Amaokwu Akwụkwọ Nsọ Ndị Ama Ama siteré na ኀበ ሰብእ ዕብራውያን 12

Kesaa

ወበእንተ ዝንቱ ንሕነኒ እለ ብነ እሙንቱ ሰማዕት ኵሎሙ ዘየዐውዱነ ከመ ደመና ንግድፍ እምላዕሌነ ኵሎ ክበደ ወሁከተ ኀጢአት ወንሩጽ በትዕግሥት ኀበ ዘጽኑሕ ለነ ተስፋነ ዘሃይማኖት። ወንትልዎ ለፍጹም መልአክነ ኢየሱስ ክርስቶስ ዘተዐገሠ ኀፍረተ መስቀል አናሕስዮ በእንተ ፍሥሓሁ ዘጽኑሕ ሎቱ ወመነና ለኀፍረት ወነበረ በየማነ መንበረ እግዚአብሔር።

ኵሉ ተግሣጽ ኢይመስል ትፍሥሕተ ለጊዜሁ ዳእሙ ኀዘን ውእቱ ወድኅረሰ ትፈሪ ሰላመ ለእለ ተገሠጹ ወተዐስዮሙ ጽድቀ።

ወሩጹ ኀበ ሰላም ምስለ ኵሉ ወኢትኅድጉ ቅድሳቲክሙ ወዘእንበሌሁሰ አልቦ ዘይሬእዮ ለእግዚአብሔር።

ኀልይዎ እስኩ ለዘከመዝ ተዐገሠ እምኃጥኣን ወተናገርዎ በበይናቲክሙ ከመ ኢትስራሕ ነፍስክሙ ወኢትድክሙ።

ወበእንተዝ ንነሥእ ንሕነ መንግሥተ ዘኢያንቀለቅል ወብነ ጸጋሁ እንተ በእንቲኣሁ ንሠውዕ ለእግዚአብሔር ወናሠምሮ በጸሎት ወበስኢል ወበፍርሀት ወበረዓድ።

ለተግሣጽክሙ ተዐገሡ እስመ ከመ ውሉዱ ያፈቅረክሙ እግዚአብሔር መኑ ውሉድ ዘኢይጌሥጾ አቡሁ።

እስመ አምላክነ እሳት በላዒ ውእቱ።

ወእሙንቱሰ ለስላጤ ለኅዳጥ መዋዕል ይጌሥጹነ በከመ ፈቀዱ ወውእቱሰ ለእንተ ትኄይስ ለነ ከመ ንርከብ ቅድሳቲሁ።

እስመ ዓዲክሙ ኢጸናዕክሙ እስከ ለደም ትበጽሑ ተጋደልዋ ለኀጢአት ወእበይዋ ወአብድርዋ ለትምህርተ ተስፋክሙ።