Amaokwu Akwụkwọ Nsọ Ndị Ama Ama siteré na Иоанн 5

Kesaa

Алыс шынны силерге чугаалап тур мен: Мээң сөзүмнү дыңнап турар болгаш Мени айбылап чоруткан Адамга бүзүрээр кижи бүрүзү мөңге амыдыралды алыр база шииткелге онаашпас, харын өлүмден амыдыралче шилчий берген болур.

Иисус ол кижиниң чыдарын көргеш база ооң ынча үр үеде аарып келгенин билир болгаш: «Экириирин күзеп тур сен бе?» – деп айтырган.

Бижилгелер дузазы-биле мөңге амыдыралды алырын бодааш, оларны хынамчалыг шинчилеп чоруур силер. А олар база-ла Мээң дугайымда херечилеп турар болгай. Ынчалза-даа Мээң дузам-биле амыдыралды алыр дээш, Меңээ чедип кээрин дөмей-ле күзевес-тир силер.

Иисус аңаа: «Тургаш, дөжээңни алгаш, кылаштап чорувут!» – дээн. Аарыг кижи ол дораан экирий бергеш, дөжээн алгаш, кылаштап чорупкан. А ол чорук амыр-дыш хүнүнде болган чүве-дир.

Ынчаар орта Иисус оларга мынча дээн: «Алыс шынны силерге чугаалап тур мен: Адазы ажыл-херээн канчаар кылганын көрбээн шаанда, Оглу Бодунуң адындан чүнү-даа кылып шыдавас. Адазы чүнү кылырыл, Оглу база-ла ону кылыр.