Amaokwu Akwụkwọ Nsọ Ndị Ama Ama siteré na Jowǎ̤ni̤ 14

Kesaa

He bè̌kè bǎ sî sò̌phlǒ a ta̤gûjûkabǎ hǒ. Dě he ǐ bǎ sî he ta̤gûjûkabǎ hǒ. He ǐ sî htǒonumî̌ alò̤ta kòyòhǎkhû̌phû̌ ǐ sînu toǒ mè̤tò̤. Sò̌phlǒgu sò̌phlǒgè lǒkho pûma̤. Ǐsha lǒkho pûma̤ma̤.

Dě Běcǎ Ye̤shǔ hî̌shǔ yǎ, “He mî̌ klè̌ ta ta̤te̤ta̤mǎ ta ta̤htûpwa̤ hǒ. Pwa̤ sûcû̌ kò dě pha a ǒ mî̌ tû̌pwǎ he pwǎ, kò dè nǎla̤ǐ he tò̤ hî̌nu, kò cû̌jò dě pha a ǒ dǐpwǎ̤꤮ tò̤.

Běcǎ Ye̤shǔ hî̌ asî, “Sò̌phlǒgu sò̌phlǒgè lǒkho pûma̤ nî̌꤮. Yṳǎ lǒkho Cǒmara dě yṳǎdǒ lǒkho he nî̌꤮.

Pwǎ̤tadě, pha nohè bǎ sî pwa̤ma̤jè sî Běcǎ sǎcahtǐ ta hemi̤ pě. A sû̌ǐtòwòǐ bǎ sî ta̤lǒ̤꤮ bò pě, htohǒtò̤ ta̤lǒ̤꤮ bò htě he hî̌hto sî toǒnu, a ǐsî̌ya gesǒ sî pě.

Kòyò tapwa̤pwa̤ htě a pṳ̂měǐ he ta̤mǎlò̤ htǒotoǒ, dě a gû ǒhtûpwa̤ toǒ numî̌ mî̌pwǎ kòyò htě a mo̤ǐ mè̤mè̤̌ he hǒ. Kòyò htě a mo̤ǐ henu hepha mo̤ǐ yǎ pě. Hedě, he mo̤ǐdǒ yǎ pě dě he dǔlṳ sana̤ a ta hena̤ pě.”

He kwihtò̌ pha dě a sûlò̤ bǎ sî pwa̤ma̤jè sî tapwa̤ ta he gûla̤ htǒonu pě. Dě a ǒkû̌ ta sî pě tûjûpwa̤. A mî̌ Běcǎ sǎcahtǐ hǒ. A sû̌ǐtòwòǐ yṳ̂klè̌nè̌klò sî ta ta̤te̤ta̤mǎ htǒonu pě. Kòyòhǎkhû̌phû̌ toǒ kè̌shǐ nû̌û tò̤tò̤, sî̌yanǒ nû̌û tò̤tò̤ akhû̌akhî, a kaǎshǔ nû̌û pě tò̤. Pwǎ̤tadě sî sî̌ya yǎ, ma̤tè̤hî̌dě a ǒhtûpwa̤ kû̌dǒ ta sî dě a hèǒ dě sî sò̌phlǒkû pě.

Ma̤pûhǐ hepha a sîrîdû̌sîrîhtû ǒlṳhtò̌ ayanu, sî kwisaba titètè̌ bǎbǎ, sî dè kwi ta he mi̤ hî̌nu, he ǐ sî pě. Sî kwi ta̤titètè̌ bǎbǎ, sî dè kwi ta hemi̤ hî̌nu, he ma̤bǎ sî pwǐ sî kwinu pě.

“Sî dè mo̤ǐ he hî̌dě, sî glè gana̤de jûle̤phî̌yo̤ he ta̤mǎlò̤ toǒ.

Dě hepha ahǐkûnu, hǐdǒkû la̤ǒ agûla̤ ǒplṳ̂. A dè ǒtò̤ hî̌dě, he cû̌ hî̌ tǒ̤ sî ma̤tè? He glè cû̌ ma̤wǒnǎ bǎ sî gûla̤ tò̤glò hǒ.

He cû̌ ma̤wǒhto bǎ sî gûla̤ pě tò̤glò dě he hè gesǒ dě sîǒ pě. Ma̤pûhǐ sî ge ǒkû̌dǒ ta he bǎ he la̤geǒ agûla̤ htǒopěnu dě, he hè kaǎgesǒ tû̌ sî pě nî̌.

To̤mǎ̤jo hî̌ nû̌û, “Běcǎ, na glè cû̌ bǎtè tò̤glònu pa sî̌yatò̤, hǐnudě pa cû̌ sî̌yajò klè̌ hî̌tè?”