Amaokwu Akwụkwọ Nsọ Ndị Ama Ama siteré na She Lukyeendo 10

Kesaa

Umukasya waalomela Musa ari, “Kobolayo isi Faraawo ni babaandu beewe, khulwekhuuba baaminyaaliile ise, nio shikile ikhole bye kamakaanga bino byoosi mu shibala shaabwe. Shino shakholikhile nio shikile inywe muboolele babaana beenywe bye kamakaanga bino, ni saambo isi ise imbirisilemo ba Misiri. Nashiryo kane boosi bamanye bari ise ndi Umukasya.”

Kila Umukasya alomela Musa ari, “Kolola kumukhono kwoowo ukuloselele mu ngaaki, nio ibewo shishiilima shikali shimaliyise Misiri yoosi.” Aryo Musa waakolola kumukhono kweewe khuukuloselela mu ngaaki, waakila abawo shishiilima shikali naabi mu Misiri yoosi, khuumala biifukhu bitaru. Mu mbuka yino yoosi, ba Misiri baalekha khubona bashaabwe ta, namwe baalekha khurura mu ntsu tsaabwe ta, khuumala biifukhu bitaru. Ne ba Isiraeli isi baaba yaba iliyo buwaanga.

Nashiryo Musa wawaamba imiimbo yeewe waakyokeselela khu Misiri, waakila Umukasya waasiindikha ikhuungu yaawuutsa mu Misiri mwoosi kumuusi ni shiilo, nga yaama ibwaamanyaanga. Bwatsya khusya kumutikhinyi, nga tsiisike tsyetsuule buli aandu oosi. Tsisike tsaaba nga tsyetsuule buli aandu, ni babaandu mu Misiri abeele bashiili khubonatsakho tsiisike tsingali nga tsino ta. Naluundi siyaabatsakawo tsiisike tsingali nga tsino tsiri mu Misiri luundi ta.