Amaokwu Akwụkwọ Nsọ Ndị Ama Ama siteré na She Lukyeendo 23

Kesaa

“Muli ni khukhuuntsisaaya ise senyene, uuli Umukasya Wele weenywe. Kane imbawe tsikhabi tsye khuuba ni kameetsi kamakali ni khuuba ni biilyo biikali. Naluundi kane ise imbarusekho inywe tsindwaale tsoositsana. Mbaawo umukhasi ulituumisa she muunda ta, namwe uliba umukuumba mwinywe ta. Buli mutweela alimenya khukhwoolisa n'ahangaalila ilala mu miiko kye buukhulu.

“Ari bona, ise ndikho indumana malayika khuutsya iburaangisi weenywe. Niye anabatseeta inywe khu ntsila yeenywe, naluundi abayile aboolise mu shifwo sheesi ise namala khaale khuubarengarengekhela inywe.

Nga inywe mwaarekeeresile naluundi nga mwaakholile ibyo byoosi byeesi niye abalomela inywe, kane ise isoolanise baasiku beenywe ni kamaani kamakali naabi.

Ukhaloondelelatsaka busa sheesi babaandu babaandi, abe baakhaba baakali baryeena sheesi baloma, nga uwayo bujulisi mu musaango ta. Uli ni khuukanikha bya ŋali. Nga uwayo bujulisi, ukhaba khu luwaande lw'omutaambi bari khulwekhuuba ali umutaambi ta.

“Ukhakanikhatsaka bubeeyi khu baandu babaandi ta. Ukhawaanayo bujulisi bwe bubeeyi nga ulikho ukana ubisebise uyo uuli ni kumusaango ta.