1
လံာ်တၢ်ကူၣ်သ့အတၢ်ကတိၤ 29:25
Sgaw Karen Common Bible
KSWC
နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.
2
လံာ်တၢ်ကူၣ်သ့အတၢ်ကတိၤ 29:18
တၢ်ထံၣ်လၢညါမ့ၢ်တအိၣ်နီတမံၤဘၣ်ဒီးပှၤဂီၢ်မုၢ်ဟးဂီၤဝဲ လီၤ. မ့မ့ၢ်ပှၤလၢအတိၢ်န့ၢ်ကစၢ်ယွၤအတၢ်သိၣ်တၢ်သီန့ၣ်, ဘၣ်ဆိၣ်ဂ့ၤဝဲလီၤ.
3
လံာ်တၢ်ကူၣ်သ့အတၢ်ကတိၤ 29:11
ပှၤလၢအသးတဆးတဖၣ်န့ၣ်ပျဲဟးထီၣ်အတၢ်သူၣ်ဒိၣ်သးဖျိးလၢာ်လၢာ် ဆ့ဆ့လီၤ. မ့မ့ၢ်, ပှၤလၢအအိၣ်ဒီးတၢ်သူၣ်ဆးသးဆးန့ၣ်အသးစူၤဒီးပၢၤ ဃာ်အသးန့ၣ်လီၤ.
4
လံာ်တၢ်ကူၣ်သ့အတၢ်ကတိၤ 29:15
တၢ်သိၣ်ဂ့ၤသီဘၣ်အနီၣ်တီၢ်န့ၣ်ဟ့ၣ်လီၤတၢ်ကူၣ်သ့လီၤ. မ့မ့ၢ်, တၢ်ပျဲဖိသၣ်အိၣ်ဒၣ်အတၢ်န့ၣ်ကဒုးမဲာ်ဆှးအမိၢ်လီၤ.
5
လံာ်တၢ်ကူၣ်သ့အတၢ်ကတိၤ 29:17
သိၣ်က့ၤဘှီက့ၤနဖိခွါတက့ၢ်. ဒီးနပာ်ကဖၢလၢနသးလၢအဃိ ထီဘိကသ့ဝဲလီၤ. တၢ်ဂ့ၢ်လၢအဝဲကမၤမဲာ်ဆှးနၤတအိၣ်နီ တစုဘၣ်.
6
လံာ်တၢ်ကူၣ်သ့အတၢ်ကတိၤ 29:23
တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.
7
လံာ်တၢ်ကူၣ်သ့အတၢ်ကတိၤ 29:22
ပှၤလၢအသးထီၣ်ချ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်ဒီး ဒုးအိၣ်ထီၣ်တၢ်ကီတၢ်ခဲအါမးလီၤ.
8
လံာ်တၢ်ကူၣ်သ့အတၢ်ကတိၤ 29:20
ပှၤဟးဂီၤဖိလၢအမၢးတဂၤန့ၣ်တၢ်မုၢ်လၢ်အိၣ်လၢအဂီၢ်အါန့ၢ် ဒိၣ်န့ၢ်ဒံးပှၤတဂၤဂၤလၢအကတိၤတၢ်တအိၣ်ဒီးတၢ်ဆိကမိၣ်ဆိကမး န့ၣ်တက့ၢ်လီၤ.