Amaokwu Akwụkwọ Nsọ Ndị Ama Ama siteré na Rom 8

Kesaa

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

N jemɔ kɛŋɔ wobɛlbwa toole dɛ tɔ yaa ŋwɛnɛ waa wola ya waa nyina ba. Seo kɛɛ mkpa aa won tɔ yaa ŋwɛnɛ. Nyundua toroma kɛɛ Bɔnsam toroma aa bea yaa wola an na aa won tɔ yaa ŋwɛnɛ. Waa aa dɛ ɛ fini nɔ kɛɛ anɔ la aa dɛ ba ɛɛ kerekere ɡe aa won tɔ yaa ŋwɛnɛ. Kwaa aa dɔ kpeɡri bɛlbwa sese ɡe aa won tɔ yaa ŋwɛnɛ. Komɛlbwa toole dɛ do nyundua kɛɛ harɛ bobɛlbwa dɛ́ won tɔ yaa ŋwɛnɛ. Korowii kontaala bini komɛlbwa toole dɛ́ won pere yaa le Korowii nyina aa cheɡɛ ya Dɔɔ Yeesu Kristo nɛɛ wɛɛ nyin yaa la ta.

Gɛ ya hwɛɡa yaa dɔa la aa lawɛ yaa ya wahala bwa bini la, ɡɛɛ Korowii Domadɛɛɡe ɡee cha yaa, dɛkalkɛŋɔ ya yarada aa kanɛ. Yaa jemɛ ɡɛ aa chɛ kɛ yaa soŋe Korowii kwara. Korowii Domadɛɛɡe soŋɔ dɛɛ tɛ yaa sum ne, nɛn aa wola won baɡle kwara.

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Taraken nɔ nɛra ba ne Yeesu Kristo aa pɛa la te aa bolchɔɡe dii ba ba tɛr ba deŋne.

He kpɔ liire do nɛwɛnyini mar nɔ liichɔɡa waa ta naa, he ne sewee. Kɛ he kpɔ liire do Korowii Domadɛɛɡe tetoowaa ta naa, he dɔ mkpa dɛ dɔ deŋnesɔɔhna.

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

Wahala nɔ yaa dɛ na taraken nɔ, he nyiŋi som yaa dɛ ba nae kerekere la aa, a ta wahala ɛɛ kwaraa.

Bɔkwaa dɛ won pere ya ne Yeesu Kristo baah waa wola ya waa nyina ba kpaɔ? Noe aa dɛ no yaa kɛɛ wahala yaa dɛ na, kɛɛ cheɡa nɛra aa cheɡɛ ya nɛ, kɛɛ lɔr, kɛɛ nyaa, kɛɛ dɛ ya cheɡɛ seo nyoa o, kɛɛ sewɔ?

Korowii te jemɛ nɛn bambile bini waa bwa, dɛ jemɛ o Domadɛɛɡe la nyu bini, dɛkalkɛŋɔ ɡɛ Korowii aa dɛ nyin la, ɡɛɛ o Domadɛɛɡe la soŋo dɛɛ tɛ o nɛra ba wa aa toɡra.

Nɛra baa kpɔ ba te tɛ Korowii Domadɛɛɡe wɛɛ baɡ ba ŋwɛnɛ la, Korowii biirii ban.

Nɛra baa dɛ teŋɛ nɛwɛnyini mar liichɔɡa aa suu nɔ tetoowaa ta la, a taa ba ɡe liire do. Nɛra ba ɡe aa dɛ teŋɛ Korowii Domadɛɛɡe waa ta la, a taa ba liire do.

Nɛn waa wola yaa o Bie kwaraa vɔmɛ, dɛ koh ya bwa waa kpɔɔ do nɛwɛnyina nɔn ta ba kpoo la, bɔkwaa bala waa wola tea ta dɛ́ tɛ yaa komɛlbwa dɛ ja o Bie la nɛɔ?

Korowii Domadɛɛɡee yon ɡel ya jemɛ ya bambile bini kɛŋɔ Korowii biirii yaa. Yaa ɛ Korowii bii nomanta, dɛ ya sɛoh dɛ na wahala Yeesu Kristo aa naa la aa, ya ɡee di o kapɛrɛɛ kɛŋɔ Yeesu Kristo aa dɛ di la, ásɛ Korowii kpɛɛ yaa ɡɛ waa kpɛɛ Yeesu Kristo la.

Nomɛlbwa waa kpɔ o liire do bwadabii waa ta dɛ ɡwaa wobɛlbwa la, o som laa Korowii, waa Korowii Mmara ta teŋɛ. Waa won teŋɛ Korowii Mmara ta ɡe bwa.

Korowii kontaala bwa siwi swɛɛrɔ aa kpa tɔɔ la wee Korowii aa baɡle nɛra baa ɛ o bii la.

Ya jemɔ kɛŋɔ ba le fini, Korowii kontaala bwa bwara dɛ nyɛɡ, aa pɛmɛ kɛŋɔ lol tea aa lɔ haah o yon dɛɛ pɛmɛ la.