Amaokwu Akwụkwọ Nsọ Ndị Ama Ama siteré na 1 Корунттуктар 15

Kesaa

Ошентип, сүйүктүү боордошторум, олку-солку болбой, ишенимге бек тургула! Эгебизге күчүңөрдү аябай кызмат кылгыла: Ал үчүн жумшаган мээнетиңер текке кетпейт.

Бирок Кудайга шүкүр, Ал бизди Эгебиз Ыйса Машаяк аркылуу жеңишке ээ кылды!

Алданбагыла, «Арамдарга кошулган Өз ыйманын жоготот».

Бирок Кудай мага ырайым этип, азыркы даражага жеткирди. Кудайдын мага кылган ырайымы текке кетпестен, мен кайра алардын баарына караганда көбүрөөк мээнеттенип иштедим. Арийне, эмгектенген мен өзүм эмес, мени колдогон Кудайдын ырайымы.

«Кана, ажал, кайда кеткен жеңишиң? Кана, ажал, чакчу ийнең кайда эле?» Ажалдын чагып өлтүрчү ийнеси күнөө болсо, күнөө өз күчүн мыйзамдан алат.

Кулак төшөп уккула, силерге купуя сырды ачып берем: биз баарыбыз эле өлбөйбүз, бирок баарыбыз толук өзгөрөбүз. Бул акыркы кернейдин үнү угулары менен бир заматта, көз ачып жумгуча ишке ашат. Кернейдин үнү жаңырганда, өлгөндөр тирилип өлбөс болот да, биз өзгөрөбүз.

Ажал бул дүйнөгө адам аркылуу келгендей, өлгөндөн тирилүү да адам аркылуу келди. Адам ата аркылуу баары өлүмгө дуушар болгондой, Машаяк аркылуу баары түбөлүк өмүр алышат.

Анткени мынабу чирип кетер денебиз чирибес, өлө турган денебиз өлбөс болуп калууга тийиш.

Бүт душмандары жеңилип, бут алдына жыгылгыча Машаяк падышачылык кылат. Жеңилип жок болчу душмандардын акыркысы болсо – өлүм.