
22He jon šunde adava leskro lav, he dine viki, he phende, Trād adale manušes avri a phuvatar! Nāne lāčes t’avel ǧido.
23He har denas viki, he čhivrdenas peskro uriben pestar, he čhivrdenas čik andri balval,
24O šereskro vičind’as, kaj te les liǧal andro rajkāno kher, he vičind’as te les māren, auka kaj te ǧānen o čāčipen, soske o manuša denas viki auka but mamuj leste.
25He har les phandenas e šelentsa, o Pavlos phend’as e šelengreske, havo ehas paše, Ehi muklo te māres jekhe Rimanos, kana leskro bilāčipen inke nāne sikado?
26Kana o šelengro odova šund’as, gēl’as, he phend’as e šereskreske, De trat’ so keres! Adava manuš ehi Rimanos.
27Pales avl’as o šereskro, he phend’as leske, Phen mange, sal tu Rimanos? He jov phend’as, Jō, som.
28H’o šereskro phend’as pāle, Me diñom but love, kaj t’avav Rimanos. He o Pavlos phend’as, Me ūl’om Rimanos.
29Pales najekvar odola, have kamenas te les šunen, gēle avri lestar, he o šereskro korkoro daralas, kana ǧānelas, kaj o Pavlos, havones phandl’as, ehi Rimanos.
30Pales, tajsa, kamelas te ǧānel čāčes, soske o bibolde vakerenas mamuj leste. L’il’as lestar o šele, he vičind’as e Najučeder Rašajen, he savore lengre manušen te pes sikaven, liged’as e Pavlos tēle, he thod’as les angal lende.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
First published by the British and Foreign Bible Society in 1936.