Amaokwu Akwụkwọ Nsọ Ndị Ama Ama siteré na ራእዩ ለዮሐንስ 22

Kesaa

አነ ውእቱ አልፋ ወኦ አነ ቀዳማዊ ወአነ ደኃራዊ ርእስ ወማኅለቅት።

ወናሁ እመጽእ ፍጡነ ወዕሴትየኒ ምስሌየ ውእቱ ከመ እፍድዮ ለለ አሐዱ ወእኰንኖ በከመ ምግባሩ።

ወመንፈስ ቅዱስ ዘመርዔት ይቤሉ ለይምጻእ ወዘጸምዐኒ ለይምጻእ ወዘይፈቅድ ለይንሣእ ማየ ሕይወት በከንቱ።

ብፁዓን እለ አንጽሑ አልባሲሆሙ ከመ ይኩን ሥልጣኖሙ ላዕለ ዕፀ ሕይወት ወይበውእዋ እንተ አናቅጺሃ ለዛ ሀገር።

ወናሁ እመጽእ ፍጡነ ወብፁዕ ዘየዐቅብ ቃለ ተነብዮቱ ለዝንቱ መጽሐፍ።

ወአልቦ እንከ ሌሊት ወኢይፈቅዱ ብርሃነ ማኅቶት ወኢብርሃነ ፀሓይ እስመ እግዚአብሔር ያበርህ ላዕሌሆሙ ወይነግሡ ለዓለመ ዓለም።

ወይበል ዘሰምዐ ዘንተ እወ እመጽእ ፍጡነ አሜን ነዓ እግዚእየ ኢየሱስ። ጸጋሁ ለእግዚእነ ኢየሱስ ክርስቶስ ምስለ ኵልክሙ አሜን። በዝየ ተፈጸመ ራእየ ዮሐንስ አቡቀለምሲስ ዘውእቱ ብሂል ዘርእየ በሕይወቱ ራእየ። ወስብሐት ለእግዚአብሔር አሜን።

ወአነ ስምዑ ለኵሉ ዘይሰምዕ ቃለ ዝንቱ መጽሐፍ እመ ወሰከ ዲቤሁ ይዌስክ እግዚአብሔር ላዕሌሁ መቅሠፍተ ዘጽሑፍ ውስተ ዝንቱ መጽሐፍ። ወእመኒ አሰሰለ እምውስተ ቃለ ዝንቱ መጽሐፍ ያሴስል እግዚአብሔር ክፍሎ እምዕፀ ሕይወት ወእምነ ሀገር ቅድስት ዘጽሑፍ ውስተ ዝንቱ መጽሐፍ።