Amaokwu Akwụkwọ Nsọ Ndị Ama Ama siteré na मत्ती 19

Kesaa

ईशु ने वांचे सनु ङेखती कर केहले, “इन्साना कनु तां ईं ना हो सग़ी, पर नरीकारा कनु सब कोच्छ हो सग़े।”

तां वे हमा ङोन कोनी, पर हेक तन छी। ऐवास्ते जानु नरीकारा ने जोड़ले, ओनु इन्सान अलग़ ना करो।”

ईशु ने उत्तर ङिला, “का तम्ही पवित्रशास्त्र मां कोनी पढ़ले कि जेह्णे वानु बणाले, ओणे शुरु कनु मर्द ते असतरी बणाती कर केहले, ‘ये वजह मर्द आपणे आई-ब़ा कनु अलग़ हुती कर आपणी घराआली चे लारे रिही ते वे ङोनी हेक तन हुवे?’

ईशु ने केहले, “ब़ाला नु माये गोढु आऊं ङिया, ते वानु मना ना करा, कांकि स्वर्ग़ चा राज़ इसड़ा चा ही छै।”

पर ब़ोहत से जको पेहले छी, वे भांसु हुवे, ते जको भांसु छी, वे पेहले हुवे।

ते जेह्णे वी घर, जा भावां नु, जा ब़ेहणीया नु, जा ब़ा नु, जा आई नु, जा ब़ाला-ब़च्‍चा नु, जा खेता नु माये नांवा वास्ते छोड़ती ङिले, ओनु साओ गुणा मिली, ते ओ अनन्त जीवन चा अधिकारी हुवी।

ईशु ने ओनु केहले, “अगर तु सेद्ध हुवणे चाहवी तां जा, आपणे सब कोच्छ बेचती कर कंगाला नु ङे, ते तनु स्वर्ग़ा मां धन मिली, ते आती कर माये भांसु टुरती पड़।”

ओणे ओनु केहले, “तु माये कनु भलाई चे बारे मां कां पूछी पला? भला तां हेक ही छै, पर अगर तु जीवन मां जाणे चाहवी, तां ओचीया आज्ञा नु मनले कर।”

तम्हानु बल्ति किहे पला कि नरीकारा चे राज़ मां धनवान चे जाणे कनु ऊंठा चे सुई चे दुक्‍का महु निकलती जाणे आसान छै।”

ते मैं तम्हानु किहे पला, कि जको कुई व्यभिचार नु छोड़ती कुई नेरी वजह कनु आपणी घराआली नु त्याग़ती कर ङुजी लारे बीहा करे, ओ व्यभिचार करे, ते जको वे छोड़ली आली लारे बीहा करे, ओ वी व्यभिचार करे।”

बल्ति ईशु ने आपणे चैला नु केहले, “मैं तम्हानु सच्‍च किहे पला कि धनवान चे स्वर्ग़ चे राज़ मां जाणे मुश्किल छै।