Amaokwu Akwụkwọ Nsọ Ndị Ama Ama siteré na Ɛ́séɖɔ̀ 2

Kesaa

Ti ɓɛ́ Gèɖèpɔ́ɔ̀ wɔ̃́ ma waà kpé-po-wùɖùɔ̀ kɛɛ, púɛɛ, ɔ poìn dèè-wùɖù ɓɛ́ ɔ nì ma kà ɓó ɔ kè Ééɓòɖòhɛ̃́ɛ̀ kè Áázè ɔ kè Jékɔ̀ pṹa kɛɛ jè hwìɖǐi. Ké Gèɖèpɔ́ɔ̀ gmɔ̀ ma Éézùɖùɛ̀-nyɔ̀ ɓěɔ̀ kɔ̃, ké ɔ poìn wa jè hwìɖǐi.

Ti ɓɛ́ zɔ̃ pàɖǎ ɖǎ ma ziɛɛ, púɛɛ, Íjè-ɓòɖòɔ̀ kã́áɔ̀ mɛ́ ma ní. Ɓó tia ɓaɖaa, Éézùɖùɛ̀-nyɔ̀ ɓěɔ̀ nì ma kpòɛ̌n ɖé wa gǐì-gbɛ̌ɔ̀ xwíɖíi. Ké wa pòìn ma Gèɖèpɔ́ɔ̀ kpé dyi, ɓɛ́ ɔ ké wa gbo kpá. Ké waà kpé-po-wùɖùɔ̀ dyɛ̀ìn ma Gèɖèpɔ́ɔ̀.

Ti ɓɛ́ dyúɔ̀ ɖǎ ma mú tɔɛɛ, màaɔ̀ ɖú ma ɔ dyí, ké ɔ kpa ma ɔ Féwòɖòɛ̀ dyú-mààɔ̀ gbo ɖe, ké ɔ zɛ̃̀ìn ma Féwòɖòɛ̀ dyú-mààɔ̀ dyú mú. Ké Féwòɖòɛ̀ dyú-mààɔ̀ jǔìn ma dyúɔ̀ Mózè-nyɛ̀nɛ̀, sepóɛɖé ɔ ɖá, “Ḿ zà ɔ níɔ.”

Ké Féwòɖòɛ̀ dyú-mààɔ̀ cɛ̃ɛ ma ɔ gbo, ké ɔ ɖá, “Ɖú dyú-pɛ̀ɖɛ̀ nìà kɛ dyí, ɓɛ́ m̀ ké ɔ gmɛ̀ìn ɓó ḿ bìì, ké ní mu m̀ pɛ́ɛ̀ìn.” Ɔ jèɛɛ, màaɔ̀ ɖú ma dyú-pɛ̀ɖɛ̀ɔ̀ dyí, ké ɔ gmɛ̀ìn ma ɔ.

Púɛɛ, Féwòɖòɛ̀ dyú-màà ɖò dyi ma ɖé níɔ̀ wĩín, ɓɛ́ ɔ ké níɔ kpá. Ké ɔ gbo-nì-màà ɓěɔ̀ nì ma níɔ̀ wĩin nàǔn. Ti wa nì ma ɖé níɔ̀ wĩín nyɛɛ, Féwòɖòɛ̀ dyú-mààɔ̀ dyé ma tìě-ɓòɔ̀ ɖé tòǒ-gbǎɔ̀ mú. Ké ɔ ɖoɓo ma ɔ gbo-nì-màà ɓěɔ̀ ɖò, ké ɔ dyà ma tìě-ɓòɔ̀ ɔ gbo.

Ti ɓɛ́ Mózè ɖǎ ma nyɔ vɛ̀nɛ̀ jǔɛɛ, wé ɖòɛ̀ ɓaɖaa, ɔ mu ma ɖé dɛ̀ ɔ mìɔùn nììn nyɔ ɓěɔ̀ nì ma kà kɛ, ké ɔ dyé ma wa gana-kũ̀à nyuɛ. Ɔ dyéɛ ké Íjè-nyɔ̀ ɓěɔ̀ ɖò nì ma Híìbúɖúù-nyɔ̀ ɓě mɔ̀à ɔ mìɔùn nììn nyɔ ɓěɔ̀ kɛɛ ɖò ɓaɖauń. Ti ɔ ɖǎa ma dyéɛɛ, ɔ gmɔìn ma dyi. Ti ɓɛ́ ɔ se ma nyɔ kà kò ɖò dyéɛɛ, púɛɛ, ɔ ɖáɓá ma Íjè-nyɔ̀ɔ̀, ké ɔ vǐè ma ɔ xwɛ́ɔ̀ ɖé pĩ́ɔɔ̀ mú.