Amaokwu Akwụkwọ Nsọ Ndị Ama Ama siteré na Kolos 2

Kesaa

Náami hahiyu, makamu arijoka t'Anahaan u Yesu *Kiris, buroŋ boonuun bíyemi naane bite bakan kéehine ne o t'afeeneŋ. Arilooñ te o, abe n'arinut buroŋ boonuun yooŋ te o. Arihaŋ yooŋ kajoku alitee ti káyilen ku naane kaliikenuun i, abe n'aŋ'ariene Atambatun ko kireyi fe eyeehen.

Arinaŋ toko kikawuun an atum'abuutuun nu búwesinato bite húŋgowulan, beeemo bu bibajut éñjeriŋ. Búwesinato naane bondu iŋi kajam bo t'ejoosan ite kúŋgowulan ku, nu tu ñúwejet ñeebaje ñu sembe ñite ñu t'etaam ye. Búwesinato bondu búnuutinoot ti Kiris.

Hítiyar hu, árimoomi t'Atambatun naane bakan keekete iŋ'ite wuhoofoor woonuun, ni naane ariteyit i karam. Bare hahiye Atambatun áhinuunhin ariisooñ ariroŋ ni Kiris. Aboŋketaboŋket úne wuhoofoor wute w'úne fe. Kaawiit keetinane ku úne yéeni iŋi naane újeŋginut i ko, Atambatun atibatib ko *t'ekuruwa yite Kiris eeneyan ko tuus.

Ábuki naane Atambatun aamo i abin ahaban fe, akina yooŋ iyu a aamo fu. Abe naane árihine i t'afeeneŋ ni Kiris, naane aamo i abin ahaban, iyu yooŋ a ariemo fu. Akina aamo fu aseef ite ñúwejet ñite sembe su ñeeemo ñu t'etiir fe.

Iŋ'ite ho aamo fu atum'ariwas an eetinanuun tu buroon bamb'ariñoofo, ni bamb'árihujo, man yooŋ naane aamo i aŋ'ariteñeko káhinu sike sifeet site Esuwif i, árijokaariit yooŋ erimaas yeeniin, nu hunak hite kánuutina kite hiim hu. Diyu fe bísamunan bite buroon beefiye bu buwar bibin. Bare múniyo mu fe ti Kiris ti meemo fu.