Amaokwu Akwụkwọ Nsọ Ndị Ama Ama siteré na Va le Efesa 5

Kesaa

Lesvi minga vana va Xikwembu lavarhandzekaka, ringetani kuva lava vafanaka na xona. Hanyani hi moya wa rirhandzu, tani hi Kriste lweyi ahirhandzeke ni kutinyiketa hikolaho ka hina ahumesela Xikwembu nyiko ni mhamba ya risima, leyi yixitsakisaka.

Loko svilitano, kambisisani svinene mahanyela ya n'wina; mingahanyeni tani hi vanhu lavangatwisisiki nchumu, kambe hanyani kufana ni lavatlhariheke. Londzovotani nkama lowu minga na wona, hikuva masiku lawa hinga ka wona mabihile.

Minganweneni vhinyu rimidakwa, hikuva rivanga timholova, kambe matshan'wini ya svosvo mitala hi Moya. Khongotelanani hi tipisalema ni tinsimu, miyimbelela sva Moya; twalisani Hosi hi tinsimu ni tipisalma, miyidzunisa hi timbilu ta n'wina hinkwatu. Masiku hinkwawu, khensani Xikwembu Tatana hikolaho ka svilo hinkwasvu, hi vito ra Hosi ya hina Yesu Kriste.

Hikolaho, mingaveneni sviphukuphuku, kambe ringetani kutwisisa lesvi Hosi yirhandzaka svona.

N'wina vavanuna, rhandzani vasati va n'wina kukota lesvi Kriste na yena angarhandza Kereke, kutani anyiketa vutomi bza yena hikolaho ka yona.

Hikuva khale n'wina hi n'wexe amili munyameni, kambe svosvi, lesvi mingahundzuka vanhu va Hosi, mi le kuvonakaleni. Hanyani kufana ni vanhu va kuvonakala

Titsongahateni, van'we ka van'wana, hikolaho ka xichavu lexi minga na xona ka Kriste.

N'wina vavasati, titsongahateni ka vanuna va n'wina, kukota loko mititsongahata ka Hosi.

Kutani asvive tano ka n'wina hinkwenu: Wanuna aarhandze nsati wa yena, kukota loko atirhandza; na yena wansati aave ni xichavu ka nuna wa yena.

“Hikolaho, wanuna atasukela tatana wa yena ni mamana wa yena, ayanamarhela nsati wa yena, kutani lavambirhi vatava nyama yin'we ntsena.”

Mingatshukeni mitolovelana ni lavayendlaka lesvokala svingapfuni nchumu sva munyama; svisoleni rivaleni