Amaokwu Akwụkwọ Nsọ Ndị Ama Ama siteré na ኀበ ሰብአ ኤፌሶን 1

Kesaa

ወያብርህ አዕይንተ አልባቢክሙ ወታእምሩ ምንት ውእቱ ተስፋሁ ለጽዋዔክሙ ወምንት ውእቱ ብዕለ ስብሐተ ርስቶሙ ለቅዱሳን። ወምንት ውእቱ ፍድፋዴ ጽንዐ ኀይሉ ዘላዕሌነ ለእለ ነአምን በከመ ዕበየ ኀይሉ ዘገብረ በክርስቶስ። ዘአንሥኦ እሙታን ወአንበሮ በየማኑ ውስተ ሰማያት። መልዕልተ ኵሉ መላእክት ወመኳንንት ወኀይላት ወአጋእዝት ወኵሉ ስም ዘይሰመይ ወአኮ በዝ ዓለም ባሕቲቱ አላ በዘይመጽእኒ ዓለም።

በከመ ኀረየነ ሎቱ እምቅድመ ይትፈጠር ዓለም ከመ ይረስየነ ቅዱሳነ ወንጹሓነ በቅድሜሁ ዘእንበለ ነውር በተፋቅሮ። ወሠርዐነ ትርሲተ ወልዱ በእንተ ኢየሱስ ክርስቶስ በከመ ሥምረተ ፈቃዱ።

ዘበእንቲኣሁ ረከብነ መድኀኒተ ወተኀድገ ለነ ኀጢአትነ በደሙ በከመ ብዕለ ጸጋሁ።

ይትባረክ እግዚአብሔር አቡሁ ለእግዚእነ ኢየሱስ ክርስቶስ ዘባረከነ በኵሉ በረከተ መንፈስ ቅዱስ ዘበሰማያት በክርስቶስ ኢየሱስ።